informe sobre a situaci n actual e futuro do sistema de...
TRANSCRIPT
![Page 1: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/1.jpg)
Cidade da Cultura Monte Gaias s/n 15707 Santiago de Compostela
INFORME SOBRE A SITUACIÓN ACTUAL E FUTURO DO SISTEMA DE BIBLIOTECAS DE GALICIA
1. Primeiras consideracións
As bibliotecas públicas, tal e como indican as súas estatísticas de uso, funcionan, e
o seu presente e futuro encóntrase nos cidadáns que as visitan. Pero é igualmente
certo que para que cumpran convenientemente coa súa función deben de reunir
unha serie de requisitos en canto a dimensións, servizos, coleccións e atención que
cumpran criterios de calidade e suficiencia e isto non sucede sempre así; con
frecuencia atopámonos, por unha banda, con instalacións ou servizos denominados
bibliotecas que non teñen os requisitos mínimos para alcanzar a categoría dunha
biblioteca pública e, por outra, con bibliotecas públicas en toda a súa dimensión
pero de difícil mantemento a curto e longo prazo. De aquí a necesidade de
planificar os servizos en función das necesidades de cada territorio ou comunidade,
valorando adecuadamente os recursos que se necesitan para crear e manter no
tempo o servizo de biblioteca pública e evitando caer na tentación de crear
equipamentos que non respondan ao concepto de biblioteca pública e cuxa
sostibilidade sexa dubidosa.
E para planificar en materia bibliotecaria hai que ter en conta:
· O modelo de biblioteca pública.
· A lexislación e normativa internacional, estatal e autonómica.
· As características territoriais e demográficas da Comunidade, neste caso da
Galega.
· As ferramentas de planificación bibliotecaria existentes que contemplen os
equipamentos existentes.
· O calendario de actuacións en función do financiamento dispoñible e as
prioridades establecidas.
![Page 2: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/2.jpg)
Cidade da Cultura Monte Gaias s/n 15707 Santiago de Compostela
2. Situación actual
Co fin de contar cunha información completa, actualizada e contrastada da
realidade dos centros bibliotecarios da rede galega a Dirección Xeral do Libro,
Bibliotecas e Arquivos a través da Subdirección Xeral de Bibliotecas elaborou no
ano 2009 o Censo de Bibliotecas de Galicia que supuxo a compilación da
información das bibliotecas galegas, mediante a recolleita de datos referidos aos
espazos, ao fondo documental, ao persoal, ás horas de servizo e ao equipamento
informático, ademais de recoller información adicional de utilidade para coñecer o
estado da cuestión sobre aspectos específicos dos recursos das bibliotecas que se
consideran de importancia estratéxica para o desenvolvemento do servizo.
Os datos recollidos mostran a realidade na que se atopa a Rede de Bibliotecas de
Galicia e que se plasma no seguinte informe:
2.1 Consideracións xerais
O Censo de Bibliotecas de Galicia de 2009, recolle que a Rede de Bibliotecas de
Galicia, está integrada por 456 bibliotecas, e baseándonos na súa distribución por
provincias, que se reparten en proporcionalidade directa coa poboación total de
cada provincia: a que ten unha cifra maior de habitantes (A Coruña) conta co maior
número de bibliotecas, 176 e na menos poboada (Lugo) ten o menor número, 72.
En medio, en segundo e terceiro lugar atópanse respectivamente, Pontevedra, 122
bibliotecas, e Ourense, con 86. estruturaríanse do seguinte modo:
A CORUÑA
Segmento poboacional Nº de concellos Nº de bibliotecas
< 2.000 12 10
2.000-3.000 10 8
3.000-5.000 18 24
5.000-10.000 32 58
10.000-30.000 16 37
> 30.000 6 39
Totais 94 176
LUGO
![Page 3: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/3.jpg)
Cidade da Cultura Monte Gaias s/n 15707 Santiago de Compostela
Segmento poboacional Nº de concellos Nº de bibliotecas
< 2.000 21 17
2.000-3.000 16 13
3.000-5.000 17 21
5.000-10.000 7 10
10.000-30.000 4 7
> 30.000 1 4
Totais 66 72
OURENSE
Segmento poboacional Nº de concellos Nº de bibliotecas
< 2.000 59 46
2.000-3.000 15 14
3.000-5.000 9 8
5.000-10.000 5 7
10.000-30.000 4 4
> 30.000 1 7
Totais 93 86
PONTEVEDRA
Segmento poboacional Nº de concellos Nº de bibliotecas
< 2.000 3 2
2.000-3.000 3 3
3.000-5.000 17 21
5.000-10.000 14 18
10.000-30.000 21 57
![Page 4: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/4.jpg)
Cidade da Cultura Monte Gaias s/n 15707 Santiago de Compostela
> 30.000 4 21
Totais 62 122
Un resultado inmediato que estes datos nos permiten obter é a ratio de bibliotecas
por habitante e provincia, redondeando, da menor á maior: Ourense, 1 biblioteca
por cada 3.902 habitantes; Lugo, 1 por cada 4.865; A Coruña, 1 por cada 6.505; e,
por último, Pontevedra, cunha biblioteca por cada 7.740 habitantes. Tamén, por
suposto, a ratio de bibliotecas por habitante da comunidade autónoma: 1 biblioteca
por cada 6.130 habitantes.
2.2 Edificio
No tocante a infraestruturas internas propiamente ditas, ao espazo dispoñible para
albergar tanto material como equipamentos ou persoas, Galicia conta cunha
superficie bibliotecaria de 88.475 m2 con grandes diferenzas interprovinciais. A
Coruña destaca como a provincia que suma un maior número de metros cadrados
de superficie útil, moi por encima do resto, cun total de 41.845 m2, dobrando
practicamente aos de Pontevedra e case triplicando aos de Ourense e Lugo. As
bibliotecas coruñesas son tamén en promedio as máis grandes, con 250´57 m2,
seguidas polas da provincia de Pontevedra, cunha superficie útil media duns
214´34m2. As da provincia de Ourense contan cunha superficie media de 148´52
m2. As de Lugo, en terceiro lugar, non chegan aos douscentos metros, quedándose
nuns 185´67 m2. As dúas provincias máis poboadas estarían por enriba da media
galega, mentres que as menos habitadas quedarían por debaixo. Isto, como imos
ver, vai ser a unha tendencia habitual con respecto a case todas as variables do
estudo.
2.3 Colección
Cunha colección total de 2.627.158 documentos, 129.674 documentos audiovisuais,
84.974 títulos de publicacións seriadas
A biblioteca galega promedio conta con 6.538´37 exemplares na sección xeral e
3.361´23 exemplares na sección infantil. Ourense é a provincia con menor número
de volumes na sección xeral, cunha media de 3.133´75 exemplares, é dicir, o
48´23% do promedio autonómico. O resto de provincias practicamente dobran a
Ourense, aínda que Lugo tamén se queda por debaixo da media da comunidade.
As posicións entre estas dúas provincias varían no relativo á seccion infantil, xa que
son as bibliotecas lucenses, con 2174 exemplares, as que contan cun menor
![Page 5: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/5.jpg)
Cidade da Cultura Monte Gaias s/n 15707 Santiago de Compostela
número de volumes en promedio, mentres que as ourensás chegan ata os 2.695.
Só as da Coruña, unha vez máis, superan, con 396´81 exemplares, a media
autonómica.
En canto aos exemplares audiovisuais, o promedio para o conxunto da comunidade
é de 421´02 exemplares. Neste caso, A Coruña e Lugo superan esta media,
ampliamente a primeira e máis axustadamente a segunda, con 618´034 e 428´77
exemplares respectivamente. Por debaixo atopamos a Pontevedra e, sobre todo, a
Ourense, con 102´75 exemplares de audiovisuais por biblioteca de media, un
25´16% do promedio autonómico.
No que se refire aos títulos de revistas, atópanse grandes diferenzas,
principalmente entre os 583 títulos de promedio na provincia da Coruña e o resto,
moi por debaixo. De feito, A Coruña dobra a media autonómica, que é de 276´79
títulos. As outras provincias quedan moi afastadas dela debido ao valor extremo
das bibliotecas coruñesas. Pontevedra dispón de 103´56 títulos; Lugo, 65´85; e
Ourense, 45´33.
2.4 Persoal
Na categoría de persoal 720 persoas traballando nas súas bibliotecas, información
relativa ao número de traballadores en termos de equivalencia, é dicir, de fraccións
de tempo dedicado ao traballo na biblioteca en función da consideración de xornada
completa establecida no correspondente centro de traballo.
Dende este punto de vista, as bibliotecas da provincia da Coruña son as mellor
dotadas námbolos dous sentidos: son as que contan con máis persoal e, ademais,
co máis cualificado, con aproximadamente un bibliotecario por cada dúas
bibliotecas a tempo completo, 0´57, e un técnico por cada unha, 1´01 En total,
sumando os promedios das catro clases de persoal, é a única provincia en ter dous
traballadores por biblioteca a tempo completo, case medio punto por enriba da
media autonómica, que é para esa suma de 1´66 traballadores por biblioteca. A
Coruña é tamén a única provincia que supera o promedio da comunidade nas dúas
categorías de persoal cualificado, promedio que é de 0´40 para bibliotecarios é de
0´79 para técnicos.
Todas as provincias, a excepción da Coruña, están por debaixo do promedio
autonómico en canto ao total de persoal por biblioteca. As bibliotecas coa media
máis baixa de persoal de Galicia son as de Ourense, cun total resultante da suma
dos promedios parciais das diferentes categorías de 1´16 traballadores por
![Page 6: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/6.jpg)
Cidade da Cultura Monte Gaias s/n 15707 Santiago de Compostela
biblioteca. A continuación están as de Lugo, con 1´44. E, finalmente, cerca da
media pero sen chegar a ela atópanse as bibliotecas de Pontevedra, con 1´63.
En canto á cualificación, Pontevedra é, despois da Coruña, a mellor dotada, con
0´39 bibliotecarios e 0´61 técnicos. Preto está Ourense, que conta con máis
técnicos, 0´79, pero menos bibliotecarios, 0´14. Por último, Lugo, con 0,31
bibliotecarios e 0´49 técnicos. É de resaltar, por outra banda, o baixo número
relativo de persoal subalterno no conxunto da comunidade autónoma, 0´13, un
traballador a media xornada cada cinco bibliotecas. Un pouco máis alto e
significativo é o promedio correspondente a outros, con 0´39, practicamente
equivalente ao de bibliotecarios, que unha categoría un tanto caixón de sastre pero
que pode interpretarse como un indicador da alta porcentaxe relativa de persoal
non cualificado que traballa nas bibliotecas galegas. En Pontevedra e Lugo case hai
un traballador a media xornada por biblioteca pertencente á categoría de outros, e
en A Coruña danse cifras moi semellantes.
2.5 Atención ao público
Para rematar este informe réstanos a derradeira categoría, a relativa as horas de
apertura. As bibliotecas galegas abren unha media de 30 horas á semana, e aquí
non existen diferenzas substanciais entre elas. Tal vez destaque como paradoxa o
feito de que a provincia que conta con menos persoal, Ourense, sexa a que abre
máis horas, 31´71 á semana. Polo demais, todas están en torno a ese promedio
xeral.
3. FUTURO
A situación económica actual e a política de contención orzamentaria obriga ás
Administracións Públicas, máis que nunca, a planificar estratexicamente as
actuacións cara a optimizar os recursos o mellor posible: xestión sostible dos
recursos, mellora continua, logro da eficacia e a eficiencia,….
Población(hab.)
Recursos
Coleción
(documentos)
Superficie
(m2 útiles)
Persoal
(persoas a xornada
completa)
Ordenadores
(número de PC’s)
A Coruña 1.145.488 41,0% 1.669.643 63,5% 41.845 47,2% 350 48,7% 1073 42,6%
Lugo 355.195 12,7% 231.596 8,8% 12.440 14.06% 99 13,7% 328 13,6%
Ourense 335.642 12,0% 81.289 3,1% 12.327 13,93% 97 13,5% 565 22,4%
Pontevedra 959.764 34,3% 644.630 24,53% 21.863 24,71% 172 23,9% 547 21,7%
2.796.089 100% 2.627.158 100% 88.475 100% 718 100% 2513 100%
![Page 7: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/7.jpg)
Cidade da Cultura Monte Gaias s/n 15707 Santiago de Compostela
Conscientes de que só mediante a planificación estratéxica é posible obter servizos
bibliotecarios de calidade que se adapten ás cambiantes necesidades de
información, formación e ocio da cidadanía, e que garantan o acceso igualitario aos
servizos, a Subdirección Xeral de Bibliotecas iniciou, co Censo das Bibliotecas
Públicas de Galicia, un proceso de planificación bibliotecaria que tuvo a súa
continuidade na realización dos Estándares das Bibliotecas Públicas de Galicia e que
rematará coa elaboración do mapa de bibliotecas.
3.1 Estándares das Bibliotecas Públicas de Galicia
Os estándares son os primeiros que se elaboran desde, e para Galicia. A súa
aplicación, como elemento base para a planificación e a programación dos
equipamentos, deberá significar unha mellora considerable das bibliotecas nos
próximos anos que permitirá, ao servizo de biblioteca pública de Galicia, realizar un
gran salto cualitativo con respecto á situación actual.
Tomando en consideración a poboación do concello, defínense os criterios que
deben alcanzar os recursos para que as bibliotecas poidan ofrecer un servizo
axeitado e de calidade. Así mesmo favorecen a optimización dos servizos que
prestan estes centros e axudan a que poidan desenvolver os seus obxectivos nas
mellores condicións posibles.
Ademais son un instrumento que permite, por unha banda, estimular o crecemento
e a mellora da calidade da biblioteca, favorecendo así o logro da súa misión, e por
outra, convencer da necesidade de adaptación ás circunstancias cambiantes dos
concellos, evitando, así, caer na idea dunha biblioteca estática. Ademais permiten,
a partires dunha calidade mínima que a biblioteca debe garantir, avaliar o grao de
adecuación actual dos recursos cos que se conta e establecer as bases dunha futura
planificación.
O modelo de biblioteca a implantar e que se reflexa nos Estándares rompe co
concepto tradicional de biblioteca pública que a identificaba como un espazo
exclusivo para estudantes ou como un almacén de libros, fai xa tempo que é cousa
do pasado. Na actualidade encontrámonos ante unha sociedade con profundos
cambios sociais que apuntan cara a unha actualización constante e o rápido
desfasamento dos coñecementos profesionais e da información. A revolución
tecnolóxica, os cambios dos hábitos culturais dos cidadáns e das formas de uso do
seu tempo libre, a multiplicación das fontes de acceso á información, o aumento do
analfabetismo funcional, a multiculturalidade,... todos estes factores caracterizan a
evolución social, cuns modelos de vida e de relación nova que formulan novas
![Page 8: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/8.jpg)
Cidade da Cultura Monte Gaias s/n 15707 Santiago de Compostela
demandas a que cómpre dar resposta. En consecuencia, o novo modelo de
biblioteca é froito do equilibrio e da relación dos seguintes eixes de intervención:
• A biblioteca como produtora, provedora e democratizadora da información.
• A biblioteca como espazo de formación e de desenvolvemento persoal.
• A biblioteca como punto de encontro e espazo cultural de proximidade.
3.2 Edificio
O edificio da biblioteca debe ser un espazo atractivo, acolledor e flexible, que
responda ás necesidades cambiantes dun público heteroxéneo. Debe reflectir a
concepción da biblioteca como referente cultural do territorio e, aínda que debe
responder a uns estándares comúns de lectura pública, debe adaptarse ás
peculiaridades e necesidades do concello e da área de influencia da biblioteca.
A distribución e tamaño dos espazos bibliotecarios veñen condicionados polos
cambios que se están a producir polo incremento do uso das TIC, e polas novas
formas de produción e consumo de servizos bibliotecarios, o que nos leva a unha
biblioteca como espazo social de encontro e centro de aprendizaxe aberto.
Considerando a evolución do modelo de biblioteca pública, os Estándares de
Biblioteca Pública de Galicia establecen o dimensionado e a distribución dos espazos
das bibliotecas en catro grandes zonas funcionais :
D Zona de acollida e promoción
Esta é a zona de acceso e acollida dos usuarios, onde tamén se poden ubicar os
espazos destinados á promoción lectora e á formación, ademais de servir de espazo
de apoio para determinadas actividades.
D Zona xeral
Destinada a maiores de 12-14 anos e dividida en tres áreas: a área de información
e fondo xeral, a área de música e imaxe, e a área de hemeroteca. A distinción en
diferentes áreas ven dada pola diferente tipoloxía documental.
D Zona infantil
![Page 9: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/9.jpg)
Cidade da Cultura Monte Gaias s/n 15707 Santiago de Compostela
Está destinada a facilitar unha colección que poida dar resposta ás necesidades de
formación e ocio do público de ata os 12-14 anos. Deberá contar cun espazo
destinado á promoción da lectura e á formación en habilidades informacionais.
D Zona de traballo interno
Abarca o espazo destinado á selección e recepción de fondos, de proceso técnico,
as tarefas de administración e dirección, os depósitos documentais e almacén
loxístico.
3.3 Equipamento
A prestación dos servizos vai ligada á un equipamento que satisfaga as necesidades
dos usuarios, e que debe incluír a incorporación das tecnoloxías emerxentes da
información e da comunicación para facilitar o acceso á información de forma
igualitaria e contribuíndo deste xeito a impedir a exclusión dixital. Os Estándares
concretan o número mínimo e a distribución dos puntos de lectura e dos puntos de
acceso informático públicos que se considera que deben ofrecer as bibliotecas aos
seus usuarios.
Coa aplicación dos Estándares, as bibliotecas máis pequenas deberán dispoñer dun
mínimo de 7 puntos de acceso informático e 20 puntos de lectura -ademais dos
correspondentes ao espazo polivalente-. Nos municipios de máis de 5.000
habitantes os puntos de acceso informático increméntanse de forma importante ao
sumarlles os correspondentes ao espazo de formación.
3.3 Colección
As Directrices IFLA / UNESCO para el desarrollo de las bibliotecas públicas
establecen unha ratio municipal de entre 2,5 e 2 documentos por habitante
segundo a poboación do municipio. Nestes momentos, con 0,95 documentos a ratio
galega aínda queda lonxe da situación ideal e máis se consideramos o baixo índice
de renovación das coleccións.
O fondo documental, ou colección, é fundamental para a consecución dos
obxectivos que persigue a biblioteca e debe dar servizo a un amplo e diverso rango
de demandas e intereses, sendo unha entidade viva, o que implica que non nos
![Page 10: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/10.jpg)
Cidade da Cultura Monte Gaias s/n 15707 Santiago de Compostela
podemos quedar nas dimensións da colección, senón que se debe analizar a súa
calidade e idoneidade, e o seu índice de renovación.
É necesario relativizar a importancia dos aspectos cuantitativos das coleccións en
favor da súa accesibilidade, actualidade e adecuación. Aínda así, coa vontade de
mellorar a situación actual e aproximarnos ao que establecen as Directrices, os
Estándares de Biblioteca Pública de Galicia marcan unhas pautas cuantitativas
básicas que dimensionan a colección de libre acceso a nivel municipal: fíxanse cinco
ratios en función da poboación do concello, tendo en conta que esta ratio aumenta
proporcionalmente a medida que disminúe o número de habitantes, para asegurar
así un acceso igualitario á información.
3.4 Persoal
O persoal é o factor clave para o éxito da biblioteca, e máis no novo modelo de
biblioteca pública que ten que ser capaz de traballar en coordinación co seu entorno
e con outros axentes sociais, culturais e económicos da súa comunidade,
intentando atraer a atención por parte dos cidadáns e adaptándose constantemente
ás súas novas necesidades. O éxito dos servizos prestados dependerá en grande
medida da súa formación permanente, da súa motivación e tamén dun axeitado
dimensionado.
Os cadros de persoal das bibliotecas públicas deben estar formadas por:
• Persoal técnico bibliotecario
Os bibliotecarios desenvolven e implantan as políticas e servizos dirixidos a
satisfacer as necesidades dos seus usuarios e as dos servizos de información á
comunidade (desenvolvemento da colección, organización dos recursos, a
orientación e asistencia aos usuarios na recuperación da información, ...). O persoal
directivo céntrase tamén no relativo á xestión dos recursos, na elaboración de plans
e normas, no seguimento da súa aplicación, así como na dirección e coordinación
de equipos de traballo.
O persoal técnico bibliotecario dispoñerá de formación académica, preferentemente
en Biblioteconomía e / ou Documentación. Na Administración Pública son os grupos
A1 e A2.
• Persoal auxiliar de biblioteca
Os técnicos auxiliares de biblioteca colaboran co persoal bibliotecario na provisión
de servizos e o complementa. Se o traballo do persoal bibliotecario corresponde á
![Page 11: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/11.jpg)
Cidade da Cultura Monte Gaias s/n 15707 Santiago de Compostela
dirección, orientación, formulación, coordinación e aplicación da política
bibliotecaria, o traballo do persoal auxiliar corresponde á execución.
Entendemos por persoal auxiliar de biblioteca o que se atopa no grupo C1 da
Administración pública. Terán titulación en bacharelato ou técnico equivalente e
formación específica en bibliotecas.
• Persoal axudante de servizo, subalterno ou de apoio
Os axudantes de servizo colaboran no funcionamento da biblioteca. Realizan tarefas
básicas relacionadas coas coleccións, os servizos e a atención ao público. A súa
categoría laboral atópase no grupo E da Administración Pública.
• Persoal especializado
Nas redes urbanas, ademais do persoal propio das bibliotecas, deberá considerarse
a contratación dun persoal que asista á globalidade da rede. Éste poderá estar
formado por persoal bibliotecario e auxiliar itinerante, e por profesionais doutras
ramas como informáticos, administrativos, educadores sociais, xestores de recursos
humanos, ……..
O número de persoal necesario para xestionar a biblioteca depende de forma
directa do tamaño da biblioteca, o horario de atención ao público e a poboación da
área de influencia da biblioteca. Os estándares establecen o horario mínimo de
horas semanais de servizo e o número e categoría laboral das persoas que deben
formar o equipo de traballo .
O persoal das bibliotecas locais estará formado por entre unha e sete persoas para
atender un horario de apertura de entre 20 e 35 horas semanais. Todas as
bibliotecas locais dos concellos de máis de 5.000 habitantes deben contar con
persoal técnico bibliotecario.
3.5 Mapa de Bibliotecas
Unha vez os Estándares sexan aprobados pola Consellería de Cultura, o seguinte
paso a tomar é a elaboración do Mapa de lectura pública de Galicia e impulsar plans
municipais ou territoriais de bibliotecas.
O Mapa, creado a partir do contraste entre a situación bibliotecaria actual e a que
correspondería segundo a aplicación dos Estándares, é o marco de referencia básico
das actuacións das administracións públicas responsables da prestación do servizo
bibliotecario xa que permite coñecer a realidade bibliotecaria do territorio, detectar
![Page 12: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/12.jpg)
Cidade da Cultura Monte Gaias s/n 15707 Santiago de Compostela
os déficits bibliotecarios e establecer as necesidades da lectura pública de cada
concello. A partir dos resultados obtidos será necesario establecer unha política de
actuación que promova a execución de accións que permitan a mellora paulatina da
situación bibliotecaria actual e a aproximación á situación ideal formulada polos
Estándares e o Mapa. Para completar o proceso, é conveniente realizar plans
municipais de bibliotecas que vaian un paso máis alá do Mapa recollendo a
casuística de cada municipio para adaptar e dimensionar mellor os recursos ás
características do territorio.
Considerando a realidade sociodemográfica de Galicia e a distribución da súa
poboación no territorio, será necesario tamén establecer unha política específica
que permita, por unha banda, acercar o servizo bibliotecario aos concellos máis
pequenos e aos núcleos rurais disgregados e, por outra, promover a unión ou
colaboración dos concellos, sobre todo dos máis pequenos, co obxecto de compartir
recursos e, así, acadar unha maior eficiencia e eficacia. Esta colaboración deberá
quedar reflectida na redacción de plans territoriais de bibliotecas.
Sen dúbida queda un longo camiño por percorrer que non está exento de
dificultades, pero non cabe dúbida de que os estándares e o mapa de bibliotecas
deben significar un paso importante para a mellora substancial do servizo de
biblioteca pública de Galicia.
3.6 Lei de Bibliotecas
No marco dun novo escenario é evidente que as bibliotecas encóntranse ante novos
retos e para afrontalos se precisa unha visión estratéxica de xestión pública que
volve obsoleta a actual lei de bibliotecas (Lei 14/1989, do 11 de outubro, de
Bibliotecas).
Para afrontar os novos retos da biblioteca e para que o servizo bibliotecario se
axuste a realidade, faise necesario contar cun novo marco lexislativo que teña en
conta o novo modelo de biblioteca e que integra os seguintes elementos:
centralidade, apostase por grandes bibliotecas centrais ben dotadas; traballo en
rede a nivel local que permita tender unha rede a partir da biblioteca central coas
bibliotecas de proximidade que acerquen o servizo aos cidadáns; presenza da
biblioteca fora da súa propia sede; a biblioteca como centro de información,
aprendizaxe e cultura; incremento de servizos en liña. Deste xeito a biblioteca
convértese nun lugar de intercambio e encontro e nun espazo comunitario.
![Page 13: Informe sobre a situaci n actual e futuro do sistema de ...rbgalicia.xunta.es/descargas/1362409528.pdf · cada provincia: a que ten unha cifra maior de habitantes (A Coruña) conta](https://reader033.vdocumento.com/reader033/viewer/2022043014/5fb257faa73e3d11445ef512/html5/thumbnails/13.jpg)
Cidade da Cultura Monte Gaias s/n 15707 Santiago de Compostela
Por outra banda, conformada unha importante rede de bibliotecas públicas de
Galicia, hai que incidir xa non tanto na creación de novos centros, como na mellora,
modernización e planificación dos existentes.
O anteproxecto de Lei de Bibliotecas que estase a tramitar recolle o novo modelo
do Sistema de Bibliotecas Públicas de Galicia e a creación do Mapa de Bibliotecas
Públicas como o marco de referencia básico das actuacións das administracións
públicas responsables da prestación do servizo bibliotecario e como o instrumento
que determinará en función de criterios obxectivos os servizos bibliotecarios
dispoñíbeis, as necesidades de lectura pública e planificará o tipo de servizos que
lle corresponderá a cada poboación conforme os estándares internacionais e
comunitarios.