dibulgazio artikulua idazteko aholkuak
TRANSCRIPT
DIBULGAZIO ARTIKULUA IDAZTEKO AHOLKUAK
IDATZI AURRETIK:
Hautatu eta zehaztu zein izango den landuko duzun gaia: Gure kasuan,
norberak aukeratutako gai problematikoa.
Gaiari buruzko informazioa ( sinesgarria, egiazkoa eta kontrastatua) bildu,
fidagarriak diren iturrietara joz : kontsulta-liburu edo aldizkari espezifikoak,
pertsona adituak, Interneteko hainbat webguneak...; gogoan izan argudio
sendoak erabili beharko dituzuela.
Testuaren oinarrizko egitura zehaztu eskema baten bidez:
Sarrera, arazoaren planteamendua, haren zergatiak, arazoaren konponbideak
eta ondorioa; beraz, gutxienez 5 paragrafo.
IDAZTEAN
Gogoan izan: paragrafo bakoitzean ideia nagusi bat garatu.
Kohesioa landu: ideiak zein paragrafoak lotzeko testu antolatzaileak erabiliko
dituzue.
Testu mota honetan subjektibotasuna da nagusi, ezin agertu igorlearen iritzirik
edota subjektibotasunik; hortaz, 3.pertsonan idatziko duzue.
Lexikoa zaindu, gaiarekin erlazionaturiko terminologia erabili.
ZIRRIBORROA IDATZI ONDOREN
Egiaztatu ondoko puntu hauek:
Betetzen du hasierako helburua?
Hartzailea zein den kontuan hartu dut eta haren mailara egokitu dut
idatzitakoa?
Erraz, zailtasunik gabe irakur eta uler dezake hartzaileak?
Testuak egitura argia eta koherentea du?
Ematen dudan informazioa fidagarria da?
Lexiko zehatza eta gaizki ulerturik sorrarazten ez duena erabili dut?
Ortografia zaindu dut? Badu akatsik? Xuxen zuzentzailea erabili, mesedez.
Konforme zaude idatzi duzunarekin?Birpasatu eta zuzendutakoan, behin-
betiko testua idatzi. Saiatu, bestalde, testuaren aurkezpen erakargarria eta
egokia egiten , irakurleek gogotsu irakur dezaten.