Udako gidaAutorez autore eta adinez adin, uda pasatzeko liburu berriak eta ez hain berriak.

Helen Oxenbury, Juventud arg. BartzelonaHaur txikiekin partekatzeko liburutxoak. Haurraren eguneroko bizitza islatzen dute, sekuentziaz sekuentzia. Haurrari laguntzen diote eguneroko ekintzak hizkuntzaren bitartez ordenatzen.

Anne Gutman eta Georg Hallensleben, Mira, mira bilduma. Juventud arg. Bartzelona Liburutxo hauek nozio desberdinen inguruko jolasak eskaintzen dizkiote haurrari. Hitzik gabekoak dira eta ilustrazio bereziak erabiltzen dituzte.

Jonasen ipuinak. Juan Kruz Igerabide, Aizkorri arg.Ipuinez ipuin Jonas nola hazten den erakusten digu autoreak. Hazkundeak ekartzen dituen emozio eta sentsazio bereziak sentituko ditu Jonasek, eta haien aurrean, ahal duen moduan kokatuko du bere burua. Beldurra, inbidia, jeloskortasuna, etab. jabetuko dira Jonasez, kolpez kolpe...

Pat Hutchins, Pamiela- Kalandraka arg.Voyer baten begiradaz eskaintzen dizkigu autoreak eszena dibertigarriak: koloreari nahiz aurkezten dituzten egoerei dagokienez. Elementuak behin eta berriz errepikatzen dira, kontakizunaren lagungarri. Behaketa eta kontaketa uztartuz, irakurketa dibertigarriak partekatzeko liburuak dira.

Beatrice Rodriguez, El zorro rojo arg.Hitzik gabeko kontakizun luzeak eskaintzen dizkigute bi liburu hauek. Pertsonaien arteko harremanek ezusteak eta irribarrea sortzen dute eszenaz eszena.

Arnol Lobel, Kalandraka, Pamiela-Kalandraka arg.Autore honen liburuek xarmaz beteriko kontakizun xamur eta sinpleak ematen dizkigute aditzera. Ilustrazioen eta testuen arteko uztarketa azpimarratu, eta kontakizun ederrak sortuko dira haur txikiekin partekatzeko eta irakurtzen duten haurrek beren lehenengo liburuak irakurtzeko.