PROGRAMA FORMATIVO ACELERATIC PARA A

TRANSFORMACIÓN DIXITAL DAS PEMES

ÍNDICE

ACELERATIC

Obxectivo

Destinatarios e enfoque

Sesións de formación

Profesorado

Onde e cando

Selección de participantes

PRESENTACIÓN

Programa formativo Aceleratic

para a transformación dixital das pemes

Na actualidade, a transformación dixital non é unha opción. As empresas de hoxe en día

non poden dubidar sobre a adaptación a este novo contorno, pois xa non hai outra maneira

de renovarse e competir que a través dela.

Calquera organización, independentemente do seu tamaño, debe interiorizar, explotar e

adaptarse á canle dixital para converterse nunha empresa que poida aproveitar todas as

súas potencialidades. A transformación dixital é un proceso no que toda empresa debe

pensar, pois é imprescindible para poder competir no mercado actual.

Todos sabemos que nunha peme nunca sobran recursos, formación nin tempo. Por estas

razóns este programa está creado a medida das pequenas e medianas empresas galegas,

pensado desde as necesidades básicas da transformación dixital da peme e buscando

aproveitar ao máximo recursos e tempo para lograr unha formación e uns coñecementos

adecuados ás súas necesidades.

Trátase dun programa de transformación dixital con catro módulos que abordan as

temáticas fundamentais para afrontar a transformación dixital e un plan de

asesoramento/titorización dixital para cada participante, que persegue un alto impacto para

a transformación dixital de calquera peme galega.

OBXECTIVOS O programa Aceleratic permitiralles aos participantes reflexionar sobre os aspectos e as

novidades tecnolóxicas que poden ser de utilidade no día a día das súas empresas e

descubrir, dunha maneira práctica e enfocada en casos de éxito, as vantaxes que para

pemes e empresariado pode supor a implantación e adopción de novas ferramentas de

transformación dixital. Trátase de proporcionar unha folla de ruta a cada participante que lle

permita afrontar este desafío na súa empresa. O programa achégalles as novas estruturas

organizativas, os novos modelos de relación coa clientela e a xestión do cambio, e outorga

ferramentas estratéxicas, tácticas e operativas para avanzar nese eido.

O programa presenta unha serie de accións que serven de difusión, sensibilización e

formación para o persoal directivo das pemes galegas e están encamiñadas a que os

asistentes reflexionen sobre os aspectos e as novidades tecnolóxicas que poidan ser de

utilidade no día a día nas súas empresas.

En definitiva, trátase de construír un perfil directivo que manexe o dixital dende un punto de

vista estratéxico, que coñeza a contorna dixital, adquira as habilidades necesarias para

entender que valor pode achegar a tecnoloxía ao negocio e impulse os cambios necesarios

na empresa para unha verdadeira transformación dixital.

DESTINATARIOS

Un total de 25 xerentes, con empresas en propiedade ou mandos intermedios de carácter

directivo con capacidade de decisión e influencia na empresa de sectores, preferentemente

non tecnolóxicos.

ENFOQUE

A transformación dixital dunha empresa implica un cambio a todos os niveis: cultura,

persoas, produción, clientes e provedores. Este programa formativo céntrase en formar

nestes aspectos cun enfoque práctico e operativo.

O programa ten as seguintes características:

Consta de catro sesións formativas de transformación dixital de 8 horas cada unha en

temas relativos a ferramentas de transformación dixital cun relator experto na materia.

Para dotar de maior impacto a acción formativa e obter un efecto máis práctico nos

proxectos participantes, realizaranse dúas sesións de titorización (unha ao inicio do

programa e outra a modo de peche, ao finalizar este). Trátase de dúas sesións de 2

horas de titorización/consultoría personalizada para cada asistente co fin de establecer

a ruta para seguir en cada materia abordada na sesión formativa por parte de cada

proxecto.

Todas as sesións combinarán coñecementos avanzados sobre a materia con

metodoloxías eminentemente prácticas que impliquen a realización de casos e

exercicios de utilidade para a posterior adaptación aos seus proxectos.

SESIÓNS

FORMATIVAS

Cada unha das catro sesións formativas de transformación dixital

desenvolverase en xornadas de día completo co seguinte horario:

As sesións de titorización para o desenvolvemento do plan de

transformación dixital personalizado realizaranse por medio de

videoconferencia.

09:30 Primeira parte da

sesión formativa

14:30 Fin da primeira parte

16:00 Segunda parte da

sesión formativa

19:00 Fin da xornada

Sesión 1. Transformando dixitalmente a estratexia da nosa peme. Big data,

cloud computing, AppEconomy, IoT, robotización e industria 4.0:

A sociedade da información, a era dixital, a economía en rede… son termos que

constantemente aparecen nos medios de comunicación. A sociedade está a transformarse

a unha velocidade vertixinosa e os cambios nas relacións económicas tradúcense en

novos modelos de negocio e en novas formas de competir. As tecnoloxías da información e

as comunicacións (TIC) convertéronse en ferramentas básicas para as organizacións deste

novo escenario económico.

Contidos principais:

1.Empresas que xeran valor e riqueza no novo escenario do sector TIC

2. Breve análise dos principais cambios tecnolóxicos e sociais

3. Robotización hardware e software, e impacto no emprego

4. Cambios no comportamento dos consumidores e economía colaborativa

5. A AppEconomy

6. ERP, cloud computing e big data

7. Novas tecnoloxías de gran potencial para o futuro: realidade aumentada, wearables,

interner of the things…

8. Consellos para competir na economía dixital

Sesión 2. Transformando dixitalmente o marketing na nosa peme. Novas

canles de comunicación co cliente. Ferramentas de marketing dixital.

Introducirémonos no mundo do marketing dixital e abordaremos os principios do inbound

marketing ou marketing de atracción. A partir deste contexto, máis próximo ao cliente,

trataremos cuestións operativas e estratéxicas que nos axuden a alcanzar os obxectivos

que perseguimos. Xa definidas as pautas para a comunicación no ámbito dixital,

exploraremos as diferentes ferramentas operativas.

Contidos principais:

1. O marketing non cambia… cambia a contorna e as ferramentas

2. Evolución do marketing e a publicidade dixital

3. Ferramentas de marketing dixital para a transformación dixital: medios dixitais propios,

de pago e gañados; inbound marketing; analítica web

4. Medios propios: web, e-comerce, blog, canles propias RRSS, boletíns, posicionamento

orgánico en buscadores

5. Medios de pago: SEM, publicidade dixital, email marketing, social ads

6. Medios gañados: eventos con influencers, microinfluencers

Sesión 3. Transformando dixitalmente o marketing na nosa peme. Novas

canles de comunicación co cliente. Social Media:

Contidos principais:

1.Social Media Marketing

2.Contorna actual do marketing en liña

3.Estratexia e plan de marketing dixital

4.Canles e medios dixitais para comunicarnos cos clientes/persoas usuarias: -Estado actual do social media

-Optimización, como xerar alcance e crear oportunidade

-Community management, funcións, tarefas, operativa e ferramentas

5.Análise de uso das principais redes sociais: Facebook, Instragram, Twiter, Linkedin

6. Contido e planificación

7. Social ads: -Introdución a social ads

-As plataformas implicadas

-Analizando propostas efectivas

-A segmentación

-Crear anuncios en Facebook, Twiter, Linkedin e Instagram

-Estatística

-Tips e claves

Sesión 4. Transformando dixitalmente a canle de venda da nosa peme. O

comercio electrónico como unha alternativa estratéxica

Nesta sesión perséguense como principais obxectivos os seguintes:

-Comprender as claves da estratexia de vendas en liña

-Coñecer como se está integrando a canle en liña coa canle física tradicional en

diversas industrias

-Aprender a discernir cales das estratexias de prezo e servizo en liña cadran co

negocio do asistente e cales non

-Ser capaz de recoñecer os principais procesos e escollos no desenvolvemento dun

proceso de integración da tenda en liña con outros asistentes da compañía

-En definitiva, entender que competencias e organización son necesarias para

comandar a canle en liña

Contidos principais:

1. Importancia do comercio electrónico en España

2. Estratexia en liña no sistema de valor

3. A creación de ingresos da canle en liña

4. Estratexia de xeración de tráfico, de mellora da taxa de conversión, de mellora do carriño

medio, estratexia de aumento de recorrencia

5. A ecuación de marxe bruta da canle en liña

SESIÓNS DE

TITORIZACIÓN

Dúas sesións de titorización por proxecto, co obxectivo de

que cada sesión personalizada lle sirva de axuda e de guía

ao asistente na súa transformación dixital. Unha das sesións

realizarase ao inicio do programa, para trazar os retos que se

deben seguir, e a outra desenvolverase ao final do programa,

coa finalidade de avaliar os avances e as accións de futuro

que se poden implementar no ámbito da transformación

dixital de cada proxecto.

As sesións realizaranse por videoconferencia, co obxectivo

de avanzar en dúbidas concretas sobre a temática exposta

nas sesións formativas.

PROFESORADO

Álvaro Gómez Vieites

Enxeñeiro técnico Superior en Telecomunicacións

pola Universidade de Vigo. Doutor en Administración

de Empresas. Diploma in Business Administration e

Executive MBA pola Escola de Negocios

Afundación. Foi responsable de Sistemas da Escola

de Negocios Afundación, socio-consultor de EOSA

Consultores e director de SIMCE. Actualmente é

profesor asociado de IESIDE.

Gonzalo Garre Rodas

Licenciado en Dereito pola Universidade da Coruña.

MBA pola Escola de Negocios Caixanova. Foi

consultor de EOSA Consultores. Actualmente é

CMO de Livelopic e profesor colaborador de IESIDE

nas áreas de marketing e de dirección de empresas.

PROFESORADO

Javier Varela González

Consultor de marketing, estratexia e comunicación

en Toctocmedia. Interim Marketing Manager en

Gradiant e administrador de Theorangemarket.com.

Mestrado en Dirección de Marketing pola Escola de

Negocios Afundación. Licenciado en Administración

e Dirección de Empresas pola Universidade de

Santiago de Compostela.

Carlos Otero Barros

Licenciado en Ciencias Físicas pola Universidade

Autónoma de Madrid. MBA pola Escola de Negocios

Afundación. Foi director xeral e co-fundador de

Fractal Info Enxeñeiros. Actualmente é director de

Marketing de Alotofus e profesor colaborador de

ESIC, ESEUNE e IESIDE.

ONDE E CANDO:

30 de outubro

Titorías: do 5 ao 9 de novembro

13 de novembro

20 de novembro

27 de novembro

Titorías: do 28 de novembro ao 5 de decembro

Sala 1 da Biblioteca e Arquivo de Galicia

Cidade da Cultura (Santiago de Compostela)

PREINSCRICIÓNS:

Prazas dispoñibles: 25 Do 10 ao 21 de outubro (ás 18.00 h):

https://cdtic.xunta.gal/aceleratic2018

ou no correo electrónico cdtic@xunta.gal

PROCESO DE SELECCIÓN PARTICIPANTES:

Os solicitantes ordenaranse alfabeticamente polo primeiro apelido

segundo letra establecida mediante sorteo público.

Requírese unha fianza de 300 €. Recupérase no caso de acreditar o

aproveitamento do 85% das horas de formación e titoría.

Documentación xustificativa:

Xustificante bancario da copago

Cabeceira da nómina

Último recibo de autónomo/IAE

Listaxe de asistentes de reserva