“Departamento de Ciencias Sociais, Xeografía e Historia”

“O mundo trala Segunda Guerra Mundial”

Europa perdeu o o papel hexemónico definitivamente, mentres que a URSS e os EE. UU se repartiron o mundo en dúas zonas de influencia. Trala guerra constituíuse un Mundo Bipolarizado liderado polos EUA e a URSS.

O Comunismo e o Capitalismo convivirán nun tenso equilibrio de poder coñecido como a Guerra Fría. Paralelamente iniciarase o proceso de Descolonización de África e Asia.Dende 1943 a 1945, os aliados celebraron as conferencias de Teherán, Ialta e Postdam para prepararen a paz e evitaren problemas coma os da Primeira Guerra Mundial.Chegouse á división de Europa en dúas zonas de influencia, en función dos territorios que liberase cada exército.

• A URSS propiciou o nacemento dunha serie de Estados Comunistas no centro e leste de Europa: Polonia, Romanía, Bulgaria, Checoslovaquia, Hungría e República Democrática Alemá (RDA).

• Alemaña quedou dividida en catro zonas de ocupación. As tres zonas ocupadas polo Reino Unido, Francia e EE. UU reunificáronse e formaron en 1949 a República Federal de Alemaña (RFA).

• Xapón, trala derrota, iniciou un espectacular crecemento económico baseado na renovación tecnolóxica.

• China convertiuse nun Estado Comunista coa victoria de Mao Zedong en 1949.

Como consecuencia das reunións creouse a ONU en 1945. Os seus obxetivos eran mediar nos conflictos e evitar guerras.

Profesor: Diego Xesús López González.