II PLAN DE IMPLANTACIÓN DA
ADMINISTRACIÓN ELECTRÓNICA NA USC
2016 - 2019
2
CONTIDO
I. INTRODUCIÓN ......................................................................................................................................................... 3
II. ANÁLISE DO plan 2013-15 ....................................................................................................................................... 4
ACTUACIÓNS PENDENTES DE REALIZAR dO PLAN 2013-15 ......................................................................................... 8
III. PLAN DE IMPLANTACIÓN 2016-2019 ....................................................................................................................... 9
1. FORMACIÓN ........................................................................................................................................................ 9
2. FERRAMENTAS CORPORATIVAS .......................................................................................................................... 9
3. MELLORA DAS FERRAMENTAS IMPLANTADAS .................................................................................................. 10
4. PROCEDEMENTOS INTERNOS: PLAN DE ACTUACIÓN ....................................................................................... 10
5. NORMATIVA E USO OBRIGATORIO DE ELEMENTOS DE AE ............................................................................... 12
6. Outras accións ................................................................................................................................................... 12
7. SEGUIMENTO .................................................................................................................................................... 13
3
I. INTRODUCIÓN
A Universidade de Santiago de Compostela, a través da resolución do 28 de febreiro de 2013(DOG do 15 de
marzo de 2013), acorda a publicación do Regulamento polo que se implantan medios electrónicos que
facilitan o acceso dos cidadáns aos servizos públicos da Universidade de Santiago de Compostela (USC), e se
crean a sede electrónica, o Rexistro Electrónico e o taboleiro de anuncios, aprobado no Consello de Goberno
do 29 de xaneiro de 2013. Dende o ano 2013 vense levando a cabo a execución do Plan de implantación da
administración electrónica na Universidade co fin de facilitar o acceso aos seus servizos e crear un espazo de
relación coa cidadanía no marco dunha xestión administrativa coas garantías necesarias.
Porén, o marco normativo no que nos atopamos actualmente trala entrada en vigor das actuais Lei 39/2015,
do 1 de outubro, do procedemento administrativo común das administracións públicas e Lei 40/2015, de 1
de outubro, de réxime xurídico do sector público, obriga a modificar en parte o vixente escenario no que a
eficacia, a eficiencia e a innovación tecnolóxica implica unha correlativa adaptación da Administración,
establecendo a tramitación electrónica como actuación habitual da Universidade, na súa xestión interna, na
relación cos cidadáns, e na relación de aquelas entre si, facendo necesaria non soamente solucións
informáticas, senón organizativas e estruturais.
As principais novidades introducidas nesta materia polas devanditas normas son as seguintes:
-A Lei 39/2015, establece como premisa que os actos e os documentos administrativos produciranse por
escrito a través de medios electrónicos. Así mesmo, son salientables as previsións relativas ao dereito e
obriga de relacionarse electrónicamente coas Administracións Públicas, á asistencia no uso de medios
electrónicos aos interesados; á representación e aos rexistros electrónicos de apoderamentos; aos rexistros,
aos sistemas de identificación dos interesados no procedemento, aos sistemas de sinatura admitidos polas
Administracións Públicas; ao uso de medios de identificación e sinatura no procedemento administrativo; ás
notificacións a través de medios electrónicos; á emisión de documentos e ás súas copias, aos documentos
aportados polos interesados, e por último ao expediente electrónico e ao arquivo electrónico.
-A Lei 40/2015, nos seus principios xerais, determina que as Administracións Públicas relacionaranse entre si
a través de medios electrónicos, que aseguren a interoperabilidade e seguridade dos sistemas, garantirán a
protección de los datos de carácter persoal, e facilitarán preferentemente a prestación conxunta de servizos
a los interesados. Igualmente, introduce a utilización das tecnoloxías de información e comunicación no
funcionamento do Sector Público, na xestión compartida de servizos comúns e nas técnicas de colaboración,
no intercambio de datos en entornos pechados de comunicación e nas transmisións de datos entre
4
Administracións Públicas, na reutilización de sistemas e aplicacións de propiedade da Administración e
transferencia de tecnoloxía entre Administracións, e nos Esquemas Nacionais de Interoperabilidade e
Seguridade.
Deste xeito, o novo plan debe contemplar estas premisas cara a consecución de que todos os
procedementos da USC, tanto internos como externos, sexan electrónicos; a interoperabilidade entre
aplicacións e con outras Administracións Públicas e un uso intensivo das ferramentas actualmente a
disposición da USC ou aquelas novas que se incorporen como consecuencia da reutilización e transferencia
de tecnoloxía de aplicacións doutras Administracións.
II. ANÁLISE DO PLAN 2013-15
NORMATIVA
O 15 de marzo de 2013 foi publicado no DOG o Regulamento polo que se implantan medios electrónicos que
facilitan o acceso dos cidadáns aos servizos públicos da Universidade de Santiago de Compostela (USC) e se
crean a sede electrónica, o Rexistro Electrónico e o taboleiro de anuncios, aprobado no Consello de Goberno
do 29 de xaneiro de 2013.
A Sede Electrónica está operativa dende xuño de ese mesmo ano 2013.
O 31 de maio de 2013 aprobouse Instrución 3/2013, da Secretaría Xeral, sobre tramitación de
procedementos iniciados a través da sede electrónica . Con data do 20 de xuño de 2013 difundiuse o Plan de
Implantación da AE na USC 2013-15 e os Criterios para a implantación da AE na USC.
Todos os documentos se atopan no seguinte enlace:
http://www.usc.es/gl/goberno/secxeral/sede_electronica.html
Deste xeito, de conformidade co plan, se aprobaron e difundíron as instrucións internas que aseguraban que
o persoal da USC os procesos administrativos que se poidan derivar da posta en marcha da sede electrónica
(taboleiro electrónico de anuncios, rexistro electrónico, notificacións por comparecencia en sede...) e se
designaron nos servizos ás persoas encargadas da súa xestión, outorgando os permisos necesarios.
FORMACIÓN
Outro aspecto salientable foi o da formación, primeiro formando aos formadores e despois organizando
cursos obrigatorios para todos os servizos sobre Administración Electrónica. Pode dicirse que, a nivel de
servizos, xa debería existir persoal suficientemente formado. Tamén organizáronse sesións de formación ou
de refresco ao persoal das diferentes unidades responsables das operacións da Sede co obxecto de que se
5
facer uso das diferentes ferramentas de administración que integran a sede (rexistro electrónico, taboleiro
electrónico...).
CATÁLOGO DE PROCEDEMENTOS
Se definiron e concretaron os procedementos administrativos a disposición dos cidadáns a través do
catálogo de procedementos da sede. Neste momento contamos con 58 procedementos en Sede no que se
incorpora dende o Dereito de acceso para o cumprimento da Lei de Transparencia ata os procedementos
operativos dos servizos. Debe salientarse o éxito dalgúns deles como os procedementos electorais con un
gran uso pola Comunidade Universitaria.
O obxectivo do plan anterior era ter todos os procedementos “ad extra” na Sede de tal xeito que se garantan
os dereito dos cidadáns a relacionarse coa USC por medios electrónicos. Sen embargo hai que sinalar que
procedementos importantes como os de acceso a prazas da USC (PDI, PAS e Investigadores contratados)
seguen sen incorporarse ao catálogo.
O obxectivo debe ser incorporar ao catálogo os procedementos pendentes e incorporar todos os
procedementos internos, de conformidade coas Leis 39 e 40/2015.
PROCEDEMENTOS AUTOMATIZADOS
Se ben se fixo un esforzo en xerar procesos automatizados en particular mediante certificacións
automáticas, aínda quedan por pechar as Certificacións automatizadas do PDI do SXOPRA e de alumnos,
aínda que se prevé que finalicen no ano 2016. Neste ámbito se fixeron as de Investigación e tamén se
incorporaron novos servizos non previstos no Plan anterior, como os de acreditación de estudos do CLM.
TABOLEIRO DE ANUNCIOS
O Taboleiro de anuncios electrónico se converteu no sistema ordinario de comunicación de resolucións que
requiren publicación. Non obstante o anterior conviría mellorar algúns dos seus aspectos, en particular:
- Mellorar a visibilidade do buscador
- Reordenar a estrutura e incluír máis apartados
- Permitir a publicación automática nas webs dos servizos.
- Notificación automática aos Servizos de nova normativa
NOTIFICACIÓNS ELECTRÓNICAS
Se ben esta ferramenta leva implementada dende a posta en marcha na Sede, o seu uso foi moi limitado,
destacando o seu uso masivo por algún servizo (Servizo de Vixilancia da Saúde).
O novo sistema establecido nas Leis 39 e 40/2015 que establece a obrigatoriedade do seu uso para os
funcionarios e para colectivos con acceso ás novas tecnoloxías, permitirá que este sexa o canal ordinario de
notificación no novo plan.
FERRAMENTAS DE SINATURA ELECTRÓNICA
6
Na USC a sinatura electrónica aínda ten un papel secundario respecto á manuscrita. Se ben se estableceu na
USC o Certificado de Empregado Público (CEP) e unha plataforma de sinatura con un elemento de
seguridade como é o CSV, o certo é que dista moito de ter un uso xeneralizado. Debe tenderse a que todos
os documentos oficiais sexan asinados con CEP polos funcionarios a través da plataforma de sinatura
corporativa.
FACTURACIÓN ELECTRÓNICA
Dende o 1 de xaneiro de 2015 a Universidade de Santiago de Compostela está integrada na plataforma SEF
(Sistema Electrónico de Facturación da Xunta de Galicia) a través da que se reciben as facturas electrónicas
dos nosos provedores. O seu procedemento está regulado nas Instrucións da Xerencia XVII/2014 e XIII/2015.
Así mesmo, dende mediados de 2016 a USC emite factura electrónica, dende o Servizo de Contabilidade,
Orzamentos e Tesoureira e dende a Vicerreitoría de Investigación, compatible coa plataforma SEF.
DATOS ESTATÍSTICOS
Os principais datos estatísticos de uso de ferramentas de AE ao abeiro do actual plan son os seguintes:
-Uso da sede electrónica
a) Dende o 01/11/2015 ao 31/10/2016:
Sesións (conexión á sede): 64.988
Número de páxinas visitadas: 261.705
b) Accesos desde o 01/11/2014 ao 31/10/2015:
Sesións (conexión a sede): 47.803
Páxinas: 187.269
Houbo un incremento tanto nas sesións como nas paxinas visitadas no segundo o período respecto do
segundo nas seguintes porcentaxes:
Sesións: incremento do 35,95%
Páxinas: incremento do 39,75%
-Uso do taboleiro electrónico
Dende o ano 2014 ata a actualidade, desglósanse da seguinte maneira, en función do procedemento:
7
CODIGO DO PROCEDEMENTO
NOME DO PROCEDEMENTO NÚMERO DE VISITAS
2014 2015 2016 TOTAL
DAI-1 Acceso á información 390 390
OI-01/1 Solicitude de excepcionalidade 120 153 273
OI-01/2 Solicitude de creación, modificación ou supresión de Departamentos 230 159 389
OI-01/3 Revisión de regulamentos para aprobación en Consello de Goberno 255 255
PEL-01 Reclamacións contra o censo 679 195 237 1111
PEL-02 Recurso contra o censo 139 101 193 433
PEL-03 Presentación de candidaturas 495 351 387 1233
PEL-04 Recurso contra a proclamación provisoria de candidaturas 55 61 118 234
PEL-05 Impugnación contra a proclamación provisoria de candidatos electos 26 51 121 198
PINV-1 Certificacións automatizadas da OIT 163 180 193 536
PRT-1 Protección de datos 182 243 248 673
PX-02/9 Simultaneidade de estudos 43 74 138 255
PX-04/1 Queixas e suxestións 46 80 119 245
PX-04/2 Recursos xestión académica 93 183 256 532
PXA-02/1 Inicio estudos grao con límite 358 385 365 1108
PXA-02/2 Inicio estudos grao sen límite 57 65 45 167
PXA-02/4 Continuación estudos iniciados noutra universidade 68 140 134 342
PXA-02/5 Inicio estudos máster 67 57 76 200
PXA-02/6 Admisión en cursos ponte 40 50 74 164
PXA-02/7 Inicio estudos en títulos propios 37 52 130 219
PXA-02/8 Requisitos formativos homologación títulos estranxeiros 29 55 109 193
PXA-03/0 Matrícula inicio estudos 39 47 193 279
PXA-03/0-1 Matrícula continuación estudos 37 50 75 162
PXA-03/1 Modificación matrícula 28 57 76 161
PXA-03/10 Matrícula programa de titores 21 39 101 161
PXA-03/11 Matrícula prácticas en empresas 26 37 114 177
PXA-03/12 Prezos públicos 33 53 94 180
PXA-03/3 Anulación matrícula 48 123 275 446
PXA-03/4 Cambio centro mesmos estudos 30 55 118 203
PXA-03/5 Colación Grao de Licenciado 33 46 113 192
PXA-03/6 Convocatoria fin de carreira 18 45 56 119
PXA-03/7 Matrícula extraordinaria 39 45 133 217
PXA-03/8 Matrícula alumnos visitantes 20 43 140 203
PXA-03/9 Matrícula programas de intercambio 23 36 126 185
PXA-05/1 Expedición de títulos 45 42 109 196
PXA-05/2 Duplicado de títulos 29 34 119 182
PXA-05/3 Envío dun título 25 39 128 192
PXA-05/4 Equivalencia para acceso a Máster 26 51 89 166
PXA-05/5 Homologación títulos Máster 25 43 121 189
PXA-07/10 Modificación datos persoais 26 43 44 113
PXA-07/11 Imputación materias extinguidas polo Grao 25 43 115 183
PXA-07/12 Traslados a outras universidades 38 47 203 288
PXA-07/2 Solicitude adaptación 35 87 88 210
PXA-07/3 Recoñecemento e validación de estudos 122 100 152 374
PXA-07/4 Imputación actividades libre elección 28 45 106 179
PXA-07/5 Acreditación estudos linguas modernas 32 54 112 198
PXA-07/6 Transferencia créditos académicos 37 49 95 181
PXA-07/7 Renuncia convocatoria 26 42 63 131
PXA-07/8 Cambio carácter materias 28 44 87 159
PXA-07/9 Corrección datos académicos 28 42 105 175
8
PXA-09/1 Solicitude certificación 324 382 622 1328
PXA-10/1 Outras peticións 84 595 793 1472
RR-01/1 Recurso de alzada 0 104 104
RR-01/2 Recurso de reposición 0 75 75
RR-02/1 Solicitude de recusación 0 72 72
SE-CD-1 Certificado de empregado público 38 339 339 716
XP-01/1 Solicitude certificados 0 174 174
XP-01/2 Solicitude compatibilidade 0 129 129
-Uso do xestor de formularios
Dende o ano 2014, as solicitudes iniciadas e completadas as seguintes:
NOME SOLICITUDES
Certificado de empregado público 11
Certificados Servizo Xestión de Persoal 109
Compatibilidade 5
Dereito de Acceso 4
Presentación Recurso OAR 3
Protección de datos de carácter persoal 1
Recurso de alzada AX 3
Recurso de reposición 1
Recusación 1
Revisión de regulamentos para aprobación polo Consello de Goberno 31
ACTUACIÓNS PENDENTES DE REALIZAR DO PLAN 2013-15
Se propón rematar coas seguintes actuacións pendentes: FASE I:
SRE: revisión do procedemento de solicitude de admisión para estudantes entrantes.
Xestión e valoración de I+D+i: implementación do formulario de solicitude para participar na convocatoria de contratación de persoal para colaborar en actividades e proxectos de investigación.
SPPDI: revisión dos procedementos a implementar relativos a persoal docente e investigador.
SPPAS: implementación do formulario de solicitude de admisión a probas selectivas.
SXE: revisión procedementos e definición de formularios da sección de patrimonio. FASE II: Non se levaron a cabo actuacións relativas á segunda fase de aplicación do plan, agás unha pequena experiencia piloto con procedementos internos da ATIC.
9
III. PLAN DE IMPLANTACIÓN 2016-2019
Unha vez rematado o Plan 2013-15, compre definir un novo plan baseado nos seguintes eixes:
o Todos os procedementos ad intra e ad extra deben ser electrónicos
o Debe establecerse un novo sistema de rexistro de entrada, exclusivamente electrónico
o Debe potenciarse a entrada por formularios web
o Debe reducirse o nivel de Identificación dos usuarios, pasando a ser o réxime xeral o de claves
concertadas (usuario/contrasinal)
o Debe tenderse ao uso de ferramentas electrónicas de tramitación (flexia/aplicacións corporativas).
o A notificación de empregados e alumnos debe ser exclusivamente por medios electrónicos.
o No caso de publicación de actos debe realizarse en exclusiva a través do Taboleiro Electrónico ou
boletíns oficiais
o Debe tenderse a obrigar a asinar todos os documentos da USC na plataforma de sinatura
o Para documentos electrónicos deberá usarse sempre o rexistro de saída electrónico
o Debe tenderse a que as meirande parte das certificacións que expida a USC sexan electrónicas
o Debe estenderse que o Certificado de Empregado Público sexa o sistema ordinario para a sinatura de
documentos oficiais cara ao exterior
o Debe impulsarse os cursos on line sobre AE, a disposición dos usuarios os 365 día do ano.
o Debe ordenarse a Sede para clarificar os procedementos que se poden iniciar por este sistema e
reducir/simplificar os requisitos de identificación para utilizala.
o Para os novos módulos debe acudirse a ferramentas institucionais da AGE ou da Xunta para mellorar
a interoperabilidade
o Debe redeseñarse as aplicacións para extraer, de xeito automatizado, a información necesaria para a
aplicación da Lei de Transparencia
o Debe implantarse o novo Regulamento Europeo de Protección de Datos, do ENI e do ENS
1. FORMACIÓN
Dado que todos os servizos xa foron formados nas ferramentas de AE, proponse crear unha formación
interactiva e on line que estea dispoñible todo o ano para o persoal que se incorpore aos servizos ou que
pretenda refrescar os coñecementos. Proponse poñer en liña os cursos impartidos así como píldoras de
formación para cada ferramenta mediante MOOCS.
Nesta segunda fase debe incrementarse o papel da Xerencia da USC que debe sinalar a AE como elemento
estratéxico dos Servizos, en particular en procedementos internos. A estes efectos proponse facer talleres de
dinamización e de reinxenería de procedementos cos servizos con menor grao de informatización.
2. FERRAMENTAS CORPORATIVAS
10
A USC, nesta segunda fase debe dotarse dun sistema de rexistro e arquivo dixital, pezas esenciais para
finalizar as súas aplicacións corporativas. Para estes efectos debe acudirse a transferencia de tecnoloxía da
Administración Xeral do Estado ou da Comunidade Autónoma.
Así mesmo deben analizarse tecnicamente o resto das aplicacións que en materia de AE pon a disposición
das Universidades o MINHAP a través do PAE ao obxecto de mellorar a produtividade da USC ou a
interconexión coas demais Administracións Públicas, así como o cumprimento do Esquema Nacional de
Interoperabilidade (ENI) e do de Seguridade (ENS).
3. MELLORA DAS FERRAMENTAS IMPLANTADAS
A AE debe ser un procedemento de mellora continua tanto no seu uso como nas ferramentas implantadas.
Anualmente debe facerse un subplan de mellora con obxectivos concretos de mellora nas aplicacións. Deste
xeito anualmente debe fixarse un orzamento fixo destinado a este obxectivo. A Comisión Técnica de AE debe
ser a que programe e controle as melloras acordadas, a proposta dos usuarios.
4. PROCEDEMENTOS INTERNOS: PLAN DE ACTUACIÓN
Como se indicou na definición do modelo funcional aprobado pola USC para a implantación da
administración electrónica, o elemento clave é a aplicación de medios electrónicos na xestión dos
procedementos, procesos e servizos. Esta irá sempre precedida dunha análise de redeseño funcional e
simplificación do procedemento. Asemade, durante esta revisión, abordarase sempre que sexa posible a
emisión de certificacións electrónicas preferentemente automatizadas e asinadas con selo de órgano da
USC.
Tomando coma referencia as unidades de xestión, proponse un calendario de actuacións no que se define o
rango temporal no que se abordarán con cada unidade as seguintes actividades:
IMPLANTACIÓN DA NOTIFICACIÓN ELECTRÓNICA OBRIGATORIA. De conformidade coa lexislación
vixente, ás notificacións para empregados públicos deben ser por medios electrónicos. A primeira
medida é aprobar o Regulamento de notificacións obrigatorias e facer a súa difusión para que todas
as notificacións de procesos internos para empregados públicos sexan por medios electrónicos.
REVISIÓN DE PROCEDEMENTOS: identificación, análise, redeseño funcional e simplificación de
procedementos, diagramación e definición das vías elixidas en cada caso para a súa implantación por
medios electrónicos: esta actividade será abordada con cada unha das unidades nas datas indicadas
no calendario. Naqueles casos que o volume de procedementos é elevado, ou a falta de traballos
anteriores de revisión e documentación de procedementos así o aconsellan, proponse realizar os
traballos en dúas fases, abordando na primeira fase a identificación de todos os procedementos e o
análise e redeseño daqueles que supoñan un maior impacto para a Comunidade Universitaria
destinataria do mesmo. Ata a data só se fixo un plan piloto para tramitacións internas con algúns
procedementos internos da ATIC ou con novos procedementos que se implantaron nestes últimos
anos nos que os solicitantes e xestores do mesmo son internos.
11
DEFINICIÓN FORMULARIOS WEB: revisión das vías de acceso dos procedementos xa definidos, para
propoñer o uso dun novo sistema de presentación baseado en formularios web públicos, unha vez
este estea dispoñible, naqueles casos en que a vía inicial de acceso formulada se basease na
publicación de formularios estándar a achegar a través do rexistro electrónico de entrada.
GARANTIR A ENTRADA E SAÍDA ELECTRÓNICA. No caso de que o procedemento non se chegue a
xestionar por medios electrónicos (tramitador ou aplicación específica) en todo caso deberá
garantirse que a entrada sempre poda ser electrónica e a notificación electrónica a través da Sede.
SEGUIR OS CRITERIOS DE ADMINISTRACIÓN ELECTRÓNICA: Se seguirán os criterios e o modelo
aprobados no ano 2013,coas adaptacións establecidas neste plan.
UTILIZAR A SINATURA MEDIANTE CREDENCIAIS: Será o método ordinario de sinatura persoal para os
procedementos internos e, en xeral, para aqueles documentos que non estean destinados
expresamente ao uso externo, especialmente no ámbito da sinatura de actas ou na presentación de
documentos no rexistro. Isto non empece o uso da sinatura co certificado de empregado público, o cal
deberá circunscribirse aos documentos que teñen como destino orixinal terceiros que están fóra do ámbito da
Universidade.
O cronograma do plan operativo por servizos e o seguinte:
2016 2017 2018
ÁREA Servizo 3º trim 4º trim 1º trim 2º trim 3º trim 4º trim 1º trim 2º trim
AC
AD
ÉMIC
A
SXA Implementación formularios web
Axudas
Revisión
procedementos +
definición
formularios
SRE Revisión procedementos + definición formularios
INV
ESTI
G
Xestión e
valoración I+D+i Implementación formulario web
PER
SOA
L
SPPDI Revisión procedementos + definición formularios
SPPPAS
Implementación formulario web
Revisión procedementos + definición formularios
12
SXP Revisión procedementos + definición formularios
ECO
NÓ
M
SXE
Revisión de procedementos + definición formularios web
5. NORMATIVA E USO OBRIGATORIO DE ELEMENTOS DE AE
Para facer efectivas as disposicións legais, debe de aprobarse unha serie de instrumentos normativos de execución, en concreto os seguintes:
Regulamento de notificacións electrónicas, co fin de establecer a obrigatoriedade de notificacións para empregados públicos e alumnos.
Instrucións de Secretaría Xeral para establecer como sistema ordinario e obrigatorio de sinatura de documentos a do portasinaturas corporativo, a sinatura con CEP para resolucións que teñan efecto fronte a terceiros, o uso do rexistro de saída electrónico para todas as resolucións dos servizos e que a emisión de informes se faga en formato electrónico con sinatura.
6. OUTRAS ACCIÓNS
Conforme aos eixes indicados anteriormente, como accións do plan contémplanse as seguintes:
o Debe reducirse o nivel de Identificación dos usuarios, pasando a ser o réxime xeral o de claves
concertadas (usuario/contrasinal)
o Debe tenderse ao uso de ferramentas electrónicas de tramitación (flexia/aplicacións corporativas).
o Debe redeseñarse as aplicacións para extraer, de xeito automatizado, a información necesaria para a
aplicación da Lei de Transparencia
o En materia de facturación electrónica debe procederse á correcta definición técnica do formato de
factura electrónica emitida pola USC para que poida ser presentada tanto no SEF como na
plataforma FACE (Punto Xeral de Entrada de Facturas Electrónicas do Estado). Debe poñerse en
marcha o intercambio de información coa plataforma do SEF. Debe estenderse a emisión da factura
electrónica a todos os servizos da USC. Por último, debe acadarse que, a súa tramitación, xestión e
arquivo sexa unicamente electrónico.
o Debe implantarse o novo Regulamento Europeo de Protección de Datos
13
7. SEGUIMENTO
O seguimento da correcta execución deste plan de implantación será responsabilidade da Comisión de
Administración Electrónica. Para levalo a cabo, realizará as seguintes accións:
Encomenda á Comisión Técnica de Administración Electrónica para que asuma o seguimento
operativo da execución do plan, celebrando unha reunión se seguimento con carácter mensual, na
que se revise a correcta execución das actividades previstas en cada período, e de ser preciso,
propoña a aplicación das medidas correctivas oportunas.
Análise e revisión do avance do plan, a través dun informe de seguimento da execución do plan, que
con carácter anual elaborará a Comisión Técnica de Administración Electrónica, segundo o formato
de evidencias e indicadores descritos no modelo de calidade aprobado para o proxecto de
Administración Electrónica da USC. Este informe proporá, ademais das evidencias e indicadores,
posibles accións de mellora que deberá aprobar a Comisión.
Concreción de un plan de melloras anual pola Comisión Técnica con indicadores de seguimento.
Establecer un plan específico para aquelas áreas cun menor grao de implementación da AE
Informe anual á Comisión de AE