guía para a elaboración da planificación estratéxica dos ... · 5 de 20 aspectos positivos...
TRANSCRIPT
Guía para a elaboración da planificación estratéxica dos centros da USC
1 de 20
Índice
1. Introdución .................................................................................................................................... 2
2. Procedemento para a elaboración do plan estratéxico ............................................................. 4
2.1 Fase 1. Analizar a situación ........................................................................................................... 4
2.2 Fase 2. Definir a misión, a visión e os valores do centro ............................................................ 6
2.3 Fase 3. Definir as estratexias a seguir ......................................................................................... 8
2.4 Fase 4. Elaborar a proposta de plan estratéxico e expoñelo publicamente. .......................... 11
2.5 Fase 5. Aprobar a versión definitiva e difundir o plan estratéxico ........................................... 11
2.6 Cronograma de elaboración do plan estratéxico dos centros ................................................. 11
3. Procedemento para a elaboración da programación plurianual .............................................. 13
3.1 Memorias de calidade: vinculación do plan de melloras coa programación plurianual ......... 14
Anexo I: liñas e obxectivos estratéxicos do PE da USC 2011-2020 relacionados cos centros ........... 15
Anexo II: diagrama de fluxo do procedemento de elaboración dun plan estratéxico .................... 16
Anexo III: formato do plan estratéxico................................................................................................ 17
Anexo IV: diagrama de fluxo do procedemento de elaboración da programación plurianual ....... 19
Anexo V: formato da programación plurianual .................................................................................. 20
2 de 20
1. Introdución
De acordo co Sistema de Garantía Interna da Calidade da USC, a política e obxectivos de calidade
dos centros determínanse a través dos seguintes instrumentos:
Documento Periodicidade Responsables
Plan estratéxico
Cando remate a vixencia do anterior, non pode superar o marco temporal establecido polo plan estratéxico da USC vixente nese momento (actualmente 2020)
Iniciativa: equipo de dirección (ED) Elaboración: grupo ou comisión nomeada polo ED Aprobación: Comisión de Calidade e Planificación delegada do Consello de Goberno, despois da aprobación na Xunta de Centro.
Programación plurianual
Ten unha vixencia de catro anos e concreta os obxectivos do plan estratéxico polo que o seu marco temporal estará determinado pola duración do plan estratéxico do centro
Iniciativa: ED Elaboración: Comisión de Calidade do Centro Aprobación: Xunta de centro (posteriormente a Comisión de Calidade e Planificación pode formular recomendacións)
Plan de melloras
É anual. Elabórase e apróbase como parte da memoria de calidade do centro e concreta os obxectivos da programación plurianual a desenvolver ese ano e as melloras que se establezan a través do proceso seguimento do SGIC e do seguimento/acreditación dos títulos impartidos no centro.
Elaboración: Comisión de Calidade do Centro Aprobación: Xunta de centro (posteriormente a Comisión de Calidade e Planificación pode formular recomendacións)
Esta guía ten por obxecto servir de axuda no proceso de elaboración da planificación estratéxica
das facultades e escolas da USC.
Os plans estratéxicos dos centros incluirán a misión, a visión, os valores e os obxectivos
estratéxicos do centro que deberán estar aliñados, polo menos, con algún dos que figuran no
Plan Estratéxico (PE) da USC. Aqueles obxectivos estratéxicos que están relacionados cos
centros están recollidos no Anexo I deste documento, así como as accións para logralos. En
congruencia co Plan Estratéxico da USC os plans dos centros terán, como máximo, o mesmo
horizonte temporal que o xeral, que actualmente é o ano 2020.
3 de 20
Unha vez elaborado, e salvo que se reformule o PE da USC, non ten por que revisarse toda vez
que a actualización das súas liñas se concreta por medio das programacións plurianuais, para as
que se recolle neste documento tamén o proceso de elaboración e que teñen un período de
vixencia de 4 anos.
4 de 20
2. Procedemento para a elaboración do plan estratéxico
As facultades e escolas da USC elaborarán os seus plans estratéxicos de acordo co proceso PE-01
e, máis concretamente, co procedemento P01-PE-01 Elaboración e aprobación do Plan Estratéxico
do centro.
Fases de elaboración do plan estratéxico
1. Analizar a situación do centro
2. Definir a misión, a visión e os valores do centro
3. Definir as estratexias a seguir
4. Elaborar a proposta de plan estratéxico e expoñelo publicamente
5. Aprobar a versión definitiva e difundir o plan estratéxico
É moi importante que durante todo o proceso se teña en conta a coherencia e integración entre
o plan estratéxico do centro e o Plan Estratéxico da USC. Para facilitar esta labor, no anexo I
pódese ver unha relación dos ámbitos, liñas estratéxicas e obxectivos do PE da USC 2011-2020.
A continuación recóllese a información detallada para cada fase:
2.1 Fase 1. Analizar a situación
O equipo de dirección do centro será o encargado de liderar o proceso de elaboración do plan
estratéxico. Para iso, deberá determinar os grupos de interese a consultar e nomeará a Comisión
ou Grupo encargados de facer a proposta de plan estratéxico.
Esta comisión ou grupo analizará, a situación actual tendo en conta a situación interna do centro
así como da súa contorna, determinando debilidades e ameazas, fortalezas e oportunidades. Esta
análise coñécese como análise DAFO. Así mesmo, realizará unha análise prospectiva da situación
futura que orientará a estratexia a seguir.
A análise DAFO é a ferramenta estratéxica por excelencia. Permite coñecer a situación real na
que se atopa unha organización así como os seus riscos e oportunidades.
O nome vén das súas iniciais:
D: debilidades
A: ameazas
F: fortalezas
O: oportunidades
Permite concretar graficamente a avaliación dos puntos fortes e débiles da organización e das
ameazas e oportunidades externas e serve para analizar o momento presente.
5 de 20
Aspectos positivos Aspectos negativos
Interno Fortalezas Debilidades
Externo Oportunidades Ameazas
Dimensión interna
Fortalezas ou puntos fortes: son do propio centro, podes ser demostrables e mantéñense no
tempo. Poden consistir en capacidades, recursos, posicións acadadas, etc. e poden servir como
base para desenvolver oportunidades.
Debilidades ou puntos débiles: son do propio centro e afectan negativamente aos resultados
esperados. Teñen que darse no momento actual e limitan a capacidade de desenvolvemento da
organización, diminuíndo a súa eficacia e eficiencia. Constitúen áreas de mellora para a
organización.
Dimensión externa (non a controla a organización)
Oportunidades: é todo o que supoña unha vantaxe para a organización ou que represente unha
posibilidade para mellorar. Son dinámicas, é dicir, poden desaparecer se non as aproveitamos.
Ameazas: calquera forza da contorna que poida impedir a implantación dunha estratexia ou
reducir a súa efectividade, incrementando os seus riscos ou os recursos que se requiren para a
súa implantación. Son obstáculos na consecución dos resultados esperados.
É imprescindible basearse en feitos reais para a elaboración da análise e non en opinións ou
xuízos de valor. O que se pretende coa análise DAFO é ter unha foto da situación actual do centro
e non a busca de solucións.
Neste punto o grupo de traballo debería ter xa unha idea bastante concreta das puntos fortes do
centro e das súas áreas de mellora.
Exemplo:
Análise DAFO realizada na elaboración do Plan Estratéxico da USC 2011-2010
Fortalezas
Persoal con recoñecida cualificación e experiencia.
Ampla oferta docente en todas as ramas de coñecemento
Debilidades
Resultados insuficientes nas taxas de rendemento dos/as estudantes e elevada taxa de abandono
Oferta de titulacións pouco dinámica e innovadora
6 de 20
Recoñecida actividade investigadora e longa experiencia en transferencia e emprendemento
Capacidade de relación a nivel internacional.
Recoñecemento como Campus de Excelencia Internacional
Universidade de referencia en iniciativas de responsabilidade social
Universidade histórica, cun importante activo patrimonial
Escasa implicación de parte do PDI en actividades de transferencia e investigación
Baixo grao de valorización / maduración dos resultados de investigación
Insuficiente grao de internacionalización
Sistema de xestión pouco flexible
Complexa situación económico-financeira
Oportunidades
Proceso de harmonización e incorporación ao EEES, ao EEI e concordancia co espazo Iberoamericano
Colaboración entre as universidades do SUG e con outras institucións e organismos
Novas fórmulas de xestión dos recursos humanos
Crecente interese do tecido económico e empresarial polas capacidades das universidades
Novas fórmulas para a captación de recursos de investigación e infraestruturas
Ameazas
Multiplicidade na oferta docente do SUG
Evolución demográfica en Galicia
Tecido empresarial do contorno inmediato cun reducido compoñente de I+D+i
Modelo de financiamento que non garante a suficiencia económica da USC
2.2 Fase 2. Definir a misión, a visión e os valores do centro
A mesma comisión ou grupo de traballo deberá definir a misión, a visión e os valores do centro.
Para iso, deberá ter en conta a congruencia coa Misión, Visión e Valores do Plan Estratéxico da
USC que se recollen a continuación:
“Misión: Quen somos?”
A Universidade de Santiago de Compostela é una institución pública dedicada á preservación,
xeración, transmisión e difusión do coñecemento de xeito socialmente responsable. É unha
universidade completa, cunha ampla oferta académica en todas as grandes áreas do saber e que
desenvolve unha importante actividade investigadora, o que a sitúa nunha posición destacada
entre as universidades españolas, sendo pioneira en políticas de emprendemento e en
transferencia e valorización dos resultados da investigación, ao tempo que proporciona un
servizo esencial á sociedade galega.
“Visión: Cara onde nos diriximos?”
Unha universidade de recoñecido prestixio, que destaque a todos os niveis pola súa
solvencia académica e por una oferta atractiva capaz de captar ás/aos mellores
7 de 20
estudantes, así como por unha actividade investigadora recoñecida que responda ás
demandas do contorno e a criterios de excelencia científica que a proxecten
internacionalmente.
Unha universidade firmemente comprometida coa sociedade, que actúe como motor do
desenvolvemento socioeconómico do contorno, e que sexa un referente nos temas de
cooperación social, no desenvolvemento sostible, no respecto ao medio ambiente e na
creación e difusión da cultura.
Unha universidade exemplar na xestión dos recursos, cun modelo de xestión áxil e
transparente, cunha economía saneada e que saiba vincular o funcionamento das
diferentes unidades estruturais coa estratexia institucional.
Unha universidade participativa en torno a un proxecto común, na que todas as
estratexias estean centradas nas persoas, nas súas competencias e condicións de
traballo, para conseguir que todo o seu persoal estea altamente cualificado e motivado.
“Valores: Cales son os principios cos que o acadaremos?”
Preservación e potenciación dos nosos propios sinais de identidade.
Respecto aos dereitos de todas as persoas e, en particular, do noso estudantado, das
traballadoras e dos traballadores.
A procura permanente da excelencia en todas as actividades universitarias.
Compromiso coa transparencia, o rendemento de contas, a eficiencia e a eficacia na
xestión dos recursos.
Compromiso cunha xestión baseada no diálogo, a participación, a confianza e a
responsabilidade compartida.
Compromiso cun desenvolvemento sostible, coa equidade e coa eliminación de todo
tipo de discriminacións.
Compromiso coa transferencia de coñecemento á sociedade como contribución ao
desenvolvemento social e económico de Galicia.
Compromiso de servizo á sociedade.
A comisión ou grupo de traballo establecerá a Misión e a Visión, analizando a súa pertinencia
xunto cos grupos de interese implicados na definición, e a súa coherencia coa misión e visión do
Plan Estratéxico 2011-2020 da USC. A misión e a visión teñen que definirse en poucas liñas e
responden ás seguintes preguntas:
8 de 20
Misión:
1. Cal é a nosa razón de ser?
2. Para quen traballamos?
3. Cal é a nosa finalidade?
Visión:
1. Como queremos ser no 20201?
Valores
Os valores son ideais ou principios colectivos que inspiran as actuacións do centro ou
organización e están ligados coa misión e a visión. Trátase de identificar valores que realmente
ten o centro e non cales debería ter.
Deben ser coherentes e/ou estar inspirados nos do Plan Estratéxico da USC.
2.3 Fase 3. Definir as estratexias a seguir
Unha vez realizada a análise DAFO e tendo a descrición da situación actual e a visión de a onde se
quere chegar, o seguinte paso é definir e priorizar as estratexias posibles. Para iso, con idéntica
metodoloxía, pódese empregar a análise CAME.
A análise CAME pretende:
Corrixir as debilidades
Afrontar as ameazas
Manter as fortalezas
Explotar as oportunidades
Para isto débese analizar a confluencia entre oportunidades-ameazas e fortalezas-debilidades, de
forma que se propoñan as seguintes liñas estratéxicas:
1. Relación entre oportunidades e fortalezas: liñas estratéxicas de reforzo ou ofensivas,
que pretenden usar as fortalezas para aproveitar as oportunidades detectadas.
2. Relación entre fortalezas e ameazas: liñas estratéxicas correctoras ou defensivas, que
buscan superar as ameazas empregando as fortalezas detectadas.
3. Relación entre debilidades e oportunidades: liñas estratéxicas de acción ou de
reorientación, que buscan superar as debilidades internas detectadas aproveitando as
oportunidades externas.
1 O marco temporal do Plan Estratéxico da USC é o ano 2020.
9 de 20
4. Relación entre debilidades e ameazas: liñas estratéxicas reactivas ou de supervivencia
que buscan afrontar as ameazas reducindo as debilidades.
Unha vez determinadas os cuadrantes resultantes serían os seguintes:
Cando xa están compiladas as diferentes liñas resultantes, o grupo ou comisión deberá elixir as
liñas estratéxicas que se consideren máis axeitadas e viables para cumprir a visión establecida.
Oportunidades Ameazas
Fortalezas
Liñas estratéxicas de reforzo ou
ofensivas
(explotar as fortalezas aproveitando as
oportunidades)
Liñas estratéxicas correctoras ou
defensivas
(manter as fortalezas afrontando as
ameazas)
Debilidades
Liñas estratéxicas de acción ou
reorientación
(aproveitar as oportunidades para
corrixir as debilidades)
Liñas estratéxicas reactivas ou de
supervivencia
(afrontar as ameazas non deixando
medrar as debilidades)
10 de 20
Exemplo: liñas estratéxicas establecidas no PE 2011-2020 da USC en función da análise
DAFO/CAME
Estas liñas estratéxicas deben completarse nun cadro de mando que estableza os obxectivos e
accións para cada liña así como os posibles indicadores de execución. É recomendable que, na
medida do posible, se empreguen os indicadores establecidos nos SGIC para facer o seguimento
dos obxectivos estratéxicos e liñas de acción. Cando non sexa posible, os indicadores elixidos
poden ser cualitativos ou cuantitativos en función da natureza do obxectivo establecido. Deben
ser claros, fáciles de obter e para a súa determinación hai que ter en conta que non todo é
medible numericamente.
Exemplos de indicadores cuantitativos:
- Número de convenios asinados con outras universidades para programas de intercambio
- Porcentaxe de alumnado que realizou algún programa de mobilidade (núm. alumnado de
intercambio/núm. alumnado matriculado no centro)
Factores
externos
Factores
internos
Oportunidades
Novas fórmulas de xestión dos recursos
humanos
Ameazas
Modelo de financiamento que non
garante a suficiencia económica da
USC
Fortalezas
Persoal con
recoñecida
cualificación e
experiencia
Liñas estratéxicas de reforzo ou
ofensivas
Un modelo de recursos humanos
baseado na eficacia, a flexibilidade e a
sostibilidade
Liñas estratéxicas correctoras ou
defensivas
Xestión simple, eficaz e transparente
dos recursos
Debilidades
Escasa implicación do
PDI en actividades de
transferencia e
investigación
Liñas estratéxicas de acción ou
reorientación
Compromiso co desenvolvemento
profesional do seu persoal
Liñas estratéxicas reactivas ou de
supervivencia
Procura da excelencia na docencia
Cara á excelencia investigadora
11 de 20
Exemplo de indicadores cualitativos:
- Satisfacción do alumnado coa mobilidade saínte
- Satisfacción do alumnado coa mobilidade entrante
Este cadro de mando está recollido no formato F01-PE-01 (figura como Anexo II).
2.4 Fase 4. Elaborar a proposta de plan estratéxico e expoñelo publicamente.
Neste momento o grupo de traballo ou comisión debería ter o coñecemento da situación actual
do centro, a súa misión, visión e valores así como a estratexia a seguir.
Unha vez elaborada a proposta provisional de Plan Estratéxico do centro, este será exposto
publicamente no centro. O equipo de dirección establecerá as actividades dirixidas a dar a
coñecer o texto (correo electrónico, presentación na Comisión de Calidade, Comité Consultivo e
Xunta de Centro, difusión na web ou en redes sociais, etc.) entre os grupos de interese que se
determinaron na primeira fase, dándolle a máxima difusión e establecendo a canle para recibir as
suxestións que poidan mellorar o texto.
2.5 Fase 5. Aprobar a versión definitiva e difundir o plan estratéxico
Unha vez incorporadas esas suxestións, se as houbera, o centro remitirá o documento á Área de
Calidade e Mellora dos Procedementos, que emitirá un informe cos axustes necesarios, de ser o
caso, ou indicando que a revisión é favorable.
Unha vez realizados os cambios, se fora preciso, a Xunta de centro será a encargada da
aprobación do Plan Estratéxico do Centro.
A aprobación do PE en Xunta de Facultade deberá ser comunicada á Vicerreitoría con
competencias en calidade ou á Área de Calidade e Mellora dos Procedementos para que a
Comisión de Calidade e Planificación delegada do Consello de Goberno informe sobre o plan.
Este informe será comunicado ao centro e, de ser favorable, suporá a aprobación do Plan
Estratéxico e, polo tanto, a súa publicación definitiva por parte do centro de que se trate.
No caso de que a CCPdCG formule recomendacións será preciso realizar os axustes necesarios,
aprobalos de novo na Xunta de centro e volver a enviar o texto para a súa consideración pola
CCPdCG.
2.6 Cronograma de elaboración do plan estratéxico dos centros
A seguinte táboa recolle o tempo máximo estimado para cada unha das fases de elaboración,
tomando como punto de partida o nomeamento da comisión ou grupo de traballo.
12 de 20
Fase Tempo máximo estimado
Fase 1: analizar a situación
- 2 meses Fase 2: definir a misión, a visión e os valores do centro
Fase 3: definir as estratexias a seguir
Fase 4: elaborar a proposta de Plan Estratéxico e expoñelo publicamente
- 2 meses para a elaboración - 1 mes para a exposición pública
Fase 5: aprobar a versión definitiva e difundir o Plan Estratéxico
- 2 meses
13 de 20
3. Procedemento para a elaboración da programación plurianual
A programación plurianual do Centro, en congruencia coa xeral da USC (Programación Plurianual
da USC 2015-2018), formúlase para períodos de catro anos con revisións anuais en función das
decisións que se adopten nos orzamentos. Neste sentido, non é necesario aprobar unha nova
programación ata a finalización da vixencia da anterior, malia ser posible realizar axustes anuais.
A elaboración e revisión da programación plurianual debe seguir o P02-PE-01, Elaboración,
aprobación e revisión da Programación Plurianual do centro, que se recolle no Anexo IV deste
documento.
A iniciativa do Equipo de dirección, a Comisión de Calidade do Centro elaborará unha proposta
obxectivos de calidade no cadro de programación plurianual, para o cal se baseará nos
obxectivos recollidos no plan estratéxico do centro.
No Anexo III recóllese o formato F02-PE-01 de programación plurianual do centro.
Os obxectivos do centro, incorporados á programación plurianual, deberán ser:
- Claros, concisos e ben definidos.
- Concretos no tempo, establecendo fases e prazos para a súa execución.
- Estruturados segundo os responsables implicados.
- Medibles, para que poida ser verificada a súa consecución.
- Ambiciosos pero alcanzables.
- Coherentes coa política de calidade do centro.
O seguimento periódico do seu grao de consecución realizarase segundo o proceso PM-01
Medición, Análise e Mellora.
A proposta de programación plurianual remitirase á Vicerreitoría con competencias en calidade
para a súa revisión, que, de ser o caso, concretarase nun informe cos aspectos a corrixir. A
proposta, coas correccións necesarias, serán elevadas á Xunta de Centro para a súa aprobación.
O Responsable de Calidade do Centro remitirá a programación plurianual á Área de Calidade e
Mellora dos Procedementos, que dará traslado da mesma á Comisión de Calidade delegada do
Consello de Goberno para o seu coñecemento e para, no seu caso, formular recomendacións.
Seguindo o proceso PC-12 Información pública, o decano/a ou director/a do centro difundirá o
contido dos documentos elaborados aos grupos de interese para aumentar a toma de conciencia
e a motivación dos mesmos na consecución dun ensino de calidade.
14 de 20
A CCC responsabilizarase da revisión periódica da vixencia e actualización da política e a
programación plurianual de calidade do centro, así como das canles utilizadas para a súa difusión,
a través do proceso PM-01 Medición, análise e mellor e realizará as propostas de modificación
que considere oportunas.
3.1 Memorias de calidade: vinculación do plan de melloras coa programación plurianual
É importante ter en conta que anualmente tamén se elabora un plan de melloras (incluído nas
memorias de calidade) que se basea na información do SGIC relativa á eficacia da súa
implantación e nos plans de mellora incluídos nas memorias dos títulos do centro, e que
concretará ademais os obxectivos recollidos na programación plurianual a desenvolver nese
ano.
Por outra parte, no apartado 1 das memorias de calidade (Informe de seguimento/revisión do
SGIC) debe realizarse a revisión do cumprimento da programación plurianual. Esta revisión pode
dar lugar á súa actualización ou axuste, debendo incluír neste caso, no apartado 2 (Proposta para
a revisión/actualización da programación plurianual e plan de melloras anual do centro) a
proposta de revisión.
Neste suposto, o Responsable de Calidade do Centro debe remitir a proposta de revisión da
programación plurianual á Área de Calidade e Mellora dos Procedementos, quen lle dará traslado
á Comisión de Calidade e Planificación delegada do Consello de Goberno para, no seu caso,
formular recomendacións.
15 de 20
Anexo I: liñas e obxectivos estratéxicos do PE da USC 2011-2020 relacionados cos centros
ÁMBITOS LIÑAS ESTRATÉXICAS OBXECTIVOS P
ER
SO
AS
O estudantado: valor presente e futuro
1. Incrementar o talento na USC a través da atracción de alumnas/os con altas capacidades, aproveitando para iso a boa imaxe de marca da USC.
2. Contribuír á formación integral do estudantado transformando os servizos non académicos converténdoos en ferramentas de apoio.
3. Potenciar a orientación dos servizos académicos cara á mellora dos procesos de ensino-aprendizaxe.
4. Mellorar a empregabilidade dos egresados e profesionais formados na Universidade.
AC
TIV
IDA
DE
U
NIV
ER
SIT
AR
IA 1. Oferta de titulacións adaptada ás
necesidades da sociedade
1. Optimizar a oferta de títulos de grao para axustala á realidade actual e ás necesidades emerxentes
2. Conformar unha oferta de posgrao especializada e competitiva respecto ao contorno universitario, nacional e internacional, incrementando o prestixio social dos estudos de posgrao.
3. Ampliación da oferta formativa para o recoñecemento de competencias transversais en todos os estudos de grao da USC.
4. Mellorar o coñecemento da oferta formativa da USC por parte da sociedade.
2. Procura da excelencia na docencia
1. Xeneralizar o uso do novo modelo de ensino-aprendizaxe derivado da adaptación ao EEES.
2. Reforzar a interacción entre a docencia e a investigación.
3. Valorar e recoñecer a calidade da actividade docente do profesorado.
XE
ST
IÓN
IN
ST
ITU
CIO
NA
L
1. Unha universidade de recoñecido prestixio internacional
1. Avanzar no proceso de internacionalización da universidade na docencia, investigación e xestión.
2. Incrementar as relacións con universidades estranxeiras, servindo de ponte entre a Unión Europea e Latinoamérica e aproveitando as novas oportunidades en Estados Unidos, Canadá e países de economía emerxente.
3. Internacionalización da colaboración coas empresas tanto con fins docentes como de investigación, transferencia e emprendemento
2. Xestión simple, eficaz e transparente dos recursos
1. Incrementar o financiamento
2. Conseguir unha maior articulación entre os campus de Santiago e Lugo.
RE
LAC
IÓN
C
ON
CO
NT
OR
NO
1. Transferencia efectiva de coñecemento
Fomentar a cultura emprendedora a través da docencia e da investigación entre toda a comunidade universitaria, e en especial, entre as/os investigadoras/es en formación e o estudantado.
2. O compromiso e a implicación coa sociedade
1. Reforzar o compromiso da USC coa responsabilidade social.
2. Acadar o recoñecemento por parte da sociedade da contribución da Universidade á creación de valor económico, social e cultural
3. Aumentar a sensibilización e a participación dos membros da comunidade universitaria en proxectos relacionados co voluntariado, a participación social e a cooperación ao desenvolvemento.
4. Implicar a toda a comunidade universitaria no compromiso coa conservación e a mellora do medioambiente facendo copartícipe deste obxectivo á sociedade
5. Difundir cara á sociedade a cultura da USC e pór en valor o seu patrimonio histórico, cultural, científico, técnico e natural.
Estes son os obxectivos que teñen relación máis directa cos centros. Non obstante, e dentro dos ámbitos e liñas establecidos no Plan Estratéxico da USC, o centro pode incluír todos os obxectivos que considere oportunos e que sexan coherentes con el.
16 de 20
Anexo II: diagrama de fluxo do procedemento de elaboración dun plan estratéxico
Comisión ou grupo responsable
ANÁLISE E PLANIFICACIÓN
FIN
PLAN ESTRATÉXICO
DO CENTRO
Comisión ou grupo responsable
PROPOSTA INICIAL DO PLAN ESTRATÉXICO
Colectivos implicados/Comisión ou grupo
responsable
DEBATE E CONCRECIÓN DO CONTIDO
Comisión ou grupo responsable
PROPOSTA PROVISIONAL DO PLAN
ESTRATÉXICO
Comisión ou grupo responsable
EXPOSICIÓN PÚBLICA E INCORPORACIÓN
MODIFICACIÓNS
Comisión ou grupo responsable
ELABORACIÓN DA PROPOSTA DO PLAN
ESTRATÉXICO DO CENTRO
ACMP
REVISIÓN DA PROPOSTA DO PLAN
ESTRATÉXICO DO CENTRO
ACTA DE
APROBACIÓN DO
PLAN
Equipo de dirección
PLANIFICACIÓN DOS TRABALLOS
CCDCG
INFORME SOBRE O PLAN ESTRATÉXICO DO
CENTRO
INICIO
Xunta de centro
APROBACIÓN PROPOSTA PLAN ESTRATÉXICO
DO CENTRO
Non
Si
Non
Non
SI
PROCEDEMENTO 1
Elaboración e aprobación Plan Estratéxico do centroPE-01
¿NECESIDADE DE
AXUSTES?
¿APRÓBASE?
¿INFORME
FAVORABLE?
Sí
Equipo de dirección
DESIGNACION COMISIÓN OU GRUPO
RESPONSABLE
Equipo de dirección
DETERMINACIÓN GRUPOS DE INTERESE A
CONSULTAR
PLANIFICACIÓN
ESTRATÉXICA DA
USC
17 de 20
Anexo III: formato do plan estratéxico Formato F01-PE-01
PLAN ESTRATÉXICO DO CENTRO
IDENTIFICACIÓN DAS LIÑAS ESTRATÉXICAS DE ACTUACIÓN
LIÑAS ESTRATÉXICAS
1.
2.
3.
4.
5.
(…)
LIÑA ESTRATÉXICA 1
OBXECTIVOS ESTRATÉXICOS
1. . 2. . 3.
OBXECTIVO ESTRATÉXICO 1.1
MISIÓN Cal é a nosa razón de ser?
VISIÓN E PROPÓSITO ESTRATÉXICO: Como seremos, como deberíamos ser, como queremos ser no futuro?
OS NOSOS VALORES:
Oportunidades: Ameazas
Fortalezas
Liñas estratéxicas de reforzo:
- Obxectivos estratéxicos:
o Accións estratéxicas
o Indicadores
Liñas estratéxicas correctoras:
- Obxectivos estratéxicos:
o Accións estratéxicas
o Indicadores
Debilidades
Liñas estratéxicas de acción:
- Obxectivos estratéxicos:
o Accións estratéxicas
o Indicadores
Liñas estratéxicas reactivas:
- Obxectivos estratéxicos:
o Accións estratéxicas
o Indicadores
18 de 20
ACCIÓNS ESTRATÉXICAS
A. . B. . C. . D. .
19 de 20
Anexo IV: diagrama de fluxo do procedemento de elaboración da programación plurianual
PROCEDEMENTO 2
Elaboración, aprobación e revisión Programación Plurianual (PP)PE-01
FIN
ACTA
Equipo Decanal / C.C.C
ELABORAR A PROPOSTA DE PP
PROGRAMACIÓN
PLURIANUAL
¿APRÓBASE?
Xunta de centro
APROBAR PP
INICIO
NON
Decano / Director
REMISIÓN PP Á VC. E CCDCG
Vic. Calidade
REVISIÓN PROPOSTA DE PP
¿NECESIDADE
AXUSTES?
SI
NON
PROGRAMACIÓN
PLURIANUAL DA
USC
20 de 20
Anexo V: formato da programación plurianual
Formato F02-PE-01: Programación Plurianual
PROGRAMACIÓN PLURIANUAL DO CENTRO
OBXECTIVO A CONSEGUIR:
RESPONSABLE DO OBXECTIVO: DATA INICIO: DATA FIN:
Obxectivo estratéxico relacionado
Procesos clave relacionados
Indicador/es Meta a conseguir
ACCIÓNS ASOCIADAS (DESCRICIÓN)
RESPONSABLE DE ACCIÓN
PRAZO DE IMPLANTACIÓN
RECURSOS NECESARIOS
SEGUIMENTO/ EVIDENCIA
RESPONSABLE SEGUIMENTO
RESULTADO DO SEGUIMENTO