maktuik : joão maria cristo rei · 2016. 3. 3. · autór: joão maria cristo rei edisaun...

Ga’u

Manau go dirin no go liin rarahik

Maktuik : João Maria Cristo Rei

Ga’u

(Tetun: Ha'u)

Lian: Galolen

Autór: João Maria Cristo Rei

Edisaun ne'e 2012

(c) João Maria Cristo Rei

This book is made available with the support of the University of Melbourne.

Li sasaro Li Kahorik no ni Literatura eletan parte nehe do’i kultura nasionál no eletan símbolu rahahi’in dirir (orgullu) no ilaik rea nehe nin, Li Kahorik (Lian Inan) o eletan ilete (ponte) roko rodi komprende valór, norma, regulamentu, lisan nst. Maitoo mia era globál ele ruk agora le’i Li Kahorik no ni Literatura nene mamesar do’i evolusaun nehe main nabalesu mia komunidade ni let. Do’i ilan tini atabauk nenehek tenki nene edukasaun li do’i Li Kahorik, ele ilan, faktór transmisaun entre derasaan eletan faktór importante roko rodi ranatu li nehe ni mamorin. Ga’u fiar hinila gita to’un li irua (bilíngue) e li wawa'i (multilíngue) la’a atabauk agora megan eletan akat estratéjiku roko forma atabauk tolerentu no edukadu, naka lo’e no dezenvolve atabauk ni koñesimentu nehe main mia megan no nalihu e nalateha siensi aeheu (modernu) no armonia, natatoon, eletan kultura atabauk nin. No rezan sia ilan tini, ga’u rigur ga dirik odi tui libru nehe le’i odi kontribui no ajuda mestri sia no odi fasilita alunu sia roko komprende lalan li tan materi e lisaun nehe main mestri sia to’un. Do’i li kahorik ne peraan nodi nanahiit e nadaha emosaun no sosiál eskolante nehe nin.

Tatui libru GA’U la’a ensinu báziku eletan esforsu maktuik niniin noko kompleta materiál ensinu todi alkansa objektivu aprendizajen li Tetun no Portugués mia nivel báziku. Gita sa’odi totus bu’a, tatui libru nehe le’i noko domina estilu makdalen ka matetek Li Kahorik (Lian Inan), te bukan matetek (falante) nativu li Galolen. Ga’u tui libru nehe le’i, laido’i koñesimentu no gananauk eletan itobu Galolen anan e Timór anan nehe. Maksanik (leitór) no maksi’ak (utente) nahula, manhalin ga’u heti, mi roko ne sujestaun konstrutivu hain eletan bahan oko odi adi’a tatui nehe le’i, I ga’u ea libru nehe le’i baluri nariku materiál ensinu nin mia matéria ensinu Li Kahorik. I’uk mai ga ne obrigadu no agradese waki rais la’a ga babatak no ga anak sia nahula no ajuda sia nir ga’u baluri asoruk libru nehe le’i.

Manatuto lelon 25 hulan Hetan ton 2012

Maktuik,

Joao Maria Cristo Rei

Ga’u amoras banku.  

Ga’u anan rama.  

Ga’u ablihuk no bola.

Ga’u abuu balaun sabaun wen.  

Ga’u dahar radi.  

Ga’u eu.  

Ga’u enu we.  

Ga’u ena.  

Ga’u getu ai-hunan.  

Ga’u ha’as ai.  

Ga’u kais.  

Ga’u kuda ai-anan.  

Ga’u lai ahoit.  

Ga’u lo’e konan.

Ga’u mali.  

Ga’u nesu.  

Ga’u rei ai-talin.  

Ga’u sar rea.  

Ga’u sole.  

Ga’u suri papagaiu.  

Ga’u sa’e ai.  

Ga’u soru gerobak.  

Ga’u tui.  

Ga’u u’an masán.  

Ga’u unu atabauk.