hezteko objektu digitala-ren txostena
DESCRIPTION
Ardora HOD: Animalien erreinuaTRANSCRIPT
2012
Goreti Sagastibeltza
Ane Salaberria,
Jaione Sukunza
Miren Zatarain
U.P.V. / E.H.U.
18/01/2012
Ardora HOD: ANIMALIEN ERREINUA
2
AURKIBIDEA
1. Izenburua: Animalien erreinua ............................................................................. 3
2. Katalogazio ezaugarriak ........................................................................................ 3
2.1 IKT Maila .................................................................................................... 3
2.2 Tipologia .................................................................................................... 3
2.3 Orientabide didaktikoa .............................................................................. 3
3. Testuinguraketa .............................................................................................. 4
4. Helburu didaktikoa ................................................................................................ 4
5. Oinarrizko Konpetentziak ............................................................................... 4
5.1 Oinarrizko eta espezifikoak diren IKT konpetentziak ............................... 4
6. Edukiak .......................................................................................................... 4
7. Orientazio Metodologikoak : jarduera sekuentzia eta azalpena ...................... 5
8. Ebaluazio irizpideak ........................................................................................ 6
3
1-IZENBURUA: Animalien erreinua
2-KATALOGAZIO EZAUGARRIAK
Hezteko Objektu Digitala (HOD), erabiltzailearen ikasketa helburu duen hezteko
eduki digitala da eta, objektu sinpleagoekin integratuz, Hezteko material multimedia da
edo izatera irits daiteke. Hauek dira gure hezteko objektu digitalaren katalogazioaren
atalak: IKT maila, tipologia eta orientabide didaktikoa.
2.1.IKT MAILA: tarteko maila
2.2. TIPOLOGIA: ikasketa objektua
2.3. ORIENTABIDE DIDAKTIKOA
Ikasketa objektuaren sailkapena: guk sortutako jarduera hauek esplorazio eta
segimendu jarduerak dira, haurrek daukaten ezagutza islatuko baitute haietan.
Horretaz gain, ikasitakoaren jarraipen bat egiteko jarduerak ere badira, segimendu
jarduerak izanik.
Multzokatzea: banakako jarduerak dira, baina binaka eta talde txikietan ere
burutu daitezke.
Formatua: html formatuan dago.
3.TESTUINGURAKETA
Ardorarekin sortu ditugun jarduera hauek Lehen Hezkuntzako bigarren zikloko
ikasleentzat zuzenduta daude. Bigarren ziklo honetan dauden helburu eta ebaluazio
irizpideen aniztasuna dela tarteko, bertako bi mailetara (hirugarren eta laugarren
mailak) zuzenduak daude ariketak, zailtasun maila desberdinetakoak baitaude.
Jarduera hauetan islatu nahi dugun gaia, natura da eta zehatzago esanda
animaliak, izan ere, ikasleek animaliak ezagutu eta beraien ezaugarri nagusiak
barneratu behar dituztela iruditzen zaigu. Animalien ezaugarri nagusiak lantzen dituzte
beraz jarduera hauek, izenburuak dioen bezala, animalien erreinua dute abiapuntutzat.
Beraz, esan liteke Lehen Hezkuntzako ingurunea arloari dagokion HOD dela honakoa,
bertan lantzen baitiren kontzeptuei egiten baitiete erreferentzia jarduera hauek.
Jarduera multzo hau askotariko bost ariketa motek osatzen dute: letra zopak,
sailkapenak zutabeka … Azkenik, azken jarduera gisa, ebaluazio moduan balio
4
dezakeen, test bat sortu dugu. Horrela, ikasleek gaia ulertu duten ala ez ikusi ahal
izango du irakasleak eta gabeziak zein alderditan dituen.
4. HELBURU DIDAKTIKOAK
- Animalia taldeak identifikatzeko gai izatea elikaduraren arabera.
- Animaliak ornodunen eta ornogabeen artean sailkatzeko gai izatea.
- Animaliak ugalketa moduaren arabera sailkatzen ikastea.
- Teknologia digitalen erabileran sakontzea.
5. OINARRIZKO KONPETENTZIAK
- Informazioa tratatzeko eta teknologia digitala erabiltzeko gaitasuna.
- Norbere autonomiarako eta ekimenerako gaitasuna.
6. EDUKIAK
Eduki multzoa: Izaki bizidunen aniztasuna.
- Izaki bizidunei zuzen behatzea, tresna egokiak eta ikus-entzunezko baliabideak eta
baliabide teknologikoak erabiltzea.
- Animalia ornodunak eta ornogabeak. Hegaztiak, ugaztunak, narrastiak, arrainak
anfibioak, intsektuak: oinarrizko ezaugarriak, animaliok ezagutzea eta sailkatzea.
- Animalien elikadura, bizi funtzioaren arabera hauek sailkatzea.
7. ORIENTAZIO METODOLOGIKOAK: JARDUERA SEKUENTZIA ETA AZALPENA
Ardora programaren bidez, ingurunea arloari dagozkion animaliei buruzko bost
jarduera sortu ditugu haurrek haien ezagutzak indartu ditzaten. Ariketa bakoitza
helburu ezberdin batekin planteatu dugu, bakoitza animalien barruko atal zehatz bati
dagokiolako. Horrela, haurrek edukiak menperatzeaz gain, IKT-en erabileran ere
sakonduko dute.
Lehenengo jardueran, ikasleek animaliak familia motaren arabera sailkatu
behar dituzte. Laguntza gisa, animalia bakoitzaren argazki bat azalduko da, behean hiru
5
multzoak agertuko direlarik. Beraz, ikasleak argazkia ikusita dagokion multzoan klikatu
beharko du, ondo egin ezkero hurrengo animaliaren argazkia azalduko da. Jarduera
denbora tarte batean burutu beharko dute, asmatu ezkero opari gisa, denbora gehitu
egingo delarik.
Bigarren jardueran, ikasleek animaliak elikaduraren arabera sailkatu beharko
dituzte. Beraz, ariketan animalien izenak soilik azalduko dira behean hiru multzo
egongo direlarik, belarjaleak, orojaleak eta haragijaleak hain zuzen. Ariketa denbora
tarte batean burutu beharko dute, erantzun zuzen bakoitzeko opari gisa denbora
berriz ere hutsetik hasiko da.
Hirugarren jardueran, animaliak sailkatu beharko dituzte. Ezkerraldean
animalien argazkiak azalduko dira eta eskuinaldean aldiz, esaldiak. Beraz, ikasleek
argazkiak esaldiekin sailkatu beharko dituzte. Hau ere denbora tarte batean egin
beharko dute, asmatu ezkero, opari gisa denbora berriz ere hutsetik hasiko da.
Laugarren jardueran, unitatean zehar landu dituzten hainbat kontzepturen
izenak aurkitu beharko dituzte letra zopa batean. Hitzak, horizontalki, bertikalki, goitik
behera, behetik gora eta diagonalki azaldu daitezke. Honetarako ere denbora tarte bat
izango dute, hitzak aurkitu ezkero opari gisa denbora berriz hasiko delarik.
BALIABIDEAK
- Ordenagailuak.
- ADE (arbel digital elkarreragileak).
- Fitxak.
9. EBALUAZIO IRIZPIDEAK
9.1. Ebaluazio irizpideak arloarekiko.
- Ea animaliak idenfikatu eta sailkatzen dituzten elikadura motaren arabera.
- Ea animaliak sailkatzeko gai diren ugalketaren eta morfologiaren arabera.
- Ea bizkorrak diren animalien izenak hizki zopan denboraren barruan aurkitzeko.
6
9.2 Ebaluazio irizpideak IKT-ekiko.
- Ea ordenagailuen erabilera menderatzen duten.
- Ea banaka gai diren ariketak burutzeko.
- Ea arazo teknologikoen aurrean hauei banaka aurre egiteko gai diren.
- Ea zalantzen aurrean irakaslearen laguntza eskatzen duten.