¿quién son y québusquen los homesprofeministes?

entrevistaActualidáLES NOTICIES, 20 d’avientu 2009 9

–¿En qué tipu d’anuncios per-sisten los modelos más tradicio-nales?

–De mano, en tolo tocante al

espaciu domésticu, onde los anun-

cios siguen mandando’l mensaxe a

les muyeres como responsables

d’estos llabores. Al empar, duel

reconocelo, pero nel mundu del

xuguete avanzóse mui poco. Si la

publicidá pa persones adultes tovía

ye sexista, otru añu más vemos que

nada cambia nos catálogos y la

publicidá de los xuguetes. Insíste-

se nos mesmos modelos d’estere-

otipos subordinaos: les neñes

siguen aprendiendo a cuidar colos

xuguetes que-yos vienden y los

neños, a disfrutar del so tiempu

en llibertá n’otru tipu de xuguetes.

–Na so esperiencia na educa-ción, ¿cómo ve les xeneracionesmás moces? ¿Van asumiendo’lmensaxe feminista de la igualdá?

–Personalmente, prestábame

esclariar que ye un procesu pol que

tengo priesa. Tengo 45 años y nece-

sito principiar a ver que les coses tán

cambiando, pero dacuando con-

fieso que soi bastante escépticu.

Hai inclusive xeneraciones nes aules

que tienen una regresión en com-

paranza cola xeneración que naci-

mos nos sesenta. Hai un desal-

cuentru bastante importante: les

moces nun aguanten a los mozos

y los mozos nun quieren entrar en

ciertes esixencies de les moces. Tán

cambiándose les exes de trabayu y

agora ta dexándose de trabayar

prioritariamente la igualdá d’opor-

tunidaes na elección d’oficios y pro-

fesiones porque se vio que mentes

nun se consiga la igualdá de corres-

ponsabilidaes y obligaciones eso

ye una trampa. Hai una reivindica-

ción d’implicar al alumnáu ado-

lescente nos llabores cotidianos y al

empar hai un cuestionamientu mui

fuerte no qu’hemos facer nes aules

tocante a los modelos de namora-

mientu, como los amores tóxicos

–rellaciones que son fonte de sufri-

mientu– o los románticos, y la rella-

ción qu’éstos modelos tienen cola

xénesis de la violencia de xéneru, de

la que se dan demasiaos casos ente

la xente mozo.

–¿Ayuda’l contestu de fuerade la escuela a trabayar nestescuestiones? ¿Refuerza la socie-dá’l mensaxe d’igualdá o anúlalu?

–Sabemos que la escuela ye par-

te de la solución, non suficiente

pero sí imprescindible. Había com-

binase amás cola acción social, la

familiar y la política. Pue dicise que

l’axenda política haila, hai discursu

políticu sobre la igualdá, hai accio-

nes institucionales, hai ufierta for-

mativa pa profesores sobre pre-

vención, hai estructures nos cen-

tros p’aplicar les midíes dirixíes a la

igualdá real ente homes y muyeres...

L’armazón existe, pero falta impli-

cación y coherencia y nes families

el discursu ye entá ambivalente.

Una cosa ye lo que se diz y otra lo

que se fai. Namás se confiesen

corresponsables un ocho por cien-

tu de families y si nun se predica col

exemplu de lo que ye la corres-

ponsabilidá en casa, el discursu

teóricu pue quedar desvinculáu de

la realidá en cuantes el mozu o la

moza llega a casa y ve coses con-

traries a les que se tán teorizando.

–La familia foi ún de los focosde crítica del feminismu polosroles de desigualdá que perpe-túa. ¿Sigue esi modelu familiartradicional que cuestionaba’l femi-nismu?

–Sí. Pue que cambiara la estruc-

tura del nucleu familiar pero nun

cambiaron los roles internos. Hai

estudios que demuestren qu’en

families que provienen de pareyes

distintes o distintes de les tradicio-

nales tampoco nun tán cambiando

tanto los roles. Equí l’atención hai

que la poner na poca implicación

masculina en cuasi tolos modelos

familiares. L’home namás s’impli-

ca cuando la muyer nun pue face-

lo, pero mentes la muyer, por com-

patibilidá horaria o lo que sía, pue

facer llabores de casa, la trampa

de la conciliación ye la sobrecarga

llaboral femenina y la flexibilidá.

Ye ella la que tien que modificar la

so visión del mundu llaboral pa

facelu compatible coles sos obli-

gaciones doméstiques porque la

sociedá esixe cuentes a les muyeres

del estáu de la casa y de la educa-

ción de los fíos y fíes, non al home.

Y, sicasí, sábese qu’un padre corres-

ponsable xenera na siguiente xene-

ración comportamientos muncho

más corresponsables, pero hai mui

pocos y ye una batalla importante

na qu’hemos trabayar.

–Afirma que los homes tamiéndiben ganar si s’implicaren nesosllabores. ¿De qué manera?

–La implicación del home na

casa ha facese por xusticia y inclu-

sive por egoísmu, dando’l mensaxe

positivu de que los homes tamién

ganen implicándose nos llabores de

cuidáu. Si nun ganaren, si namás

tuvieren pérdigues, tamién habíen

tar ehí trabayando, pero ye que,

amás, oxetivamente, cuando se refle-

xona un poco, tán ganando en

cuantes a medría personal.

–¿Cómo valora les polítiquesd’igualdá del Gobiernu español?¿Tán ayudando a cambiar estessituaciones?

–Una cosa son les posibilidaes

qu’abre y otra cosa ye’l respaldu

social. Énte la posibilidá d’escoyer

el permisu por nacimientu de for-

ma alternativa ente padre y madre,

nel 99 por cientu de los casos

escuéyelu la madre. Los homes

namás salen del mercáu llaboral

cuando ye un derechu inescusable

d’ellos, cuando nun lu pueden tres-

ferir. Quier dicise, l’aumentu de

cuatro a quince díes del permisu de

paternidá ta bien porque fai que los

homes salgan y s’impliquen, pero

tovía ye insuficiente. Yo creo más

nel modelu escandinavu que rei-

vindica equí la Plataforma polos

Permisos Igualitarios: trataríase de

garrar el máximu posible de meses

y el 50 por cientu’l padre y el 50

por cientu la madre o dividíu al 40

y el 60 por cientu. Mentes nun

sía obligatoriu un mayor permisu

masculín los homes nun van incor-

porase al cuidáu de les families. Y

ye bono que l’home salga del mer-

cáu llaboral, que la empresa entien-

da que los homes y muyeres salen

del mundu llaboral por nacimientu

o adopción. Si non, les muyeres

siguen llevando esi cartel invisible,

pero que ta ehí, que diz «voi ser

madre, nun voi tar disponible» y esi

ye un suelu pegañosu, una trampa

que fai que nun puedan ofrecese

con disponibilidá pa la empresa y

que siga habiendo reparos a con-

tratales.

Vien de la páxina anterior

«La trampa de laconciliación ye lasobrecarga llaboralfemenina»

«Nes xeneracionesmás moces hai hastauna regresión tocantea la igualdá»

Los homes profeministes son los qu’«apoyen activamente’l feminis-

tu y los esfuerzos pa facer realidá la xusticia de xéneru y la igualdá».

Asina se pon de manifiestu nel artículu del australianu Michael Flo-

od publicáu hai yá diez años na Revista virtual XI qu’él mesmu diri-

xe. Nesti testu, el teóricu de la igualdá fai por dar respuesta a les pre-

guntes «más habituales sobre homes y polítiques profeministes», con-

virtiéndose nun referente pa los homes profeministes que trabayen

n’Europa –onde existe una Rede Europea d’Homes Profeministes–,

Australia, Estaos Uníos, Canadá, Sudamérica y África. Ún de los

asuntos comunes de trabayu nestos colectivos ye la llucha contra la

violencia de xéneru, de manera que bien d’organizaciones tán adhe-

ríes a la campaña del Llazu Blancu, que nació en Canadá a últimos

de los ochenta. Nesi país, el 6 d’avientu de 1989 foron asesinaes cator-

ce adolescentes por estudiar una carrera destinada a homes. L’asesín,

al gritu de ¡feministes!, entró na facultá y matóles. A partir d’esa fecha

un grupu de varones pensó que tenía la responsabilidá d’implicase

pa que coses asina nun volvieren a pasar y garraron el símbolu del lla-

zu blancu, que se convirtió nuna referencia internacional nesta llucha.

Pero aparte de la violencia machista, los homes profeministes, espli-

ca Michael Flood, critiquen los «costos de la masculinidá» a cuenta

de les definiciones tradicionales de virilidá que pueden traer «problemes

graves de salú, muerte prematura, sobresplotación física y mental, rella-

ciones emocionalmente vacies...». Por estes cuestiones, Flood afirma

que los homes «hemos trabayar pol cambiu social y personal. Dam-

bos dos tipos de cambiu son vitales pa nosotros».

El fechu de que se denominen profeministes en cuenta de femi-

nistes parte de la premisa de que’l «feminismu ye un movimientu y

un cuerpu d’idees, primariamente desarrolláu por, sobre, y pa les muye-

res», diz Flood. Por esi motivu, el teóricu australianu entiende que los

homes «enxamás vamos poder saber perfectamente lo que significa

ser una muyer, lo que nun significa, n’absoluto, que nun podamos pone-

nos nel so sitiu y comprender los sos problemes». Al empar, apúnta-

se al riesgu de que llamándose feministes se colonice’l propiu movi-

mientu de muyeres: trátase d’evitar «meter les ñarices –como siem-

pre– y pensar que tenemos toles respuestes, de pensar que sabemos

meyor qu’elles lo que-yos convién». Y nesi profeminismu, tamién se

da respuesta al tipu de feminismu qu’estos colectivos d’homes apo-

yen énte la diversidá del movimientu: lliberal, socialista, radical, negru,

postcolonial, lésbicu, queer, postestructuralista, postmodernista... «Los

profeministes compartimos esta diversidá, apoyámonos o vémonos

influíos por toles rames del feminismu. Esta diversidá rescampla nes

nuestres acciones, escritos y teoría», indícase nes respuestes a les

«preguntes frecuentes» a los homes profeministes.

Una d’eses preguntes frecuentes ye: «¿Somos los profeminismu

homosexuales?», diz Flood nel so testu. «Pos bien, hai homes de tol

espectru de preferencies y gustos sexuales ente los profeministes. (...).

El mieu a ser etiquetáu como gai previénnos pa que nun cuestione-

mos y abandonemos la masculinidá tradicional. Munchos profemi-

nistes sostenemos que los homes y la masculinidá nun van cambiar

xamás si nun s’acaba cola homofobia.Dellos llámennos gai-heteros

o heterosensatos y sentímosnos mui felices de rellacionanos con

naturalidá independientemente de les nuestres preferencies sexuales,

apoyando activamente les reivindicaciones y grupos que lluchen pol

reconocimientu y la dignidá de les minoríes sexuales».

¿Quién son y québusquen los homesprofeministes?