Pauto de estrels y luna

A la fin d´a ibiernadao arto se infla de suabas pelusetasblancor de toca aladaen l´aire de boladacuan o zierzo abatana as pinganetas.

As tucas más alterasentre boiras tintadas de tristuraruxan as endrezeraslamins de nieus zanzerascon confites empreñaus de rabiura.

O ibierno se resiste,tierco, traba o paso a la primaberatrazas de galán tristeque a tacha consisteen trafulcar l´aimor con a falaguera.

Más lexos la retantacon os fríos que ha portiau a zierzerala trachina y alantaigual como a una panta,nebasco a cabazos, titiritera.

Son chestos de fachendade mozo bigardón que no reculano quiere perder prenday antis de a delexendabocatobas pintan y no calcula.

Nuei blanca de enamorausachuste de amantes en nuei serenase atura o biento en os prausse amuina en toz os lauspauto negro de estrels y luna plena.

De diya flors sulsidasbiolas ubiertas a la retorterade golpe rebenidasy de golpe fundidas,chiqueta polideza en a ripera.

Aduermen os caxicosagún suenios de ibierno y bentolerasas fuellas á piazicosarguellos de ramicosespullaus endurando as cheleras.

Os praus reberdeziussiñal de buena tierra cautibadade yerba rebutiusse amuestran confundiuscon o sol que crema ya d´ estibada.

En as tucas y puntasa nieu agún fa bergonias señera,anque ni todas chuntasas ampluras achuntasmeten en trena con tanta planera.

A morfuga plateraque ha dixau o zierzo con a escobadabeire de cristaleraaliento en trabeserasotil alma que alenta en a pinada.

Ronchos de pixatinasimposible pasar inalbertiusalegres piculinasde cara as ixufrinasque empifolan de color os sentius.

A saya debantadaporta chunto a o río a berduqueracon os piez remulladaen augua esbarranquiadadebán d´os buxos que i´n ha en a ribera.

Alto s´estalapizanen os xerbigaders as barranquerasde contino s´eslizany entre as peñas zizantrallos entrecruzaus y bixorderas.

Bels faus as flors rechitancon o sol que aplana en as estrimerasenrulladas las chitany de berdal en pintanbuena cosa de mon y cantaleras.

Ya s´enzienden os grisosy berdes escuros en Santidorocon os claros prezisosde amariello narzisos,luzes febles con un siñalín d´oro.

Augua d´o mon qué clarabaxa, emplena de frescor a selbal´alegría declarafendo rebuelta raraigual como trepa la madreselba.

En que os sarrios o pardopelache que eban cutio de beranolo han dixau en o bardo,como buen güei zillardocolor permudan a ibierno tardano.

En rabañada campanen os tascals d´o Mallo Blanco posausen familias bi acampany siempre se debantancuán por o cusirador son abisaus.

As marmotas ya salensin de o cado seguro muito ir-sengüellos fuscos lis balende o morro sobresalen,de a fridor se´n fuón ta lugo benir-sen.

Chugan os paxaricos,de minchar guaire, nomás de boladacon plumaches bien ricospocopico bonicosfendo-sen morisquetas con l´aimada.

A primabera plegaá trepuzons pilla a o ibierno caítocon rasmia o sol replegay a rebellar s´entregaamonico a toz, de o suenio maldito.

L´augua ye chenerosade tronada en tronada caye á churrosen tierra secallosay rechita goyosapolidas primulas entre zepurros.

Chesús Aranda.