PLANTASPLANTAS

CARNÍVORASCARNÍVORAS

Obteñen parte ou a maioría do seu alimento mediante a captura de pequenos animais (xeralmente insectos, arañas e anfibios), protozoos... Producen enzimas dixestivas que disolven as presas ou axúdanse de bacterias.

Adoitan vivir en lugares co solo pobre en nitróxeno como as brañas e turbeiras ou sobre as rochas.Coñécense unhas 625 especies de plantas carnívoras e 300 de plantas protocarnívoras (que amosan parte das características).

Atraen ás súas presas polo olor, pola cor ou polo néctar que producen e empregan distintos sistemas para atrapalas:-trampas móbiles-superficies pegañentas-formas que facilitan a entrada e dificultan a saída: con pelos, espiñas, superficies lisas e esbaradizas...

VENUS ATRAPAMOSCAS (Dionaea muscipula)As presas, atraídas por un néctar dóce, rozan uns peliños que fan que a folla se peche. As espiñas das beiras impiden que escapen. Unha vez dixerida a presa, a folla cae e nace outra nova.Orixinaria de Carolina (EE.UU).

Aldrovanda vesiculosa Vive en charcas de auguas ácidas. Mide de 15 a 20 cm de lonxitude. Ten unhas vexigas para aboiar na auga.A trampa está formada por dous lóbulos con dentes nas beiras.É unha planta rara que se pode atopar en Europa, Asia, África e Australia.

RORELAS ou ORBALLIÑAS (Droseras)Capturan e dixiren as presas empregando unhas glándulas da superficie das súas follas que segregan unha substancia pegañenta. Coñécense 194 especies, distribuídas por todo o mundo.

Drosera derbyensis

RORELA (Drosera intermedia)Atópase en turbeiras por toda Galicia.

RORELA (Drosera rotundifolia)Atópase en turbeiras por toda Galicia, especialmente en zonas altas.

Byblis... Coñécense seis especies que se atopan en Australia, Nova Guinea e Indonesia.

Drosophyllum lusitanica As follas teñen dúas clases de glándulas; unhas que producen substancias pegañentas e outras dixestivas.Atópase en Portugal, no sur de Andalucía e en Marrocos.

PINGUICOLASCapturan as presas coas substancias pegañentas que segregan uns pequenos pelos das follas e logo fabrican enzimas para dixerilos. Coñécense 80 especies.En Galicia hai tres especies: P. lusitanica, P. grandiflora e P. vulgaris.

UTRICULARIASViven en lagos e brañas. Capturan pequenos animais que succionan cunhas vexigas cando estes contactan cos peliños da entrada. Coñécense 215 especies e viven en case todo o mundo.En Galicia aparecen Utricularia australis e Utricularia menor.

Sarracenia As follas forman un recipiente con forma de tompeta onde quedan atrapadas as presas que son atraídas por unha combinación de olores e cores.Son orixinarias de Norteamérica. Coñécense nove especies.

Darlingtonia californica (lirio cobra)Almacena auga no interior das súas follas tubulares bombeándoa desde as raíces. Non produce enzimas dixestivas. Ten nas trampas células absorbentes semellantes ás da raíces e bacterias simbióticas.É orixinaria de Norteamérica.

Heliamphora Teñen follas tubulares que enchen con auga para capturar insectos. Algunhas producen enzimas dixestivas e outras empregan bacterias simbióticas.Viven nas áreas pantanosas de América do Sur. Coñécense 18 especies.

Nepenthes (xerras, copas de mono)Teñen trampas en forma de xerra con tapa, cun fluído no seu interior producido pola propia planta, que atrae e dixire ás presas. As paredes lisas do interior e a forma da boca impide a saída das presas.Son orixinarias das áreas tropicais. Coñécense 116 especies.

CephalotusTen follas en forma de xerro que atrapan pequenos animais.Orixinaria de Australia. Coñécese unha única especie.

CURIOSIDADES.Charles Darwin escribiu o primeiro tratado sobre as plantas carnívoras en 1875.

Montaxe: Adela LeiroFotos: Adela Leiro, Mon Daporta, Wikipedia