lidera -junio 2018...trompeta-dos-mortos”, pratos principais coma “níscalos con coello de...
TRANSCRIPT
L ID E R A R E V I S T A D E O P O R T U N I D A D E S D E E M P R E G O E
E M P R E N D E M E N T O X O V E T R A N S F R O N T E R I Z O
SEGUNDA EDICIÓN
DO CURSO DE
AXENTES DE
COOPERACIÓN
COOPERACIÓN
GALICIA - NORTE DE
PORTUGAL
Nº4 - Xuño 2018
Xuño 2018
Nº4
Os alumnos da 2º edición do Curso de Axentes de Cooperación Transfronteiriza presentaron as súas accións de visibilidade Acción de visibilidade do Curso de Axentes de Cooperación Transfronteiriza: A saia da Carolina Acción de visibilidade do Curso de Axentes de Cooperación Transfronteiriza: Uma Fotografía, Um Sentimento Acción de visibilidade do Curso de Axentes de Cooperación Transfronteiriza: Guía Práctica de Irmandamentos Transfronteirizos para Centros de Educación Primaria e Secundaria
Acción de visibilidade do Curso de Axentes de Cooperación Transfronteiriza: Literaturas Irmás Acción de visibilidade: ‘Cociñando cogumelos transfronteirizos’
3
5
6
7
8
9
Acción de visibilidade: ‘Falsos amigos’ Acción de visibilidade: Un arquitecto portugués na Galiza
Acción de visibilidade:
‘Cooperação Transfronteiriça’
Clausura da segunda edición do Curso de Axentes de Cooperación Transfronteiriza
www.fundaciongaliciaeuropa.eu
10
11
12
13
Os alumnos da 2º edición do Curso de Axentes de
Cooperación Transfronteiriza presentaron as súas
accións de visibilidade
Santiago de Compostela, 5 de
xuño de 2018. A Fundación Galicia
Europa organizou no marco do
proxecto LIDERA, financiado polo
programa Interreg V A España-
Portugal 2014-2020 (POCTEP), a
segunda edición do Curso de
Axentes de Cooperación
Transfronteiriza, que ten como
obxectivo dar a coñecer aos seus
participantes as distintas
alternativas de programas que
existen na Unión Europea para
financiar proxectos de cooperación
transfronteiriza, e as claves sobre
como redactar unha candidatura
para presentarse aos mesmos.
Os alumnos do curso, como parte
do programa, realizaron diferentes
accións de visibilidade para dar a
coñecer a zona fronteiriza de
Galicia e Norte de Portugal.
Entre as mesmas podemos atopar
o libro de cociña “Cociñando
cogumelos transfronteirizos”, un
compendio de receitas elaboradas
con cogomelos da zona ou “Un
arquitecto portugués na Galiza”,
que a través de diferentes
acuarelas dá difusión á obra do
arquitecto portugués Álvaro Siza,
que destacou a “histórica amizade”
entre Galicia e Portugal.
Tamén nos podemos atopar con
“Uma Fotografía, Um Sentimento”,
que busca dar visibilidade á
Eurocidad Valença-Tui a través
das redes sociais ou con “A saia dá
Carolina”, na que unha cantante
galega e outra portuguesa cantan a
emblemática canción nas súas
dúas versións, portuguesa e
galega.
Contouse tamén cunha acción que
consistiu na elaboración dunha
audio guía para o tren turístico que
existe en Monção e Salvaterra, e
con outra que resultou nun xogo
de memoria de falsos amigos das
linguas española, galega e
portuguesa.
Outra das participantes elaborou
unha guía de irmandamentos para
centros de educación primaria e
secundaria, co fin de darlle difusión
a esta figura entre institucións
educativas; dous deles publicaron
artigos relacionados coa
cooperación transfronteiriza, e
unha realizou un vídeo poñéndoa
en valor.
Tamén se impartiu unha charla
relacionada con cooperación,
turismo e economía colaborativa
na Escola Superior de Ciências
Empresariais de Valença do Minho.
Acción de visibilidade do Curso de Axentes de
Cooperación Transfronteiriza: A saia da Carolina
Seguro que todos sabedes como seguen estes versos: “A saia de
Carolina/ ten una lagarto pintado”. Pero sabiades que en Portugal teñen
unha versión distinta da mesma canción? Coa súa acción de visibilidade,
Esperanza Mara Filgueira Rama demostra que a cultura, e en particular
a música, é un vehículo de unión e cooperación que non entende de
fronteiras.
Esperanza Mara, de Noia, ponlle voz á versión galega de “A saia da
Carolina”, mentres que a versión lusa corre por conta de Sónia Manuela
Machado, de Monção. Esperamos que desfrutedes da música, as voces
e a simboloxía neste marabilla de vídeo no cal a montaxe audiovisual se
realizou en cooperación con Alba V. Burke.
Pode acceder ao vídeo completo na seguinte ligazón: https://www.youtube.com/watch?v=UTqlpacrzPI&=&t=9s
Acción de visibilidade do Curso de Axentes de
Cooperación Transfronteiriza: Uma Fotografía, Um
Sentimento
En 2017, Salvador Sobral namorou a toda Europa co seu “Amar pelos
dois”. Un ano máis tarde, o seu compatriota Narciso Serra namorounos a
todos coa súa acción de visibilidade “Uma Fotografía, Um Sentimento”.
Utilizando os hashtags #eurocidadevalencatui e
#eurocidadeduasirmas, animou a tudenses e valençanos a partillar nas
redes sociais fotos e textos sobre a Eurocidade Valença-Tui. Así
demostrou que a Eurocidade, ademais dunha estrutura administrativa,
é tamén un sentimento para todos aqueles que a viven e aman. En
verbas de Narciso: “Por estas Terras me fiz gente, não há forma de
explicar, ser raiano é diferente, é outra forma de amar.”
Acción de visibilidade do Curso de Axentes de
Cooperación Transfronteiriza: Guía Práctica de
Irmandamentos Transfronteirizos para Centros de
Educación Primaria e Secundaria
Co fin de difundir a figura do irmandamento de cidades entre centros
educativos, María Morgade Cortés levou a cabo unha guía práctica
destinada a estes, na que se poñen de relevo as vantaxes de realizar
irmandamentos entre colexios e institutos localizados na zona
fronteiriza de Galicia e Norte de Portugal, e as posibilidades que existen
para financiar actividades e eventos no marco dos mesmos a través do
programa de financiamento europeo Europa cos Cidadáns, para o que a
guía inclúe un resumo paso a paso de como presentar unha
candidatura.
Acción de visibilidade do Curso de Axentes de
Cooperación Transfronteiriza: Literaturas Irmás
Tania Lago Míguez desenvolveu un proxecto de colaboración entre
bibliotecas de Galicia e Norte de Portugal co fin de darlle difusión ás
súas respectivas literaturas e chegar ao máximo número de lectores.
Para conseguir o devandito obxectivo elaborou un modelo de cartel no
cal as bibliotecas poden escribir as súas recomendacións, as cales se
expoñerán nas do outro lado da fronteira. Para darlle unha maior
visibilidade ao proxecto, Tania creou un perfil na rede social instagram
baixo o nome @literaturasirmas no que comparte tamén
recomendacións literarias galegas e portuguesas.
Acción de visibilidade: ‘Cociñando cogumelos
transfronteirizos’
A cooperación transfronteiriza non só se ve ou se sente, senón que
tamén se saborea. Así o demostrou, María Cabaleiro Alfaya, unha das
participantes do curso Axentes de Cooperación Transfronteiriza que a
Fundación Galicia Europa organizou no marco do proxecto LIDERA. A
súa acción de visibilidade só se pode calificar de deliciosa.
“Cociñando cogumelos transfronteirizos” é un libro de cociña que
emprega coma ingredientes principais champiñóns, cantarelos, boletus
e moitos outros cogomelos de Galicia e o Norte de Portugal.
Entre as receitas poderedes atopar entrantes coma “croquetas de
trompeta-dos-mortos”, pratos principais coma “níscalos con coello de
monte”, sobremesas coma “tarta de ándoas” e bebidas coma o “licor de
cantarelos”. Todo un festín para os sentidos que nos recorda que
poucas cousas transcenden as fronteiras coma o amor pola comida.
Acción de visibilidade do Curso de Axentes de
Coperación Transfronteiriza: falsos amigos
Os alumnos do Curso de Axentes de Cooperación Transfronteriza,
organizado pola Fundación Galicia Europa no marco do proxecto Lidera,
tiveron que diseñar una acción de difusión para explicar á cidadanía en
qué consiste a cooperación transfronteiriza. Este xogo pretende
achegarnos ás diferencias linguísticas que se poden atopar en
territorios veciños.
Claudia Iglesias Arriaran, unha das participantes, quixo transmitir coa
súa acción de visibilidade as diferenzas que existen entre as linguas da
zona fronteiriza de Galicia e Norte de Portugal, co obxectivo de reducir
as posibles dificultades de comprensión que poidan existir entre as
mesmas.
Desta forma, e coa figura dos “falsos amigos” como protagonista,
elaborou un xogo que combinando azar e memoria pretende dar a
coñecer aos seus xogadores as diferenzas de significado que existen
entre vocábulos homónimos do español, galego e portugués.
Acción de visibilidade: Un arquitecto portugués na
Galiza
Cando o arquitecto portugués Álvaro Siza recibiu en 2010 o Premio
Luso-Español de Arte e Cultura, destacou a “amizade histórica” entre
España e Portugal. Coma en calquera amizade, ben sabe Siza que obras
son amores, xa que na súa traxectoria artística podemos atopar moita
obra construída en Galicia.
Alberto Escobar Rivas, participante do Curso de Axentes de
Cooperación Transfronteriza, organizado pola Fundación Galicia Europa
no marco do proxecto Lidera, armado con acuarelas e word, pretende
coa súa acción de visibilidade “Un arquitecto portugués na Galiza”
contribuír á difusión da obra de Siza.
Entre os edificios destacados están o Centro Calego de Arte
Contemporánea e a Facultade de Ciencias da Comunicación en
Santiago de Compostela. Tamén se destaca a faceta de urbanista de
Siza incluíndo a remodelación do tramo Recoletos-Prado en Madrid. Á
fin e ao cabo, que a rúa máis española da cidade máis española sexa
obra dun portugués é todo un símbolo da cooperación transfronteiriza.
Acción de visibilidade: ‘Cooperação Transfronteiriça’
O premio Nobel de literatura José Saramago sempre foi partidario
dunha federación entre Portugal e España, unidos baixo o nome de
“Iberia”. Actualmente, entre todos os nomes implicados na cooperación
transfronteiriza, a relación entre Galicia e o Norte de Portugal é un
referente en toda Europa.
Neste vídeo bilingüe portugués-castelán, a gondomarense Carla Silva,
unha das participantes do curso Axentes de Cooperación
Transfronteiriza que a Fundación Galicia Europa organizou no marco do
proxecto LIDERA, preséntanos os principais resultados da cooperación
entre países: o benestar, a evolución e o crecemento.
O vídeo móstranos mesmo que mediante a comunicación, a análise e o
traballo conxunto podemos alcanzar metas comúns a Portugal e
España. A cooperación transfronteiriza álzase, en definitiva, coma un
ensaio sobre a lucidez que aspira a iluminar calquera ensaio sobre a
cegueira.
https://www.youtube.com/watch?v=KPsnM4m-TaM&feature=youtu.be
Clausura da segunda edición do Curso de Axentes de
Cooperación Transfronteiriza
Santiago de Compostela, 13 de
xuño de 2018. A Escola Superior de
Ciências Empresariais de Valença
do Minho acolleu o acto de clausura
do Curso de Axentes de
Cooperación Transfronteiriza,
organizado pola Fundación Galicia
Europa no marco do proxecto
LIDERA.
Durante o acto de clausura, os
alumnos do curso presentaron os
coñecementos adquiridos na
materia de preparación e
presentación de proxectos
europeos. Así, deron visibilidade aos
proxectos que prepararon, cos seus
respectivos formularios de
solicitude, no marco de diferentes
programas, como Erasmus,
Europa cos Cidadáns, POCTEP ou
Europa Creativa.
Ademais, os participantes da anterior
edición do curso, celebrado entre
outubro e novembro do 2017,
presentaron a "Asociación de
Axentes de Cooperación
Transfronteriza - EU COOPERO", que
se constituiu coma resultado do
mesmo coa finalidade de potenciar
as relacións entre os dous países.
O acto, ao que asistiron
representantes de institucións
portuguesas e galegas e do sector
da consultoría de proxectos
europeos, finalizou coa entrega de
diplomas e cun coworking entre os
participantes.
Ao mesmo acudiron diferentes
representantes de entidades e
empresas galegas e portuguesas,
como a Cámara Municipal de
Valença do Minho, o Concello das
Neves, a Câmara Muncipal de
Monçâo, a Agrupación Europea de
Cooperación Transfronteriza (AECT)
Galicia-Norte de Portugal, o Instituto
Português do Desporto e Juventude
(IPDJ), a xefatura territorial da
Consellería de Política Social de
Ourense (Xunta de Galicia), a
Federación Nacional de Asociacións
Xuvenís de Portugal (FNAJ), a
Cámara de Comercio de Santiago de
Compostela, a Comunidade
Intermunicipal do AVE, a Escola
Superior de Ciências Empresariais
de Valença do Minho e empresas
como Around Europe Advisors,
Salvaturismo ou GeoAtributo.
LIDERA
O Curso de Axentes de Cooperación
Transfronteiriza é unha actividade do
proxecto LIDERA, enmarcado no
programa Interreg V-A España-
Portugal 2014-2020 (POCTEP).
Co obxectivo de promover o
desenvolvemento económico
transfronteirizo en Galicia e a Rexión
Norte de Portugal a través do
fomento das capacidades laborais e
de emprendemento dos mozos, as
actividades impulsadas por LIDERA
están orientadas a loitar contra o
desemprego xuvenil, a fuga de
talento e a proporcionar as
ferramentas necesarias para que
este colectivo sexa o motor de pulo
económico destas rexións.