iii plan de igualdad soutomaior
DESCRIPTION
III Plan de igualdade do concello de Soutomaior III Plan de igualdad del ayuntamiento de SoutomaiorTRANSCRIPT
III PLAN MUNICIPAL PARA A
IGUALDADE ENTRE MULLERES E HOMES SOUTOMAIOR | 2014-2017
PRESENTACIÓN
INTRODUCIÓN
CONTEXTO NORMATIVO
CONTEXTO SOCIO-DEMOGRÁFICO
OBXECTIVOS E ACCIÓNS POR ÁREAS DE TRABALLO
FORMACIÓN E EDUCACIÓN
INFORMACIÓN E SENSIBILIZACIÓN
PARTICIPACIÓN SOCIOCULTURAL
SAÚDE E BENESTAR
ABORDAXE DA VIOLENCIA DE XÉNERO
SEGUIMENTO E AVALIACIÓN
CONTIDO
Conscientes de que aínda nos queda moito por conseguir, o Concello de Soutomaior pon a súa disposición o III Plan de Igualdade entre mulleres e homes. Afortunadamente non partimos de cero, e este III Plan nace da revisión do anterior, mellorando e innovando para adaptarse á nova realidade, e contando cunha vixencia que se prolongará ata o ano 2017. Son catorce obxectivos e 30 accións para seguir promovendo a
igualdade entre mulleres e homes no municipio. Séguennos sobrando os motivos para loitar contra a discriminación laboral e que a muller acceda ó mercado de traballo nas mesmas condicións que o home, tamén para a conciliación da vida laboral e familiar ou por erradicar, dunha vez por todas, a incomprensible e letal violencia de xénero. Este Plan de Igualdade está aberto á sociedade tendo por diante o reto
de implicarnos, xunto con toda a poboación, para convertelo en realidade dándolle diariamente un sentido práctico. É o noso desexo, que ó remate deste III Plan de Igualdade, o noso municipio conte cunha poboación máis concienciada en orden a garantir unha igualdade real, onde contemos, tanto mulleres como homes, coas mesmas oportunidades na vida política, cultural, económica
e social. Soutomaior, 21 de Novembro de 2014
Agustín Reguera Ocampo Cristina González Piedras
Alcalde Concelleira de Igualdade, Asuntos
Sociais e Sanidade
PRESENTACIÓN
A evolución do concepto de igualdade e a perspectiva
de xénero, constitúe un obxectivo de largo percorrido que
obriga ás institucións públicas a adecuar, de forma
persistente e continua, as accións políticas en pro dunha
sociedade máis democrática e igualitaria, no exercicio
dos dereitos sociais, políticos, civís, económicos e culturais.
Os logros acadados resultan insuficientes e, aínda sendo
significativos, hai que dar o salto para pasar da igualdade
formal á igualdade real de oportunidades entre mulleres e
homes.
O dereito á igualdade interesa a toda a cidadanía do
concello de Soutomaior porque mellora a calidade de
vida, tanto na realización profesional coma na persoal,
familiar, laboral... Estamos convencidos/as de que a
máxima participación en igualdade de condicións da
muller co home, en tódolos campos, é indispensable para
o desenvolvemento pleno e completo do municipio. Polo
que impulsamos a adopción de medidas necesarias a fin
de suprimir esta discriminación en tódalas súas formas e
manifestacións. Dende o Concello de Soutomaior, coa
posta en marcha do I Plan de Igualdade de
Oportunidades (2005) e o II Plan de Igualdade entre
mulleres e homes (2008-2011; prórroga 2011-2013) quixemos
INTRODUCIÓN
por en firme o noso compromiso co logro efectivo do
“dereito á igualdade real entre mulleres e homes”,
expresado a través da posta en marcha de políticas de
igualdade, continuando, a día de hoxe, na mesma liña.
Dende o ano 2005, no que se desenvolveu o I Plan de
Igualdade de Oportunidades, o concello de Soutomaior non
cesou no empeño de dotarse de ferramentas que posibiliten
acadar ditos obxectivos e que permitan avanzar, ano tras
ano, na súa consecución. Para manter as accións iniciadas
no II Plan de Igualdade, desenvolver aquelas accións que
por diferentes motivos non se chegaron a realizar ou atender
ás novas necesidades detectadas na avaliación deste Plan,
o Concello pon en marcha o III Plan de Igualdade.
Este III Plan de Igualdade do Concello de Soutomaior
pretende ser un marco global que determine as actuacións
que en materia de igualdade se desenvolverán no período
temporal comprendido entre 2014 e 2017, co fin de seguir
avanzando na creación dunha sociedade igualitaria e libre
de calquera tipo de violencia, conseguindo un concello
máis xusto, onde exista una equiparación real entre mulleres
e homes.
CONTEXTO NORMATIVO
O dereito á igualdade entre mulleres e homes está garantido
en distintos tratados de ámbito internacional, comunitario,
estatal e autonómico, que serven de referencia.
INTERNACIONAL
o Carta das Nacións Unidas [1945]. o Declaración Universal de Dereitos Humanos [1948]. o Convención sobre os dereitos políticos da muller [Resolución 640
(VII), de 20 de decembro de 1952, da Asamblea General de las Naciones Unidas]. Adhesión de España, 1974.
o Convención das Nacións Unidas para a eliminación da discriminación racial [1965].
o Pactos Internacionais de Dereitos Humanos [Pactos de New York]. o Declaración sobre a eliminación da discriminación contra a
muller. Resolución 2263 [XXII], de 7 de novembro de 1967, da Asamblea General de las Naciones Unidas.
o Convención das Nacións Unidas sobre a eliminación de todas as formas de discriminación sobre a muller [Resolución 34/180, de 18 de decembro de 1979, da Asamblea General de las Naciones Unidas].
o Declaración de Nacións Unidas sobre a eliminación da violencia contra a muller [1993].
o Protocolo Facultativo da Convención sobre a eliminación de todas as formas de discriminación contra a muller. Resolución A/54/4 de 6 de outubro de 1999, da Asamblea General de las Naciones Unidas.
o Conferencias mundiais de Nacións Unidas. o Convenios da Organización Internacional do Traballo (OIT).
o Tratado de Roma [1957]. o Tratado de Amsterdam [1997]. o Directivas de la Unión Europea [1975] a [2006]. o Recomendación 84/635/CEE [1984]. o Plan de traballo para a igualdade entre mulleres e homes 2006-2010
[COM [2006]. o Comunicación da Comisión ó Parlamento Europeo, ó Consello, ó
Comité Económico e Social Europeo e ó Comité das Rexións de 21 de setembro de 2010, Estratexia para a igualdade entre mulleres e homes 2010-2015.
EUROPEO
o Constitución Española de 1978. o Lei Orgánica 1/2004, de 28 de decembro, de Medidas de Protección
Integral contra a Violencia de Xénero. o Lei Orgánica 3/2007, de 22 de marzo, para a Igualdade efectiva de
mulleres e homes. o Plan Nacional de Sensibilización e Prevención da Violencia de
Xénero. o Plans Nacionais de Igualdade de Oportunidades entre Mulleres e
Homes.
NACIONAL
o Estatuto de autonomía de Galicia. Lei Orgánica 1/1981, de 6 de abril. (B.O.E. 28/04/1981).
o Lei 3/1991, do 14 de xaneiro, de creación do Servizo Galego de Promoción da Igualdade do Home e da Muller.
o Lei 7/2004, do 16 de xullo, para a Igualdade de Mulleres e Homes. o Lei 2/2007, do 28 de marzo, de Traballo en Igualdade das Mulleres de
Galicia. o Lei 11/2007, do 27 de xuño, para a Prevención e o Tratamento
Integral da Violencia de Xénero. o Plans Galegos de Igualdade de Oportunidades entre Mulleres e
Homes.
AUTONÓMICO
o Carta Europea para a Igualdade de Mulleres e Homes na Vida Local.
o Lei 7/1985, de 2 de abril, Reguladora das Bases de Réxime Local (actualizada a data 21/12/03).
o Lei orgánica 4/2007, de 22 de marzo, para a igualdade efectiva de mulleres e homes.
o I Plan Municipal de Igualdade de Oportunidades entre Mulleres e Homes do Concello de Soutomaior 2005-2006.
o II Plan Municipal de Igualdade de Oportunidades entre Mulleres e Homes do Concello de Soutomaior 2008-2010 (prórroga 2011-2013).
LOCAL
CONTEXTO SOCIO-DEMOGRÁFICO
O Concello de Soutomaior ten unha extensión duns 24,99 km², nos que se asenta unha poboación de máis 7.000 habitantes distribuídos en dúas parroquias, a de Arcade e a de Soutomaior.
ARCADE
SOUTOMAIOR
REDONDELA
PONTEVEDRA
PONTE CALDELAS
PAZOS DE BORBÉN
VILABOA
O núcleo urbano do Concello de Soutomaior sitúase na
parroquia de Arcade, onde están localizados a maioría dos
establecementos do sector servizos, a biblioteca municipal, e
o Centro Multiusos, onde se atopa situado a CIM e a OMIX.
A parroquia de Soutomaior ten un carácter máis rural, nela
atópase situada a Casa do Concello, o pavillón de deportes,
o castelo de Soutomaior e diferentes zonas verdes, ademais
das praias fluviais do río Verdugo.
O núcleo urbano do Concello de Soutomaior sitúase na
parroquia de Arcade, onde están localizados a maioría dos
establecementos do sector servizos, a biblioteca municipal, e
o Centro Multiusos, onde se atopa situado a CIM e a OMIX.
A parroquia de Soutomaior ten un carácter máis rural, nela
atópase situada a Casa do Concello, o pavillón de deportes,
o castelo de Soutomaior e diferentes zonas verdes, ademais
das praias fluviais do río Verdugo.
PARROQUIA DE ARCADE
•Arcade de Riba
•A Calle
•O Conde
•Burgo
•A Devesa
•Piñeiro
•A Xesteira
PARROQUIA DE SOUTOMAIOR
•Alxán
•Aranza
•Comboa
•Cortellas
•Lourido
•A Montesiña
•Moreira
•A Pedreira
•Rial
•Romariz
•Sobral
•O Val
•A Pena
POBOACIÓN
No ano 2013 estaban rexistradas no municipio un total de
7.302 persoas, das cales 3.662 eran mulleres e 3.640 homes. Na
actualidade, o concello presenta unha estrutura demográfica
equilibrada entre a proporción de poboación masculina e
feminina. Se ben, destaca a porcentaxe de mulleres no rango
de idade de máis de 64 anos. No caso da poboación entre os
16 e os 64 anos este segmento ten un maior peso entre a
poboación masculina que entre a feminina.
17,42% 16,11%
68,76% 64,06%
13,82% 19,83%
HOMES MULLERES
Menos de 16 De 16-64 Máis de 64
Fonte: Instituto Galego de Estatística (IGE)
A poboación estranxeira residente no municipio
de Soutomaior, aumenta de forma considerable
con respecto ó ano 2000, tanto en mulleres
como en homes.
99,6% 95,2% 99,5% 95,5%
0,4% 4,8% 0,5% 4,5%
2000 2013 2000 2013
HOMES MULLERES
Poboación española Poboación Estranxeira
Fonte: Instituto Galego de Estatística (IGE)
No ano 2011 os fogares compostos de dúas persoas son
os máis frecuentes, seguidos dos fogares compostos
por 4 persoas. Tamén é significativo o incremento
experimentado polos fogares compostos de dúas
persoas (parellas sen fillos ou fogares monoparentais)
en relación ao ano 2001.
19,7%
31,7%
26,6%
22,7%
24,7%
28,8%
14,9%
10,2%
14,2%
6,6%
2001
2011
2 persoas 3 persoas 4 persoas 5 persoas 6 ou máis persoas
Fonte: Censos de poboación e vivendas 2001 e 2011. Instituto Nacional de Estadística (INE)
SANIDADE E EDUCACIÓN
O número de recursos humanos en atención primaria existentes
no municipio de Soutomaior no ano 2013 fan un total de 11.
No ano 2013, as entidades prestadoras de servizos sociais no
municipio de Soutomaior eran: 7 de titularidade pública, 1 de
titularidade social e 1 privada con ánimo de lucro.
No concello de Soutomaior existen un total de 3 centros en
funcionamento que imparten ensinanzas en distintos niveis
educativos.
O número de alumnos/as descendeu case un 2% dende o ano
2011, mentres que a porcentaxe de profesores/as aumentou na
mesma porcentaxe.
RECURSOS Nº
Ats/Due 4
Médico/a xeral 3
Función administrativa 2
Matrona 1
Pediatra 1
TOTAL 11
7,4% 9,6% 3,7% 4,5%
21,4% 24,9%
6,8% 9,6%
33,7%
31,2%
19,4% 18,2%
21,5% 17,0%
35,4% 32,3%
6,3% 6,5%
12,6% 10,4%
2,0% 1,9%
7,7% 12,4%
3,8% 3,3% 8,2% 4,3%
2,0% 3,7% 3,7% 4,0%
2,0% 1,9% 2,4% 4,3%
Home Muller Home Muller
2001 2011
Grao Universitario ou equivalente e Licenciatura, Arquitectura e Enxeñería
Diplomatura universitaria, Aquitectura Técnica, Enxeñaría Técnica ou equivalente
FP grao superior, FPII, Maestría industrial ou equivalente
FP Grao Med., FP I, Ofic. Indust. ou equival., Grao Med. de Mús. e Danza, Certific. de E.O.I.
Bacharelato, BUP, Bacharelato Superior, COU, PREU
Chegou ao último curso de ESO-EXB-Bach. Elem. ou ten o Certific. de Escolar. ou de Estud. Prim.
Foi á escola 5 anos ou máis pero non chegou ao último curso de ESO, EXB ou Bacharelato Elem.
Sen estudios
Analfabetos
Existe unha importante diminución da porcentaxe de
persoas con baixo nivel educativo, tanto en mulleres
como en homes. Existen tamén importantes
incrementos nas porcentaxes de estudos de
Bacharelato e superiores, sendo, en xeral, máis
significativos no caso dos homes.
EMPREGO
Dende o punto de vista da situación do mercado laboral
no concello e o seu impacto en canto a igualdade de
oportunidades de acceso a un posto de traballo,
obsérvase que o paro feminino é superior ao masculino,
con preto de 500 mulleres en situación de desemprego, o
que representa case o 60% do total de persoas
desempregadas rexistradas no concello na actualidade.
23 16 20 42 30 34
54 49 37 26
144 141 142
213 225
286
351 383 382
312
2005 2006 2007 2008 2009 2010 2011 2012 2013 2014
Homes
Menores de 25 anos 25 e máis anos
29 24 27 34 35 36 35 27 20 22
321 319 315
364 407
431 470 468 472 460
2005 2006 2007 2008 2009 2010 2011 2012 2013 2014
Homes
Os sectores de actividade que máis veñen sendo
afectados nos últimos años polo paro son os de construción
e servizos, sendo máis acusada a evolución negativa do
paro feminino no sector servizos e do paro masculino no
sector da construción.
OBXECTIVOS E ACCIÓNS POR ÁREAS DE TRABALLO
Seguindo as prescricións normativas anteriormente mencionadas e
a dinámica de actividades e accións recollidas nos anteriores Plans
de Igualdade do Concello, o III Plan de Igualdade estrutúrase en 5
grandes áreas de traballo.
Cada unha de ditas áreas abarca os Obxectivos Xerais, Obxectivos
Específicos e Accións que resulta imprescindible abordar para o
correcto cumprimento das prescricións legais e para a
consecución do obxectivo último: a igualdade efectiva entre
mulleres e homes no Concello de Soutomaior. Así, o Plan de
Igualdade queda estruturado nas seguintes áreas:
ÁREAS DE TRABALLO
FORMACIÓN
E EDUCACIÓN
INFORMA- CIÓN
SENSIBILI- ZACIÓN
PARTICIPA CIÓN SOCIO-
CULTURAL
SAÚDE E BENESTAR
ABORDAXE DA VIOLENCIA DE
XÉNERO E
ÁREA DE TRABALLO
FORMACIÓN E EDUCACIÓN
OBXECTIVO XERAL: INCORPORAR A PERSPECTIVA DE XÉNERO Á
INTEGRACIÓN LABORAL, E PROMOVER UNHA SOCIEDADE MÁIS
IGUALITARIA
Partindo do feito innegable de que aínda persisten no mercado laboral
situacións de desigualdade entre mulleres e homes, faise necesario a través de
este plan, seguir adoptando medidas concretas para rematar coas condicións
que permiten o mantemento deste escenario. As accións diríxense cara dous
grandes campos que están estreitamente vinculados: a formación e o emprego.
Os datos analizados sobre o paro rexistrado no municipio, segue a amosar un
desequilibrio moi pronunciado, sendo o desemprego feminino, en maiores de 25
anos, moi superior ó masculino. Desenvolver medidas para fomentar a
independencia económica das mulleres que lles permita tomar as súas propias
decisións, é prioritario.
ORGANISMOS IMPLICADOS
Concellería da Muller. CIM
Concellería de Xuventude.OMIX
Concellería de Educación
Concellería de Emprego e Formación
Concellería de Servizos Sociais
Centros educativos. AMPAS
OBXECTIVOS ESPECÍFICOS
OBXECTIVO 1: Facilitar o acceso á formación ás mulleres para favorecer a súa
inserción laboral
ACCIÓNS DESTINATARIOS/AS
A.1
Desenvolvemento de accións formativas dende unha perspectiva de
xénero, que melloren a capacitación das mulleres e amplíen así as
súas posibilidades de inserción laboral (en especial a mulleres
inmigrantes, do rural e de minorías étnicas).
Mulleres
A.2
Difusión de información sobre as alternativas formativas existentes,
promovendo especialmente a profesionalización de labores
desempeñadas clasicamente por mulleres.
Poboación en xeral
A.3
Fomento da utilización das tecnoloxías da información e a
comunicación, como ferramentas para reforzar a posición
competitiva das mulleres.
Mulleres
OBXECTIVO 2: Contribuír ó equilibrio e igualdade entre mulleres e homes en
relación coa súa incorporación ó mercado laboral
ACCIÓNS DESTINATARIOS/AS
A.4
Impulso de actuacións e difusión dos recursos existentes orientados a
facilitar a mobilidade xeográfica e a autonomía das mulleres,
favorecendo a súa incorporación ó mercado laboral.
Mulleres
A.5
Divulgación de información sobre incentivos existentes na
contratación feminina, a consolidación de postos de traballo,
medidas de conciliación, subvencións e axudas.
Poboación en xeral
OBXECTIVO 3: Promover a igualdade de xénero e o empoderamento da muller
para facer realidade unha sociedade igualitaria
ACCIÓNS DESTINATARIOS/AS
A.6 Desenvolvemento de actividades dirixidas a educar na igualdade e a
non discriminación por razóns de sexo. Poboación en xeral
A.7
Promover unha cultura de corresponsabilidade, posibilitando que
mulleres e homes asuman deberes similares e obrigacións nas
responsabilidades familiares, no mercado laboral e na toma de
decisións.
Poboación en xeral
ÁREA DE TRABALLO
INFORMACIÓN E SENSIBILIZACIÓN
OBXECTIVO XERAL: CONTRIBUÍR A MODIFICAR OS PATRÓNS SOCIOCULTURAIS DE CONDUTA ASIGNADOS DE MANEIRA DIFERENCIADA A MULLERES E A HOMES
A información e sensibilización son fundamentais para modificar os patróns
socioculturais asignados de maneira diferenciada a mulleres e a homes, e
alcanzar así a consecución da igualdade de oportunidades.
Como aínda existen discriminacións por razón de xénero, o acceso á
información é clave para seguir traballando na socialización e transmisión de
valores, actitudes e comportamentos igualitarios.
ORGANISMOS IMPLICADOS
Concellería da Muller. CIM
Concellería de Xuventude. OMIX
Concellería de Educación
Centros educativos. ANPAS
OBXECTIVOS ESPECÍFICOS
OBXECTIVO 1: Fomentar a igualdade nas relacións entre xéneros
ACCIÓNS DESTINATARIOS/AS
A.8
Desenvolvemento de accións informativas orientadas á
ruptura de estereotipos sexistas e á educación afectivo-
sexual fomentando a igualdade nas relacións entre xéneros.
Poboación en xeral/
Centros educativos
A.9
Utilización e aproveitamento das novas tecnoloxías da
información e a comunicación como instrumento para xerar
valor cultural e social en igualdade de xénero.
Poboación en xeral
OBXECTIVO 2: Desenvolver accións de sensibilización para a prevención de
actitudes sexistas e violentas contra as mulleres
ACCIÓNS DESTINATARIOS/AS
A.10
Organización de aulas/charlas/coloquios/xornadas sobre
resolución de conflitos, relacións respectuosas e prevención
de condutas violentas.
Poboación en xeral
OBXECTIVO 3: Apoiar a conciliación da vida persoal, laboral e familiar
ACCIÓNS DESTINATARIOS/AS
A.11
Difusión de información sobre os servizos e recursos existentes
en materia de conciliación (lexislación, escolas infantís,
servizos de axuda no fogar…)
Poboación en xeral
A.12
Difusión, entre a poboación, de recomendacións en materia
de igualdade entre mulleres e homes, conciliación e
corresponsabilidade.
Poboación en xeral
ÁREA DE TRABALLO
PARTICIPACIÓN SOCIOCULTURAL
OBXECTIVO XERAL: PROMOVER UNHA MAIOR PARTICIPACIÓN DAS MULLERES, FORTALECENDO O ASOCIACIONISMO E INCORPORANDO A PERSPECTIVA DE XÉNERO ÁS ACTIVIDADES CULTURAIS
A desigualdade de xénero produce un desequilibrio no tempo dedicado ás
responsabilidades familiares e ás labores do fogar, maioritariamente
desenvolvidas por mulleres. Pero este desequilibrio, non só afecta ás
responsabilidades, senón tamén, e en consecuencia directa, no desequilibrio
que se produce no tempo dedicado ó lecer e ás relacións sociais.
O aumento na participación social e cultural dos/as habitantes dentro da vida
do municipio é unha sinal inequívoca de desenvolvemento democrático, de
mellora da comunicación entre a poboación e as administracións públicas, e de
maior coherencia entre as necesidades sociais e as respostas políticas. Promover
a participación das mulleres na vida pública, seguir fortalecendo o tecido
asociativo (incorporando a perspectiva de xénero) e equilibrar o tempo
dedicado ás responsabilidades e ó lecer, son algunhas das medidas a
desenvolver neste III Plan.
ORGANISMOS IMPLICADOS
Concellería da Muller. CIM
Concellería de Cultura, Festas, Turismo e Patrimonio
Concellería de Participación Veciñal
Asociacións de mulleres e entidades de iniciativa social
OBXECTIVOS ESPECÍFICOS
OBXECTIVO 1: Favorecer e fortalecer o tecido asociativo, principalmente nas
áreas rurais, promovendo unha maior participación das mulleres na vida social
do municipio
ACCIÓNS DESTINATARIOS/AS
A.13
Asesoramento ás asociacións existentes, así como apoio para a
creación doutras novas, incentivando proxectos, valorando
inquietudes e fomentando o traballo en rede.
Asociacións de
mulleres
A.14
Apoio na difusión da actividade cultural do concello,
fundamentalmente a través da promoción dos traballos artísticos e
culturais realizados por mulleres do municipio.
Asociacións de
mulleres/
Poboación en xeral
A.15
Promoción da formación no ámbito da alfabetización tecnolóxica
para que as mulleres utilicen a rede como un espazo de encontro
social e virtual, obtención de información,…
Mulleres
A.16
Facilitar o acceso e promover uso dos locais e instalacións
municipais para a realización de actividades, especialmente por e
para as asociacións de mulleres
Asociacións de
mulleres
OBXECTIVO 2: Fomentar o goce do tempo libre das mulleres
ACCIÓNS DESTINATARIOS/AS
A.17
Desenvolvemento de accións de apoio a familias con persoas
dependentes: fortalecemento das accións de respiro familiar, ocio e
tempo libre…
Poboación en xeral
A.18
Difusión dos recursos e actividades dirixidas á cidadanía en materia
de ocio e tempo libre, impulsando e promovendo a participación
nas mesmas das mulleres.
Mulleres
OBXECTIVO 3: Implicar á poboación masculina nas actividades en prol da
igualdade
ACCIÓNS DESTINATARIOS/AS
A.19
Promoción de actividades de ocio de carácter familiar, centradas
especialmente na ruptura de estereotipos sexistas e fomento da
igualdade de oportunidades. Poboación en xeral
ÁREA DE TRABALLO
SAÚDE E BENESTAR
OBXECTIVO XERAL: PROMOVER HÁBITOS DE VIDA SAUDABLES PARA
CONTRIBUÍR Ó BENESTAR FÍSICO E PSÍQUICO DE MULLERES E HOMES
DENDE UNHA PERSPECTIVA DE XÉNERO
O concepto de saúde ademais de facer referencia á ausencia de
enfermidades esténdese de igual modo ó que se entende actualmente por
calidade de vida, é dicir, ó benestar mental e social da persoa.
A actividade pública remunerada, tanto de mulleres como de homes, non se viu
acompañada dunha maior presenza dos homes nos ámbitos da vida privada e
no espazo doméstico, é dicir, non se acompañou do necesario reparto das
responsabilidades familiares e domésticas e do coidado das persoas, dando
lugar á dobre e triplo xornada das mulleres.
Nesta área preténdese sobre todo facilitar o acceso ós recursos e promover a
saúde integral dende unha perspectiva de xénero. O principal obxectivo é
difundir información preventiva, de divulgación de hábitos de saúde e
promoción de estilo de vida sa; así como de apoio e colaboración con outras
entidades.
ORGANISMOS IMPLICADOS
Concellería da Muller. CIM
Concellería de Servizos Sociais e Sanidade
Concellería de actividades deportivas
Asociacións
OBXECTIVOS ESPECÍFICOS
OBXECTIVO 1: Facilitar o acceso á información, ós recursos e á formación básica
sobre aspectos da saúde integral
ACCIÓNS DESTINATARIOS/AS
A.20
Información, difusión e sensibilización en materia de prevención
de enfermidades que afectan, particularmente e de forma
diferenciada, a mulleres e a homes.
Poboación en xeral
A.21 Fomento do reparto igualitario das responsabilidades familiares
e domésticas e de coidado das persoas entre mulleres e homes. Mulleres
A.22
Potenciación do traballo en rede cos centros de saúde do
municipio e as asociacións específicas para proporcionar unha
atención máis integral ás mulleres.
Centros de saúde/
Asociacións
OBXECTIVO 2: Favorecer a educación e a saúde sexual, e eliminar estereotipos
relacionados co xénero
ACCIÓNS DESTINATARIOS/AS
A.23
Difusión de información sobre educación afectivo-sexual
(prevención, métodos anticonceptivos, embarazos non
desexados e enfermidades de transmisión sexual) orientadas a
romper estereotipos sexistas e tabús sexuais.
Centros educativos/
Poboación en xeral
OBXECTIVO 3: Fomentar a participación das mulleres no deporte
ACCIÓNS DESTINATARIOS/AS
A.24 Promoción dunha participación igualitaria de mulleres e homes no deporte.
Poboación en xeral
A.25
Impulsar a práctica do deporte entre as mulleres para promover hábitos saudables e o seu benestar social e psicolóxico
Mulleres
ÁREA DE TRABALLO
ABORDAXE DA VIOLENCIA DE XÉNERO
OBXECTIVO XERAL: PREVER E ERRADICAR A VIOLENCIA CONTRA AS
MULLERES, REFORZANDO E MELLORANDO A ATENCIÓN ÁS VÍTIMAS E AS SÚAS FAMILIAS
A violencia contra as mulleres maniféstase a través de moitos tipos de condutas
e non se limita ás agresións claramente manifestas, senón que abarca todas as
situacións discriminatorias que aparecen como forma de trato cotiás e
normalizadas que padecen as mulleres polo feito de selo, de xeito que a
violencia de xénero é a mostra máis dramática das desigualdades existentes
entre mulleres e homes.
A erradicación de calquera forma de violencia contra as mulleres é unha das
prioridades fundamentais deste III Plan. Se ben é certo que a prevención xoga
un papel primordial na redución da violencia de xénero, dada a proliferación
de casos de violencia que se producen nos últimos anos resulta básico articular
un sistema coordinado de alertas e de actuación inmediata.
ORGANISMOS IMPLICADOS
Concellería da Muller. CIM
Concellería de Servizos Sociais e Sanidade
Centros de Saúde
Corpos de Seguridade
OBXECTIVOS ESPECÍFICOS
OBXECTIVO 1: Fortalecer o traballo en rede dos profesionais e potenciar a
difusión dos recursos para facer máis efectiva a loita contra a violencia de
xénero
ACCIÓNS DESTINATARIOS/AS
A.26
Potenciación da colaboración e actuación conxunta de
todos/as os/as profesionais implicados na atención ás mulleres
vítimas de violencia de xénero.
Poboación en xeral
A.27
Utilización de diferentes canais de comunicación para a
difusión dos recursos existentes en materia de violencia de
xénero.
Poboación en xeral
A.28 Avanzar na atención integral (psicolóxica, social e xurídica) e
prioritaria ás persoas vítimas de malos tratos. Poboación en xeral
OBXECTIVO 2: Promover condutas alternativas á violencia para a resolución
de conflitos, as relacións de convivencia e o bo trato entre mulleres e homes
ACCIÓNS DESTINATARIOS/AS
A.29
Información e sensibilización á cidadanía en materia de
violencia de xénero e a súa prevención (estratexias para
detectar e actuar ante un maltratador, información de interese
e teléfonos de contacto…), fomentando a conciencia social.
Poboación en xeral
A.30
Impulso de actividades para a mellora da autoestima das
mulleres, creando recursos persoais que lles axuden a
desenvolver a súa capacidade de reacción e avaliación ante
situacións de risco.
Mulleres
SEGUIMENTO E AVALIACIÓN
Durante todo o proceso de implementación do Plan de Igualdade, cuxa vixencia estableceuse ata o ano 2017, están previstos mecanismos tanto de seguimento como de avaliación continua e final. O seguimento e avaliación deste Plan de Igualdade ten, entre outros, os seguintes obxectivos: n Coñecer as accións realizadas no marco do III Plan de Igualdade; tanto por áreas de traballo como por tipos de actividades. n Identificar ós colectivos destinatarios do Plan de Igualdade. n Coñecer o grado de cumprimento do Plan, a efectos de valorar a eficacia e eficiencia finalmente alcanzada. Para facilitar o seguimento e avaliación do III Plan Municipal de Igualdade entre Mulleres e Homes deseñáronse unha serie de indicadores a través dos cales o persoal técnico encargado da súa execución poida medir o grado de cumprimento dos compromisos adquiridos e analizar a efectividade das medidas adoptadas. Os indicadores definíronse de forma específica para o seguimento de cada un dos obxectivos específicos do Plan. O equipo profesional do CIM será o encargado de avaliar o III Plan de Igualdade do Concello de Soutomaior, establecendo medidas de seguimento mediante a elaboración de informes que reflictan os datos recollidos nas diferentes actuacións e o grao de consecución dos obxectivos marcados. Realizarase así mesmo unha memoria anual que englobe os avances rexistrados en cada unha das áreas de intervención e sinale as debilidades detectadas e as necesidades a cubrir de cara ao ano seguinte, para un óptimo desenvolvemento do Plan. Para medir o impacto e repercusión, ao final do Plan realizarase unha valoración en conxunto de todo o proceso seguido e se realizarán propostas de mellora e innovación para desenvolver nos vindeiros plans que se poñan en marcha.
NÚMEROS DE INTERESE
SERVIZO DE INFORMACIÓN E ASESORAMENTO A
MULLERES VÍTIMAS DE VIOLENCIA DE XÉNERO 016
TELÉFONO DA MULLER (24 H. GRATUÍTO) 900 400 273
EMERXENCIAS 112
BOMBEIROS 080
POLICÍA NACIONAL 091
GUARDA CIVIL 062 ou 986 670 262
CRUZ VERMELLA 902 222 292
PROTECCIÓN CIVIL 616 950 195
SERVIZOS SOCIAIS DO CONCELLO 986 705 114
OMIX (Oficina Municipal de Información Xuvenil) 986 700 822
CIM (Centro de Información á Muller) 986 701 227
CENTRO SAÚDE ARCADE 986 701 026
CENTRO SAÚDE SOUTOMAIOR 986 705 167
Concello de Soutomaior Concellaría de Igualdade,
Asuntos Sociais e Sanidade