KEMOK

Aan jun xnimal ru li kanjel ke xyoob chaq xjunes sa xchooleb li qana qayuwa, qa mama qixaan ut eb li qa xeqatoon. Ut sa li kemok na el chaq li tzuluk, kamaan li tzuluk poot, champa, ab, poop, waal, soq ut wan chik xkomon.Xbeen ta sik oxib li che tiik rix, ta bich rix ut toja naq ta lap sa choch, chi rix aan taa tus la noq chi rix a che aan ut naq ak xru xqinbal ta kuj chi sa li samiil.Chi rix aan ta bak chi ru junaq li che, rinrook sa iq na kanaak ut taa bak cha sa naq tat ok chi kemok, taa ke li xchool ut ta kuj li xkembal ut taa yiib ajwi li xwa, aan li yooqat kujbal chi sa naq yooqat chi kemok ut kaw ta ten ru, re naq pim ru la koxtal teq.Xbeen ta kem li koxtal ut toja naq ta kem li xjelonkil, ruq na yemank re. wi kaw na xke kemok junaq qanachin, chi ru jun kutan na ru li koxtal, ut li xbonol, aan ya karu chi bonol na hulak chi ru junaq, aan li taake, jun paay chik Ii ru li kemok na uxman aan li choqbil, naraj na xye aan naq taake jun jilok jalan chi bonol la noq ut taa choq la noq ut taa jit chi ru li che.Jun paay chik li kemok poot, aan na ru chi oxib perel, ut aan yal chan ru t-hulak cha wu. Naru naq pim ru taa ke ut maraj taakeeb kok jalamu li kok xul chi ru, kamaan li pepem, kej, kox, tap, patux ut wank chik xkomon, ut wank ajwi chi pikbil ru nake xyere.Aaneb aan li oxloqil kanjel li naqanaw lao laj qeqchi ut china us li xbanunkil wi junaq na hulak chi ru xbaanunkil.