Hallo conta bay? Mi nomber ta KIKI! Un djis lo bo bishita Hospital paso un dokter ta bay

opera’bo. Mi amiguito JJ tambe a caba di opera. Hunto nos dos kier mustra’bo con tur cos ta bay na

Hospital.

Bo ta cla pa wak?

JJ no tabatin mag di come ni bebe nada prome cu e opera. E enfermera lo splica bo mami desde ki ora bo no mag di come ni

bebe nada mas.

Awe JJ ta bay hunto cu su mama Hospital.

JJ hunto cu su mama ta pasa Opname y tambe Pre-screening.

Despues JJ ta bay Departamento di mucha.

E enfermera su nomber ta Miriam, y e ta mustra JJ su camber y tambe su cama. Prome cu JJ opera e lo haya un piyama special di Hospital.

Bo piyama ta bunita. Ki color e ta?

Enfermera Miriam ta check cu e thermometer si JJ tin keintura.

Riba e potret bo por mira con esaki

ta bay.

Ora e ta cla lo bo scucha un piep.

Lo bo haya un hangua den bo man. JJ ta haya un crema pa asina e hangua

no haci hopi dolor.

JJ a haci su best y p’esey e mag kies un regalito di e borchi.

JJ ta bay core un rato den su cama cu tin wiel. Enfermera Miriam y un verpleegassistent of brancadier ta pusha e cama riba wiel te ora yega

camber di operacion.

Awo JJ ta na camber di operacion.

Akinan e dokter cu lo bay pone JJ drumi ta warda riba dje.

Joepieeeee, mami tambe mag bay cu JJ paden! Mami mester bisti e paña straño aki pa asina e keda cu JJ

paden te ora e drumi.

Leuk no?

Den camber di operacion tin un otro cama chikito. JJ mes mag di subi riba e cama.

Akinan tin mas hende ta traha den e paña berde.

Nan t’ey pa yuda e dokter cu e operacion.

E dokter kier cuida JJ hopi bon, p’esey e ta e pega algun sticker riba su pecho.

E dokter cu ta pone JJ drumi por haci esaki door di uza un mask / capa chikito pa tapa boca of e por hacie cu un spuit chikito.

Esaki ta yama narcose.

Ora bo ta drumi bo no ta sinti nada di e operacion.

E dokter cu ta pone JJ drumi ta mustr’e e mask / capa chikito pa tapa boca, cu ta pega na un mashin grandi.

Ora bo ta drumi e dokter lo cuida’bo cu e mashin aki.

Akinan bo por mira ora e dokter ta pone JJ drumi cu e mask / capa chikito riba su boca y nanishi.

Y mami band’i JJ!

Drumi dushi JJ.... JJ ta haya cu e aire ta hole un tiki stinki.

Door di supla e aire aki leu bo lo sintie menos.

Awo JJ ta laga’bo wak con e ta ora cu bo bay drumi cu un spuit chikito.

E dokter cu ta pone JJ drumi lo spuit un awa special den e man.

Durante JJ su operacion, mami ta warda sinta pafo di e camber di operacion.

Ora JJ ta cuminsa lanta e zuster ta yama mama di JJ pa bin cerca dje den camber di recovery.

Ora JJ ta bon lanta zuster Miriam ta wordo yama pa bin busca JJ.

Akinan bo ta wak ora mami ta cerca JJ na e camber di drumi(recovery room).

Awo JJ ta bay bek su camber na Departamento di mucha.

JJ ta den su camber, pero no ta sinti’e mucho bon. Por pasa cu despues di e operacion bo tin un tiki dolor

of bo ta sinti’bo un tiki marea.

Avisa enfermeranan pa nan yuda cu esaki!

Si bo tin cu keda un anochi Hospital, bo mama of tata por keda drumi cu bo.

E dokter lo bisa’bo ora bo mag di bay cas.

Alright..JJ mag di bay cas! Mi amiguito a hasie hopi bon.

Abo tambe ta bay hasie mesun bon?

E mama di JJ ta yena un formulario pa asina e laga sa con e trato y estadia tabata. Ora mami caba di yena esaki,

e ta tir’e den e box.

Corda mami pa yena esaki!

JJ ta bisa e enfermeranan danki pa tur cos.

Awo bo a wak con tur cos ta bay na Hospital.

KIKI ta bisa’bo: te oro!