esto no ye un libro

7/18/2019 Esto no ye un libro

http://slidepdf.com/reader/full/esto-no-ye-un-libro 1/47

ESTONO

YEUN

LIBROMARÇO – JUNYO 2015



2

HAIKUS



3

Ricuerdo. Suénio.

Dende l’augua. Ta l’augua.

Mar. Rio. Pluya.

[publicato lo 12 de junyo de 2015]



4

Puro renaixco.

Esta pluya de junyo

lava o ricuerdo.

[publicato lo 10 de junyo de 2015]



5

Torna l'aloda.

Viene, bailemos juntos.

No existe o tiempo

[publicato lo 15 de mayo de 2015]



6

Ya viello, torno.

Una envista d’auséncias

teix a jonçana.

[publicato l’11 de mayo de 2015]



7

Nos femos viellos.

Se repite o ricuerdo

ya sin nusatros.

[publicato lo 7 de mayo de 2015]



8

pasa o refleixo

o rio nos olbida

torna o siléncio

[publicato lo 7 d’abril de 2015]



9

Tarde d’auséncias.

S’atura o tiempo, calla,

se fa memória…

[publicato lo 6 d’abril de 2015]



10

A tuya voz

(ahiere-hue-manyana)

anula o tiempo

[publicato l’1 d’abril de 2015]



11

que esboten flors,

paixarelas, cancions

en toz os lábios

[publicato l’1 d’abril de 2015]



12

VERSION A

Torna l'ahiere.

Esta tarde de março

te quiero encara.

[publicato lo 30 de março de 2015]



13

VERSION B

Me quiers encara:

esta tarde de março

torna l'ahiere




14

Dica esta plaja,

canso, inrematato,

torna o mar siempre




15

NO HAIKUS



16

Ye viernes e viageo en tren.

Per un momento torno

t’a mia infáncia, os pocos

viages que alavez févanos,

o juguete que nunca no tenié,

plegar con muito tiempo en a estacion

fierro, fumo, carbon,

a prisa de mair, toz os niervos,

asperar impacient en a estacion,

branquil enta atro mundo,

asperança e promesa,

l’accion, o movimiento,

pegar a cara en a finestra,

veyer-lo tot, veyer-lo

nuevo, efimero, libre,

almirar-lo tot, siempre,

a commocion d’o tiempo,

que no remate a via,

que no remate o viage,



17

que no siga hue viernes,

que no siga yo un viello

que viagea entaçaga.

Que no remate a vida.

[Publicato lo 28 de março de 2015]



18

Ye de nueis. En o tren aduermen

os atros pasagers e yo,

amoniquet, sin luz quasi,

embacilato leigo un libro

sobre mullers sin suerte,

sobre un país sin suerte:

Aliide e Zara, Ingel e Linda; Estónia…

E leigo embacilato

e remato a novela.

Pienso en o títol: Puhdistus …

cómo diria Puhdistus en aragonés?

Lo sabria decir en espanyol,

en inglés, en francés, en catalan,

en italiano… pero,

porgadura?, porgau?

qué parola faria servir en aragonés?

Ixe idioma sin suerte.

[Publicato lo 29 de março de 2015]



19

Me dicen Marie Smith Jones, pero yo me digo Udach' Kuqax*a'a'ch; Un-sonito-que-grita-a-la-gent-dende-luen, ixo ye o que o mio nombre significa.

Me digo Udach' Kuqax*a'a'ch. Naixié o 14 de mayo de 1914, en Cordova,Alaska. Moriré o 21 de ginero de 2011, en Anchorage, Alaska. Soi a zaguerUnalakmiut no mescliça. Unalakmiut ye o nombre d’a mia nacion, encara quevusatros, encara que toz, nos digaz eyak.

Me digo Udach' Kuqax*a'a'ch. Dende que a mia germana morió, soi a zaguercharradora nativa d’eyak. O eyak sera a primer lengua nativa d’Alaska ques’amorte. Atras 19 lo seguiran. Ixo dicen os expertos.

Me digo Udach' Kuqax*a'a'ch. Quan yera nina, no nos dixavan charrar anuestra lengua en a escuela, “ixe parlage de béstias” decivan. Asinas se iva

morindo. Poquet a poquet, coraçon a coraçon. Manimenos, bels hombresblancos venivan con magnetofonos e nos fevan charrar pa gravar-nos. Metenevan farta e no les feva mica caso, a verdat. Pero dimpués, muito dimpués,a mia germana morió, como hevan muerto mis pairs e toz os mios, e aszagueras quince anyadas d’a mia vida ya no me quedó con qui charrar-lo, oeyak. E qualcosa se dispertó en l’almeta mia.

Me digo Udach' Kuqax*a'a'ch. Mi pair yera pescataire. Pescataire tamien fuel’hombre mio. Yera blanco. William F. Smith, asinas le decivan. Nos casemos o5 de mayo de 1948. Teniemos nueu fillos, seis me sobrevivion. Nunca no les

charré en eyak e nunca no l’aprendion. Asinas yeran as cosas alavez: “ixe



20

parlage de béstias…”.

Me digo Udach' Kuqax*a'a'ch. Naixié o 14 de mayo de 1914, en Cordova,Alaska. He charrato en as Nacions Unitas. Bi he charrato d’a muerte d’a mia

lengua, d’a fin d’as nuestra selvas. “Lis” le digo a o guallardo árbol conico,“Ge.c” le digo a l’aspra radiz suya. He charrato en as Nacions Unitas. Dosvegatas. Este idioma que solo que en o mio coraçon traqueteya. Tamien hecharrato con Dios, e con yo mesma, toz os dias. Este idioma que solo que en omio coraçon s’esmorteix.

Me digo Udach' Kuqax*a'a'ch. Moriré o 21 de ginero de 2011, en Anchorage,Alaska. Moriré en esta mesma casa dende an que veigo o “lis” de fuellasverdas, o “ts’AxeeL” de negras alas. E me’n foi a rialleta, trista, perque, agora,solo que yo sé que a parola “Kultah” nombra la fuella e tamien l’ala. Solo que

yo sé, pienso trista, que os árbols caducifólios e os paixaros comparten amesma vida organica. Igual como que solo que yo ricuerdo lo viello tabú quedemanda mantener deseparatos a peixes e animals e vieda cusir escama depeix e pelleta d’animal en o mesmo gambeto.

Me digo Udach' Kuqax*a'a'ch. De buen implaz he dixato que Michael E. Krauss,que veniva d’a Universidat d’Alaska, en Fairbanks, me gravase cantando echarrando. Horas e horas de ricuerdos e olbidos. De buen implaz. Como tamiense dixon gravar Lena Saska Nacktan e Anna Nelson Harry. E agora tenemosun diccionário con més de 10.000 vocables. E una gramatica. E progectos que

ya fan garras. E Barbara Sappah, una d’as mias nietas, se’n ha feito cargo



21

d’uno. Pa que o mundo no remate encara. Pa que yo me diga Udach'Kuqax*a'a'ch; Un-sonito-que-grita-a-la-gent-dende-luen, ixo ye que o mionombre significa.

[Publicato lo 3 d’abril de 2015]



22

De pescata con os nietos. Feliz de veyer-los felices. Acordar-me d'a miainfáncia, quan tota situacion yera una aventura, quan tota situacion yera unasorpresa.

De pescata con os nietos. Jugar con as piedras, con os palos, fer una casetaentre os árbols... Nobles salvages antes de que a civilizacion nos emporquie.

De pescata con os nietos. Exploradors d'un território sin costumbres, cavallersd'un reino per dragons e bruxons menaçato.

De pescata con os nietos. Feliz de veyer-los felices. E tamien ixe chiquetegoïsmo de querer dixar sinyal en a suya memória, bayo en os suyos suénios.




23

A MI FILLA (1)

Te veigo, encara hue, como alavez,

como siempre. Con ixa mirada esmaliciada,

como d’animal engalçato,

que t’enfosca la cara e que t’aluenya.

Como si o mundo, siempre, encara,

t’enrestise e negase e fese mal.

E aspero, con pacéncia,

tot o tiempo que calga,

ixe momento en que t’espiguardes

e a dulçura d’a tuya risiqueta,

dandalosa en primeras,

bogal dimpuesas,

amuestre quí yes tu. En veras.

Ixa nina que fues,

esta muller que yes,

que me roça la man

e o pelo m’afalaga



24

e me dice a bonico:

te quiero muito, papa.

Encara hue. Como alavez.

Como siempre. Mi filla de l’alma.




25

Ir-me-ne t'o mont con os nietos. Fer-ie o javalin. Redir, jugar, minjar ensalada ecarne asata, jugar, cansar-se, jugar, escamallar-se, jugar, redir...

Bi ha dias que uno repetiria de contino.

Bi ha dias que son o paraïso.

[Publicato l’11 d’abril de 2015]



26

Engalçato, talment

barrenato, m’amago, m’atrinchero

armato con bels quantos repertórios

lexicos incompletos,

chiquez vocabulários de l’olbido,

e disparo parolas d’asperança,

disparos d’amor charro,

cuentra l’auséncia, cuentra o siléncio.

Furnito con silabas

de resisténcia, os lábios

me’n pleno de vocables

que as línias enemigas crucen

dica una boca que los torne besos.




27

Torno. Torno t’a casa

an que t’amé. Ye atra agora

a suya luz, e atras son agora

as cosas que perfila de maitino

o suyo tacto etério.

Manimenos, encara ye posible

debuixar-te en os racons,

ixolomar o bayo que tresminan

os mirallos muertos sin mercúrio,

ascuitar as parolas que resonan

en as parez crebaçatas d’a falsa;

pero solo un momento,

tasament un segundo

d’infinita auséncia

que s’acofla pa cútio en a memória

que a o coraçon pervive.

Dimpués callas, te’n vas de nuevas

dixando-me un desierto

que no cruça l’olbido.




28

Hue no toca facebook. Hue toca o mundo real. Vienen os nietos a minjar tacasa. Toz os quatre. Me dixaran o piso feito una corraleta e o coraçon sisantaanyos més joven. Fer-se viello pa poder tornar a estar un nino. Asinas ye a

vida. Hue no toca facebook. Hue toca o mundo real.




29

Canso.Escamallato.Contento.

Esto ye a vida,pienso.Cansar-se.Escamallar-se.Fer-se contento.Tamien en bi ha de penas.Prou que sí.A saber-las.Pero ixas no las decides,

te se’n vienen solas.T’enristen.T’emburçan.T’estricallan.Per ixo, agora,ye menister cansar-se,escamallar-se,fer-se contento.Ye menisteragora, con anglúcia,

en plenar-se de canseras,



30

d’escamallos,de goyosYe menister agora,a tota hora,arreplegar-se de vida.E, con anglúcia,compartir-la.




31

ixas horas d’a tarde

de luz tan imprecisa

como beroya trayen

dica nusatros voces

d’atros mundos imagens

de dias siempre vivos

ye o preu que cal pagar

aquels d’os nuestros que se’n fuen

encara inrematatos aspros

dellá de l’horiçont

como una dubda tornan siempre

imprecisos beroyos de tardada

quan a luz ye espácio ye tiempo

e ya no somos fuemos u seremos

que una voz aspra que una dubda d’otri




32

Te fallan as parolas.

Per cada dia més a sovent

te quedas uns segundos

quieto, como sin d’aire, tresbatito,

sin poder trobar o nombre d’as cosas,

o ricuerdo d’as gents que te saludan.

Quiers sacar-le importáncia,

chiquez olbidos de chiquetas cosas,

pero sabes, pero sientes, que ye

una premonicion d’a muerte.

U de qualcosa mesmo pior.

E te’n rides, encara que tiens miedo.

Te’n rides perque tiens miedo

d’a muerte, d’a locura.

Més que més d’a locura,

no pepiar, per favor, no pepiar nunca.

E miras de meter remédio.

Leyer. Escrivir. Ir ta museus.

T’o cine. T’o teatro.



33

Ta conciertos. Sentir mosica.

Amar. Més que més, amar.

Encara que siga con miedo.

Amar muito. Amar siempre. Amar

pa soportar o miedo.




34

Ent’a part d’o verano torna

o ricuerdo d’o rio.

Astivant, a l’alcance

d’a tuya man, bi ye. Límpio

como a luz que este quarto invade agora.

E te ficas de nuevas

en as auguas d’a tuya joventut.

E n’a plaja secreta

te gitas de memória. Encara.

Como alavez. E callas,

como alavez callavas.

Solo fas promenage

a o suyo canto, nina

de cabellos d’oro, de uellos

de cielo. No t’atrives

ni a roçar-la sisquiera

con a tuya parola folanga.

No t’atrives sisquiera

a desfer ixa mágia



35

que desafida e vence o tiempo

e torna, e te’n torna,

t’o ricuerdo d’o rio.

[Publicato lo 6 de mayo de 2015]



36

quan yera nino sabeva muitas cosas

sabeva per eixemplo

que en bi ha de païses

plens

d’onsos polars

blancos como a nieu

perque minjavan

estrelas os dias de fiesta

sabeva que crocanti

ye una parola magica

e que si la deciva amoniquet

me tornava

o millor trapecista d’o mundo

sabeva tamien

que en bi ha de puents

que no unen puestos

sino momentos

e que podeva cruçar-los

quan quereva dar-le un beso a mama



37

sabeva muitas cosas

que olbidé

poquet a poquet

demasiato apriseta

cosas

que miro hue de ricordar

pa contar-les-ne

a os fillos

d’os mios fillos

e poder cruçar

agora

de trapécio en trapécio

o puent que me leve

t’o país d’os onsos

d’estrela de nieu

e dar-les un beso

de dia de fiesta




38

Pienso en a muerte.

Encara, per agora,

en muertes d’otri.

A muerte d’Arquimedes,

minjato per es cans

en Macedónia.

A muerte de Li Bai,

afogato en as auguas

d’o rio Yangtzé

mientres mirava,

capino, d’abraçar

o refleixo d’a luna

A muerte d’Anton Chéjov

en Badenweiler

que a suya muller, Olga,

detallaria,

novelaria,

en as memórias suyas.

Pienso en a muerte.



39

Encara, per agora,

como en un can,

como en un rio

como en un libro.

Pienso en a muerte.

Encara, per agora,

sin creyer-me que existe,

que tendrá o mio nombre.

E lo tendrá pa cútio.




40

UEITO COSAS QUE M’ESTOMACAN

1. Os mimos.

2. Os emoticonos.

3. O typex.

4. Os hashtag.

5. A subcultura hipster.

6. O concepto fenomeno viral.

7. Os selfies.

8. As campanyas electorals.

conque este maitino he decidito no fer parte d’o mundo

me’n voi he decidito

ir-me-ne t’as cancions de Franco Battiato.

tornar-ie.

per fortuna il mio razzismo non mi fa guardare

quei programmi demenziali con tribune elettorali

bandiera bianca




41

A MI FILLA (e 2)

Una pluya d’agüerro

se fa cargo d’o mundo.

Freda ye a tarde e os ricuerdos

buscan a calor d’a tuya riseta

intemporal. Siléncio.

S’amorta o dia. Somos

augua, escureldat, tristeça.

Qué diferents agora i somos!

Dixo que a mia man alcance a tuya

e una pregunta foi: me necesitas

encara?

Te necesito siempre.

E con ixo ye prou.




42

A bonico, o cuervo baixa

dic’a mia memória

e o suyo niedo i fa.

Luego i cria os suyos fillesnos:

cinco pollez esganguillatos

que pareixen a muerte.

O cuervo les da cucos,

cullebretas, carnuços pa minjar.

Tamien fruitas, simients, lulos…

e creixen apriseta.

Negros como a locura

me se miran. Secuten

as suyas alas, grallan:

aprenden a imitar-me.

Agora, ya adultos, fan volito

e me dixan solenco



43

con o cuervo que torna

a fer niedo en a mia memória

con l’amabilidat d’un costumbre.

No pasa o tiempo, siguen os dias.




44

ASPERANÇA E CULPA

B’heva tamien chiquetas crepas

que dixavan pasar una clarior

ensoniadera; més que joven, nueva.

A posibilidat, quasi palpiable,

d’a fuyida feriva os nuestros cuerpos

dellá de tot deseyo,

dellá de tota culpa,

de vez que nos ligava a o miedo

—viello pauto de sangre e tierra—

infinito d’o nuestro pueblo.

En l’aspera —contina— no yéranos

que una repeticion d’os nuestros muertos.




45

BRANQUIL E RIO

Se i sentiva o siléncio

suyo como un ixambre

de uellos en a espalda.

Yeran muitos. Plenavan

de uembras o maitino.

Acusacions. Menaças. Miedo.

No me digaz quán, pero vencion.

Ódio. Sospeita. Muerte.

Ni sisquiera una crepa en a paret

pa guardar-ie un poquet de primavera.

Costumbre e soledat. Cangrena.

Rutina e fástio. Vidas

aplaçatas, pacinas.

L’asimetria yera o suyo orden.

A suya geometria d’anglos rectos

e línias discontínuas

aplanava o paisage e a memória.



46

Marchávanos solencos. Gullibaixos.

Sin atra asperança que l’aspera.

Nos los cruçávanos d’espeso.

Balloquers. Enatiços. Cruels.

En a suya mirada

a pluya siempre i yera grisa.




De maitino, se mesclan os ricuerdos

viellos con a memória nueva

e l’auséncia se fa palpiable:

Tota la gent que aquí amé son muertos.

No puedo ni an roçar-los

con estas mans chaquientas, tremolosas

que ya no agafan res.

A sovent, tornar ye

como pedir perdon,

como reconoixer a redota,

como trencar una promesa.

Cómo fuyir agora?

Cómo seguir fuyindo agora?

De bella traça, torno

como un fillo prodigo

a o que ya no l’aspera garra pair.

[Publicato lo 3 de junyo de 2015]

esto no ye un libro

Documents