2011-2012

Irati San Sebastian

Enara Zorita

Kizkitza Razquin

Eider Oñatibia

Sharay Santano

GIDA DIDAKTIKOA

AURKIBIDEA

1.Katalogazio-ezaugarriak..............................................................................................3

- IKT maila/fasea:...................................................................................................3

- Tipologiak:............................................................................................................3

- Orientabide didaktikoa:......................................................................................3

2. Testuinguraketa...........................................................................................................3

3. Helburu didaktikoa.....................................................................................................4

4.Oinarrizko konpetentziak............................................................................................5

5. Edukiak........................................................................................................................5

6.Orientazio metodologikoak:........................................................................................6

7. Ebaluazio irizpideak:..................................................................................................7

1.Katalogazio-ezaugarriak

Katalogazioan hiru ezaugarri desberdin aurkitzen ditugu:

- IKT maila/fasea:

IKT-ak erabiltzerako orduan maila desberdinak aurkitzen ditugu irakasleen

jakintzaren arabera: hasierako maila, tarteko maila eta maila aurreratua. Cuadernia

programa erabili ahal izateko irakasle batek tarteko maila bat izatea ezinbesteko da.

Maila honetan, programa itxiak (elkarreragileak, “Jclic” motako jarduerak, etab.)

erabiltzen jakitea beharrezkoa da, baita programa irekiak (testu-prozesadoreak, datu-

baseak, kalkulu-orriak, edizio multimediarako tresnak, etab.) ere.

- Tipologiak:

Tipologia zehazten du ikasketa-objektua edo sekuentzia didaktikoa den.

Cuadernia sekuentzia didaktiko bat da, izan ere ziklo jakin baten ezagutzaren azpi-arloa

da eta curriculum-eko zenbait gaia jorratzen dituelako. Programa hau ikasketa-objektuz

osaturiko multzo jakin batek egituratzen du eta bertan ikasketa/ebaluazio jarduera

batzuk hartzen dira.

Orientabide didaktikoa:Orientabide didaktikoa objektuaren hezkuntza-helburua, ikasleen multzokatze-

modalitatea eta HODaren formatu teknikoa adierazten ditu. Bertan hiru talde aurki

ditzakegu: ikasketa objektuen sailkapena, multzokatzea eta formatu teknikoa.

Cuadernia ikasketa objektuetan aurkitzen dugu, izan ere esplorazio jarduerak,

segimendu jarduerak, sintesi-jarduerak eta ebaluazio jarduerak aurkitzen ditugu bertan.

2. Testuinguraketa

Guk sortutako Hezteko Objektu Digitala (HOD) 3.zikloan zentratu dugu, 5.

mailan hain zuzen ere.

Unibertsoaren gaia landuko dugu Cosmeren laguntzarekin. Cosme espaziotik

etorritako astronauta bat da, eta haurrei unibertsoari buruz dakien sekretu guztiak

azalduko dizkie. Horretarako unibertsoan zehar bidaia bat egingo dugu, bertako

elementu garrantzitsuenak ezagutzako.

Astronauta bat erabiltzea erabaki dugu haurren atentzioa bereganatzeko, modu

dibertigarri batean ikasiko dute eta gaia lantzea eramangarriagoa izango da.

Bidaia honetan ikusiko ditugu unibertsoaren elementurik aipagarrienak, unibertsoa sortu

zenetik aurrera. Atal hauek landuko ditugu:

- Unibertsoaren sorrera (Big-bang).

- Galaxiak (Esne bidea).

- Izarrak eta konstelazioak.

- Eguzki-sistema ( planetak).

- Asteroideak, sateliteak eta kometak.

3. Helburu didaktikoa

Cuaderniarekin honako helburu didaktiko hauek jorratu nahi izan ditugu:

- Ikasten eta pentsatzen ikastea:

Modu koherentean eta kritikoan pentsatzen ikastea, eta ohitura hartzea disziplina,

esfortsua, erantzukizuna eta lan eta ikasketa indibidualerako eta taldekakorako teknikak

lantzeko, hala, ikasketarekin lotutako eginkizunak eraginkortasunez egiteko eta

norberaren garapenerako bitartekoak eskuratzea. Guzti honekin, ikaslearen sen kritikoa,

ekimena, jakin-mina, interesa eta sormena garatzea nahi da.

Teknologiak erabiltzea, jakintzaren eta esperientziaren eremuetako problemak

identifikatzeko eta ebazteko.

← -Komunikatzen ikastea:

← Hitzezko hizkuntza eta zientzia hizkuntza interpretatzea eta modu aktiboan eta

kritikoan erabiltzea, azalpenak eta arrazoiak emateko.

← Informazioko teknologia eta komunikabideak erabiltzea eta jakintza berriak

eskuratzea.

← -Elkarrekin bizitzen ikastea:

← Talde-jarduerak planifikatzen eta laguntzea, eta, berariaz, bizikidetza arauak eta

demokratikoki ezartzen diren gainerako arauak ezagutzea eta betetzea, norberaren

helburuak eta interesak taldeko gainerako kideekin uztartuz norberarenak ez diren

ikuspegiak errespetatuz, elkarrizketa landuz eta norberari dagozkion ardurak hartuz.

← Auziak prebenitzeko eta haiek modu baketsuan konpontzeko trebetasuna

eskuratzea.

← Ikasleak arduraz onartzea bere betebeharrak eta zer eskubide dituen jakitea eta horiek

erabiltzea, gainerako pertsonak errespetatuz. Ez onartzea jaiotzagatik, arrazagatik,

sexuagatik, erlijioagatik, iritziagatik eta bestelako ezaugarri indibidual edo sozialengatik

egiten diren diskriminazioak. Toleranteak izatea eta lankidetza eta elkartasun jarrera

izatea pertsonekiko eta taldeekiko.

← -Ikaslearen giza alderdiak garatzen ikastea:

← Kritikoa eta arduratsua izatea norberaren buruarekin eta gainerako pertsonekin.

← -Egiten eta ekiten ikastea:

← Izaera ekintzailea garatzea, norberarenganako konfiantza-jarreren, partaidetzaren, sen

kritikoaren eta ekimen pertsonalaren bidez, eta konpromisoa hartzea eta erabakiak nahiz

ardurak hartzea eskatzen duten proiektuarekin.

4.Oinarrizko konpetentziakGuk eratu dugun programa honekin honako konpetentzia hauek landu nahi

ditugu hezkuntzako curriculum-aren arabera:

- Teknologia gaitasuna.

- Ikasten ikasteko gaitasuna.

- Hizkuntza komunikaziorako gaitasuna.

- Informazioa tratatzeko eta teknologia digitala erabiltzeko gaitasuna.

- Norberaren autonomiarako eta ekimenerako gaitasuna.

5. Edukiak -Ingurunea eta hura inauraztea:

-Unibertsoa eta eguzki-sistema.

-Aldaketak denboran zehar:

- Iraganeko gertakariak denboran eta espazioan kokatzeko, iraupena,

aldiberekotasuna eta gertakarien arteko harremanak hautemateko teknikak erabiltzea.

-Ahozko komunikazioa:

-Ikastekoa eta informatzekoa diren ahozko testuak ulertzea: kideen arteko eta lan

taldeko elkarrizketak, jardueren jarraibideak,deskribapenak, gelako aurkezpenak, adituei

egindako elkarrizketak edo eztabaidak.

-Berdinen arteko elkarrizketa erabiltzea denen artean ikasteko.

-Komunikazio trukearen harreman arauak erabiliz, elkarrizketak hasi, mantendu

eta amaitzea: galderak egitea, arreta izatea, kontzentratzea, itxarotea, txandak, giza

legearen arauak, erantzunak egokitzea solaskideak esandakoari, ahotsaren doinua,

jarrera eta keinu egokiak.

6.Orientazio metodologikoak: Gure gaia gelan bertan landuko dugu, gelan arbela digital bat eskura izango

dugulako. Gaia guztion artean landuko dugu, bai azalpenak eta baita jarduerak ere. Gaia

unibertsoa izango da, horretarako sorreraren azalpen bat emango dugu eta ondoren

azaldutakoaren inguruan hainbat galdera planteatuko ditugu, baten bat erantzun dezan

(hiru galdera daude, beraz hiru ikasle erantzungo dute).

Ondoren, galaxiak azalduko ditugu. Nolakoak diren, forma desberdinak, gure

galaxia zein den… Honekin ere, jarduera bat egongo da baino oraingo honetan galaxien

izena egokitzen den irudiarekin elkartu beharko dute. Jarduera hau ere klase osoarekin

landuko da.

Hau amaitu ondoren izarrak eta konstelazioak aztertuko ditugu. Izarren kolorea,

tamaina, gertutasuna kolorearen arabera… ikusiko dugu eta hauen multzoak sortzen

dituzten irudiak (konstelazioak). Ondoren konstelazio batzuk erakutsiko dizkiegu, eta

bakoitza etxerako lana bezala bere horoskopoaren konstelazioa bilatu beharko du.

Honekin landuko dugun jarduera, “rompecabezas” bat da. Fitxak behin eta berriro

mugitu beharko dira beraz, banan-banan ateratzen joango dira lortu beharreko irudia

atera arte. Horretarako, ezinbestekoa da talde lana, izan ere oso garrantzitsua da haien

artean hitz egitea, ados jartzea, zein fitxa mugitu behar den erabakitzea… honela ez

eginez gero, ezinezkoa izango da irudia lortzea.

Gero, planetak landuko ditugu. Zer den planeta bat, haien ordena (eguzkiaren

gertutasunaren arabera)… ikusiko dugu eta baita planeta batzuen bitxikeri batzuk ere.

Honekin batera doan ariketa testu bateko hutsuneak betetzean datza eta gainontzeko

jarduerak bezala guztien artean egingo dute.

Azkenik, sateliteak, kometak eta asteroideak landuko ditugu, haien ezaugarri

nagusiak aztertuz.

Hau guztia azaldu ondoren, gaia bukatutzat emango dugu eta gai osoaren

errepaso bat egingo dugu. Horretarako, hizki sopa bat jarri dugu. Bakoitzak hitzak bilatu

beharko ditu bere buruan, ondoren banan-banan ateratzen joango dira arbel digitalera,

hizki sopan hitz guztiak aurkitu arte.

7. Ebaluazio irizpideak:Lehen Hezkuntzan ikasleen gaitasunen ebaluazioa banakatua, jarraia eta

orokorra izan da eta horregatik ebaluazioa egiterako orduan hiru urrats hartuko ditugu

kontuan. Lehenengo hasierako ebaluazio bat egingo dugu, diagnostikoa deritzoguna.

Bertan ikasleen aurre ezagutzak ezagutu eta landuko ditugu eta ondoren haiek egindako

aurrerapenak ebaluatuko ditugu. Horretarako irakasleak gaia hasi baino lehen ikasleei

unibertsoaren inguruko zenbait galdera orokor egingo dizkie, haien ezagutza maila

ezagutzeko. Ondoren, prozesuen ebaluazioa egingo dugu, honetan aurre ikuspenak

betetzen ari diren edo ez ikusiko da eta ahal izanez gero prozesua egokitzeko erabakiak

hartuko ditugu. Honetarako, guk sortutako Hezteko Objektu Digitala (HOD) erabiliko

dugu. Azkenik, emaitzen ebaluazioa egingo dugu. Saioetan zehar azaldutako

informazioa bereganatu duten edo ez ebaluatuko dugu, honetarako froga indibidual bat

egingo zaie ikasleei.

Honako ebaluazio tresnak erabiliko ditugu:

-Hasierako diagnostikoa bideratzeko, ikasleen eta irakaslearen artean ideien jaurtiketa

ariketa bat egingo dugu, non bertan unibertsoarekin zerikusia duten hitzak esaten

dituzten modu honetan haien aurre ideiak ebaluatuko ditugu.

-Prozesuen ebaluazioa egiteko azalpenarekin batera, haien interesa eta parte-hartzea

kontuan izango ditugu. Hauen bitartez, haurrek izan dituzten aurrerapenak ebaluatuko

ditugu.

-Emaitzen ebaluazioan, froga bat pasako dugu zer ikasi duten ebaluatzeko.

Honako helburu hauek berenganatzea beharrekoa da:

-Ea oinarrizko gaitasunak barneratu dituen.

-Ea testuak ulertzeko sortzen diren zalantzak argitzeko estrategiak egokiak erabiltzen

dituen.

-Ea arretaz entzuten duen.

-Ea jasotako informazio erabiltzen duen jarduerak egiteko, banakako edo taldekako ikas

ekintzetan.