BurlataTB egitasmoa - Memoria

2012-2013

Burlatan Gurekin Euskaraz

BurlataTB 1

Burlatan Euskaraz Bizi

1. 2013-09-03 Burlatan Gurekin Euskaraz

2. 2013-08-16 Jaiak

3. 2013-07-18 Burlata Blues

4. 2013-06-23 San Juan Suak

5. 2013-05-29 Udal langileak

6. 2013-05-04 Maiatza Rock

7. 2013-04-29 Etxegabetzerik gabeko gunea

8. 2013-04-26 D eredua 25 urte I

9. 2013-04-26 D eredua 25 urte II

10. 2013-04-17 Adinekoak euskara ikasten

11. 2013-03-24 Ermitaberri mendi taldea

12. 2013-03-15 Korrika Burlatan I

13. 2013-03-15 Korrika Burlatan II

14. 2013-03-01 Korrika bertso-poteoa

15. 2013-02-15 Korrika aurkezpena

16. 2013-02-12 Martingala

17. 2013-02-04 Agate Deuna

18. 2013-01-31 Aisialdiaz euskaraz gozatu

19. 2012-12-31 Urtezaharra

20. 2012-12-24 Olentzero

21. 2012-12-05 Merkataritzan ere euskaraz

22. 2012-11-13 Axular dantzan

23. 2012-10-15 Zaldualde euskaltegia

24. 2012-09-26 Greba orokorra Burlatan

25. 2012-09-21 Burlataenea

26. 2012-09-08 Burlatako eguna

27. 2012-08 Jaiak

28. 2012-06-19 Aurkezpena

29. Eranskina

BurlataTB 2

2013-09-09 Burlatan gurekin euskaraz

Urtebe joan da jada BurlataTB izeneko egitasmoa martxan jarri genuenetik. Denbora tarte hau izan zen hain zuzen ere, gure buruari jarri genion epea gure asmoa gauzatzeko. Burlatako eguneroko bizitza jarduera ezberdinez osaturik dago, gu ekintza hauetariko batzuetara hurbildu gara bertan parte hartzen duten lagun euskaldunekin solasteko eta haien burua hizkuntzarekiko jarrera aktibo batez agerrarazteko.

Joan diren hilabete hauetan, herria bizi-bizirik dagoela baieztatu ahal izan dugu. Parranda egin genuen herriko jaietan eta Burlatako Egunean zegoen giro politaz ere gozatu genuen. Garai latzak izanda, grebalariekin eta Burlataeneako lagunekin aritu ginen. Euskara irakasle eta ikasleen ahalegin txalogarria gertutik ezagutzeko parada izan genuen Zaldualde euskaltegian eta Aroako adiskideen eskoletan.

Eguberrietan, Olentzero urte zaharreko lasterketan aritzeko animatu bagenuen ere, ez zen posiblea izan. Dantzari trebeak ezagutu ditugu Axularren eta rocka aditu dugu Euskal Herria peñan. Agate deunaren bezperako makila utzi eta Aierbeko Lukas zirikatzeko erratza hartu genuen. Dendaz denda ibili gara eta udaletxeko bulego eta instalazioetako langileekin ere jardun dugu. Primerako bertsolariekin poteoan, moda-erakustaldian edota arineketan, euskara elkarri ematen aritu gara 18. Korrikan.

Denbora ihesi bazihoan ere, Larunblai eta Iseka programetan ongi pasazeko aukera izan genuen. D ereduko guraso, irakasle eta ikasleekin haien 25. urteurrena ospatu genuen, bai eta haiekin mendira joan ere. Etxegabetzeen arazoa San Juan suan erretzeko gogoa etorri zitzaigun. Azkenik, hasi bezala amaitu genuen, hau da, herriko jaietan olgetan. Dena den, lehenago bluesa pixka bat entzuteko beta izan genuen.

Aipatutako ateraldietan auzokide askorekin egon gara, lagun berriak ere ezagutu ditugu, eta guztiekin euskaraz hitz egin dugu. Guztira 222 adiskide agertu dira gure saioetan, 4 ordu eta laurden pasata hartzen duten 31 bideo ezberdinetan. Agertutako guztiok euskaraz jarduteko nahia erakusten dugu publikoki ekintza xume eta txiki honen bidez, Burlatan gurekin euskaraz egiteko ozen adierazten dugu modu honetan. Jakin badakigu, euskarak aurrera egin dezan, beste politika bat behar dela agintari eta instituzioen aldetik, baina, hori horrela izanik ere, ez ditzagun ahaztu gure mingainaren konpromezu eta ardura.

Gure ahalmen eta baliabideen mugak kontuan harturik, pozik gaude izandako emaitzarekin. Oraindik ez dakigu esperientzia honek segida izango duen ala ez, baina gure hasierako helburua bete dugula uste dugu. Beraz, eskerrik asko gurekin egondako lagun guztiei, pantailatxoan agertzen direnei, baita lotsaren aitzakiaz ez daudenei ere gu jasatzeagatik. Esker mila ere, bertako Euskal Herrian Euskarazko neskei euren kamara uztearren.

BurlataTB 3

2013-08-16 Jaiak – Euskaraz bizi eguna

Kaixo lagunok. Zer moduz jaiak? Gu momentuz oso ongi. Gaur, gainera, egitarauan "euskaraz bizi eguna" dugu, hori dela eta, kamara hartu eta kalera atera gara ekitadi hauetan parte hartu behar dutenekin solasteko.

✔ Zer moduz jaiak?✔ Jaietatik zer da gehien gustatzen zaizuna? Zein da zure unerik kuttunena?✔ Herriko taldeen egitaraua ezagutzen al duzu?✔ Zure ustez jai egitarauatik zein da ekitaldirik hoberena? Eta okerrena?✔ Iradokizunik? Zer gehitu edo kenduko zenuke egitarauatik?

Ikusi dugunez, giro polita herrian dagoena. Gainera, oraindik ere, festa egun gehiago ditugu aurretik, beraz, anima zaitezte eta ongi pasa.

BurlataTB 4

2013-07-18 Burlata Blues

Kaixo, uda bete-betean gauden honetan, Uranga parkeraino hurbildu gara hementxe egin behar den Blues kontzertura. Bide batez, musika mota hau herrian zabaltzen eta Burlata Blues Jaialdia antolatzen aritzen den Burlata-Blues-Bar elkartekoekin eta hurbildutako lagunekin solastuko gara.

(Burlata-Blues-Bar elkarteko bat)✔ Kontatuko diguzu noiz eta nola sortu zuen Burlata-Blues-Bar elkartea?✔ Burlata Blues jaialdia gero eta oihartzun handiagoa lortzen ari da, pozik emaitzarekin?

(Publikoa)✔ Blues musika gustukoa duzu?✔ Zein da zure Blues talderik gogokoena?✔ Bluesa euskaraz egiten duen talderik ezagutzen al duzu?✔ Burlata Blues Jaialdia ezagutzen duzu? Emanaldietara etorri ohi zara?

Guri ere, musikaz eta gauaren freskotasunaz gozatzeko unea iritsi zaigu, beraz, gaurkoz bukatutzat emanen dugu gure saioa. Ongi segi.

BurlataTB 5

2013-06-23 San Juan Suak

Gabon, urteko gaurik laburrenean gauden honetan, udako solstizioa ospatzeko antzinetik sua pizten da toki askotan eta gurean ere bai jakina. San Juan bezperan egiten den errito hau, eguzkiaren indarra eta boterearen isla da. Suaren gainean jauzi egitearekin bat, desio bat eskatzerik badugu, edota nahi ez dugun hori sugarretara bota, besteak beste. Goazen ikustera ze giro dagoen.

✔ Kontatu ahal diguzu nondik datorren ohitura hau?

✔ Zer bota duzu edo botako zenuke sutara?

✔ Nahi edo desio bereziren bat eskatu duzu?

✔ Sekreturen bat salto egiterakoan sugarrekin ipurmasailak ez erretzeko?

Bueno lagunok, dakizuenez, gau hau magiko bezain laburra da, beraz, gu ere gauaz gozatzeko, gaurkoz hementxe utziko dugu.

BurlataTB 6

2013-05-29 Udal langileak

Euskaraz non-nahi, eta administrazioan ere bai. Gaur Burlatako udaleko zenbait bulego eta instalaziotara hurbilduko gara bertan aritzen diren langileekin solasteko. Ikusiko dugunez, kultur edo kirol instalazioen sarbidean edota bulegari baten aurrean euskaraz egiteko aukera ere badugu.

(euskara teknikaria) ✔ Gaur egun, bertako auzokide euskaldunok badugu aukera udaleko jende aurreko

zerbitzuetan euskaraz aritzeko? Zein da langilegoaren egoera?✔ Udalaren aldetik, zerbait egiten da auzokideok animatzeko euskaraz egin dezagun?

(udal langileak)✔ Auzokide euskaldunok badugu ohitura zuekin euskaraz aritzeko?✔ Ba al duzue ikur bereizgarriren bat auzokideok jakiteko euskaldunak zaretela? ✔ Aukera baduzue formazio edo birziklapen ikastaroak egiteko?✔ Murrizketa garaian gaude, zein da udal langileen egoera?

Beno auzokide hori, udal zerbitzu bat erabil behar duzun hurrengoan badakizu, lehendabiziko hitza euskaraz.

BurlataTB 7

2013-05-04 Maiatza Rock

“Gaüa heldü denin adiskidiekin juiten gara bestaka...” halaxe dio kantak eta halaxe eginen dugu. Izan ere, maiatzean gaude eta Burlatan, Euskal Herria Peñari esker, garai honetako ezugarri nagusietariko bat Rocka dugu.

(peñakide bat)

✔ Noiztik eta zergatik antolatzen duzue Maiatza-Rock?✔ Euskara entzuteko aukera bada kontzertu hauetan?

(jendea)

✔ Betiko rockeroak ez dira inoiz hiltzen, edo bai?✔ Rocka euskaraz egiten duten taldeak ezagutzen dituzu? Zeintzuk?✔ Zein da zuri gehien gustatzen zaizuna?

“Izan gira Euskal Herrin Rock and Rollin” eta ikusi dugunez, hau bezalako ekimenak egiten diren artean, aurrerantzean ere izanen dira. Hurrengo asteburuetan ere aukera izanen duzue zuen belarriei gustu bat emateko.

BurlataTB 8

2013-04-29 Etxegabetzerik gabeko herria

Arratsalde on. Burlatan, beste hainbat tokitan bezala, jendea mugitzen hasi da etxe-kaleratzeen aurka. Gaurkoan hain zuzen ere, herriko talde eta eragile ezberdinek helburu honekin egin duten manifestu baten aurkezpenera hurbildu gara.

✔ Manifestuaren irakurketa euskararaz (grabatu)

(jendea)

✔ Etxebizitza luxu bat ala oinarrizko eskubiderik?✔ Zilegi al da oinarrizko eskubideen kontura bankuen neurrigabeko irabaziak? ✔ Bankuen zorra guztion sosarekin estali, eta herritarron arazoekin bankuak aberastu?✔ Langabezia, murrizketak oinarrizko zerbitzu publikoetan, etxe-kaleratzeak... nora

garamatza egoera honek?

Bueno lagunok, ikusi dugunez gizartea guztiz kezkaturik dago egoerarekin, ea agintari eta mandatariek ere ardura pixka erakusten duten.

BurlataTB 9

2013-04-26 D eredua 25 urte I eta II

Aurten D ereduak 25 urte egiten ditu gure herrian, hori dela eta, gaur Ermitaberri ikastetxera hurbildu gara bertako lagunekin solasteko. Ziur aski, bidea ez da erraza izan, eta oraindik ere aurrean dituzte helburu eta erronkak lortzeko lan handia egin beharko dute, baina hoberena protagonistekin hitz egitea izanen da.

Irakasle ✔ Nolakoa izan da 25 urte hauetan ibili beharreko bidea? Nola heldu zarete honaino?✔ Zeintzuk dira eskolak gaur egun dituen erronkak?✔ Gelan euskaraz, eta patioan?✔ Nola ospatuko duzue?

Guraso elkartea✔ Zein da gurasoen papera euskal eskola publiko batean?✔ Lehen, Hiru-Herri udal ikastolan, gero eskola publikoaren D ereduarekin, Burlatan aukera

izan da euskal hezkuntza publikoa garatzeko. Dena den, Vascuencearen legea dela medio, hori ez da posible Nafarroa osoan, zer deritzozue?

✔ Eskolan euskaraz bai, eta etxean edo kalean?

Atezaina✔ Eskola hau eta zuk txikitan ezagututakoaren artean antzekotasunak badira?

Ikasle ohiak✔ Nola gogoratzen duzu zure eskola garaia?✔ Zer eman dizu zuri D ereduak?

Futbol eskolako entrenatzaile bat✔ Nola sortu zen futbol eskola hau?✔ Zenbat talde dituzue gaur egun?

Patioan✔ Ba al dakizu D ereduak 25 urte egiten dituela herrian?✔ Zergatik aukeratu duzu euskal eskola publikoa?

Hauxe da Ermitaberri eskolan kontatu digutena, guk bukatu aurretik, urtemuga honetan ikas komunitate osoari hoberena opa nahi diogu. Zorionak! eta urte askotarako izan dadila.

BurlataTB 10

2013-04-17 Adinekoak euskara ikasten

Inoiz ez da berandu euskara ikasteko, eta hori da, hain zuzen ere, herriko erretiratu batzuk erakusten ari direna. Gaur, haien lana hurbiletik ezagutzeko, Burlatako zahar-etxera etorri gara Aroa izeneko edadetuen taldeak antolaturiko euskara eskola batera.

(Irakaslea)

✔ Nola sortu zen ekimen hau?✔ Nolako ikasleak dituzu taldean? Gogoz daude euskara ikasteko?✔ Laguntzaren bat jaso duzue eskola hauek aurrera eramateko?

(Ikasleak)

✔ Zergatik animatu zara euskara ikastera?✔ Zuen haurtzaro edo gaztaroan, aukerak baziren euskara ikasteko?✔ Klasetik kanpo non edo norekin hitz egiten duzu euskaraz?✔ Nola animantuko zenuke erdaldun bat euskara ikastera?

Ikusten dugunez, zahartzaro mugitu eta kementsua daramatena gure lagun hauek. Badirudi ez dutela inolako asmorik denbora alferrik galtzeko edo nagikerietan emateko. Asko dugu haiengandik ikasteko eta guztiz txalogarria iruditzen zaigu euren ahalegina.

BurlataTB 11

2013-03-24 Ermitaberri mendi taldea

Egun on. Gaurkoan Burlata Telebista bere mugetatik kanpo atera da. Izan ere, Berueten gaude, Ermitaberri mendi taldeko adiskideen ateraldi batean hain zuzen ere. Ikus dezagun bada mendigoizale kementsu hauek zer kontatzen diguten.

(antolatzaile bat)

✔ Kontaiguzu pixka bat mendi taldearen historia.✔ Nola antolatzen dituzue irteerak?✔ Euskara entzuten da txango hauetan?

(mendizaleak)

✔ Zein da mendizale batentzat hamaiketakorik hoberena?✔ Egindako ateraldien artean, bereziki gustukoa izandako baten bat aipatuko zenuke?✔ Hamaiketakoa laguntzeko, ardorik bai ala ez?✔ Mendian gora bizkor igotzeko sekretu edo aholkurik?✔ Zer da errazago, igo edo jeitsi?

Beno, guk ere, Ireberren tontorrean izanik, ariketa fisikorik egin dugunez, indarrak berreskuratu beharko ditugu, beraz kamara utzi eta bokata gozo bat jateari ekingo diogu. Ongi ibili eta on egin diezazuela.

BurlataTB 12

2013-03-15 Korrika Burlatan I eta II

Burlatako ibilaldia furgonetatik (elkarrizketarik gabe).

2013-03-01 Bertso-poteoa

Gabon. Burlatan euskara elkarri ematen jarraitzen dugu. Gaurkoan Burlatako Korrika batzordeak antolaturik bertso-poteo bat dugu X eta Y bertsolariekin. Ea zer kontatzen diguten hemen ditugun bertsozale hauek.

✔ Noiz sortzen dira bertsoak errazago, poteoaren hasieran edo amaieran?✔ Nafarroako txapelketa abian da, faboritoren bat txapelarako?✔ AEKn noizko euskara klaseak bertsotan?✔ Korrika badator, sasoi onean al zaude Burlatako kilometroak egiteko?

Bueno lagunak, dagoen giroak kutsaturik, hurrengo saioak bersotan egitea pentsatzen hasi gara jada. Gaurkoz, hauxe izan da dena. Segi euskara elkarri ematen eta hasi berotzen, Korrika gaienan dugu eta.

BurlataTB 13

2013-02-15 Korrika Aurkezpena – Moda Erakustaldia

Kaixo euskalakari horiek! Euskal Herria Peñan gaude Burlatan Korrika aurkezpenean egin behar den moda-erakustaldia ikusteko eta zuei helarazteko. Bide batez, bertako Korrika batzordeko kideekin eta bertaratutako lagunekin Korrikari buruz mitzatuko gara.

Korrika batzordeko (aek) kidea:✔ Zer kontatu ahal diguzu Korrikaren edizio berri honetaz?✔ Nola eman ahal diogu euskara elkarri?

Ikusleak – Modeloak:✔ Zergatik da beharrezkoa “Korrika” bezalako ekimen bat?✔ Zein da sekretua halako itxura eta gorpuzkera lirain izateko?✔ Euskara ikasteko sekreturik ba al dago?✔ Nola eman ahal diogu euskara elkarri?

Bueno ikusi dugunez punta-puntako arropa dotoreak Korrikak dakarzkigunak, beraz, neska eta mutil katxarro hauek bezain guapo egon nahi izanez gero, hurbil zaitezte Korrika dendara edo AEK-ko euskaltegietara. Ongi izan eta eman euskara elkarri.

BurlataTB 14

2013-02-12 Martingala

Arratsalde on. Ihauterietan gaude Burlatan.

Martingalan, Joasikeroek, haien ezkiltxo eta erratzekin, Burlatako kaleak hartu egin dituzte Lukas Aierbeko pertsonai maltzurraren bila.

Bertan ere, Zorrotzak eta Muxinariak ikusiko ditugu, batzuk petrikiloaren patu beltzaz erabakitzeko, besteak berriz, patu honetaz errukiturik negar malkotan ibiltzeko. Ea jaiaren protagonistek zer esaten diguten?

✔ Zeintzuk dira Burlatako Martingalaren pertsonaiak?

✔ Gaur egun nori esango zenioke Akerburu edo Txakurburu?

✔ Ez al da gehiegizkoa Lukas gaixoaren zigorra?

✔ Zergatik daramatzate Joasikeroek ezkiltxoak haien mozorroan?

✔ Nolakoa da Martingalaren dantza?

Bada, hau izan da asdiskideok Martingalari buruz kontatu digutena. Gaurkoz hemen utziko dugu. Ongi izan.

BurlataTB 15

2013-02-04 Agate Deuna

Gaur, otsailak 4, Agate Deunaren bezpera dugu eta ohiturak agintzen duenez, bertan, beste hainbat tokitan bezala, jendea, baserritarrez jantzita eta makilaz lagundurik, kalera ateratzen da koplak abestera.

Abestearekin bat, makilarekin lurra kolpatzen da amalurra esnatzeko, eta udaberria heltzean bizitza sortu dadin. Modu honetan, hain zuzen ere, eskatzen zioten aintzineko nekazariek amalurrari uzta on bat.

Ikus dezagun bada, nola aritzen diren burlatarrak kantuan.

✔ Nor zen Agate Deuna edo Santa Ageda?

✔ Euskaldunok kantuzale omen gara, baina ongi egiten al dugu?

✔ Gaurko kantuek eragina izango al dute biharko eguraldian? Hau da, euria al dator?

✔ Oraindik ere, euskaldun fededun?

✔ Zure ustez, abesteko ohitura galtzen ari da?

Bueno lagunok, guk ez dakigu eztarriz sano gabiltzan edo ez , baina kamara albo batean utzi eta abeslariekin bat egingo dugu, beraz, beste bat arte.

BurlataTB 16

2013-01-31 Aisialdiaz euskaraz gozatu

Kaixo adiskideok. Gaurkoan Iseka programaren talde bat ezagutzera hurbildu gara. Bertan Burlata, Atarrabia eta Uharteko 12-18 urte bitarteko gazte euskaldunak biltzen dira. Larunbatero egiten dituzten saioetan ekintza asko egiten dituzte, hala nola, tailerrak, eskulanak, jolasak, ibilaldiak, bidoeak, ateraldiak eta abar. Goazen bada, gazte hauek zer kontatzen diguten ikustera.

---------- Monitorea - Mesedez, azalduko diguzu Iseka programa zertan datzan?

Gazteak -Egiten dituzuen ekintzen artean, zein da arrakastatsuena edo gehien gustatzen zaizuena? – -Aisialdiaz euskaraz gozatzeko, hau bezalako egitasmoak beharrezkoak al dira?– -Burlatako Gazteleku berrian ze tokiak beharko luke euskarazko eskaintzak?– -Zein da sekretua lagun arteko giroan euskaraz egiteko?

---------- Larunblai

Gazte hauen esperientzia ezagutu ondoren, adinez txikiago direnen Larunblai egitasmokoekin bilduko gara.

Monitorea - Zer da Larunblai? Zer egiten duzue bertan?

Haurrak– -Egiten dituzuen gauzen artean, zein da gehien gustatzen zaizuna?– -Gurasoek ere, euskaraz egiteko beste Larunblai batera joan beharko dira?

--------- Argi dago gazte hauek ez direla deus ere aspertzen larunbateko arratsaldeetan. Zuek ere berdin nahi izanez gero, badakizue nora jo. Gure aldetik besterik ez, hurrengoa arte.

BurlataTB 17

2012-12-31 Urtezaharra

Urtea badoa eta aurrekoetan bezala, Burlatan korrika eginez amaituko dugu urtea. Jada, Herriko taldeek antolaturiko urte zaharreko lasterketaren laugarren edizioa izango da aurtengoa, eta gu parte hartu behar duten auzokideekin solastuko gara.

– Entrenamendu berezirik egin al duzu gaurko?– Markaren bat hausteko asmorik?– Zergatik amaitu urtea korrika eginez?– Normalean kirola egin ohi duzu?– Amaitzen den urtearen hoberena? Eta okerrena?– Zer eskaten diozu datorrenari?

Bada, ez dakigu jendea sasoi onean dagoen edo ez, baina umore primerakoa dela argi dago. Bueno, gure aldetik, urte berri on izan dezazuela opa besterik ez. Ongi bukatu eta hobeki hasi.

BurlataTB 18

2012-12-24 Olentzero

Antzinean neguko solstizioaren gaua ospatzeko egiten ziren jaietan oinarriturik, gaur Euskal Herri osoan Olentzeroren etorrera ospatzen dugu. Burlatan ere, ikazkinarekin egoteko parada bada, nola ez! Ongi etorria egitera bertaratutako lagunekin mintzatuko gara.

- Olentzerori zer eskatu diozu?- Zure ustez, nori ekarriko dio ikatza?

Bueno, ikusten duzue ze giro alaia dagoen hemen inguruan. Guk ere, ardo pote bat eta txistorra pixka bat hartuta, jaian murgilduko gara.

------------------

Burlata Telebistak egundoko esklusiba dauka. Gaur eta hemen Olentzero berarekin solasteko aukera hain zuzen ere.

- Olentzero jauna, ze mezu bidali nahi diezu Burlatako euskaldunei?

Eskerrik asko eta segi zure txondorra zaintzen.

BurlataTB 19

2012-12-05 Merkataritzan ere euskaraz

Herri baten eguneroko bizitzan, askotariko harremanak sortzen dira auzokideon artean.Esaterako, oso garrantzitsua da dendari eta bizilagunon artean izandako hartu-emana. Gaur ikusiko dugunez, Burlatan harreman hauek ere, euskaraz garatzeko aukerak ez dira falta.

- Lehenik eta behin, kontaiguzu zer aurkitu dezakek bezeroak zure negozioan?

- Bezero euskaldunek euskaraz egiten al dute zurekin?

Bueno adiskideok, gaurkoz bukatutzat emango dugu gure ibilalditxoa Burlatako denden barna. Zuena egiten duzuenean, ez ahaztu zuek ere euskaraz egitea.

BurlataTB 20

2012-11-13 Axular dantzan

Kaixo lagunok. Burlatan denok ezagutzen dugu Axular elkarteak euskara eta euskal kulturaren alde egiten duen lana. Duela denbora bat euskal dantzak ikasi eta lantzeko talde bat eratu zuten elkarte honetako bazkideek.

Gaur dantza talde honen entsegu batera bertaratu gara ekimen honen nondik-norakoak ezagutzeko.

– Nola sortzu zen ekimen hau?– Zein da zuen helburua?– Zenbat lagun biltzen zarete?– Jende aurreko emanaldi edo saiorik egiten dituzue?– Ezagutzaren bat izan behar du hona datorrenak, edo zerotik hasi daiteke?– Ekimen honetan parte hartzeko elkarteko bazkidea izan behar da edo jende guztiari irekia da?– Zein da gehien atsegin duzun dantza?

Bada, gaurkoan ere baieztatu ahal izan dugunez, Burlata herri bizia dugu. Gure hurrengo saioetan ere herrian diren kontu ezberdinetako partaide euskaldunekin mintzatuko gara.

Bitartean ongi ibili eta euskara erabili.

BurlataTB 21

2012-10-15 Zaldualde euskaltegia

Hasi berri-berria dugu ikasturtea aek-ko euskaltegietan. Burlatan ere pasa den astean hasi ziren lanean Zaldualde euskaltegiko geletan. Gu eskola hauetara zintzo-zintzo etortzen diren lagunekin mintzatuko gara beraien ahalegina hurbiletik ezagutzeko.

– Ikasleak.– Zer dela eta hasi zinen euskara ikasten?– Ba al dira aukerak Burlatan euskaraz egiteko?– Nola animatuko zenuke erdaldun bat euskara ikastera?

– Irakaslea.– Urte askotako esperientziak du aek-k helduen euskalduntzean, mesedez, kontaiguzu hitz

gutxitan zein metodologia erabiltzen duzue.– Instituzioen aldetik laguntzaren bat jasotzen da eskola hauek aurrera eraman ahal izateko?– Nolako ikasleak dituzu taldean, langileak edo ordu hauetan jada nekaturik samar etortzen

dira? Bueno adiskideok, ikusten duzuenez meritu handia lagun hauek dutena, kalean haiekin topo eginez gero, lehendabiziko hitza euskeraz jakina. Eta zuetariko inork oraindik ere euskaraz egiteko zailtasunak baldin baditu, badakizue nora jo. Agur eta ongi izan.

BurlataTB 22

2012-09-26 Greba orokorra Burlatan

Kaixo adiskideok.

Une oso larriak bizi ditugunak egoera sozioekonomikoari dagokionez. Gaur hain zuzen ere, irailak 26, greba orokorraren deialdia dago Hego Euskal Herrian eta BurlataTB herrian dagoen elkarretatze batera hurbildu da

-Sindikatuetakoak: Nolakoa izan da erantzuna herrian? Greba eta gero zer?

-Grebalariak: Nola ikusten duzu egoera?

Bueno, horrela dago kontua. Gure aldetik animoak eman egoera zailetan dauden auzokideei eta elkartasunaren aldeko aldarri eginez amaitu nahi dugu.

BurlataTB 23

2012-09-21 Burlataenea

Egunon ikusleok! Garai oso zailak ari garela bizitzen esaten badizuegu, ez dizuegu deus berririk esango. Hau da, langabeziaren datuak inoiz baino altuagoak, osasungintzan, hezkuntzan eta beste arlo garrantzitsu batzuetan murrizketak bata bestearen atzetik, oinarrizko zergen igoera, kaleratzeak eta abar luze luze bat. Gaur herrian egoera hau salatzeko ekimen bat antolatu da. Guk bertaratu diren lagunen iritziak jasoko ditugu.

– Zer aldarrikaltu nahi duzue ekimen honekin?– Zeintzuk dira zure inguruan ikusten dituzun egoera larrienak?– Zer-nolako erantzukizuna dute instituzioek gaurko krisiari dagokionez?– Gizartea orohar haserre dago kontu hauek guztiekin, baina nola bideratu beharko zen haserre

hau?

Bada, hau da gaur Burlatan gertatu dena eta Burlata Telebistak mobilizazio honetan parte hartu duten euskaldunen ahotsa zuen pantailetara eraman nahi izan du. Ongi izan eta hurrengoa arte.

BurlataTB 24

2012-09-08 Burlatako eguna

Aupa Lagunok!

Gaur, irailak 8, larunbata, Burlatako eguna ospatzen da bertan. Hori dela eta, jai honen protagonista eta partaide batzuekin solastuko gara festa honen inguruan zerbait gehiago jakiteko.

-Antolatzailetariko bat: Zein da festa honen jatorria (noiztik, zergatik...)? Antolatzeak lan handia dakar, ezta?-Artisauak: Kontaiguzu zertan aritzen zaren? -Sukaldaria: Zein da gaurko menua? -Tabernaria: Udako jaiak pasa eta gero jendea oraindik egarri al dago? -Partaideak edo auzokideak Zein da zure plana Burlatako egunean?

Tira, bada, ikusten duzuenez giro polita hemen dagoena, guk gaurkoz kamara albo batean utziko dugu. Ongi ibili eta euskara erabili.

BurlataTB 25

2013-08 Jaiak

ASTEARTEA Txupinazoa + Brindisa

Sarrera: Kaixo, gaur Burlatako jaien lehendabiziko eguna dugu, minutu gutxi barru txupinaren eztandarekin hasiko da algara. Guk bertan diren lagunei, hurrengo egunetarako zenolako planak dituzten galdetuko diegu.

-Zeintzuk diren zure planak hurrengo egunetarako?-Zein da jaietako zure unerik kuttunena?-Zure ustez jai egitarauatik zein da ekitaldirik hoberena? Eta okerrena?-Nola hasi dituzu jaiak?-Ze mezu bidali nahi diezu gurekin ez daudenei?

Amaiera: Bada, ikusi duzuenez jaiak martxan daude jada eta auzokide batzuekin haiei buruz solasteko parada izan dugu, gu orain ere jaian murgiltzera goaz. Hala ere, hurrengo egunetan ere gu ikusteko aukera izango duzue.

ASTEAZKENA Prozesioa

Sarrera: Gaur, abuztuak 15a asteazkena, herriko jaietako egun nagusia da. Andra Mariaren Jasokundearen eguna hain zuzen ere. Zentzurik ba al du gaurko gizarte anitzan erlijioa nahastea ekitaldi eta jai zibiletan. Ea zer kontatzen diguten bertan direnak.

-Fededun edo sinestedun al zara?-Andra Mariaren Jasokundearekin oroitzen al zara jaietan?-Zure ustez, ekitaldi erlijisoak izan behar dute bere lekua egitaru ofizialean?

Sarrera: Herriko jai guztietan bezala, bertan ere, dantza eta musika ezinbestekoak dira. Horretaz asko dakite Larratz dantza taldeko neska- mutilek, eta Burlatako gaitariek zein txistulariek.

-Nola bizi dira jaiak musikari-dantzari izanik?-Dopina edo halakorik behar duzue?

Amaiera: Gaurkoz hauxe izan da dena, bihar ere kalean egongo gara, eta ez ahaztu, jaietan ere euskaraz bizi!

OSTEGUNA Kalderete eguna

Sarrera: Gaur herria ia hutsik geratu zaigu, izan ere, auzokide gehienak Zumadian daude, gaur kalderete eguna baita. Gu ordea, ez gara oso sukaldari trebeak eta aholku eske ibiliko gara.

-Nola egiten da kalderete gozo bat?-Zein da kalderete on bat egiteko sekretua?-Bazkaltzeko, zer nahiago, patata ala untxia?

Amaiera: Kontatu digutenarengatik, argi dago jaiaren arrakastak mahaiarekin zerikusi handia duela. Guk lagun hauekin hitz egin ondoren, lapikoren batetik zerbait dastatzera bagoaz, eta badakizue ongi pasa, pasatu gabe.

BurlataTB 26

OSTIRALA Euskaraz Bizi Eguna (Haurrentzako jolasak eta txokolatada – eliza plazan )

Sarrera: Jaiak aurrera doaz eta gaur euskaraz bizi eguna dugu, egitaruan dauden ekitaldien artean txikientzako jolasak eta txokolatada. Ea zer esaten duten txiki hauek?

-Zer moduz jaiak?-Jaietatik zer da gehien gustatzen zaizuna?-Petardoak gustuko al dituzu?

Amaiera: Bada, badirudi primeran ari direla Burlatako haurrak jaietan. Euskararen bidean lekukoa nor hartu badugula ematen du, ea halaxe den. Badakizu, euskara bihotzean, baina batez ere ahoan.

LARUNBATA 500 urte eta gero Nafarroa Bizirik! - Espainiako Txirrindularitza Itzulia

Sarrera: Hemen gaituzu berriz ere, jai egitarauak gaurko eskaintzen dituen aukeren artean bi nabarmendu nahi ditugu. Batetik Nafarroaren konkista salatzeko herri eragileek antolaturiko kalejira, eta bestetik, Espainiako txirrindularitza itzuliaren etapa bat Iruñerrian barna Burlata zeharkatuz. Zer pentsatzen dute auzokideek?

-Zer deritzozu Espainiako itzuliaren aferari?-Hau bezalako gastuak zilegiak al dira krisi garaian?-Bat al dator ekitaldi hau herriaren nahiarekin?

Amaiera: Kontu korapilatsua herriko jaietako asteburuan egokitu zaiguna. Ea instituzioetatik halakoak antolatu aurretik iritzi guztiak kontuan hartzen diren. Guk gaurkoz kamararekin bukatu dugu ere, hemen gelditzen gara.

IGANDEA Baserritar Poteoa

Sarrera: Parrandak bere ondorioak ditu eta dagoeneko nekea agertzen hasi da auzokideon aurpegietan. Dena den, azkeneko ahalegina egin beharko. Guk bukatzeko jaien balorapena eskatuko diegu Burlatako euskaldunei.

-Nola joan dira jaiak?-Zure ustez jai egitarauatik zein da ekitaldirik hoberena? Eta okerrena?-Iradokizunik hurrengo urterako?

Amaiera: Bada hauxe izan dena, gure aldetik eskerrak eman egun hauetan kamarearen aurrean agertzera ausartu direnei eta animoak eman guztioi egunero euskaraz aritzeko. Burlatan euskaraz

bizi!

BurlataTB 27

2012-06-19 Aurkezpena

Gure herriko biztanleriaren alde handi bat euskalduna da, auzolagun guztion antzera, euskaldunok ere, eguneroko bizitzan zenbait jarduera garatzen ditugu. Bertan lan egin edo ikasten dugu, kirol eta kultur ekimenetan aritzen gara, herriko jaiekin gozatzen dugu, ogia eta egunkaria aspalditik ezagutzen dugun dendariari hartzen diogu.... funtsean, hemen bizi gara eta Burlataren bizitzaren parte garrantzitsua gara.

Begien aurrean duzun tresna xume honen bidez, bizipen hauen oihartzuna jaso nahi dugu protagonisten ahoetatik. Gizarteko arlo ezberdinetako eta adin guztietako lagunekin aritu nahi dugu haien esperientzien berri euskaraz jasotzeko, eta ondoko bizilagunekin partekatzeko.

Egitasmo hau gauzatzeko zuen laguntza beharrezkoa dugu. Egin gure lantxoen jarraipena, partekatu zure ingurukoekin, helarazi zure iradokizunak.. eta kalean edo nonbaiten topo eginez gero, ez lotsatu eta parte hartu.

Lantxo berri bat plazaratzen den aldioro, zure posta elektronikoan jaso nahi izanez gero, bidali posta bat zure helbidearekin hona: burlatatb@gmail.com

BurlataTB 28

Eranskina

BurlataTB 29

MB

0 Proba I 19/06/120 Proba II 19/06/12

1 14/08/12 16 00:08:51 2652 15/08/12 5 00:05:56 1763 16/08/12 12 00:09:05 2724 17/08/12 7 00:07:13 2165 18/08/12 7 00:07:20 2186 19/08/12 10 00:08:47 262

7 08/09/12 7 00:07:05 1528 21/09/12 3 00:09:50 2299 26/09/12 8 00:13:02 581

10 15/10/12 7 00:08:09 115

11 13/11/12 2 00:09:20 417

12 05/12/12 5 00:06:37 29313 24/12/12 12 00:08:07 35614 31/12/12 7 00:05:41 252

15 31/01/13 15 00:06:57 305

16 04/02/13 8 00:09:44 43417 Martingala 12/02/13 9 00:10:04 44618 15/02/13 7 00:10:58 490

19 01/03/13 11 00:10:48 47720 15/03/13 0 00:03:44 9221 15/03/13 0 00:05:44 24822 24/03/13 6 00:09:44 431

23 17/04/13 5 00:10:07 45224 26/04/13 12 00:11:17 50025 26/04/13 2 00:09:45 43526 29/04/13 4 00:05:34 244

27 04/05/13 4 00:05:03 21528 29/05/13 9 00:12:13 543

29 23/06/13 5 00:03:38 159

30 18/07/13 4 00:06:31 288

31 16/08/13 8 00:07:00 307

32 03/09/13 00:07:00 252

5

222 04:20:54 10122

Bideo Zer Noiz Solaskide Denbora

Jaien hasieraDantzariak eta musikariak

Kalderete egunaEuskaraz bizi eguna

Nafarroa bizirikBaserritar poteoa

Burlatako egunaBurlataenea

Greba orokorra

Zaldualde

Axular dantzan

DendariakOlentzero

Urtezaharra

Aisialdia

Agate Deuna

Korrika aurkezpena

Korrika Bertso-poteoaKorrika Burlatan IKorrika Burlatan II

Ermitaberri mendi taldea

Adinekoak euskara ikastenD Eredua 25 urte Burlatan ID Eredua 25 urte Burlatan II

Etxegabetzerik gabeko gunea

Maiatza RockUdal langileak

San Juan Suak

Burlata Blues

Euskaraz bizi eguna

Burlatan Gurekin Euskaraz

Esatariak

BurlataTB 30