itinerario a santa mariña
DESCRIPTION
Excursión: Itinerario a Santa MariñaTRANSCRIPT
XUSTIFICACIÓN DO ITINERARIO
A proposta de itinerario que presento é un acercamento á paisaxe, a arte e a historia
de Galicia a partires dun edificio concreto: Santa Mariña de Augas Santas.
O itinerario terá caracter multidisciplinar, xa que abordaremos os contidos a traballar
dende distintas disciplinas do currículo: Xeografía, Historia e Historia da Arte e por
suposto dende o plano lingüístico. Traballaremos, tamén, actitudes como o respecto
ao patrimonio artístico, histórico e etnográfico da nosa comunidade. Como unha
parte do percorrido faise camiñando estaremos traballando con aspectos
relacionados ca Educación Física.
A proposta de itinerario didáctico está elaborada para alumnado de segundo curso
do Bacharelato, para traballar na materia de Xeografía e Historia de Galicia.
OBXECTIVOS
- Fomentar no alumnado o interese polo patrimonio natural, cultural, histórico e
artístico galego.
- Sensibilizar o alumnado da necesidade de conservar e respectar o patrimonio
artístico e cultural de Galicia.
- Desenvolver no alumnado procedementos relacionados coas técnicas de
investigación, conxugando o traballo da aula co traballo de campo.
- Fomentar propostas didácticas de carácter multidisciplinar.
- Potenciar o traballo individual e de grupo.
- Traballar co alumnado as técnicas de análise espacial e a súa valoración por
constituíren instrumentos de axuda para desenvolverse na vida cotiá.
- Propiciar actitudes de respecto polo medio ambiente e actitudes solidarias na
defensa do mesmo.
- Transmitir o alumnado o concepto de “roteiro cultural” como forma de disfrutar do
tempo de ocio e de lecer.
CONTIDOS
- As augas e o seu papel no territorio.
- As diferentes variables que interaccionan no medio físico.
- A vexetación: as formacións autóctonas.
- O legado da Galicia prerromana e romana.
- O esplendor da Idade Media.
- O Renacemento e o Barroco.
METODOLOXÍA
A metodoloxía a empregar debe propiciar a formación integral do alumno.
Utilizaremos dúas estratexias alternativas: a exposición de principios elaborados
polo docente e a indagación por parte do alumno.
Partiremos dunha avaliación inicial, que faremos de forma breve e oral na aula. Esta
avaliación vainos ser de gran utilidade xa que nos vai dar información sobre os
coñecementos previos do alumno así como o seu interese polo tema a tratar e as
súas expectativas ante a realización da actividade. A continuación, presentaremos o
itinerario: percorrido, duración, obxectivos e contidos.
Nunha segunda fase o docente exporá os conceptos elaborados necesarios despois
de ter analizada a avaliación inicial e pasaremos a realizar o material do itinerario,
empregando mapas, textos, fotografías, etc.
Despois de feita a saída, os alumnos e alumnas elaborarán un informe a modo de
síntese final. Este informe farase en grupos para logo facer unha posta en común e
avaliar a actividade.
PRESENTACIÓN DO ITINERARIO
Itinerario
- Inicio: na cidade de Santiago de Compostela.
- Distancia: 125 Km.
- Número de paradas: 2
- Duración: unha xornada.
Descrición do itinerario
- Paradas
nº 1:Taboadela. Aquí iniciamos o percorrido a pé de 5 Km. ata chegar á Igrexa de
Santa Mariña.
Actividades :- Faremos unha táboa de estiramentos.
- Recoller no caderno de campo: o nome das especies autóctonas e
foráneas que vaiamos atopando, ríos, regatos, fontes, lavadeiros, etc.
Tempo previsto: 2h. 30’
nº 2 : Igrexa de Santa Mariña de Augas Santas e o seu entorno, onde se atopan o
castro de Armeá e a basílica da Ascensión.
Actividades: Visita á igrexa, o castro e a basílica.
Tempo previsto: o resto do día.
Materiais para levar na saída
· Mapas e planos
· Material elaborado polos alumnos e alumnas na aula
· Material de traballo: caderno de campo
· Material opcional:
- Roupa e calzado axeitado para camiñar.
- Máquina de fotos.
TRABALLO PREVIO NA AULA
1. Busca información sobre a lenda de Santa Mariña.
2. Na fotografía podes ver a “pedra formosa” de Santa Mariña. Explica de que se
trata.
3. As seguintes imaxes corresponden a un período histórico determinado. Poderías
identificalo?. Explica que son estas imaxes.
4. Esta é a planta da igrexa de Santa Mariña. Analiza as súas características
formais e indica a que estilo artístico pertence.
5. Identifica os elementos construtivos (soportes e cubertas) que aparecen nas
seguintes imaxes.
6. Describe as fotografías do exterior do edificio.
7. Fai unha composición sobre a importancia dos mosteiros na Galicia medieval.
8. Xa vimos que en Santa Mariña atopamos restos de diferentes épocas históricas.
Cres que é unha casualidade ou que hai unha explicación? Razoa a resposta.
9. A continuación tes o perfil topográfico de parte do traxecto que imos realizar.
Indica a altitude á que se atopa o lugar ó que imos.
MATERIAL COMPLEMENTARIO
Mapa de curvas de nivel.
Exercicios para antes de iniciar o roteiro.
TRABALLO POSTERIOR Á SAÍDA
Elabora un informe resumo sobre a saída. Nel debedes recoller, tamén, valoracións
persoais sobre a actividade.