PROXECTO DE TRABALLO POR

COMPETENCIAS.

VIAXE NO TEMPO

Xustificación

Escollemos este proxecto: Viaxe no tempo, porque:

� Pensamos que pode ser moi motivador para o alumnado.

� Serve para englobar os aspectos do currículo relacionados coa

historia.

� Permite globalizar distintas áreas dentro deste proxecto.

Competencias básicas traballadas

Competencia social e cidadá

- Coñecer, a grandes liñas, as principais etapas da historia.

- Apreciar e respectar o Patrimonio artístico e cultural propio.

- Valorar o intecambio de puntos de vista.

- Ter unha actitude respectuosa nas relacións cos demais.

- Comezar a valorar criticamente a información.

Competencia cultural e artística

- Considerar as manifestacións culturais e artísticas como parte

do patrimonio dos pobos.

Competencia aprender a aprender

- Saber utilizar diferentes formas de información.

- Fomentar a aprendixe autónoma.

- Ser cooperador e solidario.

Competencia para a autonomía e iniciativa persoal

- Organizar e distribución de tempos e tarefas do proxecto.

- Coidar a presentación do proceso e facer unha exposición

colectiva dos resultados.

- Buscar o acordo e integrar diferentes puntos de vista para

lograr resultados.

Competencia dixital e tratamento da información

- Realizar procuras de información utilizando buscadores.

- Recuperar e almacenar información de diversas páxinas web.

Competencia lingüística

- Sacar e diferenciar o principal do accesorio de

textos lidos.

- Ler en público de modo axeitado en exposición

aos demais.

- Argumentar e rexeitar opinións e ideas.

- Escribir unha biografía respectando o seu formato.

Competencia matemática

- Usar os símbolos matemáticos básicos (números romanos)

Metodoloxía.

Nesta unidade didáctica seguiremos un enfoque metodolóxico por proxectos e

de aprendizaxe cooperativa. Xa que tanto o alumnado coma o profesorado se

está iniciando en este tipo de traballo, todas as sesións estarán bastante

dirixidas polas docentes, dando certa marxe de liberdade nalgúns apartados.

O proxecto realizarase principalmente na área de Coñecemento do Medio, con

algunha incursión das áreas de Lingua Galega, Matemáticas e Educación

Artística para facilitar a realización dalgunhas actividades necesarias para

conseguir unha visión global do tema.

Partiremos destas fases na secuencia do proxecto:

� Elección do tema (o tema principal estará elixido polo

profesorado, procurando dar máis liberdade no desenvolvemento

grupal)

� Planificación dos pasos a seguir (alumnado e docentes)

� Búsqueda de información (alumnado asesorado por docentes e

familias)

� Tratamento de información (alumnado

asesorado por docentes)

� Elaboración de índice (alumnado asesorado

por docentes)

� Elaboración do dossier con todo o material

(docentes coa colaboración do alumnado)

� Avaliación (individual, grupal e docente)

Para a realización deste proxecto o alumnado traballará individualmente, en

parellas e en grupos de catro (excepto un grupo que será de 3). Os grupos

formaranse procurando a máxima heteroxeneidade. Unha vez formados os

grupos buscarán cinco coincidencias entre todos os membros e tres teimas,

para elixir un nome relacionado co anterior. Traballarán individualmente

naquelas actividades que esixan búsqueda de información, reflexión propia,

asentar conceptos, ...

En parellas naqueloutras que impliquen chegar a unha primeira

confrontación de ideas e chegar a acordos previos aos grupais.

A colocación do alumnado na aula permitirá que en calquera momento se

poida ir cambiando dun tipo de agrupamento (individual, parella, pequeno

grupo) con facilidade, permitindo en todo momento a libre circulación polo

espazo.

O papel das docentes será de orientar, motivar e asesorar ao alumnado en

todo momento. Buscarase a implicación e colaboración da familia na

realización dalgunhas actividades. Cada alumno e alumna irá formando un

dossier con todas as actividades realizadas individualemente , en parella

ou grupo. Os proxectos que realice cada grupo fotocopiaranse ao final para

que cada un deles teña o que realizaron os demais. Encadernanse os

traballos para que cada neno e nena teña o traballo completo.

Xa que o alumnado non está afeito a buscar información en enciclopedias,

na aula crearase un recuncho de

historia onde estarán libros de

textos de distintas editoriais e

cursos facilitados pola profesora e

outro material bibliográfico que se

buscará na biblioteca ou que traerá

o alumnado das súas casas.

Presentamos os libros de texto

porque cremos que lles poden

resultar máis fácil para localizar a

información que precisen,

introducindo progresivamente

enciclopedias, libros consulta, ... aínda que tamén estarán na aula para

aquel alumnado que poida acceder a el. Ter en conta que na aula temos un

alumno co altas capacidades.

ACTIVIDADES A continuación presentamos as actividades principais que se realizarán neste proxecto.

1ª Actividade: Motivación – Determinación dos coñecementos previos

Presentaremos imaxes de distintas épocas históricas no

taboleiro da clase de xeito desordenado. A continuación

daremos a cada alumno e alumna unha serie de preguntas

nun folio que contestarán individualmente:

- Que é a historia?

- Quen e cando se descubriu o lume?

- Coñeces o nome dalgún emperador

romano?

- Sabes se hai castelos en Galicia? En que

localidades? De que época son?

- Quen e cando se descubriu América?

- Que inventos coñeces? Sabes quen os

descubriu?

- O ano 1930 , de que século é?

Unha vez que contesten individualmente, colocaranse por

parellas para facer un primeiro resumo das respostas previo

á unión do grupo. O portavoz lerá as respostas dadas. A

mestra escribiraas no encerado.

2ª Actividade. Que é a historia? A propia historia e a propia liña do tempo. Grupo. Individual.

Seguindo o mesmo plan de traballo, presentamos a palabra

HISTORIA escrita en gran tamaño en cartolina e propoñemos

que cada grupo busque o significado desa palabra e os

escriban nunha ficha que facilitamos. Debate e aclaración ao

grupo.

Propoñerase ao alumnado que pensen na súa propia historia

e indicando os feitos máis importantes da súa vida.

En grupo debatirán sobre os momentos que cren que

deberían indicar. Posteriormente farase un debate para

concretalos entre todos e todas. Propoñerlles que sitúen

cronolóxicamente eses feitos. Introducir o concepto de liña

do tempo. Dar ficha conceptual e con exemplos.

Cada alumno e alumna elaborará a súa propia liña do tempo

na casa buscando a colaboración da familia para situar os

feitos no tempo.

3ª Actividade. Asociamos os anos aos séculos correspondentes. Área de matemáticas.

Dar a cada alumno/a unha ficha con dúas ringleiras de

casiñas: unha con anos e outras cos séculos nos que se

sitúan desordenados. Cada un deberá unir ano con século

correspondente. Posteriormente debater no grupo e chegar a

unha proposta única. Debater en gran grupo. Inducir o

método para poder asociar ano con século.

Ficha individual de consolidación. Corrección polo

compañeiro/a da dereita.

4ª Actividade.A liña do tempo.

Entregaranse a cada alumno seis imaxes das épocas que

nos interesa traballar, co nome de cada unha e a época na

que se sitúa desordenadas. Deberán unir cada imaxe, co

nome e a època. Posteriormente, debatirano coas parellas e

nos grupos.

Unha vez que o teñan realizado definitivamente, cada grupo

autocorrexirase consultando en distintos libros de texto que

teñamos na aula.

Despois a profesora aclarará dúbidas para situar

definitivamente cada época no momento axeitado,

elaborarase unha primeira liña do tempo.

5ª Actividade. Elaboración do mapa conceptual do proxecto.

A profesora presenta o traballo que deben realizar en grupo

para facilitar o coñecemento das distintas épocas

históricas: Viaxe no tempo. Seguindo a secuencia de

traballo: individual – parella – grupo, cada grupo deberá

indicar que épocas (consultando os libros de textos

podemos traballar e que aspectos debemos tratar en cada

unha.

Así elaboraremos o mapa conceptual que cada alumno/a

copiará nunha ficha.

6ª Actividade. Estudo dun aspecto ao longo das épocas históricas fixadas. Grupo

A mestra distribuirá cada un dos temas (modo vida,

desprazamentos-medios transporte, inventos, construcións,

personaxes históricos, manifestacións artísticas) entre os

grupos. Cada grupo deberá ir analizando o aspecto que lle

corresponda utilizando o material que considere.

Baixarase a biblioteca a buscar material bibliográfico,

propoñerase que traian calquera libro que teñan na casa

sobre o tema, irase a aula de informática a buscar

información, imaxes, ... Crearase o Recuncho da historia na

aula.

Cada grupo realizará un índice do traballo que supervisará a

profesora. Unha vez feito comezarán a traballar en distintas

sesións.

O traballo deberán ir plasmándoo en folios utilizando o

medio que desexen (escrito manualmente, ordenador, ...)

VIAXE NO TEMPO

É POCA

7ª Actividade. Facemos biografías. Área de lingua. Individual – parella – grupo.

A partir da pregunta que é unha biografía? Recolleranse as

ideas, propoñerase que busquen no dicionario o seu

significado. Aclaración grupal.

Ler unha biografía dalgún personaxe coñecido. Darlla a cada

neno e nena para que individualmente a analicen e indiquen

os aspectos que se van tratando. Debater en parella e

despos en grupo. Debate en gran grupo cos portavoces

Aclaradas as dúbidas, propoñer que cada un/unha realice

unha autobiografía utilizando a liña do tempo elaborada.

Corrección polo compañeiro/a da dereita no grupo.

8ª Actividade. Biografías de personaxes históricos. Área de lingua. Parella.

O equipo encargado dos personaxes históricos propoñerá

doce. Cada parella escollerá un para realizar unha biografía

sobre el. Unha vez feitas uniranse para facer un libriño con

elas.

9ª Actividade. Facemos mosaicos. Área de educación plástica. Parella.

Propoñer a realización dun mosaico. O grupo encargado das

manifestacións artísticas explicará o que é e en que época se

sitúan. Cada parella realizará un nunha cartolina utilizando o

material que desexe.

10ª Actividade. Visitamos un museo. Individual – Grupo. Colaboración familia.

Actividade previa: Que é un museo? Que é un museo

arqueolóxico? Onde está o máis próximo á localidade? Que

hai alí? Daráselles individualmente unha ficha con estas

preguntas para que leven a casa e intente contestar coa

colaboración da familia.

Posteriormente na clase debateran as respostas en grupo.

Debate a nivel da clase.

Indicar que imos ir visitar un museo próximo: Museo de

Melide.

Como nos debemos comportar nun museo? Primeiro

individualmente e despois en grupo facer unha listaxe coas

normas que debemos cumprir nunha visita a un museo.

Facer resumo global.

Buscar información sobre el na aula de informática.

O día da visita por parellas deberán cubrir unha ficha con

información que deben recabar.

11ª Actividade. Elaboramos carta de solicitude de visita ao museo. Área de Lingua. Parellas - grupo.

Primeiro por parellas e despois cada grupo elaborarán unha

carta. Recollendo as suxestións de cada grupo escribirase

unha da clase onde asinarán todos e todas.

12ª Actividade. Expoñemos o traballo realizado. Grupo

Cada grupo expoñerá o traballo realizado utilizando a

metodoloxía, material, recursos, ... que desexe co

asesoramento da profesora.

Todo o material fotocopiarase para que cada neno e nena

teña todos os traballos no seu dossier.

13ª Actividade. Elaboración de preguntas. Grupo.

Cada grupo elaborará unhas preguntas sobre o seu traballo

para facer ao restos dos compañeiros e compañeiras.

14ª Actividade. Sesións de avaliación. Individual – grupo - profesora.

As sesións de avaliacións faranse:

- Contidos: Xogo de preguntas elaborado

polos grupos aos grupos // Proba

individual elaborada pola mestra.

- Completar os cuestionarios de avaliación

recollidos no apartado correspondente.

CEIP DE CURTIS. A CORUÑA. JUSTO LEMA.