Haur Hezkuntzako helburu nagusia garapen osoa sustatzea da, ahalmen guztien (fisikoak,

afektiboak, intelektualak eta sozialak) garapenari erreparatuta.

Haurren bizitzako funtsezko aldia da. Bizitzaren lehen une horietan osatzen dira neurona-

egiturak, indibidualizazio- eta sozializazio-prozesuak egituratzen dira, eta hazkuntza fisikoa

eta garapen psikomotorra, pertzepziozkoa eta intelektuala gertatzen dira. Horiei guztiei esker,

inguruarekin eta pertsonekin dituzten harremanak garatzen dituzte haurrek. Halaber,

hizkuntza eskuratzen eta garatzen hasteko garaia da. Horrenbestez, nortasuna osatuko dute

eta etorkizuneko elkarrekintza sozialen eta intelektualen oinarriak finkatuko dituzte

Haur Hezkuntzak bereziki zainduko du haurrek, pixkanaka, norbanakotzat identifika ditzaten

beren buruak, eta beren inguruan jarduteko behar dituzten tresnak eskura ditzaten.

Aldi horretan, hauek izango dira alderdi garrantzitsuenak: harreman pertsonalak,

autoestimua, gaitasun kognitiboak eta hizkuntza-gaitasunak, gizarteratze-gaitasunak, eta

gaitasun motorrak.

Horregatik, Euskal Autonomia erkidegoko Haur hezkuntzako Dekretu Curricularrean honako

esperientzia eremuak azaltzen dira: norberaren ezaguera eta autonomia pertsonala,

ingurunearen ezaguera eta hizkuntza (komunikazioa eta adierazpena)-ri lotuta.

Dekretuak dioena eta guk aurreko atalean landu ditugun jokoak duten lotura aztertuko dugu

banan-bana.

TANGRAM

Tangram joko honetan, eduki hauek lantzen dira;

NORBERAREN EZAGUERA ETA AUTONOMIA PERTSONALEAN;

Lehenengo zikloko ongizate pertsonala eta egunerokotasunare n blokean,

- Estimuluak jasotzeko eta baztertzeko gaitasuna garatzea lantzen dela aurreikusten

dugu.