historia de rosinha
DESCRIPTION
pdf coa historia de Rosiña, a nosa mascotaTRANSCRIPT
CC
CC CC
CC
Vouvos contar unha historia
dun pequeno animaliño,
que escapou da súa corte
fuxindo do San Martiño.
Trátase dunha porquiña
que percorreu Mazaricos,
ansiosa de aventuras
e de moitos amigos.
Chegou ao noso colexio
despois de moito pasear,
gustoulle tanto o ambiente
que se animou a quedar.
Espiou aos de primeiro
dende detrás da ventá
e atendendo, atendendo
aprendiu a ler xenial.
E descubriu un lugar
no que poder practicar;
lía libros e máis libros
Sabes que lugar será?
Mirouse en tantos espellos,
aló no pais de Alicia,
que perdeu a súa cara
e con ela a súa ledicia.
E igual que ao protagonista
daquela historia sen fin,
esqueceuse do seu nome
Poderás atopalo ti?
Cando teñas debuxada
e pintada a túa porquiña,
pensa nun nome que rime
ou inventa a palabriña.
O esforzo que fagades
a porquiña agradecerá,
compartindo con vos
contos de aquí e de acolá.
Alí comezou a contar
historias impresionantes
tal se vivira ela mesma
aventuras semellantes.
E así unha casa de adobe
pensa a porquiña que fixo
para protexer do lobo
aos seus tres primos porquiños.
Contaba,tamén, que un día,
cun principe azul casara
porque un zapato de cristal
na súa uña encaixaba.
Poemas de Rosalía
recitaba emocionada
e música lles poñía
cando estaba inspirada
Pero un enorme problema
xurdiulle agora á porquiña;
a ver se vós lle axudades
pra que sexa a nosa amiga.
CC
CC CC
CC