ASISTENTES: Alba Castro, José Luís Arias Acuña, Alberto Marcos Bajo Palacio, Ignacio Baltrusch, Burghard Basalo Domínguez, David Bergantiño Cid, Gustavo Blanco Losada, Iago Blanco Sierra, Javier Bravo Bernárdez, Jorge Carballo González, Mª De Los Ángeles Carballo Rial, Rosa Cebro Rodríguez, Xoán Manuel Cid Fernández, Xosé Manuel Conde Casas, Sofía Corbacho Valencia, Juan Manuel Costa González, Alicia Cristobal Ortega, Mª Julia Cuevas Alonso, Miguel Cuiñas Gómez, Íñigo De Lorenzo Rodríguez, Edita De Oca Cancela, Guillermo Expósito González, Benedicta Fariña Rodríguez, José Fernández Fernández, Federico A. Fernández Fustes, Mª Dolores Fernández Iglesias, Manuel José Fernández Jauregui, Manuel Fernández Manin, Generosa Fernández Pintelos, María José Fernández Souto, Ana Belén Ferreiro Vázquez, Óscar Ferro Soto, Carlos Ferro Soto, Carlos Fraiz Brea, José Antonio Gándara Pérez, José Antonio García Bugarín, Mercedes García Estévez, José Manuel García González, Marta García González, Silvia García Sánchez, Manuel García Señorán, Mª Del Mar García Soidán, José Luís Gil Villanueva, José Mª González Santamaría, Pedro Graña Rodríguez, Ana María Gutiérrez Sánchez, Águeda Iglesias Blanco, Raúl Lantarón Caeiro, Eva Mª López Lago, Marcos López Rubianes, Lucrecia Mª Macías Cambra, Henrique Mandado Vázquez, Alfonso Mato De La Iglesia, Salustiano Mejuto Fernández, Juan Carlos Mollinedo Lois, Carlos Pardo Froján, Juan E. Patiño Vilas, David Pato Rodríguez Santiago Eduardo Paz Penín, Concepción Pena Uris, Gloria M. Peña Gallego, Ángeles Pérez Cota, Manuel Pérez Gómez, Luís Pérez Juste, Ignacio Pérez Rodríguez, Mª Rosa Pino García, Antonio Pita Grandal, Ana María Porteiro Fresco, Jacobo Posada González, David Prieto Jiménez, Inmaculada Quintáns Graña, Camilo Reigosa Roger, Manuel Joaquín Rey Losada, Francisco Jesús Rivera González, Paula Rodríguez De Prado, Francisco Rodríguez Martínez, Francisco Javier

Acta da sesión ordinaria do Claustro Universitario da Universidade de Vigo do día 13 de decembro de dous mil dezasete, convocada para as 10:00 h en primeira convocatoria e ás 10:30 h en segunda no paraninfo da Reitoría do Campus de Vigo.

Ás 10:45 h do día 13 de decembro de 2017 deu comezo a sesión ordinaria do Claustro Universitario co obxecto de tratar a seguinte orde do día:

1. Aprobación, se procede, da acta da sesión ordinaria do 12 de decembro de 2016.

2. Informe anual do reitor en cumprimento do artigo 60.a dos Estatutos da Universidade de Vigo.

3. Informe sobre as Liñas xerais de política orzarnentaria-2018.

4. Informe do presidente do Tribunal de Garantías sobre o ano 2016.

5. Elección dos seguintes representantes no Consello de Goberno:

a. Sector Dec/Dir: 3

6. Elección dos seguintes postos no Tribunal de Garantías:

a. Sector PDI-B: 1

7. Elección dos seguintes representantes na Comisión Electoral:

a. Sector alumnado: 1

8. Elección dos seguintes representantes na Comisión de Plans Estratéxicos:

a. Sector PDI-A: 1 b. Sector Alumnado: 2

9. Rogos e preguntas.

Antes do inicio da sesión, reúnense os membros da Mesa do Claustro, acordando a duración das intervencións: 5 minutos na primeira rolda e 3 minutos na quenda de réplica. De acordo co establecido no artigo 16 do Regulamento do Claustro, procedeuse a sortear a letra para as intervencións, sendo o resultado a letra “P”.

2

Rodríguez Vázquez, Rosalía Rodríguez Vázquez, Virgilio Sánchez Moreiras, Adela M. Santalla Del Río, Verónica Santos Reyes, Valentín Siota Álvarez, Mónica Tugores Martorell, Francisco Vallejo Pousada, Rafael Vázquez Otero, Elsa DESCULPAN A SÚA AUSENCIA: Alonso Vega, Flora Arias González, Felipe Barreiro Alonso, Enrique Bueno Alonso, Jorge Luis Castro Cerceda, María Luisa Cid Rodríguez, Tania Couñago Méndez, Práxedes Diéguez Quintas, José Luis Fdez-Riverola, Florentino García-Pintos Escuder, Adela Gómez Rodríguez, Alma González Cerdeira, Julia González Jorge, Higinio Iglesias Briones, María Jesús Llamas Nistal, Martín López Pérez, Luis López Riveiro, Fernando Loveira Pazó, Rosa Meana Martínez, Juan Carlos Moldes Pita, Óscar Nóvoa Fernández, Yolanda Nóvoa, José Ramón Paradela Mouttet, Loreto Pou Saracho, Juan Quintás Corredoira, María Ramallo Fernández, Fernando Rey García, Daniel Rodríguez Barcia, Susana Rodríguez Pato, María del Carmen Silva, María del Pilar Vázquez Dorrío, José Benito Vázquez, Xosé H.

O reitor dá a benvida aos membros do Claustro, e expresa o fondo pesar da Universidade polo recente pasamento do profesor Manuel Moldes.

A continuación, dá lectura aos nomes dos que xustifican a súa ausencia, e que figuran na marxe desta acta, e explica que na orde do día existen catro puntos de elección de representantes, pero non será necesario realizar as votacións, xa que ou ben non se teñen presentado candidaturas ou ben, o número de candidatos e candidatas coincide co de vacantes a cubrir.

1. Aprobación, se procede, da acta da sesión ordinaria do 12 de decembro de 2016.

Indica o reitor que foi realizada unha corrección dun erro na data e non se recibiron alegacións á acta. Non se realizan alegacións por parte dos membros presentes, polo que apróbase por asentimento.

2. Informe anual do reitor en cumprimento do artigo 60.a dos Estatutos da Universidade de Vigo.

Explica o reitor que no Claustro de decembro, en cumprimento do artigo 60 dos Estatutos, o informe do reitor da conta das actuacións acometidas nas diferentes áreas polo equipo de goberno e engade que esta información detállase polo miúdo na memoria do curso que publica a Secretaría Xeral. Engade que neste ano, que coincide co final da lexislatura do reitor, realizará un balanzo dos case oito anos de goberno, resumindo os fitos acadados e os desenvolvementos levados a cabo neste difícil período.

Período no que as universidades tiveron que lidar con tres circunstancias que, por separado suporían unha proba, pero que ao coincidir no tempo puxeron ao sistema público nunha conxuntura extraordinariamente difícil. Por unha parte a instauración do plan Bolonia e a integración no Espazo Europeo de Educación Superior (EEES), que esixiu un enorme esforzo de adaptación a custe cero. Este proceso coincidiu cos anos mais duros dunha crise económica que supuxo unha diminución continua da porcentaxe do PIB dedicado ás universidades públicas. Por último, a política desenvolvida polo PP dende novembro de 2011 que, encargou ao seu ministro de Educación, Cultura e Deporte, José Ignacio Wert, iniciar a reforma educativa en España. Dunha banda, no ensino básico, aprobando a polémica LOMCE, que puxo patas para arriba á comunidade educativa polos cambios que introducía nos estudos de Primaria, ESO e Bacharelato, que aínda se está intentando botar totalmente abaixo. E no ensino universitario, alegando que era insostible, aprobando o Real Decreto Lei 14/2012 de Medidas Urxentes de Racionalización do gasto público no ámbito educativo que, ademais de provocar un incremento das taxas para os estudantes na meirande parte das universidades (que en Galicia conseguimos atallar) supuxo a imposición dunha severísima limitación á nova incorporación de persoal, a través da taxa de reposición de efectivos. Esta lei veu complementarse coa aprobación en 2015 do real decreto coñecido como “decreto 3+2” que grazas á acción política da CRUE conseguise neutralizar. E, finalmente en maio de 2015 aprobouse o Real Decreto 420/2015, de creación, recoñecemento, autorización e acreditación de universidades e centros universitarios, que flexibiliza os requisitos para a creación de novas universidades, de xeito que pasouse de 13 universidades privadas en España (ano 1997) ás 34 que existen na actualidade. E cómpre salientar

3

que mentres que nas universidades públicas se produciu neste período unha diminución do número de estudantes superior ao 7,2%, as universidades privadas experimentaron un crecemento do 21.1%. Subliña o reitor que estas políticas fomentaron a desigualdade social máis aló da crise económica e prexudicaron o desenvolvemento do noso traballo no sistema público universitario. Resumindo, en todo este período a universidade pública está sendo prexudicada por estas actuacións das administracións: as taxas de reposición de persoal, que danaron a rexeneración natural dos grupos de investigación e do persoal no seu conxunto; o importante descenso de fondos nas convocatorias de I+D+i, que prexudicaron a capacidade competitiva; o descenso das achegas para bolsas de estudantes, que prexudicaron o acceso aos estudos superiores nas familias con menos recursos e por último, as sucesivas reducións e conxelacións salariais, agravadas no caso galego por canto, sendo maiores que as estatais, foron aplicadas sobre aqueles que tiñan complementos por méritos académicos sendo, polo tanto, máis inxustas. Nese contexto, desenvolveuse a labor de goberno dos equipos que dende 2010 dirixen a nosa Universidade, e de cuxa actuación o reitor pasa a dar conta, comezando pola Política Económica.

Política Económica.- Nesta situación, unha das prioridades básicas ten sido protexer á institución e á comunidade universitaria das consecuencias da crise económica. A necesidade de manter o servizo público da educación superior nas súas funcións (docencia, investigación e transferencia á sociedade), e de mantelo nas mellores condicións de calidade e de igualdade de oportunidades, era o obxectivo fundamental. En consecuencia, concentrouse o esforzo de xestión na procura dunha xestión económica eficiente da nosa Universidade, que permitira que a súa actuación non agravara os efectos da crise, senón que, pola contra, se convertera en mecanismo de compensación. As principais medidas, neste sentido, foron as seguintes:

a) O plan de sustentabilidade. Cando o equipo reitoral se incorpora no ano 2010, os efectos dos recortes orzamentarios das administracións central e autonómica deixaran en déficit elevado a liquidación orzamentaria da nosa institución. O conxunto de normas aprobadas para a redución dos déficits das diferentes administracións conducían a dous escenarios: O primeiro suporía a perda de autonomía financeira e a obriga de presentar plans de axuste agresivos sobre o gasto, nomeadamente sobre o gasto de persoal. E o segundo, de ser quen de reducir o déficit e de cadrar ingresos e gastos, permitiría unha maior autonomía de decisión e evitaría a obriga de presentar un plan de axuste alternativo, en liña co comentado anteriormente.

Ante esta situación, a Universidade de Vigo deseñou un plan propio de sustentabilidade financeira, que se baseou, fundamentalmente, en dous piares: O primeiro, foi a compensación da perda de ingresos de procedencia estatal e autonómica por medio da captación de fondos externos fundamentalmente comunitarios. A maior efectividade de captación de recursos, especialmente de I+D+i, permitía manter a contratación de investigadores e a capacidade competitiva da institución. Lembra o reitor que, na actualidade, a captación de fondos por resultados está por enriba do 40%, mentres que outras universidades están intervidas. O segundo, foi a redución do gasto, especialmente do gasto corrente, por medio dunha maior eficiencia baseada na redución de subcontratación, na centralización de gasto e en políticas diversas de aforro.

O resultado destas dúas actuacións, combinadas, permitiu que no ano 2012 os ingresos correntes superaran aos gastos correntes, mantendo dende aquela ata este exercicio unha senda de estabilidade orzamentaria, sen débedas bancarias e sen déficit. Isto permitiu encaixar a caída das transferencias protexendo ao noso principal recurso, o capital humano. Para comprender o alcance das medidas, sinala o reitor que entre os anos 2009 e 2013, o capítulo II de gasto corrente acumulou unha rebaixa do 15,76%, o capítulo I de gastos de persoal experimentou inicialmente unha baixa porcentual do 1,53%, por mor da baixada salarial dos empregados públicos, pero que posteriormente se incrementou, como exporá a continuación o vicerreitor, sendo a universidade do SUG que máis incrementa este capítulo. E, salienta o reitor, outro aspecto ao que se lle prestou especial importancia que é o capítulo IV de transferencias correntes (bolsas de estudantes, de profesorado...) tivo un aumento do 16,45%. O que permitiu a posta en marcha das bolsas para situacións económicas sobrevidas, e o mantemento das achegas aos programas propios de bolsas de estudantes.

4

b) O segundo elemento da política económica, prosegue o reitor, supuxo cambios no organigrama da institución. Unha parte da mellora procurada na eficiencia tivo o seu éxito nun conxunto de modificacións do organigrama universitario. A primeira modificación foi a da propia estrutura do equipo reitoral, concentrando funcións e reducindo cargos académicos. A nova estrutura de xerencia, creada a partir de 2010, supuxo unha redución moi relevante dos efectivos e do gasto da estrutura de xerencia, que quedou tan só con dous vicexerentes. Do mesmo xeito, o modelo de xestión das obras e mantemento de infraestruturas foi tamén modificado. A centralización e profesionalización neste campo, así como o establecemento de criterios de transparencia na prioridade das obras a realizar, permitiron unha redución importante do gasto da Unidade.

c) Contratos programa e financiamento de Escolas e Facultades. Nun contexto restritivo de recursos coma o descrito anteriormente, os aforros acadados pola eficiencia foron empregados en medidas que supuxeran a súa vez un compromiso conxunto por un mellor desempeño da comunidade universitaria. Un caso singular e destacable da política económica o constitúe o establecemento dos contratos programa e o financiamento das Escolas e Facultades. Sobre a base do financiamento de partida de cada un, ofreceuse un contrato voluntario aos centros para que, por medio da evolución favorable dun conxunto de indicadores, puideran ver aumentados os seus orzamentos. Os resultados foron favorables, para case o 100% dos centros e anos de aplicación, verificándose unha mellora no desempeño do conxunto da institución

Unha segunda medida relevante para os Centros, ademais dos contratos programa, foi a aprobación dun sistema de financiamento que obxectiviza as achegas para os seus orzamentos, baseándose en criterios estruturais (fundamentalmente o número de créditos matriculados) e en indicadores de resultados. Deste xeito, o financiamento pasa a ser obxectivo e público para o conxunto da comunidade universitaria.

d) Desenvolvemento e mellora de ferramentas de xestión: Para lograr un funcionamento eficiente da Universidade, non abondan as políticas económicas, senón que deben ser apoiadas con ferramentas que faciliten a operatividade da mesma. De todas elas, o reitor destaca fundamentalmente:

1) A Fundación Universidade de Vigo (FUVI), constituída anos antes, desenvolveuse organizativa e economicamente ao longo do mandato, na intención de poñer en marcha actividades que achegan valor para a comunidade universitaria e, singularmente, para os estudantes. Dende a FUVI foise ampliando a acción no ámbito da empregabilidade, cos programas de prácticas extracurriculares, así como a do Centro de Linguas, na capacitación lingüística. Sirve tamén para a aplicación dalgúns convenios ou convocatorias nos que a figura xurídica da Fundación facilita a súa implementación.

2) Contabilidade Analítica. Dentro dos estándares de xestión, a posta en marcha dunha Contabilidade Analítica ou de Custos da Universidade era outro dos capítulos pendentes. Ao longo do mandato desenvolveuse o modelo e a personalización para a nosa institución do programa CANOA, de acordo coa Intervención Xeral do Estado. Como resultado, o Servizo de Contabilidade realizou unha primeira versión cos datos do ano 2014 (en modo de proba), para traballar actualmente cunha primeira contabilidade formal, con base no curso 2015-2016.

3) Creación dos sistemas de información para a xestión interna. Entre as novas demandas de xestión das universidades, unha delas é a necesidade crecente de desenvolver sistemas de información, tanto por causas internas como externas. Internamente, dispoñer de información o máis completa posible para a toma de decisións e para a asignación de recursos de forma obxectiva, garante maior a xustiza na distribución. Por todo isto, a Universidade foi desenvolvendo un sistema propio de información, centralizando a súa elaboración na Unidade de Análise e Programas. A partir dun depósito común de información, vanse atendendo as demandas de información internas e externas.

Políticas transversais. Despois de esquematizar os aspectos económicos, o reitor pasa a dar conta de catro liñas de actuación que, aínda que poden ser promovidas dende vicerreitorías ou áreas concretas, en realidade esténdense a toda a Universidade, polo seu carácter transversal:

5

a) Responsabilidade social universitaria RSU. Un dos estándares de xestión pendentes de aplicar con anterioridade na nosa Universidade eran os relativos á responsabilidade social universitaria, que se ten incorporado á Universidade de Vigo como peza central da modernización imprescindible para a sustentabilidade económica, social, cultural e ambiental.

A primeira medida, neste sentido, foi a redacción dunha memoria anual de RSU seguindo os estándares do Pacto Mundial, ao que a propia Universidade de Vigo se acolleu formalmente. A memoria recolle a relación que temos cos nosos grupos de interese, así como o resumo da actividade anual en campos de especial compromiso, coma as políticas de igualdade, atención á discapacidade, o medio ambiente e a sostibilidade, o respecto á diversidade ou a política lingüística, entre outros.

En segundo lugar, creouse un apartado dentro da web da Universidade, que recolle especificamente toda a información relacionada coa RSU. A seguir, dende o ano 2016, comezou a realización dun boletín mensual dende a Unidade de Análise e Programas, empregando a información do DUVI en accións de RSU.

b) Política de igualdade. Constitúe unha das liñas de actuación que debe impregnar toda a vida universitaria, por ese motivo, no organigrama da Universidade de Vigo, a Área de Igualdade depende directamente do reitor, para plasmar esa vontade. Subliña o reitor, a especial necesidade de traballo nesta liña porque estamos vivindo proceso de clara involución no mundo actual.

Entre as actuacións neste ámbito, destaca a aprobación, en xuño de 2011 do Regulamento da Comisión de Igualdade da Universidade de Vigo que, presidida polo reitor e con representación de toda a comunidade universitaria, tiña por encargo realizar as propostas de políticas de igualdade de xénero para a institución e facer o seguimento da súa execución. Así, en 2012 foi aprobado o primeiro Plan de igualdade entre mulleres e homes da Universidade de Vigo cuxo informe de avaliación axudou a detectar as necesidades das que segue adoecendo a organización para acadar unha igualdade efectiva. En base a esta análise elaborouse o segundo plan de igualdade , actualmente vixente, que consta de 84 accións e ten como obxectivo prioritario naturalizar o principio de transversalización de xénero en toda a actividade universitaria cun carácter transformador da institución, para que sexa máis igualitaria.

Así mesmo, a Universidade de Vigo comprometeuse coa tolerancia cero nas situacións de acoso sexual e por razón de sexo, aprobando en 2014 o seu protocolo marco de actuación para a prevención e sanción deste tipo de acoso no que non só se establece un procedemento de atención ás vítimas senón que se recollen medidas de sensibilización para detectar e previr o acoso sexual ou por razón de sexo.

Por outro lado, a convocatoria anual de axudas para a organización de actividades docentes con perspectiva de xénero, converteuse nunha ferramenta eficaz para formar ao alumnado en asuntos tan prioritarios para o seu desenvolvemento persoal e profesional como o respecto aos dereitos de todas as persoas calquera que sexa a súa orientación sexual ou identidade de xénero, a visibilización das achegas das mulleres, as relación afectivas igualitarias, a introdución da perspectiva de xénero na súa actividade académica e investigadora ou o recoñecemento da desigualdade existente para as mulleres e a necesidade de converterse en axentes de cambio para acadar sociedades máis xustas e democráticas.

c) Política Linguística. Do mesmo xeito, tamén seguindo unha orientación transversal plasmada na dependencia directa do reitor, desenvolveuse a política lingüística da Universidade. Para realizar unha eficaz defensa da nosa lingua, levouse a cabo a profesionalización da área de Normalización Lingüística, encargada de promover e darlle soporte técnico ao proceso de extensión do uso da lingua galega no ámbito docente, investigador, administrativo e de servizos.

d) Política de transparencia. Tal vez unha das maiores demandas sociais aos xestores públicos nestes últimos anos é a demanda de transparencia na información e na xestión, singularmente na xestión económica. Como resultado desa presión social, as administracións estatal e autonómica aprobaron sendas leis de transparencia e bo goberno. A Universidade de Vigo, adiantándose en termos xerais ao cumprimento da lei, foi desenvolvemento estándares propios de rendemento de contas e de xestión. Estes

6

estándares, sobre todo no que respecta á xestión económica dos seus recursos, ofrecen de lonxe niveis de información moi superiores aos esixidos na lexislación.

O principal instrumento desta liña de actuación é o Portal de transparencia. Este campo da páxina web da institución, que naceu orixinariamente co nome de “A universidade en cifras”, foi ampliando os niveis de información e as posibilidades de emprego desta, procurando política de goberno aberto e datos abertos, que permiten a optimización do seu uso para as persoas que acceden a eles.

A aprobación do Regulamento de Transparencia e Acceso á información pública da Universidade de Vigo na sesión do Consello de Goberno de outubro do presente ano, consolida esta liña de aumento da transparencia da actividade pública a través das obrigas de: publicidade activa, acceso á información pública a toda a cidadanía e garantía do cumprimento das leis estatais e autonómicas en relación á altos cargos e aos principios de bo goberno na Universidade de Vigo.

Por todo elo, non é casual que, nas últimas edicións do ranking de transparencia das universidades españolas elaborado pola Fundación Compromiso e Transparencia, a nosa Universidade ocupe sempre un lugar entre as universidades máis transparentes. Máis concretamente, no informe do ano 2017 está situada no segundo lugar compartido, a un só punto da universidade coa mellor cualificación.

Posicionamento da Universidade: destaca o reitor a importancia dada a este aspecto dende o comezo do mandato. Hoxe en día non é suficiente que a Universidade funcione ben, mesmo moi ben, se non é quen de visibilizarse e posicionarse en relación coas outras universidades, e tamén de establecer vínculos de colaboración entre elas e distintos organismos e institucións, traballando en redes que permitan acadar obxectivos cada vez máis amplos. E apunta o reitor os seguintes aspectos:

1) Ránkings universitarios. Ao longo dos últimos anos, diante un panorama de competición entre centros, popularizáronse as comparativas ou ránkings universitarios. Con independencia dos diferentes criterios empregados, o seu impacto social pasou a ser innegable para a reputación académica. Estar nos ránkings, e estar nunha boa posición, é un factor de recoñecemento social e de atracción de investigadores e estudantes.

Ao longo destes oito anos, a nosa Universidade puxo en marcha os mecanismos de relación cos responsables de editar os principais ránkings do Mundo para participar nos procesos de cálculo de méritos, en especial de carácter bibliométrico, así como facilitar información adicional doutra tipoloxía que requiren varios deles, poñendo en valor o traballo de toda a comunidade universitaria.

O resultado deste proceso foi a entrada da Universidade de Vigo nos principais ránkings do Mundo: no ARWU ou ránking de Shanghai, no que estamos presentes en varios campos de coñecemento; no Times Higher Education, no que ademais de por campos de coñecemento, se nos recoñece como unha das universidades de referencia con menos de 50 anos de vida e no U-Multirank, patrocinado pola Comisión Europea, e, de modo xeral, na maior parte dos ránkings con impacto social.

2) Participación en redes e institucións. Neste período, a Universidade de Vigo incrementou notablemente a súa participación activa nun amplo conxunto de institucións e redes. De entre todas nas que intervén a Universidade de Vigo, destaca o reitor a participación na CRUE, posta de manifesto nas diversas sectoriais a través das presidencias e secretarías executivas que ostentan os vicerreitores e vicerreitoras do equipo reitoral. Subliña tamén a constitución, desenvolvemento e presidencia da Conferencia de Reitores del Suroeste de Europa, CRUSOE, así como a intensa participación na rede Universia, na Fundación Centro de Estudos Eurorrexionais (CEER) e na Rede Ibérica de Entidades Transfronteirizas (RIET), ademais doutros foros galegos, nacionais e internacionais

Ademais de esta actuación préstase especial atención á participación nos foros máis locais que se desenvolven nas tres cidades nas que se asenta a Universidade, como os Círculos de empresarios, as fundacións como a Fundación ProVigo, o Vigo Convention Bureau, Consello Social Económico, etc.

Continúa o reitor o seu informe abordando un aspecto básica da actuación realizada que é o Desenvolvemento normativo. Ademais das normativas e regulamentos que se desenvolveron de xeito

7

específico nos distintos ámbitos, cómpre destacar nesta sesión do Claustro a modificación dos Estatutos da Universidade de Vigo que suporán o novo marco no que se desenvolverá a actividade da Universidade nos próximos anos.

O procedemento seguido supuxo un longo camiño, que se iniciou coa aprobación polo Claustro da “Normativa de modificación e aprobación dos Estatutos da Universidade de Vigo” en sesión do 20 de novembro de 2014, e da Comisión encargada da modificación dos Estatutos na sesión do día 9 de decembro do mesmo ano. Dita comisión, representativa de todos os sectores da comunidade universitaria e presidida polo reitor, quedou constituída en marzo de 2015, mes no que aprobou o seu Regulamento de Funcionamento Interno, a estrutura básica dos Estatutos e se constituíron os grupos de traballo.

Ao longo destes anos, leváronse a cabo máis de 40 reunións dos grupos de traballo, que desenvolveron cada un dos títulos dos Estatutos, e do pleno da Comisión, no que se discutiron e aprobaron os artigos desenvolvidos nos GT. O anteproxecto do texto foi remitido a todos os claustrais e abriuse un período dun mes de exposición pública para a presentación de emendas. Nese tempo presentáronse un total de 15 emendas, avaladas ou por 10 claustrais ou por 25 membros da comunidade universitaria. Todas foron analizadas e debatidas no seo da comisión, en reunións que remataron o pasado 4 de decembro. O documento resultante de dito estudo, no que se recolle o texto inicial, o texto das emendas, e o acordo da comisión ao respecto xa está elaborado, e será enviado a todos os membros do Claustro para o seu debate no Claustro que se levará a cabo o 18 de xaneiro. A todos os que presentaron emendas se lles responderá de xeito personalizado, aclarando os argumentos da Comisión para a súa proposta de aceptación ou de rexeitamento.

O reitor destaca que foi un proceso longo, pero que está a garantir a participación activa de todos os sectores da comunidade universitaria e que está a permitir un grao de consenso que, confía, sexan unha garantía de estabilidade desta norma marco da convivencia. A continuación o reitor agradece a todos os membros da Comisión o esforzo realizado neste tempo, e moi especialmente ao secretario da Comisión Roberto Bustillo pola súa dedicación e á vicesecretaria Xeral Técnica, Angeles Hermida, polo apoio prestado en todo momento, sen esquecer ao persoal dos servizos de Asesoría Xurídica, PDI, Recursos Humanos, Investigación e Secretaría Xeral pola súa inestimable axuda.

Infraestruturas: Seguindo co seu informe o reitor informa das actuacións levadas a cabo neste ámbito. Explica que, durante un período de especial dificultade económica, no que xa non era posible construír edificios en base a recursos propios, como en épocas anteriores, o desafío e o compromiso do equipo de goberno no ámbito das infraestruturas plasmouse en desenvolver a capacidade de captar financiamento finalista para poder facer fronte ás infraestruturas necesarias para o desenvolvemento e progreso da Universidade e os seus proxectos estratéxicos. A aposta pola especialización dos campus, e da agregación de grupos de investigación, permitiu a definición de proxectos do conxunto da institución que acadaron financiamento autonómico, estatal e comunitario.

Dá conta a continuación dos principais investimentos derivados deste financiamento, e que se encamiñaron a:

- Dotar aos proxectos estratéxicos dos Campus de especialización dunha sede que permita o seu crecemento. Comezando polo Campus do Mar, co desenvolvemento da rehabilitación do edificio Faraday na antiga ETEA, do que xa se convocou o concurso para a realización do proxecto pero está pendente do convenio para a execución da obra. Neste sentido, da conta do compromiso adquirido pola Xunta de Galicia de dotar tres millóns de euros, a través dun convenio que está pendente de ser asinado no ano 2018, que permitirá desenvolver a primeira fase do proxecto do Campus do Mar. Esa primeira fase, continúa o reitor, se completa cunha achega indirecta da ZFV que se encargará da rehabilitación do edificio Siemmens.

En relación co Campus da Auga, lembra o inicio da construción do edificio en agosto de 2016 e indica que, trala recepción da obra este próximo martes, procederase a dotar ao edificio do equipamento preciso co obxectivo de que no curso 2018/2019 estea totalmente operativo.

8

En relación coa sede do Campus Crea-S2i, procederase á rehabilitación da antiga sede da Xunta en Benito Corbal, espazo para o que xa se definiu o plan de usos e se está a traballar para contratar o proxecto arquitectónico. Estes proxectos serán relevantes non só para a propia Universidade, senón para a capacidade competitiva das cidades con campus da nosa institución, subliña o reitor.

No ámbito do Vigo Tecnolóxico, o reitor destaca as obras do novo edificio do Centro de Apoio á Investigación (CACTI) e do Centro de Investigación Biomédica (CINBIO) e equipamento e posta en marcha de ambos. Inaugurándose recentemente baixo o nome de Dra. Olimpia Valencia. En relación co Módulo Tecnolóxico industrial (MTI), cuxa construción rematou no 2013, indica que xa se realizaron diversas actuacións encamiñadas a dotar os espazos segundo as necesidades dos grupos de investigación, e cuxa dotación completarase co financiamento acordado no convenio coa Consellería da Xunta de Galiza.

- Salienta tamén o proxecto de rehabilitación do edificio do Berbés para a sede institucional da Universidade na cidade de Vigo que, tras moitos retrasos, ven ser iniciado e rematarase ao longo do próximo ano, e que permitirá conectar máis directamente á Universidade coa cidade.

A continuación o reitor pasa a detallar os aspectos máis específicos relacionados coas funcións propias da Universidade: a docencia e a investigación e transferencia, detallando tamén a política de especialización nos campus levada a cabo.

No apartado de persoal docente e investigador cómpre salientar o enorme esforzo que a Universidade de Vigo fixo por manter o seu cadro de profesorado, no escenario de crise económica o reitor vén de describir e das medidas extraordinariamente lesivas implantadas polos gobernos central e autonómico.

Lembra o reitor que ao comezo do período, as convocatorias de prazas permanentes de profesorado contratado doutor ou titular realizábanse de acordo aos criterios recollidos no convenio colectivo. A partir do ano 2012 foron impedíndose estas convocatorias, primeiro as de funcionarios, a continuación as de laborais permanentes e posteriormente, incluso o nomeamento de profesorado contratado doutor interino, imposibilitando a estabilización do persoal.

A taxa de reposición estableceuse inicialmente nun 10%, o que unicamente permitiu a convocatoria de 2 prazas de profesorado permanente nos anos 2013 e 2014. No ano 2015 convocáronse 8 prazas e, a medida que a base de esforzos logrouse a flexibilización da mesma, lográronse 33, incluíndo 12 para cátedra en 2016. Estas convocatorias de prazas de profesorado permanente leváronse sempre ao máximo número permitido polas normas.

Fíxose, ademais, unha política de mantemento dos postos de traballo do profesorado axudante doutor que non perdeu a súa vinculación coa Universidade a pesar das prohibicións e impedimentos por parte das autoridades autonómicas e estatais. Así, nos anos 2015 a 2017 aprobáronse plans de intensificación investigadora para o persoal que remataba o seu contrato como axudante doutor coa intención de manter a vinculación destas persoas ata que puidesen optar a unha praza permanente ou interina, como de feito ocorre en todos os casos no momento actual. Confiamos que en 2018, todo esta bolsa poida desaparecer. A oferta de emprego público para este ano 2017, a punto de publicarse no DOG, contempla a convocatoria de 54 prazas de PDI.

No relativo a títulos oficiais, salientamos que a implantación do Espazo Europeo de Educación Superior provocou un completo cambio tanto nos títulos universitarios, como no xeito en que se realiza o proceso ensinanza-aprendizaxe. Dos 39 títulos de grao que se están a impartir nestes momentos, 37 xa pasaron por primeira vez polo procedemento de renovación da acreditación. Os dous restantes, Ciencias da Linguaxe e estudos Literarios e Enxeñaría Aeroespacial, son de recente implantación e aínda non lles corresponde este procedemento. Nestes momentos estamos a tramitar a implantación do novo Grao en Enxeñaría Biomédica e proximamente comezaremos este trámite para un novo grao en Deseño e Creación, vinculado ao campus de especialización de Pontevedra. Cómpre salientar que no novo mapa de titulacións recentemente anunciado somos a única universidade que non precisa substituír nin pechar ningún título de grao, xa que todos foron considerados viables ou singulares. Tamén nestes anos foron incorporadas á

9

oferta as simultaneidades en estudos de grao, das que ofrecemos 3 programas: ADE-Dereito, ADE-Informática e Xeografía e Historia-Turismo.

Respecto dos títulos de máster, debido á súa maior flexibilidade, os cambios producidos nos últimos anos foron máis numerosos. Nestes momentos impartimos 54 másteres en todos os ámbitos e campus. A totalidade dos títulos que se someteron á renovación da acreditación superaron con éxito o procedemento. Para o vindeiro curso académico implantaranse 7 novos títulos de máster, a totalidade dos que se solicitaron á Consellería de Cultura, Educación e Ordenación universitaria.

Os doutoramentos experimentaron tamén cambios significativos. Neste momento temos xa todos os programas baixo unha mesma lexislación, despois de anos de convivencia de títulos amparados por decretos diferentes. Nos últimos meses realizáronse os 7 primeiros procesos de seguimento de doutoramento cara ás primeiras renovacións da acreditación que se producirán o vindeiro ano.

Nun contexto tan competitivo como o anteriormente descrito, resulta especialmente relevante a obtención da certificación FIDES-AUDIT de implantación do Sistema de Garantía de Calidade para 11 centros da Universidade. E é preciso subliñar que ese esforzo que os centros realizan e que en moitas ocasións se considera improdutivo, sitúa á nosa Universidade á cabeza do sistema universitario galego como a que maior número de centros ten con esta certificación e unha das punteiras en todo o estado neste apartado. A partir dos vindeiros meses estas certificacións permitirán a acreditación de títulos sen necesidade de someterse a unha avaliación externa, sempre que a metade dos títulos xa renovasen a súa acreditación.

Aborda a continuación o reitor o informe das actividades realizadas neste período 2010-2017 no ámbito da Investigación e Transferencia, salientando o traballo desenvolvido pola vicerreitoría en distintas vertentes, o que permitiu crear un marco axeitado para potenciar ós resultados do noso persoal investigador, situando á Universidade de Vigo moi positivamente nos ránkings, e que permitiu o aumento dos ingresos e, polo tanto, a estabilización institucional.

a) Un aspecto que se considerou moi importante era a definición das normas que permitiron estruturar aspectos fundamentais para o desenvolvemento da I+D+i. Nese ámbito normativo destacan:

- Normativa de Centros de apoio á investigación da Universidade de Vigo

- Normativa de grupos, agrupacións e centros singulares de investigación da Universidade de Vigo

- Normativa de creación de empresas da Universidade de Vigo

- Normativa de propiedade intelectual e industrial da Universidade de Vigo

- Normativas de funcionamento interno de centros de apoio á investigación (p.ex. CITI, ECIMAT)

- Protocolo para o desenvolvemento do Programa Soporte á xestión económica de grupos de investigación

- Normativa de xestión de recursos liberados dispoñibles nos proxectos do programa Horizonte 2020

- Normativa da Universidade de Vigo para a contratación de persoal co cargo a actividades de investigación, desenvolvemento e innovación (I+D+i)

b) Tamén moi importante para o impulso da investigación foi o deseño e implementación de diversas Convocatorias ao longo destes anos que facilitaron a labor dos investigadores e investigadoras, poñendo en valor os seus resultados tanto de investigación como de transferencia. De todas as existentes, o reitor destaca as seguintes:

- Convocatoria anual de axudas á investigación.

- Novos criterios de Avaliación da Produción de Investigación do persoal investigador da Universidade de Vigo.

- Novos criterios de Avaliación da Produción de Transferencia do persoal investigador da Universidade de Vigo.

10

- Convocatoria da Universidade de Vigo para o anticipo de financiamento estrutural a grupos e persoal de investigación de traxectoria destacada.

Destaca o reitor que, ao mesmo tempo fíxose un gran esforzo con recursos propios da Universidade de Vigo para captación e retención do talento das persoas investigadoras ao longo destes anos tan difíciles, así leváronse a cabo as convocatorias seguintes:

- Programa para a contratación de persoal postdoutoral cara á intensificación investigadora do profesorado axudante doutor.

- Prórroga de contratos do programa Ramón y Cajal formalizados na Universidade de Vigo.

- Programa de retención de talento investigador da Universidade de Vigo.

- Programa da Universidade de Vigo para a captación de persoal investigador seleccionado nas convocatorias do Consello Europeo de Investigación (ERC).

- Programa de captación de talento investigador de excelencia da Universidade de Vigo.

E tamén é necesario destacar o apoio á transferencia a través da Convocatoria de axudas para o desenvolvemento e consolidación de EBTs na nosa Universidade (convocatoria anual dende 2013), que foi modificada significativamente e ampliada aos campus de Ourense e Pontevedra en 2016 e 2017.

c) En relación co apoio á actividade investigadora, o reitor sinala tamén o esforzo realizado pola Vicerreitoría de Investigación e Transferencia para a contratación de 6 xestores/as de innovación, que darán apoio ás actividades de I+D+i, potenciando as realizadas nos Campus e nos distintos ámbitos de coñecemento. Así como unha xestora de innovación para a visibilización e promoción de actividades de divulgación científica na Universidade de Vigo; un xestor de innovación para a xestión económico-administrativa de proxectos europeos, que dará apoio á redacción de propostas de proxectos europeos e outros proxectos de envergadura, á busca de consorcios, á participación en redes internacionais e á atención á Oficina en Bruxelas.

Grazas ao apoio promovido desde a Vicerreitoría, prosegue o reitor, téñense acadado destacables logros:

- Produciuse un incremento moi significativo de solicitudes de proxectos europeos: 62,5 solicitudes/ano de media ata 2010, aumentando a 82 solicitudes/ano de media no período 2011-2017 e 109,7 solicitudes/ano de media no período 2015-2017.

- Incrementouse significativamente o número de proxectos europeos concedidos, a pesar da dura competencia en H2020: 6,7 proxectos concedidos/ano de media ata 2010, aumentando a 9,9 no período 2011-2017 e, finalmente, 13,7 proxectos concedidos /ano de media no período 2015-2017.

- Consecuentemente, elevouse a captación de recursos europeos, pasando de 1,9 millóns euros/ano de media ata 2010 a 4,3 millóns euros /ano de media no período 2015-2017.

- O reitor salienta que neste período un importante obxectivo era ampliar esta capacidade competitiva a todos os ámbitos, e logrouse un importante avance nesta liña no ámbito humanístico e xurídico-social, no que se concedera tan só un proxecto europeo ata 2010, e dende esa data xa son 10 os proxectos concedidos neste ámbito.

- O reitor realiza unha mención especial aos resultados acadados na captación de recursos externos de I+D+i neste ano2017, salientando que, no apartado de proxectos acadouse un total de 18.883.233 euros, o que supón un incremento do 33% con respecto ao balance presentado en decembro de 2016, e de máis do 90% comparado co balance de decembro de 2015.

Desta cantidade, o 36% correspondeu a convocatorias europeas, o 21% a convocatorias estatais e o 43% restante a convocatorias de ámbito autonómico. En total, obtiveron financiamento 106 proxectos ou accións de investigación (24 europeos, 37 estatais e 45 autonómicos). No que respecta á distribución por ámbitos, destaca especialmente o ámbito tecnolóxico, con 46 axudas financiadas, seguido do científico (38 axudas), o humanístico (13 axudas) e o xurídico-social (9 axudas).

11

- O reitor dá outras cifras, indica que neste año 2017 lévase captado en I+D máis de 30 millóns de euros, o que supón un incremento do 21% con respecto ao o 16 e do 60% da incremento na captación de recursos con respecto ao 2015.

d) Proseguindo co informe o reitor destaca o efecto multiplicador que teñen os proxectos institucionais, labor proactiva do goberno para que os grupos sexan competitivos, indicando que os recursos captados a través destes proxectos xa superan o obtido polo conxunto dos grupos de investigación nas súas convocatorias. Destaca os proxectos COFUND-FELLOWSEA (1,8 millóns de euros, 2013), e BIOCAPS (4,6 millóns de euros, 2013) e TACTICA (8,8 millóns de euros, 2013), ligados ao Vigo Tecnolóxico. Menciona a participación nas acreditacións de ECOBAS, as agrupacións estratéxicas, proxectos de mobilidade, etc.

Seguindo co ámbito da investigación, o reitor destaca unha cuestión cada vez máis relevante no contexto actual que é a Certificación do Centros, a Acreditación dos servizos e a habilitación dos comités, e neste campo, logrouse a: Certificación ISO 9001 do CACTI, a Certificación ISO 9001 da ECIMAT, rexistro da ECIMAT para a experimentación con peces, o rexistro do Servizo de Bioexperimentación da Universidade de Vigo como centro de cría e usuario de animais de experimentación, a habilitación do Comité de Ética de Experimentación animal para a avaliación de proxectos de experimentación animal e, de xeito especial, destaca o reitor a obtención do selo europeo de Excelencia en Recursos Humanos de Investigación, HRS4R.

Finaliza o resumo de actividades realizadas dende a Vicerreitoría de Investigación e Transferencia, salientado o desenvolvemento de ferramentas que facilitan a labor investigadora e a súa posta en valor, como a actualización dos datos dos grupos de investigación da Universidade de Vigo no SUXI-XC, o desenvolvemento do Buscador de I+D+i da Universidade de Vigo – BIDI, para a visibilización das capacidades dos nosos investigadores e investigadoras.

O reitor pasa a continuación á presentación das liñas de actividade desenvolvidas dende a Vicerreitoría de Estudantes, comezando pola atención ao estudantado, que constitúe o elemento fundamental da nosa actividade, polo que se realizou un importante esforzo económico para non retroceder nesta liña e mesmo avanzar, a pesar da crise.

A Vicerreitoría de Estudantes desenvolveu unha importante labor nestes anos, creando unha fiestra única para o estudantado, pola que se canalizan todas as súas inquedanzas e tramítanse as súas queixas e recursos. Acometeuse tamén unha importante revisión das normativas que xeraban mais problemas ao alumnado, nomeadamente a normativa de permanencia, a avaliación por compensación, a Normativa de TFG e a de simultaneidade de estudos. En todos os casos, as revisións foron negociadas co estudantado e cos axentes implicados no PAS e nos centros, como se está a facer nestes momentos coa nova normativa de prácticas.

En relación coas Bolsas, reitera o reitor o importante esforzo realizado para paliar os momentos máis duros da crise económica, ampliándose a contía en axudas por causas sobrevidas e creándose bolsas propias novas (conservando as anteriores: residencia e comedor).

Na área de linguas, a Universidade de Vigo coordina dende a CRUE as accións de política lingüística, pola súa implicación na creación dun modelo (realmente) plurilingüe de universidade. Profesionalizouse o Centro de Linguas e conseguiuse a acreditación do centro e das súas acreditacións lingüísticas de nivel B1, B2 y C1, que son xa recoñecidas pola Xunta de Galicia. Ademais conseguiuse a certificación para administrar o TOEFL. Elaborouse tamén un Plan de internacionalización lingüística que permite a posta en marcha de programas plurilingües en diferentes centros. O reitor destaca de xeito especial o deseño e implantación dun exame de acreditación das competencias lingüísticas do profesorado para a docencia en inglés, HELA, que é referencia no estado e xa foi exportado a outras universidades.

Anuncia o reitor que estamos próximos á creación dunha Aula Confucio e a realización de exames oficiais HANBAN de chinés, a través dun acordo que agardamos estea asinado en febreiro.

12

En relación co ámbito do Emprego e Emprendemento. Creouse a Área de Emprego e Emprendemento co fin de coordinar todas as iniciativas neste eido: as prácticas externas, as ofertas de emprego, a formación transversal para a mellora da empregabilidade do noso alumnado e as accións de emprendemento.

No 2011 lanzouse por primeira vez o programa de preincubación INCUVI-Emprende no Campus de Vigo, que se estendeu ao Campus de Pontevedra en 2013 e ao Campus de Ourense en 2015. No ano 2016 lánzase unha segunda fase do programa INCUVI, o INCUVI-Avanza, para axudar á consolidación dun dos proxectos gañadores das anteriores edicións en cada campus, cun niño en Porto do Molle (Nigrán) e mentorización por Consorcio Zona Franca, e un niño no CITI co seguimento e mentorización por Confederación Empresarios Ourense.

En relación coas liñas de actuación desenvolvidas dende a Vicerreitoría de Extensión Universitaria e Relacións Internacionais, o reitor as resume abordando cada un dos aspectos por separado.

En relación co ámbito da Extensión Universitaria, resulta especialmente salientable a posta en marcha das estruturas precisas para dar atención ao estudantado con necesidades específicas de apoio educativo, cun enfoque pioneiro no sistema universitario español que vai máis aló da atención do estudantado con discapacidade, e que reafirma o noso desexo de ser unha universidade realmente inclusiva.

Noutro eido, redefiniuse a actividade deportiva na Universidade de Vigo para convertela nun instrumento ao servizo de toda a comunidade universitaria para a promoción de estilos de vida saudables. De xeito que pasamos dunha Área de Deportes a unha área de Benestar, Saúde e Deportes.

Tamén neste período reelaborouse completamente o programa de maiores da Universidade de Vigo, de maneira que se facilite de verdade a aprendizaxe ao longo de toda a vida. Implantouse un modelo máis flexible, orientado a persoas activas e comprometidas socialmente, que facilita a participación de calquera persoa maior de 55 anos sen límite de caducidade.

No ámbito das Relacións Internacionais, mellorouse de maneira moi relevante a estrutura de socios internacionais da Universidade de Vigo para a mobilidade de estudantes, PDI e PAS. Asináronse novos acordos en países como Australia, Corea, Malaisia, Vietnam, China ou Camboia, e Integrouse á Universidade de Vigo nos programas GE4 e International to International de ámbito mundial. Implantouse a mobilidade internacional para a realización de prácticas académicas, dentro e fóra de Europa.

Expón o reitor que fíxose da Universidade de Vigo unha universidade máis aberta, coa definición de novos tipos de estudantes internacionais como os estudantes visitantes, os estudantes internacionais de curso cero, ou os estudantes en prácticas.

Así mesmo, incrementouse de maneira moi importante a participación da Universidade de Vigo en proxectos de cooperación educativa e de cooperación ao desenvolvemento, mediante a procura activa de socios, a promoción do proxectos institucionais, e a formación do PDI para a captación deste tipo de proxectos. Consecuencia do cal foi a captación de fondos por valor de máis de 5 millóns de euros.

Na parte final do seu informe, o reitor resume os fitos máis importantes dun avance que consideramos histórico para o debuxo futuro da nosa Universidade foi o desenvolvemento da política de especialización en Campus, iniciada co Campus do Mar e desenvolvida ata incluír o Campus CREA S2i – Campus de Pontevedra, o Campus da Auga-Campus de Ourense e o Vigo-Tecnolóxico.

Campus de Pontevedra-Campus CREA.- Nos últimos oito anos (2010-2018) o campus de Pontevedra ten dado un salto cualitativo importantísimo co proxecto de especialización CREA S2i, pudendo verificarse que progresou en todos os ámbitos: docencia, a investigación e a transferencia, pero tamén no seu nivel de repercusión e recoñecemento, e na mellora das relacións coa súa contorna no eido institucional, social, económico e cultural.

a) Destaca o reitor que a boa relación entre as principais institucións públicas e a Universidade de Vigo no campus de Pontevedra, permite a realización de moitos dos seus proxectos. Así destacan, o acordo de

13

cesión por parte da Xunta de Galicia e a presentación o 4 de abril de 2016 do proxecto para o edificio na rúa Benito Corbal como centro neurálxico do CREA S2i.

O acordo estratéxico coa Deputación de Pontevedra permitiu asinar o primeiro protocolo de colaboración institucional que define o marco de relación para os próximos anos, e a través do cal se promove a cooperación para o desenvolvemento científico e tecnolóxico, procurando unha aplicación práctica do coñecemento en proveito da sociedade. Neste convenio marco foron cristalizando diversos proxectos específicos, como o apoio á mobilidade dentro do programa Erasmus, e proxectos de investigación de diversa índole, que foron anunciados no seu momento, así como distintas colaboracións derivadas de demandas expresadas pola Deputación para o cumprimento dos seus fins e obxectivos.

De igual xeito, incentivouse a colaboración do Concello de Pontevedra, e destaca o reitor o acordo acadado que suporá unha bonificación do 95% no pago do Imposto sobre Bens Inmobles (IBI) polos edificios do campus de Pontevedra, coa subseguinte redución de pagos anuais.

b) No apartado académico, estabilizouse unha ampla oferta, cun total de 25 títulos entre graos, mestrados e programas de doutoramento que se están a impartir, todos eles acreditados. A importancia deste acreditación se plasma en que o título que está na situación de maior debilidade ten a fortaleza de que pertence á Escola de Enxeñaría Forestal, primeiro centro do campus en acreditar o seu sistema interno de garantía de calidade, polo que a pesar de non cumprir os requisitos mínimos do decreto de títulos, conta cun informe positivo no seu plan de viabilidade externa que permitiu consolidado.

Puxéronse en marcha no período sinalado o mestrado en Dirección de Arte Publicitaria, o grao en Enxeñaría Mecánica no Centro Universitario de Defensa (CUD, o mestrado online en Dirección Pública e Liderado Institucional, o primeiro dobre título no campus de Pontevedra coa Universidade de Sao Paolo en Dirección e Xestión Pública, así como os dous máis recentes: o mestrado en Deseño e Dirección Creativa de Moda e o programa de doutoramento en Creatividade e Innovación Social e Sustentable, ambos no curso 2017/2018.

Dentro do mapa de títulos, está pendente a avaliación por parte da ACSUG do mestrado en Community Management e Creación de Contidos Dixitais, así como a evolución do futuro grao en Deseño e Creación.

c) En canto ao apartado de investigación e transferencia, ademais da posta en marcha do Pont Up Store no marco da IV Conferencia Ibérica de Emprendemento 2014 e os proxectos dos distintos grupos de investigación, destaca o reitor a concesión á Universidade de Vigo como institución socia, e en particular ao CREA S2i, o proxecto LAPASSION (Latin-America Practices and Soft Skills for and Innovation Oriented Network), financiado cun millón de euros no programa Erasmus+ e que promove a mobilidade de docentes e estudantes, entre distintas universidades europeas e os institutos federais do Brasil, por valor superior a un millón de euros.

d) Outro fito do campus de Pontevedra é a consecución da bandeira verde, concedida por ADEAC en 2015, que recoñece o labor de educación e xestión ambiental do campus e facultades e o sitúa como único Green Campus de toda España. E gran parte das obras e infraestruturas do Campus están relacionadas e foron levadas a cabo baixo os preceptos do Green Campus.

Campus de Ourense-Campus Auga. O principal obxectivo estratéxico acadado a partir do impulso do goberno da Universidade de Vigo, e en particular da Vicerreitoría de Campus, durante estes últimos sete anos e medio é ter acadado a especialización do Campus da Auga. Unha liña de futuro na que se comezou a traballar no ano 2013, pero pola que se apostou decididamente a partir do ano 2014, coincidindo co inicio do segundo mandato do equipo actual.

A especialización do campus supón implementar un novo modelo de gobernanza, outorgando maior autonomía ao Campus de Ourense, para que sexa dono do seu futuro e poida decidir no ámbito académico e de investigación, entre outros. O primeiro plan de acción do Campus da Auga está executado ao 100%, o que se traduce en numerosos fitos, dos que o alcalde destaca os seguintes:

14

- Implantación no curso académico 2017/2018 do programa de doutoramento “Auga, sustentabilidade e desenvolvemento”, coa participación de 120 investigadores, e coa colaboración da UTAD e do IPP.

- Convocatoria dos Premios de Investigación, Transferencia, Innovación Educativa e Divulgación Científica.

- Primeiro proxecto de investigación acadado como campus da auga, de carácter institucional, en colaboración coa Confederación Hidrográfica Miño-Sil, a Universidade de Porto e a Axencia Portuguesa do Ambiente. Trátase dun POCTEP, que vai estudar fenómenos extremos: inundacións e secas, cunha financiación superior aos dous millóns de euros.

- Posta en marcha do programa IPICA, Investigacións e Proxectos Institucionais do Campus da Auga, co cal se tentan motivar e xerar proxectos institucionais a partir das iniciativas dos grupos de investigación do Campus de Ourense.

- Destaca tamén a extensión dos programas de emprendemento e creación de empresas INCUVI-Inicia e INCUVI-Avanza, en colaboración coa Vicerreitoría de estudantes, que lidera o programa, e a Vicerreitoría de Ourense, en colaboración co Parque Tecnolóxico de Galicia (Tecnópole). Con esta política non só se incrementa o número de propostas de emprendemento apoiadas, senón que conseguíronse traspasar dúas barreiras: de ámbito, lográndose estender emprendemento e a creación de empresas a todos os ámbitos de coñecemento, e a de xénero, lográndose un equilibrio entre o número de emprendedoras e emprendedores.

Ao igual que no Campus de Pontevedra, prosegue o reitor, durante estes anos de goberno produciuse un claro estreitamento das relacións institucionais, grazas á política de especialización, incrementándose as colaboracións e as achegas.

No eido das infraestruturas destaca o edificio do Campus da Auga que suporá un salto cualitativo e que estará operativo no curso 18-19 e no eido académico a consecución do Grao en Enxeñaría Aeroespacial para o Campus de Ourense, e a creación Escola de Enxeñaría Aeronáutica e do Espazo que, grazas ao convenio asinado recentemente coa Xunta de Galicia, ten garantida a dotación dos laboratorios específicos e os medios adecuados para a implantación progresiva de todos os cursos da titulación, cunha dotación superior aos 2.500.000 de euros.

Subliña o reitor que Ourense é un exemplo de que non existen campus periféricos. No ámbito académico, o Campus de Ourense ten consolidada a súa oferta, con 17 titulacións de grao, de todos os ámbitos de coñecemento, incluíndo tres simultaneidades de estudos. Se o número de matrícula foi bo durante estes cursos pasados, hai que sinalar que neste presente é sobresaínte o ter unha ocupación total dun 101%, o que o sitúa como o campus con maior porcentaxe de ocupación de todo o SUG. Pero ademais hai que completar este dato sinalando que todas as carreiras cobren todas as prazas ofertadas en primeiro curso, sendo capaz de atraer a moitos estudantes de fóra da provincia, e que xa representan o 45% do total (dos certo de 4.500 estudantes).

Campus do Mar. Tras 6 anos de traballo, o proxecto de especialización “Campus do Mar”, iniciado en 2010, mereceu a cualificación definitiva como Campus de Excelencia Internacional no contexto europeo en decembro de 2015.

Ao longo desde período, acadáronse os obxectivos estratéxicos definidos inicialmente para este Campus de especialización. Por una banda, creouse e consolidouse a imaxe de marca Campus do Mar. Esta imaxe de marca, ten facilitado a creación dun valioso capital relacional no ámbito mais próximo, a través de alianzas estratéxicas co Consorcio da Zona Franca, o Porto de Vigo, O Concello de Vigo, A Xunta de Galicia ou con diferentes sectores empresariais. Permitiu, asemade, o reforzo dos vínculos internacionais, particularmente cos socios de Portugal mais tamén alén da Península Ibérica, nomeadamente no ámbito europeo, na China e con países en vías de desenvolvemento, a través da execución de proxectos de cooperación.

15

A posta en marcha do maior programa de doutoramento internacional do Estado no ámbito mariño, o desenvolvemento de exitosos programas formativos de fomento do emprendedurismo ou a atracción de talento a través de competitivas convocatorias internacionais, son mostras da actividade levada a cabo polo Campus de Excelencia.

Neste ano, a Universidade de Vigo da un paso mais na súa estratexia de especialización no medio mariño co desenvolvemento do Campus de Especialización Mariña da Universidade de “Campus do Mar - UVigo” que potencia, reorganiza e estrutura todas as capacidades e medios da nosa institución no ámbito mariño. A misión principal deste Campus é o de reforzar aínda mais a conversión da Universidade de Vigo nun polo interdisciplinar de referencia a nivel local, rexional, autonómico, eurorrexional, estatal e internacional no ámbito da xeración e transferencia do coñecemento no eido mariño e marítimo e ten como elementos nucleares, o novo Centro de Investigación Mariña da Universidade de Vigo (CIM-UVIGO), enriquecido coas liñas de investigación dos restantes centros, agrupacións estratéxicas, grupos de investigación e investigadores que están directa ou indirectamente relacionados co coñecemento do mar e as actividades marítimas.

De cara ao futuro inmediato, a aposta estratéxica da Universidade neste eido céntrase no Polo de Innovación Mariña da ETEA que aspira a se converter nun elemento dinamizador da innovación de ámbito mariño e marítimo, que contribúa ao crecemento económico sustentable da Eurorrexión.

Vigo-Tecnolóxico. Lembra o reitor que se trata dun proxecto de especialización para o campus de Vigo, ambicioso e que está chamado a constituírse nun auténtico polo estratéxico no Noroeste da península. Arranca co nomeamento do profesor José Antonio Vilán como Comisionado para o Vigo Tecnolóxico no Consello de Goberno de 14 outubro de 2014, e coa definición das súas liñas de actuación que buscan desenvolver os pilares do mesmo: tecnoloxías da información e da comunicación, ámbitos aeroespacial e de bioenxeñaría e investigación industrial, centrado nas emisións cero e nos procesos de fabricación. Dende entón se foron construíndo os instrumentos necesarios para desenvolver esas liñas, así A partir da Agrupación Estratéxica Inbiomed (2009-16) nace o CINBIO (Centro de Investigacións Biomédicas), da hibridación de ambas, que pasa a ser recoñecido como Centro Singular de Investigación de Galicia para o período 2016-19 pola resolución da Consellería de Cultura, Educación e Ordenación Universitaria de 24 de novembro de 2016. Na mesma resolución de 2016 se recoñece a atlanTTic (Research Center for Telecommunication Technologies) como Agrupación Estratéxica Consolidada para o período 2016-19, no ámbito da telecomunicación. No ámbito Aeroespacial, ponse en marcha o Centro de Innovación Aeroespacial de Galicia, CINAE, e no de industria e Enerxía constitúese a agrupación INEX, xa considerada como Agrupación Estratéxica pola UVigo e que, co desenvolvemento do seu plano estratéxico e a integración do centro MTI, debe aspirar a constituírse nun novo centro singular de investigación de Galicia na seguinte convocatoria.

Na actualidade, engade o reitor, estase a desenvolver o plano estratéxico do Vigo-Tecnolóxico, baixo a coordinación da Comisionada, Edita de Lorenzo, e coa a participación do Comité Executivo de Dirección de Vigo Tecnolóxico xa constituído, integrado pola comisionada e as directoras e directores dos centros que apoian as catro liñas. Neste plan, débense unir os catro piares e as súas potencialidades para, a través da cooperación intelixente, construír o Vigo Tecnolóxico cun nivel de excelencia internacional.

Conclúe o reitor o seu informe indicando que para datos e precisións máis concretas, especialmente relativos ao ano 2017, deberá consultarse a Memoria Anual da Universidade que edita a Secretaría Xeral.

3. Informe sobre as Liñas xerais de política orzamentaria-2018.

Para a este punto, o reitor cede a palabra ao vicerreitor de Economía e Planificación.

O vicerreitor, co apoio dunha presentación informática, realiza un resumo do documento completo que se achegou coa convocatoria (Anexo I). Destaca que no apartado relativo ao escenario orzamentario, no que se recolle o marco legal e económico no que se desenvolven os orzamentos da Universidade, practicamente non hai cambios con respecto ao exposto en exercicios anteriores, dado que neste ano están

16

prorrogados os orzamentos de 2017 no Estado, e os da CCAA non incorporan practicamente ningunha novidade en relación co que nos afecta.

Comeza pois presentando unha imaxe da evolución do financiamento do SUG ao longo do período 2015-2018 na que destaca que, a pesar da progresiva recuperación do mesmo nos tres últimos exercicios, absorbida de xeito maioritario pola recuperación salarial do persoal, aínda non se acada o valor do financiamento correspondente ao 2009, que supón o valor máximo deste período.

Dentro dese marco xeral, pasa a analizar a continuación a evolución económico-financieira da UVigo, comezando polas achegas conseguidas ao longo dos sucesivos planes de financiamento. Destaca que no primeiro plan de financiamento 2011-2015 no que o equipo de goberno comezou a traballar, e que abrangue os anos máis duros da crise, se incentivaba o financiamento por resultados, polo que, a pesar dos recortes globais, conseguimos ir mellorando a captación de recursos. O novo plan de financiamento 2016-2020 é moi regresivo en canto a ese financiamento en base a resultados, polo que os incrementos dependen da recuperación salarial e non da captación de recursos para a xestión da Universidade. Esta situación, que xa foi denunciada en todos os foros, vai establecer un financiamento practicamente plano xa que formula un reparto que tende a igualar a todos, aínda que favorecendo o criterio de tamaño e no que, subliña o reitor, vai ser difícil atopar liñas de crecemento.

A pesar deste marco de financiamento, a Universidade de Vigo foi quen de equilibrar a súa situación financeira e pechar os exercicios a partir do 2012 con superávit. Avanza o vicerreitor que a previsión de peche do ano 2017 é tamén positiva, cun superávit en torno a un millón ou millón e medio de euros. Esta situación permite reiterar que a de Vigo é unha Universidade saneada, que nunca tivo necesidade de recorrer á débeda bancaria, que a tesourería é suficiente para cubrir os pagos extraordinarios que poidan xurdir no exercicio, que estamos en equilibrio orzamentario dende o 2012. O vicerreitor salienta o feito de que conseguiuse suplir a redución do financiamento público a través da captación de recursos en convocatorias en concorrencia competitiva e que se acometeu un duro proceso de redución nos custos dos correntes, tratando de optimizar os gastos. Isto é algo que se critica de xeito habitual, di o vicerreitor, pero ese aforro permite compensar o gasto que se mantivo no resto dos capítulos.

No apartado seguinte da presentación, lembra a estrutura básica do Plan Galego de Financiamento Universitario 2016/2020, dividido en dous grandes fondos: financiamento estrutural (que supón os dous terzos do financiamento) e o financiamento por resultados, que supón un terzo. Reitera que a crítica principal da UVigo a este plan é que o denominado financiamento por resultados en realidade so inclúe un subfondo, o “Panel de indicadores” que podería considerarse como tal, e mesmo nese subfondo, os dous indicadores que teñen máis peso, non están racionalizados polo tamaño de cada universidade, polo que claramente prexudican ás de menor tamaño. Insiste en que este feito foi subliñado en todas as ocasións, pero non se conseguiu corrixir. En todo caso, prosigue o vicerreitor, o financiamento do SUG para esta anualidade supera lixeiramente os 412 millóns de euros, estimando unhas achegas para a Universidade de Vigo de aproximadamente 109 millóns de euros neste ano, 109.600.000 no 2019 e 110 no 2020, o que debuxa un escenario de crecemento difícil como xa comentou anteriormente, ao eliminarse o crecemento por resultados.

Con este escenario, o vicerreitor presenta as liñas xerais do orzamento da Universidade de Vigo para o 2018, que supón un incremento do 4,37% con respecto do exercicio anterior, acadando os 172.552.088 euros. En relación coa distribución dos ingresos por capítulos, destaca o incremento notable nas Transferencias de Capital (11,45%) que deriva da estimación dun incremento na captación de recursos de investigación, mobilidade e transferencia en convocatorias en concorrencia competitiva, e o aumento do 29,22% na variación dos activos financeiros, que deriva da incorporación de recursos captados en convocatorias anteriores e que se executan nesta anualidade. Explica tamén o incremento do 7,59% do capítulo de ingresos por taxas e prezos públicos, que corresponden á previsión de que neste exercicio débense cobrar os intereses de demora correspondentes a devolución do IVE dos exercicios 2013-14, á que foi condenada a Axencia Tributaria.

17

O vicerreitor aborda a continuación o orzamento de gastos, no que salienta o incremento do 5,28% no Capítulo I de Gastos de Persoal, que valora como excepcional no conxunto das universidades españolas. Menciona tamén o incremento do 9,31% dos capítulo de Investimentos reais que corresponde á execución das obras que se relataban no informe do reitor, así como a execución dos proxectos finalistas que se prevén captar neste exercicio. Remarca o vicerreitor que a diminución das Transferencias correntes nun 8,51% non supón unha modificación da política de apoio ao estudantado cos recursos propios da Universidade, senón que deriva de que algúns programas do Ministerio de Mobilidade internacional e Cooperación ao desenvolvemento nesta anualidade priman máis as actividades de cursos, conferencias etc, que se plasman nun incremento de gasto corrente (dun 1,73%) fronte ás axudas directas ou bolsas aos participantes, o que conduce a unha diminución nas transferencias correntes. Este efecto encobre o esforzo continuado na política de maior eficiencia na xestión do gasto, así como o apoio ao estudantado cos fondos propios, que se mantén nas cifras do exercicio anterior.

Afonda o vicerreitor no Capítulo I, para aclarar o orzamento neste capítulo é notablemente superior ao límite de masa salarial autorizada polo proxecto de orzamento da Xunta de Galicia. Esta diferenza deriva de que a UVigo inclúe os contratos de investigadores de convenios e programas tipo Ramón y Cajal, Parga Pondal e similares no Capítulo I, xa que se trata de persoal, mentres outras universidades o manteñen no Capítulo VI. Conseguiuse que a Xunta de Galicia recoñecera esta singularidade nos seus orzamentos, polo que a masa salarial publicada é de 96 millóns , hai que engadir 6 millóns máis derivados desas nóminas e da evolución vexetativa dos complementos persoais do persoal da Universidade.

Fai especial fincapé en que, dende o ano 2012, nos peores casos da crise na administración, esta Universidade foi quen de incrementar o 15,50% os seus gastos no capítulo I, o que supón unha clara demostración da aposta deste equipo de goberno polo seu persoal e o seu desenvolvemento.

Engade que no informe do reitor xa se explicaron as obras que repercuten no capítulo VI de investimentos reais, destacando a sede institucional do Berbés, a rehabilitación do Edificio Faraday; a adaptación do edificio de Benito Corbal en Pontevedra, a dotación do edificio do Campus da Auga en Ourense e o MTI.

O vicerreitor presenta a participación dos principais capítulos de gasto no conxunto do orzamento total e subliña que o capítulo I supón xa o 59,48% do mesmo, pero considera que se facemos a comparación do total dese capítulo (102.641.859 euros) co total das achegas que recibe a Universidade a través do plano de financiamento universitario da Xunta (aprox. 109.032.000 euros), comprenderemos que xa estamos no límite de capacidade de gasto deste capítulo, posto que a marxe remanente para a xestión das actividades ordinarias da institución é moi reducida.

Destaca que o obxectivo deste último orzamento é acadar un saldo corrente en equilibrio ao final do exercicio 2018. E finaliza a presentación apuntando as liñas básicas de actuación previstas nas vicerreitorías, que se encontran detalladas na memoria achegada coa convocatoria.

A continuación o reitor abre unha rolda de intervencións, que comeza o profesor Reigosa Roger, que agradece a presentación realizada polo vicerreitor e manifesta o seu acordo coa programación económica presentada, pero lamenta que só se presente a título informativo, en lugar de que puidera ser debatido e votado, o que enriquecería o Claustro e permitiría contrastar opinións. Continúa facendo unha consideración en relación á necesidade do equilibrio orzamentario. Aínda que recoñece que debe ser o obxectivo, vendo o que fan outras universidades, e o tratamento que reciben, de se considera que tal vez se debería forzar un pouco a situación. Porque parece que se axuda a aquelas que teñen dificultades económicas, mentres que a UVigo como é autosuficiente, non acada as achegas que creemos lle corresponden pola súa potencia e esforzo. Insiste en que non fai un chamado a facer un orzamento desequilibrado, pero si debemos lanzar a mensaxe de que xa que reducimos gasto corrente, que xa facemos esforzos, pero que non se pode facer máis por menos. Reitera que habería que facelo chegar máis, tanto á Xunta de Galicia como a opinión pública, algo xa ten indicado no Consello de Goberno. Porque a mensaxe que se traslada é que esforzarse e acadar o equilibrio económico non compensa, mentres que compensa non facelo ben. A continuación pregunta se ten o dato de cal é a porcentaxe de gastos de persoal con respecto ás achegas da Xunta de Galicia nas outras universidades do SUG.

18

Intervén a continuación a representante do estudantado, Paula Ribera que pregunta en relación coas liñas de actuación do apartado “f”, no que se sinalan as infraestruturas a desenvolver. Concretamente, quere saber en que centro se situarán as dotacións que se mencionan para a titulación de Enxeñaría aeronáutica, xa que, neste momento, impártense as clases nun centro que xa conta con tres titulacións, e está saturado, mentres que o edificio que leva o nome do centro, en realidade, contén só despachos de profesores.

O reitor aclara unha cuestión procedemental: as cuestións deben referirse aos orzamentos, e as relacionadas co seu informe realizanse en rogos e preguntas. O profesor Vallejo Pousada pregunta polo gasto derivado do elevado nivel de recursos contenciosos desta Universidade. Considera que, de xeito xeral, é un indicador que debería incluírse no informe do reitor e no económico, para coñecer en que nivel estamos situados con respecto a outras universidades e, de xeito concreto, quere saber o número de contenciosos que mantén a Universidade de Vigo e canto lle custan e en que sentido se resolven.

O Sr. Cebro Rodríguez comeza a súa intervención relacionado coa transparencia e o plan estratéxico, aos que define como o plan dos translúcidos. Sinala tamén a mala situación en transparencia da Deputación de Ourense. Destaca a falta de referencia ao PAS no informe do reitor, ao que se referirá en Rogos e Preguntas.

En relación coa proposta de orzamentos, pregunta se nos orzamentos se incorporan os gastos que están previstos, pero aínda non asinados. Refírese a que nas demandas presentadas de xeito individual polo PAS-F interino despedido, a Universidade está ofertando nos xulgados de Vigo, Ourense e Coruña 20d/mes traballado, o que conduce a indemnizacións media de entre 25000 – 30000 euros por demanda, e hai máis de 50 despedidos, aínda que non sabe cantas presentaron recurso, engade. Pero bastantes acudiron a falar con el, o que supón unha cantidade económica importante, no caso de que acepten esa cantidade, porque se o despedimento se considera indebido, esa cantidade se eleva. Tendo en conta o anterior, pregunta se esa cantidade está contemplada nos orzamentos.

En relación coa contratación dos Ramón e Cajal, Parga Pondal etc, indica que USC e a UdC os inclúen no Cap. VI, como é normal, e indica que nelas houbo unha negociación para ver se pasaban ao Cap. I. Subliña que se estas persoas contabilizan nese capítulo teñen as condicións derivadas do mesmo, polo tanto teñen dereito á convocatoria de acción social, e este persoal reclamou este dereito. Pregunta se no orzamento está incluído a contabilización dese dereito, lembra que na última reunión coa Xerencia en relación a este tema se dixo que non había dotación, e que había que reducir en certos capítulos de acción social. Pregunta tamén se este persoal ten dereito á negociación do convenio colectivo do persoal laboral por estar no capítulo I.

Fai referencia a que na páxina 24 dos orzamentos se indica un incremento do 5 e pico % nos gastos de persoal e se explica por un efecto combinado coa posta en marcha da nova RPT e o crecemento vexetativo da masa salarial. O Sr. Cebro coincide na incidencia da RPT no incremento do capítulo I, pero non no caso do PAS-Funcionario, xa que neste colectivo houbo un descenso de 705000 euros que redundou no incremento no PDI e PAS laboral. Considera que debería agradecerse o esforzo realizado polo PAS-F.

Continúa referíndose aos compromisos profesionais co PAS e o PDI que se citan na páxina 28. Lembra que hai pendente un proceso electoral e considera que non merece a pena deixar temas tan importantes como a temporalidade e funcionarización por 4 meses. Neste sentido, menciona un parágrafo do texto que fai referencia á volta á mesa de negociación dos representantes do PAS Funcionario á mesa de negociación e di que non se retiraron da mesa, aínda que houbo convocatorias das que non se decataron. Engade que en relación coa funcionarización o único documento serio foi o proposto pola CIG-PAS-F que non está completo, pero é negociable e da tempo.

Pregunta se a Escola Infantil do Campus de Vigo se vai levar a cabo, xa que leva moitos anos preguntando por ela.

Remata a súa intervención referindo que o 28 de xuño publicouse a resolución do concurso de traslado, entrando en vigor o 29. Amosa a súa desconformidade por como se realizou o traslado, xa que se moveu o

19

80% do persoal, asumindo postos e funcións que descoñecían, o que ocasionou moitos problemas que repercutiron na atención ao público. Lembra que a lei permite tres meses no proceso de incorporación. Supón que o feito de que estivesen as reclamacións nos xulgados faría que se quixera acelerar, pero bótase en falta un agradecemento ao PAS polo esforzo realizado nestes meses, no que se xestionaron convocatorias, axudas etc., e reitera o que xa expuxo no CG, que as protestas dos usuarios repercuten xerando unha mala imaxe para a institución. Solicita, polo tanto, un recoñecemento por este esforzo.

Responde, inicialmente, o reitor que no seu informe sempre se refire a totalidade dos traballadores da Universidade e destaca que, de xeito específico, fai mención de que o bo funcionamento da Universidade é posible pola dedicación e o compromiso do PAS, especialmente nos discursos máis externos, como na inauguración do curso. Pero recolle a proposta e solicita que conste en acta o seu recoñecemento e agradecemento ao PAS polo esforzo realizado ao longo deste proceso de adaptación, tanto o que fixeron ata este momento como o que seguen a facer. Reitera que o PAS conta, co seu agradecemento xenérico, pero en estas circunstancias faino constar de xeito específico.

Cede a palabra ao vicerreitor de Economía e Planificación para que responda ás cuestións formuladas. Ao profesor Reigosa o vicerreitor respóndelle o mesmo que no Consello do Goberno cando presentou a mesma consideración. O actual equipo de goberno está convencido de que actuar bordeando a correcta actuación na xestión, ou traspasar os límites sempre ten consecuencias. A percepción, que pode existir nalgunhas persoas, de que sempre vai haber unha solución, mesmo por fóra do Plan de Financiación a través dun convenio etc. en realidade ten efectos obxectivos moi negativos. Porque o certo, di o vicerreitor, é que hai universidades no SUG que aínda non puideron presentar as contas do ano 2016, o que é moi significativo. Mentres que a UVigo foi sempre ao máximo que lle permitía a taxa de reposición, hai universidades que non puideron facelo e, de motu proprio, renunciaron a unha parte considerable desas prazas. Polo que aínda que puntualmente en algunhas ocasións, dea a aparencia de que se arranxan os desaxustes, a realidade é outra.

Lembra tamén que nas propias normas se recolle que se unha universidade presenta un remanente de tesouraría negativo o seu Consello Social está obrigado a reducir o orzamento do ano seguinte nunha cantidade equivalente. Polo que se o noso remanente de tesourería fose negativo no 2017, podería acontecer que as liñas orzamentarias que se presentan neste Claustro e o orzamento que se elevará ao CG próximo, non se puidera executar porque o Consello social estaría obrigado a reformulalo. Insiste unha vez máis en que facer unha xestión sensata e razoable, para lograr un peche dos exercicios económicos en positivo ou cando menos cun saldo equilibrado, é o máis axeitado.

En relación á pregunta que formula, non pode dar moitos detalles, xa que tería que consultar os datos, pero lembra que se a nosa Universidade está no 60% de gasto de persoal respecto ao total orzamentado, outra universidade do SUG está pro enriba do 80% e outra no entorno do 68-70%. Son datos aproximados, que habería que comprobar, pero dan idea da orde de magnitude.

En canto a pregunta realizada por Paula Ribera, informa de que as infraestruturas máis custosas, como os laboratorios máis específicos, dotaranse no novo edificio do Campus da Auga, no que xa están previstos os espazos para estes laboratorios, e o resto dos equipamento irán ás aulas dos edificios actuais, no edificio Politécnico e no Pavillón no que está situado o Centro, xa que hai bastante dotación informática.

En relación á intervención do profesor Vallejo, indica que non pode dar o dato do gasto derivado de procesos contenciosos que ás veces se pon enriba da mesa para dar a imaxe de que temos unha situación conflitiva e estamos en demasiados litixios no contencioso. Para contabilizar ese gasto, hai que ter en conta que o servizo de Asesoría Xurídica asume o 98% do traballo que ten que ver con eses contenciosos, polo que é un gasto estrutural da Universidade asumido nas nóminas. Destaca que unha inmensa maioría dos recursos nos que a Universidade está involucrada teñen que ver con iniciativas de colectivos ou particulares que, lexitimamente, entenden que para defender os seus intereses teñen que acudir á vía contenciosa.

Responde á consideración inicial do Sr. Cebro indicando que nos ránkings hai unha primeira categoría de universidades transparentes, a seguinte é a de translúcidas e a última é a de universidades opacas. Estando

20

situada na parte superior das transparentes, no segundo posto, é posible mellorar só un pouco máis. En relación aos custos dos despidos declarados improcedentes nos xulgados do social, o vicerreitor repite que a Universidade cumpre sempre as sentenzas xudiciais e afrontaranse os custos que se deriven delas si se recoñecen dereitos das persoas que reclaman.

En relación coas cuestións concretas formuladas sobre os dereitos derivados do Capítulo I, contextualiza a súa intervención no Claustro indicando que os Estatutos esixen que se presente diante do Claustro un informe sobre as liñas xerais de política orzamentaria. Explica que, aínda que se fai o esforzo de traer as grandes cifras do orzamento pechadas, agradece que as cuestións de detalle se trasladen ao CG, cando se debatan e aproben os orzamentos, xa que alí se presentará un documento co grao de detalle suficiente para tratalos.

O vicerreitor explica tamén que a frase introducida no texto que refire á incorporación dos representantes do PAS Funcionario á mesa de negociación da funcionarización do PAS laboral, fai referencia a que recentemente empezou a funcionar a mesa conxunta na que está a Xerencia, o PAS-L e o PAS-F, se non é así, corrixirase.

En canto á Escola infantil do Campus de Vigo, di que xa no primeiro orzamento presentado por este equipo de goberno se explicara que este proxecto quedaba aparcado sen data, porque se entendía que había outras cousas máis urxentes e continúa a considerarse así, polo que deberá ser o novo equipo reitoral o que valore dito proxecto.

Finaliza o vicerreitor facendo explícito o seu agradecemento a todo o persoal de Administración e Servizos que asumiu con dedicación, moito interese, moito esforzo e motivación un cambio de traballo tan importante que afectou a máis do 80% do cadro de persoal.

4. Informe do presidente do Tribunal de Garantías sobre o ano 2016.

O reitor cede a palabra a D. Argimiro Rojo, presidente do Tribunal de Garantías, que comeza pregando e agradecendo o esforzo da audiencia e solicitando que, na medida do posible, non se fagan coincidir tantos informes na mesma sesión do Claustro, tendo en conta que o que vai expoñer fai referencia ao ano anterior, 2016.

O defensor universitario presenta o seu informe, cuxo texto íntegro se achega como anexo a esta acta (Anexo II), ademais de como unha obriga legal, como un exercicio de transparencia e unha rendición de contas diante da comunidade universitaria á que o Tribunal de Garantías se debe. Na súa intervención, o defensor universitario realiza un resumo dos datos que se plasman no informe axuntado coa convocatoria, xunto con diversas reflexións e recomendacións.

Destaca como feito relevante que se produciu un importante descenso no número de reclamacións de todos os colectivos da comunidade universitaria, o que supón unha boa noticia, sendo a maior parte dos expedientes tramitados do sector Estudantado como viña sendo habitual, concentrándose a meirande parte das queixas no Campus de Vigo, e na desagregación por xéneros, predominan as queixas dos estudantes masculinos.

A continuación dá conta das principais causas de reclamacións presentadas polos tres colectivos da nosa universidade, Estudantes, PDI e PAS. Fai especial fincapé na importancia de estar vixiantes e atallar os problemas de acoso escolar que, aínda moi limitados, pero son uns feitos en aumento noutros sectores do ámbito docente. Tamén refire algunhas das preocupacións expresadas polo PDI, como o incremento de burocracia e a sensación de sobrecarga que conduce a problemas de saúde pero tamén á unha aceleración continua na produción que debería ser controlada, xa que limita a capacidade de reflexión e profundidade de pensamento que se espera da universidade. No eido do persoal de servizos, sinala a repercusión que a nova RPT tivo nas condicións de traballo deste persoal e realiza unha reflexión en canto á dificultade de ter acadado acordos na súa negociación.

21

Pasa a resumir os distintos tipos de actuacións realizadas, tanto a nivel interno na propia Universidade como as levadas a cabo en representación da mesma. Agradece a boa recepción que en xeral teñen as recomendacións realizadas e expresa o seu especial agradecemento á colaboración da Secretaría Xeral que permite levar a cabo un seguimento dos expedientes.

Na parte final do seu discurso o Defensor Universitario expresa unha serie de solicitudes e propostas diante do Claustro, como a posibilidade de crear un premio á solidariedade que permita fomentar e poñer en valor iniciativas e actividades, das que destaca o programa de mentorización. Felicita á Universidade polos resultados acadados na valoración da transparencia, pero recomenda non caer na compracencia, e debe perseverarse no camiño da interiorización deste valor en todas as actividades. En relación coa reforma dos Estatutos, expresa o seu desexo de que se perfeccionen as normas e se melloren as garantías aos membros da comunidade, así como que se aborde a solución de algúns problemas endémicos que enumera.

Finaliza agradecendo a colaboración de todos os membros da comunidade universitaria e, de xeito específico e persoal, aos actuais membros do Tribunal de Garantías, así como a súa secretaria, Lola, agradecemento que estende ás persoas que ao longo dos 18 anos de funcionamento deste órgano teñen formado parte del, e traballando moi activa e desinteresadamente. E de xeito especial, manifesta o seu recoñecemento a Luis Espada Recarey.

Tras agradecer a intervención do defensor universitario o reitor abre unha rolda de intervencións.

O profesor Reigosa manifesta tamén o seu agradecemento polo informe presentado que reflicte unha serie realidades que haberá que afondar no futuro para mellorar o funcionamento da universidade e considerar seriamente as suxestións realizadas polo defensor para tomar as medidas oportunas.

A profesora Adela Sánchez realiza tres reflexións ao fío deste informe. En primeiro lugar, lamenta no que se ten convertido o Claustro. Lembra as verbas do reitor no que dicía que quería que este órgano fora dinámico, un marco de debate e de transmisión de información, pero o feito é que non se ten convocado dende hai un ano, e por iso hai unha acumulación de informes nesta sesión e quedan tan poucas persoas na sesión que poidan escoitar o informe do TG, que considera importantísimo. Súmase ás queixas manifestadas de aumento da burocracia, consecuencia de xestionar dende a desconfianza. Subliña que os logros obtidos pola universidade e que o reitor expuxo no seu informe débense ao esforzo do seu persoal, PDI PAS e estudantado, que deben loitar contra trabas da propia universidade e de entidades externas tamén. Quéixase da falta de calidade pola primacía que se establece na produtividade é a que está a afectar ao alumnado. En relación coa diminución do número de queixas tramitadas polo Tribunal de Garantías, manifesta o seu temor de que sexa consecuencia da necesidade de trasladar á vía xudicial as queixas que antes se resolvían dentro. Considera que a inacción do equipo de goberno e tamén do propio tribunal de garantías, causa este problema. Destaca a disposición a escoitar do TG, pero considera que non se plasma en solucións. De aí o incremento no número de recursos presentados no contencioso administrativo e mesmo na vía penal. Considera que os casos de acoso non se solucionan na universidade, polo que, insiste, teñen que levarse fóra.

Intervén o profesor Vallejo, quen se suma ao expresado pola profesora Adela Sánchez é a clarividencia da súa análise. Tamén felicita ao defensor universitario polo seu informe e a súa actuación que valora positivamente e considera que o seu traballo non é suficientemente comprendido e apoiado polo actual equipo de goberno. Destaca a importancia das cuestións cualitativas que presentou o defensor no seu informe e que botou de menos no informe do reitor. Recoñece que nestes informes é habitual o autobombo pero cando se queda nos aspectos cuantitativos se abordar os cualitativos, pode ser que se considere que o Claustro sirva para pouco. Reitera as súas felicitacións por abordar temas que non aparecen no informe do reitor como o xeito de valorar as convocatorias, de valorar a excelencia, así como a mención ao fracaso que supón que tras 16 anos a RPT non poida negociarse e teña que ser resolta nos tribunais. Considera que de estes temas hai que render contas no Claustro se, como di o defensor, se cre na calidade e na transparencia, principio reitor que non aprecia neste equipo de goberno.

22

O defensor universitario agradece sinceramente os eloxios e reitera que o que quere salientar é o traballo desinteresado e persistente dun equipo de persoas que, en representación dos tres colectivos, cumpriron nestes anos co deber de velar polos dereitos e liberdades e o deber de promover a calidade universitaria nun sentido integral.

Agradece novamente o reitor a intervención do Presidente do Tribunal de Garantías e dá paso ao seguinte punto da orde do día.

5. Elección dos seguintes representantes no Consello de Goberno: a. Sector Dec/Dir: 3

O reitor dá conta da presentación das candidaturas:

- Luís Alonso Bacigalupe - Arno Formella - Gil Garrote Velasco

Dado que o número de candidaturas coincide co de postos a cubrir, non é preciso celebrar eleccións e noméanse representantes no Consello de Goberno.

6. Elección dos seguintes postos no Tribunal de Garantías: a. Sector PDI-B: 1

Indica o reitor que non se presentaron candidaturas, polo que permanece a vacante neste sector

7. Elección dos seguintes representantes na Comisión Electoral: a. Sector alumnado: 1

Tampouco se presentaron candidaturas, permanecendo a vacante neste sector.

8. Elección dos seguintes representantes na Comisión de Plans Estratéxicos: a. Sector PDI-A: 1 b. Sector Alumnado: 2

Comunica o reitor que tampouco nese caso se teñen presentadas candidaturas, polo que seguen vacantes estas prazas na Comisión.

9. Rogos e preguntas.

Ábrese unha rolda de intervencións. O reitor cédelle a palabra ao profesor Reigosa, quen manifesta, en primeiro lugar, a súa desconformidade co feito de que non se poda intervir no punto do informe do reitor para poder contrastar opinións, xa que considera ao Claustro non só como un órgano informativo, senón deliberativo. Roga que nas vindeiras reunións do Claustro se poda intervir en todos os puntos da orde do día.

Ao fío da creación da aula Confucio, fai unha reflexión en relación co que considera a intención de facelo todo solos, sen contar con axuda externa. E novamente reitera a necesidade de facer un esforzo para explicar á sociedade que todo o que se consigue dende a Universidade é grazas ao traballo do seu persoal, que cada vez ten máis carga de traballo e menos axuda externa.

Engade que o informe do reitor é correcto e conta con moita información, pero que cambiaba todo o informe porque se dixera que volvemos estar entre as 500 mellores universidades do ranking de Shangai. Entende que debería ser o colofón ao seu mandato. Considera que hai outros criterios máis alá dos

23

referidos nos rankings que son importantes: como a calidade da docencia, conseguir que os nosos egresados atopen traballo e a transferencia á sociedade do coñecemento xerado. Este ranking é un fito que engancha. Pregunta ata que punto nos estamos afastando dese obxectivo. Expón que a UVigo ten o potencial necesario, pero está escurecido pola falta de axuda e recoñecemento, o que ocasiona moito desánimo. Entende que a culpa de non ter cumprido ese obxectivo ten que ser compartida entre o equipo e a oposición, que non foi o suficientemente dura para que se entendera que había que reaccionar, ademais das restricións que impón o entorno, como os decretos Wert e Montoro e as limitacións da Xunta. Trátase de restricións que non se poden obviar, pero manifesta o seu desacordo coa filosofía de que se fai máis con menos, porque non nos chega, engade e insiste en que non se pode volver entrar no ranking se continúan os recortes. Considera que se debe facer un esforzo nos plans de estabilización e captación de talento, e así os veu apoiando, pero aínda non chega, así que débese facer un maior esforzo para chegar a maiores cotas de excelencia. Cree que as consecuencias do decreto Wert, tal como se aplicou na UVigo, foron maiores que noutras universidades. Di que ve desmotivación, desapego e falta de confianza dentro da comunidade universitaria, que están empezando a sentir como algo alleo. Solicita que se faga algo para incentivar e motivar ao persoal dunha UVigo de gran potencial e importancia para a sociedade, a cal nos dá soporte.

O profesor Reigosa pasa a falar da promoción do persoal, tema no que se teñen manifestado claros desacordos, preguntando se con criterios que non premian o esforzo individual, o mérito ou a capacidade individual, senón que se priman cuestións secundarias da área, se pode conseguir motivar ao persoal. Repite o expresado xa no Consello de Goberno acerca da necesidade de que existan unhas normas claras, sinxelas, consensuadas e mantidas no tempo; e de haber un cambio, que o sexa co máximo consenso, tanto co PDI como co PAS. Agradece o traballo e dedicación de todo o persoal que traballa para a UVigo e lamenta non poder ter un intercambio de opinións despois do informe do reitor.

Toma a palabra a profesora Adela Sánchez, quen tamén amosa o seu desacordo co réxime establecido das intervencións no Claustro, así como a duración das mesmas. Tendo en conta que pasou un ano dende a última reunión, entende que cinco minutos non son suficientes para todo o que algúns, como Xan Cebro, teñen que dicir. Pregunta por que non se pode intervir no informe do reitor e si se pode nos informes do vicerreitor de Economía e o do Tribunal de Garantías.

Solicita información sobre cantos contenciosos administrativos ten abertos a UVigo, cantos tivo abertos o último ano, canto diñeiro gastou, canto supuxo o pago das indemnizacións e a defensa deses contenciosos administrativos e querelas penais. A profesora considera que tendo en conta o estreitamente que se controla o traballo que fan o PDI, o PAS ou os grupos de investigación, cabería facer unha auditoría interna do traballo de determinados servizos desta Universidade, entre os que considera que poderían estar a Asesoría Xurídica ou a Xerencia.

O reitor cede a palabra ao representante do alumnado, o Sr Álvarez Moreira, para facer unhas preguntas que solicita se achegan á acta (Anexo III). Dá lectura ás mesmas, as cales xiran en torno á obrigatoriedade dun regulamento de avaliación, á obrigatoriedade da avaliación continua para grao, á obrigatoriedade de asistencia a clase etc.

A continuación, o reitor cédelle a palabra ao profesor Rafael Vallejo, quen lamenta que as cuestións de fondo teñan que ser formuladas neste apartado. Cualifica o informe do reitor de autobombo e cuantitativo, engade que furta aspectos fundamentais que deberían abordarse no mesmo punto.

O profesor Vallejo refírese á política de promoción do mérito, en concreto á convocatoria de cátedras do 2016, porque no informe do reitor se recolle a convocatoria de 54 prazas para este ano, aínda que non especifica o tipo, e di que esa convocatoria pode quedar anulada. Considera que o reitor lle furtou ao Claustro a explicación da situación da promoción a cátedras dese ano 2016. Entende que a promoción non se resolve pola vía legal ou se fai saltándose as obrigas da Universidade, e como consecuencia os afectados acoden aos tribunais. Explica que esa convocatoria de cátedra do 2016 está no tribunal e xa se realizou a vista. Solicita do reitor que explique cales foron os argumentos da UVigo na súa defensa ante os tribunais da convocatoria de cátedras, realizada no 2016, para contrarrestar a reclamación dos 12

24

afectados, e se os argumentos coinciden ou non cos que se levaron ao Consello de Goberno de 16 de decembro e ao Claustro do ano pasado, así como se coinciden cos criterios levados á comisión da COAP e a mesa de persoal. Quere que esta explicación se dea no Claustro de forma moi clara, porque se trata dun tema de gran transcendencia.

Lembra que que no Claustro de 12 de decembro de 2016, como recolle o DUVI, o vicerreitor de Economía dixo que a UVigo reclamaría a eliminación da taxa de reposición e as limitacións á promoción, para que as universidades que xestionan eficientemente os seus recursos poidan aplicar ese resultado no recoñecemento do mérito. Pouco despois, promoveuse a convocatoria de prazas de cátedra en 2016, que se fixo sen ter en conta a lista de promoción a cátedras aprobada e ratificada no Consello de Goberno en febreiro de 2013; acordo de Consello de Goberno que non se aplica. Nesa convocatoria cambiáronse os criterios aprobados no 2012 e como consecuencia, explica o profesor, os resultados mudaron. Pon como exemplo de consecuencia negativa o caso dun profesor da Facultade de Ciencias Económicas e Empresariais, que conseguiu unha cátedra tendo 2 sexenios fronte a outro profesor da mesma Facultade que tiña 4 e case 5 anos dende que fora acreditado, o cal quedou fóra da lista da convocatoria aprobada no 2016, sendo primeiro no criterio de áreas e segundo no de méritos individuais no 2013. Manifesta a súa estima persoal e o seu respecto académico polo primeiro dos candidatos, do que di que é discípulo do vicerreitor de Economía, que foi director da súa tese de doutoramento, presidente do seu tribunal de titularidade e presidente da súa cátedra.

Pide o reitor ao profesor Vallejo que concrete os rogos e preguntas e evite os xuízos de valor e as acusacións veladas que está a formular.

O profesor Vallejo solicita a opinión do reitor ante casos como este, e pregunta se isto cumpre os requisitos de mérito e capacidade que inspiran a promoción da función pública segundo a Constitución Española e o EBEP. Así mesmo, pregunta se van manter os mesmos criterios para a convocatoria do 2017 e se van seguir sen aplicar os acordos de Consello de Goberno que aprobou a lista de candidatos e candidatas para a promoción a cátedras da convocatoria de 2012.

Por último, o profesor Vallejo fai o rogo, xa recollido polos compañeiros anteriores, de que se estableza un criterio estable e permanente, que non implique custes e que non implique un debate sobre que grado de arbitrariedade se vai permitir na promoción á función pública nesta Universidade. No caso de que non o faga este equipo, pide que se inclúa no programa do próximo reitor ou reitora.

O reitor responde ao profesor Reigosa que, de acordo coa redacción actual dos Estatutos, o informe do reitor é un informe de xestión e non un informe de debate, do estilo informe sobre o estado do goberno. E tamén lembra que a LOU reduciu a capacidade do Claustro e que, como membro da Comisión de Estatutos, sabe que no novo marco inténtase levar ao máximo a capacidade deste órgano. En relación coa solicitude de que se transmita á sociedade o mérito da Universidade, recalca que ese esforzo se está a facer e que nos últimos anos a UVigo está a incrementar o seu prestixio e aprecio entre a cidadanía, e non só na cidade, di que hai enquisas que así o avalan. Por iso, o reitor di que debemos sentirnos orgullosos do que somos, do que se fixo entre todos, polo que no seu informe destaca os fitos que permitiron a UVigo saír adiante grazas ao mérito de todos os membros da comunidade. E esa actitude de defensa do traballo interno se intensifica nos discursos ante outros foros, pero o informe de xestión ten un perfil máis romo.

Así mesmo, o reitor pon de manifesto que unha cousa é o mundo das sensacións e outro o das realidades. Por principio e por responsabilidade, o goberno da UVigo ten a obriga de facer unha boa xestión, independentemente de que se recoñeza ou non. Non se pode actuar coa esperanza de que ao final nos salven. Con todo, o reitor comparte a opinión de que se debe loitar porque se recoñeza, se visibilice e se premie o esforzo que fai a UVigo, e así se fai, apoiándose na autoridade moral que dá xestionar con responsabilidade. E nesa loita haberá que apoiar a calquera reitor ou reitora. Sobre o que se di de que noutras universidades non se notan os efectos, o reitor considera que as que non xestionan ben están intervidas pola facenda pública, aínda que se atenúe a súa mala xestión grazas a cuestións políticas, e iso

25

ten consecuencia maiores que as que sufrimos nós, xa que, destaca, a UVigo segue sendo dona das decisións que toma.

Respecto do ranking de Shangai explica que se debe recoñecer que tivemos mala sorte, porque no 2014 decidiron mudar os criterios, pasando a favorecer á antigüidade e o tamaño, se non fora así seguiriamos entre as 500 primeiras. Xa que é inevitable a existencia dos ranking, e independentemente do debate crítico que estableza a súa existencia, o reitor di que xa se comezou a traballar para recuperar o posto da UVigo dentro do ranking. Considera que a UVigo non está lonxe dese obxectivo e que a especialización, o programa de retención e captación de talento e as orientacións das agrupacións estratéxicas, así como as apostas institucionais que se están a facer, están moi ligados ao camiño que permitirá retornar a esa fronteira. Pon como exemplo que a especialización no campo da alimentación, en Ourense, onde se lle demostrou á Administración Autonómica que a UVigo é potente nese campo. O reitor comparte o discurso do profesor Reigosa, pero tamén quere explicar que si estamos ocupados e preocupados polo éxito que poda ter a UVigo, por iso temos que traballar en conxunto.

Á profesora Adela Sánchez dille que xa se lle remitira no seu momento a información relativa ao número de recursos, pero en canto á información económica solicitada, dille que se lle transmitirá a información, que a haberá que elaborar, xa que como indicou o vicerreitor unha parte é estrutural, pero insisten en que non hai problema en dar dita información.

Respecto ao que pregunta o profesor Vallejo, quere deixar claro que é un tema que está nos xulgados, que está visto e á espera de sentenza. Considera que non é un tema obxecto de debate nun Claustro e que nunca vai falar dun tema que estea nos xulgados, xa que o que se diga poderíase utilizar contra a institución. Respecto á acusación de arbitrariedade do profesor Vallejo, o reitor manifesta que na UVigo hai unha Asesoría Xurídica absolutamente independente, á que o goberno da Universidade solicita informes sobre o axuste á legalidade das actuacións que se van levar a cabo; e son os informes dos nosos funcionarios, nos que confío totalmente, di o reitor, os que guían a nosa actuación. Agora ben, se quen reclama non está de acordo con esa interpretación, acude á xustiza ordinaria, e será a xustiza a que decidirá. Continúa o reitor aclarando que outra cousa é o debate á hora de establecer os criterios e de propoñer un panel de indicadores, nos que interveñen o mérito e capacidade, antigüidade, necesidades das áreas etc.. Ese conxunto de variables se someten a discusión nunha mesa de negociación de PDI, e o acordo que se acade é o que elevamos ao Consello de Goberno.

En relación ao formulado polo señor Álvarez Moreira, respecto das consecuencias da avaliación continua, o reitor manifesta que non é un todo ou nada; que unha cousa é a adaptación ao espazo europeo de educación superior da avaliación continua e outra é a súa aplicación taxativa desta cuestión. O reitor di que a flexibilidade da aplicación e interpretación é un asunto ligado a auctoritas académica dos centros, que queda plasmado nas guías docentes. Finalmente, o reitor propón ao señor Álvarez Moreira que se vai continuar preguntando po este mesmo asunto, o traslade aos expertos en organización académica para aclaración de como se pode interpretar a norma. Recomenda, polo tanto, que fale coa vicerreitora de Organización Académica e Profesorado.

Ao non haber máis asuntos que tratar, levántase a sesión do Claustro Universitario ás 14:22 horas do día 13 de decembro de 2017, de todo o que eu como secretaria dou fe, co visto e prace do reitor.

O reitor A secretaria xeral Salustiano Mato de la Iglesia Gloria Mª Pena Uris

Liñas básicas de actuación orzamentaria 2016 páx.1

Liñas básicas deactuación orzamentaria

2018

Liñas básicas de actuación orzamentaria 2018

2

I. Introdución O Equipo reitoral, no último ano do mandato e de acordo coa lexislación e os Estatutos da

Universidade de Vigo, presenta diante do Claustro as liñas xerais de política orzamentaria, desta

volta para o exercicio económico 2018.

Este exercicio é o cuarto e último da actual etapa de goberno. O orzamento que dá soporte a estas

liñas básicas é o terceiro que se desenvolve no novo marco establecido polo Plan de

Financiamento do Sistema Universitario de Galicia 2016-2020 (PFSUG), coincidindo co Horizonte

2020 da Unión Europea.

A estrutura deste documento é a seguinte: O primeiro capítulo presenta o marco xurídico vixente.

En segundo lugar, describe o PFUG 2016-2020 como principal fonte de financiamento da

institución. A seguir, preséntase a previsión orzamentaria de ingresos. No capítulo cuarto,

acompáñase a previsión orzamentaria de gastos. Por último, as liñas de actuación de goberno, que

materializan a posta en marcha das liñas de actuación da programación plurianual, presentadas ao

comezo do mandato.

Liñas básicas de actuación orzamentaria 2018

3

I. Marco xurídico de actuación para a elaboración das liñas básicas dos orzamentos

Os orzamentos da Universidade de Vigo, coma os de calquera institución de carácter público,

veñen determinados pola lexislación aplicable. Este contexto, o legal, tense caracterizado nos

pasados anos por fixar limitacións ao gasto público, tanto cuantitativas coma cualitativas. A

recuperación gradual da economía abriu espazos leves de recuperación ás posibilidades de xestión

orzamentaria (véxase a evolución das taxas de reposición) mais continúa a manterse o espírito

dominante da norma, de carácter limitativo.

Presentamos, a seguir, a normativa que serve de marco aos orzamentos universitarios, na que os

fins últimos son a consolidación fiscal e a transparencia na xestión nas administracións públicas.

Neste marco xurídico de desenvolvemento dos orzamentos, a Universidade de Vigo está suxeita,

entre outra e de xeito máis significativo, á seguinte normativa:

- Lei Orgánica de Universidades.

- Lei orgánica 2/2012, do 27 de abril, de estabilidade orzamentaria e sustentabilidade financeira.

- Lei 2/2011, do 16 de xuño, de disciplina orzamentaria e sustentabilidade financeira

- Plan de Financiamento Universitario de Galicia 2016-2020.

- Estatutos da Universidade de Vigo.

- Lei 3/2017 do 27 de Xuño de Orzamentos Xerais do Estado para o ano 2017 prorrogado para o

ano 2018.

- Proxecto de Lei de Orzamentos da CC.AA. de Galicia para o ano 2018.

- Lei 19/2013, do 9 de decembro, de transparencia, acceso á información pública e bo goberno.

Como en todas as anualidades, a Universidade está tamén suxeita ás normas orzamentarias da

Comunidade Autónoma de Galicia e aos orzamentos do Estado:

I.1. Lei orgánica de Universidades

O artigo 2.2 da lei orgánica 6/2001, de 21 de decembro, de Universidades (modificada pola Lei

orgánica 4/2007, de 12 de abril) recolle a competencia da universidade para elaborar e aprobar o

seu orzamento anual. Nos termos da Lei, a autonomía das universidades comprende “A

elaboración, aprobación e xestión dos seus orzamentos e a administración dos seus bens”.

O artigo 14.2 establece as competencias do Consello Social sobre o orzamento e a programación

plurianual:

Liñas básicas de actuación orzamentaria 2018

4

“Así mesmo, correspóndelle a aprobación do orzamento e da programación plurianual da

universidade, a proposta do Consello de Goberno. Ademais, con carácter previo ao trámite de

rendición de contas a que se refiren os artigos 81 e 84, correspóndelle aprobar as contas anuais da

universidade e as das entidades que de ela poidan depender e sen prexuízo da lexislación

mercantil ou outra ás que as ditas entidades poidan estar sometidas en función da súa

personalidade xurídica”.

O título XI establece o marco do réxime económico e financeiro das universidades públicas. En

concreto:

No artigo 79.1 recóllese que “As universidades públicas terán autonomía económica e financeira

nos termos establecidos na presente Lei. A tal efecto, garantirase que as universidades dispoñan

dos recursos necesarios para un funcionamento básico de calidade.”

O artigo 81 foi obxecto de importantes modificacións por parte do Real Decreto-Lei 14/2012, de

20 de abril, de medidas urxentes de racionalización do gasto público no ámbito educativo, que no

seu artigo 6 indica:

81.2: O orzamento será público e equilibrado, e comprenderá a totalidade dos seus ingresos e

gastos. Para garantir un mellor cumprimento da lei orgánica de estabilidade orzamentaria e

sustentabilidade financeira, as universidades deberán cumprir coas obrigas seguintes:

• Aprobarán un límite máximo de gasto con carácter anual que non poderá ser

superado.

• Os orzamentos e as súas liquidacións farán unha referencia expresa ao

cumprimento do equilibrio e sustentabilidade financeiros.

81.4: Ao estado de gastos correntes acompañarase a relación de postos de traballo do persoal de

todas as categorías da universidade, especificando a totalidade dos custes da mesma e incluíndo

un anexo no que figuren os postos de novo ingreso que se propoñen.

Os custos do persoal docente e investigador, así como de administración e servizos, deberán ser

autorizados pola Comunidade Autónoma, no marco da normativa básica sobre Oferta de emprego

público. Así mesmo, o nomeamento de persoal funcionario interino e a contratación de persoal

laboral temporal polas universidades deberá respectar a normativa básica estatal na materia.

81.5: As universidades deberán confeccionar a liquidación do seu orzamento antes do primeiro de

marzo do exercicio seguinte.

En caso de liquidación do orzamento con remanente de tesourería negativo, o Consello Social

deberá proceder na primeira sesión que celebre á redución de gastos do novo orzamento pola

contía igual ao déficit producido. A expresada redución só poderá revocarse por acordo de dito

órgano, a proposta do Reitor, previo informe do interventor e autorización do órgano

Liñas básicas de actuación orzamentaria 2018

5

correspondente da Comunidade Autónoma, cando a dispoñibilidade orzamentaria e a situación

de tesourería o permitiran.

As transferencias, con cargo aos orzamentos da Comunidades Autónoma, a favor, directa ou

indirectamente, das universidades requirirán a aprobación e posta en marcha da redución de

gastos.

As universidades remitirán copia da liquidación dos seus orzamentos e o resto de documentos que

constitúan as súas contas anuais á Comunidade Autónoma (….) A falta de remisión da liquidación

do orzamento, ou a falta de adopción de medidas no caso de liquidación con remanente negativo,

facultará á Comunidade Autónoma para adoptar, no ámbito das súas competencias, as medidas

necesarias para garantir a estabilidade orzamentaria da Universidade.

I.2. Lei orgánica 2/2012, do 27 de abril, de estabilidade orzamentaria e

sustentabilidade financeira.

Publicada no BOE do 30 de abril de 2012, o seu artigo segundo establece que será de aplicación a:

b) Ás Comunidades Autónomas, incluíndo nas mesmas todas as entidades vinculadas entre as que

se atopan as universidades.

O artigo 3, o principio de estabilidade orzamentaria sinala:

1. A elaboración, aprobación e execución dos orzamentos e demais actuacións que

afecten aos gastos ou ingresos dos distintos suxeitos comprendidos no ámbito de

aplicación desta lei realizaranse nun marco de estabilidade orzamentaria, coherente

coa normativa europea.

2. Entenderase por estabilidade orzamentaria das administracións públicas a situación de

equilibrio ou superávit estrutural.

O artigo undécimo, referido á instrumentación de estabilidade orzamentaria, recolle que:

1. A elaboración, aprobación e execución dos orzamentos e demais actuacións que afecten

aos gastos ou ingresos das administracións públicas e demais entidades que forman parte

do sector público someteranse ao principio de estabilidade orzamentaria.

2. Ningunha Administración pública poderá incorrer en déficit estrutural, definido como

déficit axustado do ciclo, neto de medidas excepcionais e temporais.

O capítulo IV da lei orgánica dedícase ás medidas preventivas, correctivas e coercitivas. O seu

artigo 18 sobre medidas automáticas de prevención indica no seu apartado primeiro:

Liñas básicas de actuación orzamentaria 2018

6

1.- As administracións públicas farán un seguimento dos datos de execución orzamentaria e

axustarán o gasto público para garantir que ao peche do exercicio non se incumpre o obxectivo

de estabilidade orzamentaria.

Entre as medidas correctivas, o artigo 21 sobre o plan económico-financeiro sinala:

1. En caso de incumprimento do obxectivo de estabilidade orzamentaria, do obxectivo de

débeda pública ou da regra de gasto, a Administración que incumpra formulará un

plan económico-financeiro que permita nun ano o cumprimento dos obxectivos ou da

regra de gasto, co contido e alcance previstos neste artigo.

2. O plan económico-financeiro conterá como mínimo a seguinte información:

a) As causas do incumprimento do obxectivo establecido ou, se for o caso, do

incumprimento da regra de gasto.

b) As previsións tendenciais de ingresos e gastos, baixo o suposto de que non se producen

cambios nas políticas fiscais e de gastos.

c) A descrición, cuantificación e o calendario de aplicación das medidas incluídas no plan,

sinalando as aplicacións orzamentarias ou rexistros extraorzamentarios en que se

contabilizarán.

d) As previsións das variables económicas e orzamentarias das que parte o plan, así como

os supostos sobre os cales se basean estas previsións, en consonancia co recollido no

informe a que se fai referencia no número 5 do artigo 15. e) Unha análise de sensibilidade

considerando escenarios económicos alternativos.

A sección terceira da lei orgánica dedícase ás medidas coercitivas para o caso de incumprimentos

por parte da Administración pública responsable.

O artigo 25 sinala:

1. En caso de falta de presentación, de falta de aprobación ou de incumprimento do plan

económico-financeiro ou do plan de reequilibrio, a Administración pública responsable deberá:

a) Aprobar no prazo de 15 días desde que se produza o incumprimento a non dispoñibilidade de

créditos que garanta o cumprimento do obxectivo establecido.

b) Constituír un depósito con xuros no Banco de España equivalente ao 0,2 por cento do seu

produto interior bruto nominal. O depósito será cancelado no momento en que se apliquen as

medidas que garantan o cumprimento dos obxectivos.

Se no prazo de 3 meses desde a constitución do depósito non se presentase ou aprobase o plan,

ou non se aplicasen as medidas, o depósito non devengará xuros. Se transcorrido un novo prazo

Liñas básicas de actuación orzamentaria 2018

7

de 3 meses persiste o incumprimento, poderá acordar que o depósito se converterá en multa

coercitiva.

2. De non adaptarse as medidas previstas na alínea a) do número anterior ou no caso de estas

resultaren insuficientes, o Goberno poderá acordar o envío, baixo a dirección do Ministerio de

Facenda e Administracións Públicas, dunha comisión de expertos para valorar a situación

económico-orzamentaria da Administración afectada. Esta comisión poderá solicitar, e a

administración correspondente estará obrigada a facilitar, calquera dato, información ou

antecedente respecto ás aplicacións de ingresos ou gastos. A comisión deberá presentar unha

proposta de medidas e as súas conclusións faranse públicas nunha semana. As medidas propostas

serán de obrigado cumprimento para a Administración que incumpra.

Non se poderá autorizar ningunha operación de crédito, nin a administración correspondente

terá acceso aos mecanismos de financiamento previstos nesta lei até que as devanditas medidas

fosen implementadas.

I.3. Lei 2/2011, do 16 de xuño, de disciplina orzamentaria e sustentabilidade

financeira (a súa vixencia esta afectada pola posterior reforma do artigo 135 da Constitución e

pola promulgación da Lei orgánica 2/2012, de 27 de abril, de estabilidade orzamentaria e

sustentabilidade financeira).

Publicada no DOG do 29 de xuño de 2011, o seu artigo segundo establece que será de aplicación

a: c) Ás universidades públicas de Galicia e aos axentes vinculados a estas ou dependentes delas.

O artigo 3, principio de sustentabilidade financeira, sinala:

1. As actuacións dos axentes incluídos no ámbito de aplicación desta lei garantiran a

sustentabilidade financeira das súas finanzas ao longo do ciclo económico.

2. Entenderase por sustentabilidade financeira, para os efectos desta lei, a capacidade de

financiar compromisos de gasto presentes e futuros sen incorrer nun déficit ou

endebedamento publico excesivo consonte as normas de estabilidade orzamentaria e

os compromisos do Pacto de estabilidade e crecemento no ámbito da Unión Europea.

O artigo 4, principio de estabilidade orzamentaria, sinala:

1. A política orzamentaria dos axentes incluídos no ámbito de aplicación desta lei

supeditarase ao cumprimento estrito do obxectivo de estabilidade orzamentaria fixado

para a Comunidade Autónoma de Galicia, definido en termos de capacidade ou

necesidade de financiamento e expresado en porcentaxe do produto interior bruto

rexional a prezos de mercado.

Liñas básicas de actuación orzamentaria 2018

8

3. Entenderase por estabilidade orzamentaria, en relación coas entidades do artigo 2.2 a),

a situación de equilibrio ou superávit computada, ao longo do ciclo económico, en

termos de capacidade de financiamento acorde coa definición contida no sistema

europeo de contas nacionais e rexionais.

4. Entenderase por estabilidade orzamentaria, en relación coas entidades do artigo 2.2 b),

a posición de equilibrio financeiro.

O artigo noveno, referido á instrumentación de estabilidade orzamentaria, recolle que:

1. A elaboración, aprobación e execución dos orzamentos dos distintos axentes

comprendidos no artigo 2.2 a) realizarase en equilibrio ou superávit orzamentario,

computado en termos de capacidade de financiamento segundo a definición contida no

sistema europeo de contas nacionais e rexionais.

2. Excepcionalmente, en función da situación cíclica da economía ou de circunstancias

extraordinarias, a Administración xeral da Comunidade Autónoma poderá presentar

déficit, de acordo cos requisitos establecidos pola normativa básica en materia de

estabilidade orzamentaria.

Os orzamentos iniciais, ou, se é o caso, modificados, dos restantes axentes deberán

aprobarse e liquidarse en equilibrio en termos de contabilidade nacional, agás as

aplicacións que se financien con remanente afectado.

3. A elaboración, aprobación e execución orzamentaria dos axentes aos que se refire o

artigo 2.2 b) realizarase en posición de equilibrio financeiro, de acordo cos criterios do

plan de contabilidade que lles sexa aplicable.

Entenderase que un axente se atopa en situación de desequilibrio financeiro cando incorra en

perdas das que o saneamento requira a dotación de recursos non previstos nos orzamentos dos

axentes do artigo 2.2 a) que os acheguen.

No seu artigo 21. Disposicións especificas para as universidades e para os axentes vinculados a estas

ou dependentes delas, indica:

Ademais das disposicións contidas nos capítulos precedentes desta lei, ás universidades e

aos axentes vinculados a estas ou dependentes delas seranlles aplicables as seguintes

disposicións especificas:

1. Os orzamentos das universidades deberán elaborarse con criterios homoxéneos, de

forma que sexa posible a súa consolidación cos orzamentos xerais da CC.AA. de

Galicia.

2. As contas anuais consolidadas de cada universidade deberán remitirse á consellería

competente en materia de facenda antes do 30 de xuño do exercicio seguinte. Esta

Liñas básicas de actuación orzamentaria 2018

9

documentación xuntaráselle á Conta Xeral da CC.AA. de Galicia para a súa remisión ao

Consello de Contas de Galicia.

Na súa disposición transitoria. Plans de sustentabilidade financeira das universidades, indica:

Os orzamentos das universidades axustaranse e executaranse, en todo caso, consonte os

planos de sustentabilidade financeira presentados ao abeiro do Plan de financiamento

universitario 2011-2015 e co informe favorable da consellería competente en materia de

facenda.

I.4. Plan de Financiamento do Sistema Universitario de Galicia 2016-2020.

O PFSUG 2016-2020 establece un marco financeiro para as tres universidades do SUG, no que se

marcan unhas areas de reparto e indicadores para a distribución das achegas orzamentarias. Este

plan continua as liñas básicas trazadas no anterior plan de financiamento do SUG 2011-2015,

mudando os criterios de reparto entre as tres universidades e asignando novas ponderacións aos

diferentes indicadores aprobados.

O actual mantén a liña iniciada no 2011, establecendo un moderado incremento da financiación

para os próximos tres anos e outorgando progresivamente un maior peso ao reparto por

resultados.

No apartado segundo deste capítulo indícanse os aspectos máis salientables do PFSUG, así coma o

efecto agardado sobre o orzamento da nosa institución para os vindeiros anos.

I.5. Estatutos da Universidade de Vigo.

Os estatutos da Universidade de Vigo, aprobados por Decreto 7/2010, do 14 de xaneiro, da Xunta

de Galicia, recollen como unha das funcións do Consello de Goberno (artigo 39 j) a aprobación

dos proxectos de orzamentos, segundo o informe preceptivo das liñas xerais do Claustro, das

contas anuais da Universidade para o seu trámite ao Consello Social.

No seu título VII dedicado ao réxime económico e financeiro da Universidade, sinálase no artigo

153 respecto ao orzamento:

O orzamento anual da Universidade de Vigo será público, único e equilibrado e consistirá

na relación detallada de todos os ingresos e gastos que deba realizar a Universidade

durante un ano natural. A estrutura do orzamento da Universidade, o seu sistema contable

e os documentos que comprenden as súas contas anuais adaptaranse ás normas que, con

Liñas básicas de actuación orzamentaria 2018

10

carácter xeral, se establecen para o sector público e, para os efectos de normalización

contable, aos plans de contabilidade que a Xunta de Galicia puidese establecer para as

universidades da súa competencia.

I.6. Lei 3/2017 do 27 de Xuño de Orzamentos Xerais do Estado para o ano 2017

prorrogado para o ano 2018

O 27 de xuño de 2017, o Goberno de España publica a Lei de Orzamento para o exercicio 2017,

que se prorrogará para o exercicio 2018. Neste documento, publicado no BOE nº 153 do 28 de

xuño de 2017, a lei mantén as liñas xerais en materia de emprego público, ás que as universidades,

dado o carácter básico da norma, tamén están sometidas.

O artigo 18 establece o ámbito de aplicación das medidas recollidas no Capítulo I: Dos gastos de

persoal ao servizo do sector público, dentro do Título III: Dos gastos de persoal:

“Un. A efectos do establecido no presente capítulo, constitúen o sector público:

b) As administracións das Comunidades Autónomas, os organismos delas dependentes e as

universidades da súa competencia.”

No apartado 2 do artigo 18 establécese que no ano 2017 (e daquela para o 2018), as retribucións

do persoal ao servizo do sector público non poderán experimentar un incremento global superior

ao un por cento verbo das vixentes a 31 de decembro de 2016, en termos de homoxeneidade para

os dous períodos da comparación, tanto polo que respecta a efectivos de persoal como á

antigüidade do mesmo.

O artigo 19 regula a oferta de emprego público ou outro instrumento similar de xestión da

provisión de necesidades de persoal, sinalando no seu apartado Un.1. que: “A incorporación de novo

persoal no sector público delimitado no artigo anterior, a excepción das sociedades mercantís públicas e

entidades públicas empresariais, fundacións do sector público e consorcios participados maioritariamente polas

Administracións e Organismos que integran o Sector Público, que se rexerán polo disposto nas disposicións

adicionais décima quinta, décima sexta e décima

sétima respectivamente, desta Lei e dos Órganos Constitucionais do Estado, estará suxeita aos límites e

requisitos establecidos nos apartados seguintes. Exceptuase do disposto no parágrafo anterior, a incorporación

de persoal que poida derivarse da execución de procesos selectivos correspondentes a Ofertas de Emprego Público

de exercicios anteriores.”

No mesmo artigo no Un.2. indícase que respectando, en todo caso, as dispoñibilidades

orzamentarias do Capítulo I dos correspondentes orzamentos de gastos, nos seguintes sectores e

administracións a taxa de reposición fixarase ata un máximo do cen por cento:

Liñas básicas de actuación orzamentaria 2018

11

I) “Ás Administracións Públicas en relación coas prazas de persoal investigador doutor dos

Corpos e Escalas dos organismos públicos de investigación definidos na Lei 14/2011, de 1

de xuño, da Ciencia, a Tecnoloxía e a Innovación.”

Así mesmo, autorízanse un total de 25 prazas nos Organismos Públicos de Investigación,

para a contratación de persoal investigador doutor, con certificado I3, na modalidade de

Investigador distinguido, como persoal laboral fixo en ditos Organismos, previa

acreditación de que a Oferta de Emprego Público destas prazas non afecta aos límites

fixados na Lei Orgánica 2/2012, do 27 de abril, de Estabilidade Orzamentaria e

Sostibilidade Financeira.

Igualmente, co límite máximo do cen por cento da taxa de reposición, autorizase aos

organismos de investigación doutras Administracións Públicas para a contratación de

persoal investigador doutor que teña superado unha avaliación equivalente ao certificado

I3, na modalidade de investigador distinguido, como persoal laboral fixo en ditos

organismos, previa acreditación de que a oferta de emprego público destas prazas non

afecta aos límites fixados na Lei Orgánica 2/2012, do 27 de abril, de Estabilidade

Orzamentaria e Sostibilidade Financeira.

J) As prazas dos Corpos de Catedráticos da Universidade e de Profesores Titulares de

Universidade e as prazas de persoal de administración e servizos das Universidades, sempre

que por parte das administracións públicas das que dependan se autoricen as

correspondentes convocatorias, previa acreditación de que a oferta de emprego público

das citadas prazas non afecta ao cumprimento dos obxectivos de estabilidade orzamentaria

establecidos para a correspondente universidade, nin dos demais límites fixados na Lei

Orgánica 2/2012, de 27 de abril, de Estabilidade Orzamentaria e Sostibilidade Financeira.

Dentro do límite da taxa de reposición correspondente aos corpos de catedráticos de

universidade e de profesores titulares de universidade, previsto no parágrafo anterior, cada

universidade estará obrigada a destinar, como mínimo, un quince por cento do total de

prazas que oferte, á contratación, como persoal laboral fixo, de persoal investigador doutor

que finalizase o Programa Ramón y Cajal e obtivese o certificado I3. As prazas de profesor

contratado doutor que queden vacantes como consecuencia do acceso a un Corpo docente

universitario, poderanse incluír na taxa de reposición do exercicio seguinte.

No Un.2 indícase que “Non se poderá proceder á contratación de persoal temporal, así coma ao

nomeamento de persoal estatutario temporal e de funcionarios interinos excepto en casos

excepcionais e para cubrir necesidades urxentes e inaprazables...”

Liñas básicas de actuación orzamentaria 2018

12

I.7. Proxecto de Lei de Orzamentos da CC.AA. de Galicia para o ano 2018.

O proxecto de Lei, actualmente en fase de discusión no Parlamento de Galicia, dedica o seu

Título II aos gastos de persoal, recollendo no seu artigo 11 de Bases da actividade económica en

materia de gastos de persoal:

Dous.- “No ano 2017 as retribucións do persoal ao servizo do sector público autonómico non poderán

experimentar ningún incremento respecto das vixentes a 31 de decembro do 2016, en termos de homoxeneidade

para os dous períodos da comparación, tanto polo que respecta a efectivos de persoal coma á súa antigüidade.”

O proxecto de orzamentos dedica o seu capítulo IV ás universidades que integran o SUG, fixando

no artigo 33 os custes máximos de persoal autorizado e que:

Un.- “De conformidade co establecido no artigo 81.4 da Lei orgánica 6/2001, de 21 de decembro, de

universidades, e en concordancia coa evolución da masa salarial do persoal ao servizo da Comunidade

Autónoma e coa normativa básica en materia de reposición de efectivos, autorízanse para o ano 2018 os custos

do persoal docente e investigador e de administración e servizos das universidades do Sistema universitario de

Galicia nas seguintes contías:

MASA

SALARIAL CARGAS SOCIAIS

TOTAL

UNIVERSIDADE DA CORUÑA 80.193 12.107 92.300

UNIVERSIDADE DE SANTIAGO DE COMPOSTELA

131.131 18.019 149.150

UNIVERSIDADE DE VIGO 82.908 13.385 96.293

TOTAL 294.232 43.511 337.743

Dentro das anteriores contías non está incluído o custo do persoal investigador de proxectos e contratos de

investigación e do persoal técnico de apoio contratado con cargo a eses proxectos e contratos.

Dous.- As retribucións anuais do persoal ao servizo das entidades integrantes do Sistema universitario de

Galicia non experimentarán incremento respecto das vixentes a 31 de decembro de 2017.

Os artigos seguintes, 34 e 35, están dedicados aos límites á contratación de persoal e ás

retribucións adicionais do persoal docente e investigador fixadas pola Comunidade Autónoma:

Artigo 34.- Retribucións adicionais do persoal ao servizo das entidades integrantes do Sistema universitario de

Galicia.

O importe das retribucións adicionais correspondentes aos complementos retributivos autonómicos vinculados

ao recoñecemento ao labor docente, ao labor investigador, polos cargos de xestión e á excelencia curricular

docente e investigadora que, se é o caso, lle correspondan ao persoal docente e investigador funcionario e

contratado doutor non experimentarán incremento respecto das vixentes a 31 de decembro de 2017

Liñas básicas de actuación orzamentaria 2018

13

Artigo 35.- Oferta de emprego público ou outro instrumento similar de xestión da provisión de necesidades de

persoal do Sistema universitario de Galicia.

Un. As universidades integrantes do Sistema universitario de Galicia, respectando as dispoñibilidades

orzamentarias do capítulo I dos correspondentes orzamentos de gastos, aplicarán a taxa de reposición máxima

establecida na normativa básica ditada ao respecto con suxeición aos límites e requisitos establecidos para os

corpos de catedráticos de universidade e de profesores titulares de universidade e mais ás prazas de persoal de

administración e servizos. As correspondentes convocatorias deberaas autorizar a Consellería de Facenda, logo

de acreditar que a oferta de emprego público das mencionadas prazas non afecta o cumprimento dos obxectivos

de estabilidade orzamentaria establecidos para a correspondente universidade, nin dos demais límites fixados

na Lei orgánica 2/2012, do 27 de abril, de estabilidade orzamentaria e sustentabilidade financeira.

Dous. Dentro das contías máximas autorizadas no artigo 34 desta lei e de acórdocho que dispón a normativa

básica en materia de taxa de reposición de efectivos, as universidades do Sistema universitario de Galicia

poderán proceder excepcionalmente á contratación de persoal laboral temporal para cubrir necesidades docentes

urxentes e inaprazables.

Substitúese o réxime de autorización previa conxunta polo de comunicación mensual que determinen as

consellerías competentes en materia de universidades e orzamentos. Mediante resolución destes centros directivos

poderase volver ao sistema anterior no caso de que non se realicen as mencionadas comunicacións ou se

incumpran as condicións recollidas no parágrafo anterior para a celebración destes contratos.

I.8. Lei 19/2013, do 9 de decembro, de transparencia, acceso á información pública e

bo goberno.

A lei 19/2013 ten por obxecto ampliar e reforzar a transparencia da actividade pública, regular e

garantir o dereito de acceso á información relativa a aquela actividade e establecer as obrigas de

bo goberno que deben cumprir os responsables públicos.

Son obxecto de mención pola implicación que supoñen para o funcionamento da universidade os

seguintes artigos:

Artigo 5, punto 4: A información suxeita ás obrigas de transparencia será publicada nas

correspondentes sedes electrónicas ou páxinas web de maneira clara, estruturada e entendible

para os interesados (...).

Artigo 8, punto 1: Os suxeitos incluídos no ámbito de aplicación deste título deberán facer

pública, como mínimo, a información relativa aos actos de xestión administrativa con repercusión

económica ou orzamentaria (...)

Liñas básicas de actuación orzamentaria 2018

14

Artigo 26, Principios do bo goberno, enumera entre os seus principios xerais para as persoas

comprendidas no ámbito de aplicación deste Título:

- Actuarán con transparencia na xestión dos asuntos públicos, de acordo cos principios de eficacia,

economía e eficiencia e co obxectivo de satisfacer o interese xeral.

- Exercerán as súas funcións con dedicación ao servizo público.

- Respectarán o principio de imparcialidade.

- Asegurarán un trato igual e sen discriminacións de ningún tipo no exercicio das súas funcións.

- Actuarán coa dilixencia debida no cumprimento das súas obrigas e fomentarán a calidade na

prestación dos servizos públicos.

- Manterán unha conducta digna e tratarán aos cidadáns con esmerada corrección.

- Asumirán a responsabilidade das decisións e actuacións propias e dos organismos que dirixen.

Liñas básicas de actuación orzamentaria 2018

15

II. O Plan de Financiamento Universitario de Galicia 2016-2020

Para este exercicio económico 2018, aplicamos por terceira vez o vixente Plan para o

Financiamento Universitario de Galicia (PFUG 2016-2020), posto en marcha no exercicio

2016.

Como xa nos temos pronunciado canda a aprobación do Plan, e tamén na preparación do

orzamento dos exercicios precedentes, o Plan supuxo un lixeiro aumento das achegas,

consonte as expectativas de recuperación económica, e tamén considera a necesidade de

incluír o financiamento por resultados, como veu defendendo nos últimos anos a

Universidade de Vigo. Pola contra, o actual Plan reduciu os fondos reais repartidos en

función de resultados.

A estrutura de financiamento do PFUG continúa repartida en dous grandes fondos, o

financiamento estrutural e o financiamento por resultados.

II.1. O financiamento estrutural

O financiamento estrutural no PFSUG 2016-2020 representou no ano 2016 o 66,6% do total

do financiamento do plan, cun importe inicial de 237,75 millóns de euros anuais. Esta contía

está dedicada a financiar o custo estimado das necesidades de persoal docente e investigador

e de administración e servizos, partindo dunha estimación teórica de custo estándar da

docencia. Así mesmo este custo calcúlase en función do número de alumnado, eliminando os

criterios históricos e mellorando a transparencia e obxectividade do fondo. Para o ano 2018,

terceiro de aplicación do plan, o financiamento estrutural estímase en 268,61 millóns de

euros, o 64,1% do total, calculado en 419,67 millóns de euros. Un 35,54% iría a

financiamento por resultados e as centésimas porcentuais restantes a outros conceptos.

A táboa nº1 introduce os criterios de reparto do fondo estrutural para 2018, que definimos a

seguir:

Liñas básicas de actuación orzamentaria 2018

16

FONDO DEFINICIÓN

FINANCIAMENTO ESTRUTURAL

CUSTE ESTÁNDAR

Inclúe contías a transferir a cada institución en función do custe estimado da docencia nos graos e máster oficiais ofertados, PDI, PAS e capacidade instalada. O cálculo baséase en datos das universidades. Compoñentes: - custe da formación - custe do persoal de apoio

RAM

Inclúe contías a transferir en concepto de obras de reforma, ampliación e mellora. O cálculo baséase na valoración de bens inmobles de cada entidade (datos de orzamentos liquidados).

Táboa nº1.- Criterios de cálculo de financiamento estrutural no actual PFSUG

a) Fondo determinado polo custe estándar: o reparto deste fondo baséase na estimación do

custe docente estándar e do custe funcional das universidades do SUG, que será recalculada

anualmente. Para este cálculo tomaranse como referencia os seguintes parámetros estándar:

• Tamaño de grupo: para cada unha das materias ofertadas polas universidades públicas

en Titulacións oficiais (graos e máster) defínese un tamaño de grupo estándar,

distinguindo entre créditos teóricos (establecido en 60 alumnos por grupo) e

prácticos (16 alumnos para as materias experimentais e 38 para as non

experimentais).

• Número de horas de docencia por crédito: establécese en 7 horas, das que 4

corresponden á docencia teórica e 3 á docencia práctica.

• Número de horas de docencia por cada PDI: establécese que para determinar o

reparto estrutural o número de horas por cada PDI será de 180 horas de docencia.

• Módulo económico: establécese un módulo estándar de docencia tendo en conta as

Retribucións do PDI en función do tipo de efectivo (Catedrático/a, Titular,

Contratado/a doutor/a, Axudante doutor/a e Asociado/a).

b) Fondo determinado pola reforma, acondicionamento e mellora (RAM): trátase do

financiamento estrutural destinado a subvencionar gastos de investimento derivados de obras

por estas tres necesidades. O reparto deste subfondo realizarase tendo en conta as contías

percibidas por este concepto por cada unha das universidades no 2015 e a valoración dos

bens inmobles de cada una delas, de acordo coa táboa nº2:

Liñas básicas de actuación orzamentaria 2018

17

Exercicio orzamentario % correspondente ao

reparto de 2015

% correspondente a valoración de bens

inmobles

2017 37,50 62,50

2018 25,00 75,00

2019 12,50 87,50

2020 0,00 100,00

Táboa nº2.- Porcentaxes de reparto do fondo RAM

Ao noso xuízo, os criterios de determinación que acabamos de describir teñen o efecto

positivo de ser parámetros de medida; sen embargo, adoecen de condicións necesarias para

definirse como custe estándar da docencia, que ten compoñentes que consideramos que non

se inclúen nesta definición. O novo reparto do financiamento estrutural, en todo caso, está

determinado por este modelo.

II.2. O financiamento por resultados

O financiamento por resultados representou no exercicio 2016, primeiro do plan vixente, o

33,4% do total do financiamento e estímase que chegará a representar o 40% no 2020. A

porcentaxe para o exercicio 2018 é dun 35,54%.

No que toca ao seu reparto, a táboa nº3 recolle os diferentes conceptos que compoñen os

resultados. Entre eles están os sexenios e complementos retributivos do persoal de cada unha

das universidades do SUG e os convenios vinculados a liñas de investigación, que no plan

anterior non se consideraban parte do financiamento por resultados.

Para o reparto deste fondo realízase un cálculo en base a indicadores de índole académica, de

investigación e transferencia, e uns obxectivos de mellora da calidade para avanzar na

especialización dos campus e na mellora en rankings académicos, entre outros. A táboa nº5

presenta o reparto deste financiamento.

A definición dos criterios e subfondos que compoñen o financiamento por resultados é a

seguinte:

a) Complementos retributivos e compensación de matrículas:

Este subfondo comprende as compensacións ás universidades polos custes inducidos pola

normativa estatal e autonómica, que atinxe a complementos retributivos do persoal docente

funcionario e ás compensacións por matrícula do alumnado.

Liñas básicas de actuación orzamentaria 2018

18

FINANCIAMENTO POR

RESULTADOS

COMPLEMENTOS RETRIBUTIVOS E COMPENSACIÓN

POR MATRÍCULAS

Compensación normativa estatal e autonómica: contías derivadas das liquidacións anuais dos complementos retributivos estatais e autonómicos e compensacións anuais por bolsas e prezos públicos

OUTROS CUSTES ASOCIADOS AO

ENSINO UNIVERSITARIO

Contías derivadas do cumprimento de obxectivos funcionais de: - Centros asociados da UNED en Galicia - Fundación Rof Codina - Axencia da Calidade do SUG - Consellos sociais

PANEL DE INDICADORES

Contías vinculadas aos resultados obtidos polas universidades en cada un dos indicadores que configuren un panel no que se recollan as principais areas de acción: - Indicadores de rendemento académico - Indicadores de investigación e transferencia

FOMENTO DA I+D+i E A

TRANSFERENCIA

Contías vinculadas ao financiamento da investigación mediante convocatorias en concorrencia competitiva e convenios para a execución de programas de investigación e transferencia de coñecemento vinculados a: - captación, formación e retención de talento - investigación de referencia - accións de mellora da calidade

Táboa nº3.- Criterios de cálculo de financiamento por resultados no novo PFSUG

b) Outros custes asociados ao ensino universitario:

Nesta partida se consideran os créditos destinados a institucións de carácter universitario que

desenvolven a súa actividade no territorio da Comunidade Autónoma de Galicia.

c) Panel de indicadores:

O reparto dos créditos asociados a este subfondo realizarase aplicando os valores obtidos por

cada unha das universidades do SUG nos indicadores de resultados recollidos na táboa nº4,

que definen os obxectivos a acadar, fundamentalmente vinculados á investigación.

Liñas básicas de actuación orzamentaria 2018

19

CÓDIGO DENOMINACIÓN PONDERACIÓN %

PGFU-01 Número de grupos de investigación 10

PGFU-02 Captación de talento investigador 20

PGFU-03 Patentes en explotación 6

PGFU-04 Relación entre sexenios posibles e óptimos 5

PGFU-05 Produción científica 10

PGFU-06 Visibilidade da produción científica 10

PGFU-07 Teses de doutoramento defendidas 2

PGFU-08 Ingresos de investigación 15

PGFU-09 Proxectos nacionais e internacionais 5

PGFU-10 Alumnado de posgrao por graduado 10

PGFU-11 Taxa de graduación 6

PGFU-12 Alumnado estranxeiro matriculado 1

Táboa nº4.- Panel de indicadores de resultados

d) Fomento da I+D+i e da Transferencia

Comprende os créditos vinculados ao financiamento da I+D+i realizadas no eido universitario

e noutros centros públicos de investigación avanzada, así como a transferencia de

coñecemento. As actuacións enmárcanse no Plan de Innovación Intelixente de Galicia 2016-

2020 e no programa operativo Horizonte 2020 da Unión Europea. O reparto deste fondo

realízase en función de convocatorias de concorrencia competitiva, polo que o financiamento

por este concepto depende da taxa de éxito nas convocatorias.

II.3. Estimación do financiamento pola aplicación do novo PFSUG 2016-2020

Aprobado este novo PFSUG, a estimación de ingresos para a Universidade de Vigo

para os próximos tres exercicios, recóllese na táboa nº5, expresada en miles de euros.

Liñas básicas de actuación orzamentaria 2018

20

FONDO DISTRIBUCIÓN 2018 2019 2020

FINANCIAMENTO ESTRUCTURAL

CUSTE ESTANDAR 78.876 79.100 79.300

RAM 1.644 1.644 1.644

Financiamento por resultados

COMP. RETRIBUTIVOS E COMP. POR MATRICULAS 7.550 7.800 8.050

OUTROS CUSTES ASOCIADOS AO ENSION UNIVERSITARIO

62 62 62

PANEL DE INDICADORES 20.900 21.050 21.175

TOTAL 109.032 109.656 110.231

Táboa nº5.- Estimación de financiamento pola aplicación do novo PFSUG

No cálculo das achegas para o ano 2018 xa se observaba a nova distribución do plan que

reparte máis fondos a través dos indicadores de resultados. Asumindo que a táboa anterior é

tan só unha estimación, pódese apreciar que os valores agardados para os próximos tres anos

ofrecen estabilidade, mais non grandes mellorías de financiamento O escaso crecemento da

serie queda condicionado a un mellor resultado no panel de indicadores. Isto é consecuencia,

pola súa vez, da previsión de evolución das principais magnitudes do PFSUG, que ofrecemos

na táboa nº6:

FONDO SUBFONDO EVOLUCIÓN

FINANCIAMENTO ESTRUCTURAL

CUSTE ESTANDAR Evolución da masa salarial

RAM Constante

FINANCIAMENTO POR RESULTADOS

COMP. RETRIBUTIVOS E COMP. POR MATRICULAS Complemento vixentes

OUTROS CUSTES ASOCIADOS AO ENSION UNIVERSITARIO

Constante agás ACSUG con evolución da masa salarial

PANEL DE INDICADORES PIB real

FOMENTO DA I+D+i E A TRANSFERENCIA

Taxa de referencia de crecemento do PIB x 2

Táboa nº6. Evolución prevista do PFSUG

Liñas básicas de actuación orzamentaria 2018

21

3. Previsión orzamentaria de ingresos De acordo coas previsións de ingresos e co escenario xa comentado no apartado anterior, e

de acordo coa experiencia de anteriores exercicios na previsión dos ingresos da institución,

estimamos para o exercicio 2018 un orzamento de ingresos por valor de 172.552.088€.

Esta contía supón un valor superior ao do exercicio anterior, nun 4,37%; xustificamos esta

previsión nas estimacións realizadas de contribución do programa Horizonte 2020 da Unión

Europea, que achega novos fondos para o financiamento de proxectos de investigación.

O gráfico nº1, representa a evolución dos orzamentos na Universidade de Vigo dende 2005

ata a actualidade.

Gráfico nº1. Evolución dos orzamentos da Universidade de Vigo 2005-2018.

A distribución do ingreso por capítulos e a comparación co exercicio precedente recóllese

na táboa nº7. Nesta estrutura de ingresos salientamos o considerable incremento das

transferencias de capital (11,45%) debido á consecución de novas axudas para proxectos

de investigación e se manteñen as axudas para as Agrupacións Estratéxicas e Centros

Singulares de Investigación. Tamén hai que mencionar o incremento dos activos

financeiros (29,22%), consecuencia de axudas cobradas en 2017 procedentes de fondos

europeos e que serán executadas no exercicio 2018 e seguintes.

176.000.320

167.903.853

162.969.745

163.216.352

159.655.119

165.206.557

160.586.524

165.325.488

172.552.088

150.000.000

155.000.000

160.000.000

165.000.000

170.000.000

175.000.000

180.000.000

2010 2011 2012 2013 2014 2015 2016 2017 2018

EvoluciónOrzamentos2010-2018

Liñas básicas de actuación orzamentaria 2018

22

CAPÍTULO 2017 2018 % 18/17

III Taxas, prezos públicos e outros ingresos 16.871.500 18.152.000 7,59% IV Transferencias correntes 118.051.169 119.037.333 0,84% V Ingresos patrimoniais 330.400 365.000 10,47% Ingresos correntes 135.253.069 137.554.333 1,70% VI Alleamento de Investimentos reais 400.000 VII Transferencias de capital 23.977.834 26.722.626 11,45% VIII Variación de activos financeiros 6.094.585 7.875.129 29,22% IX Variación de pasivos financeiros 0 0 0,00% Ingresos de capital 30.072.419 34.997.755 16,38% TOTAIS 165.325.488 172.552.088 4,37%

Táboa nº7. Comparación do Orzamento de Ingresos 2018/2017.

No que toca á distribución por capítulos de ingreso, no capítulo terceiro de taxas, prezos

públicos e outros ingresos, agárdase un aumento do 7,59% sobre o exercicio anterior debido

a que se esperan recibir os xuros de demora pola devolución do IVE dos exercicios 2013 e

2014.

O reparto porcentual dos capítulos de ingreso verbo do total do orzamento preséntase no

gráfico nº2. Aquí podemos apreciar como no capítulo cuarto, de transferencias correntes,

concéntrase a meirande parte dos ingresos. Dentro deste capítulo, como se comenta na

análise do novo PFSUG, o reparto dos fondos para o período 2016-2020 realizarase en base a

indicadores obxectivos. En todo caso, o seu peso pasa a representar un 68,99% do total dos

ingresos, fronte ao 71,41% do exercicio pasado, por mor do incremento noutros capítulos de

ingreso.

Gráfico nº2. Composición do Ingreso por Capítulos.

10,52%

68,99%

0,21%0,23%

15,49%4,56%0,00% IIITaxas,prezospúblicoseoutros

ingresos

IVTransferenciascorrentes

VIngresospatrimoniais

VIAlleamentodeinvesKmentosreais

VIITransferenciasdecapital

VIIIVariacióndeacKvosfinanceiros

IXVariacióndepasivosfinanceiros

Liñas básicas de actuación orzamentaria 2018

23

A evolución do peso porcentual no conxunto dos ingresos de cada capítulo e a comparación

co exercicio precedente ofrécese na táboa nº8.

CAPÍTULO 2017 2018 EVOLUCIÓN III Taxas, prezos públicos e outros ingresos 10,21% 10,52% ! IV Transferencias correntes 71,41% 68,99% " V Ingresos patrimoniais 0,21% 0,21% ▹$ VI Alleamento de Investimentos reais 0,23% ! VII Transferencias de capital 14,50% 15,49% ! VIII Variación de activos financeiros 3,69% 4,56% !

Táboa nº8. Comparación da participación dos principais capítulos de ingreso nos orzamentos 2018 e 2017.

O resultado final do orzamento de ingresos, como combinación dos ingresos correntes e de

capital, acada unha contía de 172.552.088€, superior nun 4.37% ao valor do exercicio

anterior.

Liñas básicas de actuación orzamentaria 2018

24

4. Previsión orzamentaria de gastos

O conxunto dos capítulos de gasto por operacións correntes e de capital estimados para o

exercicio 2018 preséntanse na táboa nº10.

CAPÍTULO 2017 2018 % 18/17 I Persoal 97.498.500 102.641.859 5,28% II Gastos correntes 26.498.211 26.956.058 1,73% III Gastos financeiros 370.270 124.450 -66,39% IV Transferencias correntes 8.444.552 7.726.335 -8,51% V Fondos de continxencias 200.000 180.000 -10,00% Operacións correntes 133.011.533 137.628.702 3,47% VI Investimentos reais 30.173.955 32.983.386 9,31% VIII Activos financeiros 140.000 140.000 0,00% IX Pasivos financeiros 2.000.000 1.800.000 -10,00% Operacións de capital 32.313.955 34.923.386 8,08% TOTAIS 165.325.488 172.552.088 4,37%

Táboa nº10. Orzamento de Gastos.

No capítulo I, de gastos de persoal, continuamos a ter a principal partida de gasto, cun

59,48% do total do orzamento e un importe de 102.641.859 €. Esta cantidade é superior a

orzamentada no 2017, que foi 97.498.500€. A xustificación deste cambio está en varias causas:

O emprego do total de prazas derivado da taxa de reposición e de saída de cátedras, o paso do

capítulo VI ao capítulo I do programa de captación e retención de talento, a incorporación ao

capítulo dos programas de investigadores (Ramón y Cajal e outros) e dos axudantes doutores.

Isto, combinado coa posta en marcha da nova RPT e o crecemento vexetativo da masa salarial,

conforman o aumento do capítulo.

Pódese afirmar que somos a Universidade Galega na que máis ten medrado o gasto en

capitulo I nos últimos catro exercicios, o que amosa o compromiso da universidade cos seus

traballadores e co mantemento do emprego público.

O capítulo II, de gasto corrente, ten unha previsión de 26.956.058 €, experimentando un

lixeiro incremento do 1,73%. A causa está no incremento de gastos asociados a cursos e

conferencias, froito da consecución de novos proxectos de cooperación educativa

internacional. O aumento do gasto derivado destes novos proxectos compénsase parcialmente

co descenso do gasto ordinario. Descenso motivado polas políticas de novas licitacións ou

renegociación de contratos, que proporcionan unha baixada de custos e unha maior

eficiencia na xestión do gasto.

Liñas básicas de actuación orzamentaria 2018

25

O capítulo III, de gasto financeiro, experimenta unha rebaixa debido a baixa execución dos

últimos exercicios.

O Capítulo IV, de transferencias correntes, presenta unha rebaixa do -8.51%, acadando un

valor de 7.726.335€. A explicación está na diminución de axudas do Ministerio para os

proxectos de Relacións Internacionais (Erasmus, Marmooc, Leap,..., axudas para dotacións

bibliográficas e bolsas de mobilidade internacional). Polo que se refire aos recursos propios, o

esforzo da universidade mantense nas cifras do exercicio anterior.

O capítulo VI, de investimentos reais, acada unha contía de 32.983.386 €, cun incremento de

9,31% verbo de 2017, representando o 19,12% sobre o total do orzamento de gasto, valor

superior ao acadado no exercicio pasado. Como xa se ten comentado nos últimos exercicios,

a política de investimentos está directamente ligada á consecución de fondos finalistas, para

non comprometer o funcionamento ordinario da institución. Por este motivo, o incremento

ven explicado pola finalización deste tipo de proxectos, coma os asociados á infraestrutura

científica do novo horizonte H2020, convenios específicos coa Xunta de Galicia ou sectoriais

como os Centros Singulares de Investigación.

Gráfico nº3. Composición do Gasto por Capítulos.

O gráfico nº3 recolle a distribución do gasto por capítulos verbo do total do gasto. Pódese

apreciar coma o gasto de persoal continúa a ser o de maior participación no total, cun

59,48%.

Pola súa parte, a táboa nº11 presenta a evolución da participación dos capítulos de gasto

sobre o total.

59,48%15,62%

0,07%

4,48%0,10%

19,12%0,08% 1,04%

Distribucióndogasto2018

IPersoal IIGastoscorrentesIIIGastosfinanceiros IVTransferenciascorrentesVFondosdeconKnxencias VIInvesKmentosreaisVIIIAcKvosfinanceiros IXPasivosfinanceiros

Liñas básicas de actuación orzamentaria 2018

26

CAPÍTULO 2017 2018 EVOLUCIÓN I Persoal 58,97% 59,48% ! II Gastos correntes 16,03% 15,62% " III Gastos financeiros 0,22% 0,07% " IV Transferencias correntes 5,11% 4,48% " V Fondos de continxencias 0,12% 0,10% ▹$ VI Investimentos reais 18,25% 19,12% ! VIII Activos financeiros 0,08% 0,08% ▹$ IX Pasivos financeiros 1,21% 1,04% "

Táboa nº9. Participación dos principais capítulos de gasto no orzamento

Se realizamos unha comparativa entre a evolución dos ingresos e a dos gastos nos orzamentos

dos últimos anos, obtemos a táboa nº12.

CAPÍTULO 2012 2013 2014 2015 2016 2017 2018 Ingresos correntes

127.591.353 128.088.848 126.915.500 127.955.000 133.463.024 135.253.069 137.554.333

Operacións correntes

126.796.178 127.080.349 124.279.518 127.107.245 130.006.085 133.011.533 137.628.702

Saldo corrente

795.175 1.008.499 2.635.982 847.755 3.456.939 2.241.536 -74.369

Ingresos de capital

35.378.392 35.127.504 32.739.619 37.248.557 27.123.500 30.072.419 34.997.755

Operacións de capital

36.173.567 36.136.003 35.375.601 38.096.312 30.580.439 32.313.955 34.923.386

Saldo de Capital

-795.175 -1.008.499 -2.635.982 -847.755 -3.456.939 -2.241.536 74.369

Táboa nº12. Saldo corrente e saldo de capital dos orzamentos presentados

Evidentemente, o saldo corrente, que para a Universidade de Vigo ten signo positivo dende

2012, ten que corresponderse co saldo equivalente con signo negativo no saldo de capital.

Máis en detalle, se comparamos graficamente a evolución de ingreso e gasto corrente,

obtemos o gráfico nº4.

Liñas básicas de actuación orzamentaria 2018

27

Gráfico nº4. Ingresos correntes vs gastos correntes orzamentos presentados (2011-2017)

En conclusión, a Universidade de Vigo presenta un orzamento superior ao 2017 debido ao

incremento das axudas finalistas conseguidas no novo programa marco H2020 e o

incremento de proxectos de cooperación educativa. O conxunto do gasto continúa a senda da

contención, marcado pola mellora na xestión eficiente dos recursos ordinarios e pola

adaptación do PFSUG 2016-2020, garantindo a capacidade de funcionamento para o noso

nivel de gasto, que na súa meirande parte é gasto no capítulo de persoal.

110.000.000

115.000.000

120.000.000

125.000.000

130.000.000

135.000.000

140.000.000

2011 2012 2013 2014 2015 2016 2017 2018

Operacións correntes

Ingresos correntes

Liñas básicas de actuación orzamentaria 2018

28

5 Liñas básicas de actuación

Presentamos, a seguir, as liñas básicas de actuación, continuidade das presentadas ao comezo

do mandato, que remata neste exercicio económico.

A. Compromisos profesionais con PDI e PAS

Respecto ao PDI, e como xa sucedera no exercicio anterior, o marco legal limita a saída de prazas

a unha taxa de reposición do 100%, incrementada coa posibilidade de convocar un número de

prazas de promoción a Catedrática/o de Universidade equivalente ao número de prazas de

profesorado funcionario convocadas. Esta complétase cunha taxa adicional para estabilización de

profesorado interino.

Como xa viñemos actuando ao longo do mandato, a nosa institución ten a intención de promover

a saída total de prazas que permite a lei, e estabilizar ás persoas en situación de interinidade que

acreditaron méritos para a súa promoción.

Outro paso relevante nesta dirección, na de facilitar a incorporación por méritos de investigadores

sen estabilidade, é a inclusión no capítulo I de gastos de persoal de prazas de investigadores que

estaban ata este exercicio no capítulo VI. A negociación coa Xunta de Galicia que permitiu incluír

no cómputo da masa salarial a estas persoas abre a porta á súa consolidación coma PDI da

Universidade de Vigo.

Respecto de novas prazas de profesorado axudante e axudante doutor, atenderase

especificamente a situación das áreas de coñecemento, incentivando de xeito activo a convocatoria

nas áreas e departamentos con maior necesidade de profesorado permanente.

No que toca á política dirixida ao Persoal de Administración e Servizos da Universidade de

Vigo, a nosa actividade estará centrada nos seguintes eixos:

Unha vez executadas as novas relacións de postos de traballo (RPT) do persoal de

administración e servizos laboral e funcionario ao longo do exercicio 2018, incidiremos nas

políticas de diminución da taxa de temporalidade; por unha banda, impulsando a execución

das ofertas de emprego publico xa aprobadas e, por outra, negociando, á espera da redacción

dos orzamentos do Estado, a oferta de emprego publico do exercicio 2018, neste ultimo caso

cunha clara vontade de incorporar todas as prazas agora mesmo desempeñadas por persoal

interino. Entendemos que esta aposta e fundamental para o noso capital humano.

Outro eixo de actuación será a continuidade do traballo coa representación social, unha vez

incorporados os representantes do PAS Funcionario á mesa de negociación, para progresar

no proceso de funcionarización do persoal laboral, conforme ao compromiso adquirido polo

equipo de goberno.

Liñas básicas de actuación orzamentaria 2018

29

En consonancia cos cambios motivados polos concursos do persoal de administración e

servizos, continuarase cos procesos de mellora e impulso da formación, de cara a unha mellor

cualificación e capacitación do noso persoal e tamén se impulsaran os procesos de mobilidade

como medio de favorecer a incorporación das mellores practicas doutros eidos.

Todo isto sen prexuízo de manter aberto un dialogo permanente coa representación dos

traballadores para dar acubillo a todas aquelas aportacións de interese común para a

universidade.

B. Desenvolvemento integral dos e das estudantes

Coma en exercicios anteriores, entendemos que a universidade ten un compromiso integral,

cos e cas estudantes. Un compromiso que se manifesta nun conxunto de liñas de actuación

externas e complementarias á propia docencia.

Os obxectivos para este ano 2018 son os seguintes:

Normativas. A previsible aprobación dos novos estatutos e a experiencia na aplicación

dalgunhas normas aconsellan a actualización dalgunhas normas. En particular:

• A normativa de avaliación por compensación.

• regulamento de avaliación

• A normativa de prácticas externas

Ás anteriores, acompañarase unha guía do estudante en colaboración cos representantes

de estudantes

Bolsas: Manteranse as seguintes bolsas de financiamento propio, en paralelo ás

convocatorias financiadas por outros organismos (bolsas MEC...)

• Bolsas de comedor

• Bolsas por causas sobrevidas

• Premios de excelencia académica

• Bolsa de estudos de máster (complementaria á bolsa do MEC)-(*)

• Bolsas de prácticas en empresas transfronteirizas a través de (EURES *)

• Olimpíadas científicas: adaptarase a convocatoria ao feito de que o novo decreto

de taxas e prezos públicos xa contempla a exención de matrícula aos gañadores

de olimpíadas nacionais e internacionais.

• Nova bolsa para proxectos/iniciativas de estudantes/docentes. A intención é crear

unha liña de axudas para iniciativas de innovación docente, participación en

certames …

Liñas básicas de actuación orzamentaria 2018

30

Emprego e emprendemento:

• Coordinación cos centros dos protocolos de prácticas: procedementos,

recoñecementos, obrigas dos titores…

• Mellora e implementación da aplicación informática de prácticas:

• Implementación da aplicación de prácticas nos centros, coa xestión integral de

curriculares, e Xestión centralizada (área de emprego) dos convenios de

prácticas.

• Accións formativas de emprego, xerais e específicas de centros. Novos obradoiros

de competencias e creación dun programa online específico.

• Encontros intercentros para compartir experiencias en accións de emprego e

emprendemento.

• Formación para a creación de empresas (en colaboración coa EOI) e obradoiros

de competencias transversais (traballo en equipo, liderado, xestión do tempo…)

• Desenvolvemento dun novo programa: o TFG-Emprende (O alumno traballará na

concreción do proxecto de emprendemento en paralelo ao seu Traballo Fin de

Grao)

• -Organización da III Feira Internacional de Emprego coa Universidade do Porto,

financiada polo Eures-T. A Feira virtual realizarase o vindeiro mes de marzo, e as

presenciais, no Porto e Vigo, no mes de novembro.

Outras iniciativas:

• Na formación lingüística, ademais do mantemento ou ampliación da actividade

actual, poñerase en marcha unha aula Confucio.

• No programa de intercambio SICUE realizaranse novos acordos estratéxicos.

C. Aposta pola internacionalización

A internacionalización da universidade é, por moitas causas, unha das liñas básicas de

actuación na Universidade de Vigo, en todas as súas funcións.

Os obxectivos previstos no vindeiro ano son os seguintes:

• Desenvolvemento dos plans de internacionalización aprobados en diversos centros

da Universidade de Vigo, coa aportación de recursos que permitan incrementar a

Liñas básicas de actuación orzamentaria 2018

31

oferta académica en inglés, os programas de dobre titulación internacional, e a

mobilidade do estudantado, PDI e PAS.

• Reforzo das iniciativas de captación de estudantado en Asia e América con novos

acordos institucionais e o desenvolvemento en colaboración coa Fundación

Universidade de Vigo dun programa de adaptación lingüística e cultural dirixido a

estudantado que ten acreditado o acceso ao sistema universitario español.

• Organización da VII International Staff Training Week, que estará dedicada aos

intercambios virtuais, para persoal de administración e servizos dos nosos socios

europeos. Participarán entre 30 e 50 representantes dos nosos parceiros europeos.

• Prestación de apoio integral ás persoas refuxiadas pertencentes á comunidade

universitaria nos seus países de orixe.

• Presenza nos dous eventos máis importantes a nivel mundial de

internacionalización da educación superior, a Conferencia da Association of

International Educators en Philadelphia, Pennsylvania, (USA) e a Conferencia da

International Association of International Education en Xenebra (Confederación

Helvética).

• Consolidación da oferta de mobilidade internacional da Universidade de Vigo,

potenciando os centros da nosa universidade que dispoñen dun número de

destinos por debaixo da media, estendendo os convenios existentes ao resto dos

ámbitos do coñecemento, e completando a oferta de países para incluír novos

destinos, fundamentalmente en Asia, África, Australia e América Latina.

• Apoio á comunidade universitaria na preparación de proxectos orientados á

cooperación, universitaria ó desenvolvemento, e sensibilización da comunidade

universitaria nese ámbito a través da Rede Galega de Cooperación Universitaria ao

Desenvolvemento.

• Elaboración de propostas para a captación de recursos externos, especialmente os

programas internacionais de cooperación educativa, a través de acordos con

institucións públicas e privadas. Preparación de novas propostas de proxectos

institucionais, e participación en propostas dos nosos socios, dentro das

convocatorias de cooperación educativa.

• Promoción da oferta académica da Universidade de Vigo en eventos de captación

de alumnado para os posgraos, fundamentalmente en América Latina, en

colaboración co Servizo de Posgrao e a Sección de Información, Orientación e

Promoción do Estudantado.

Liñas básicas de actuación orzamentaria 2018

32

D. Calidade docente, titulacións e formación do profesorado

As políticas de calidade académica inclúen, por unha banda, a calidade nos títulos e centros e

por outra a avaliación do profesorado.

Respecto dos títulos, unha vez acreditados todos os títulos de grao completamente

implantados e unha boa parte dos títulos de máster, cómpre facer un esforzo pola obtención

de novos selos de calidade que se están a impoñer como estándares no marco estatal e

mundial. Estes novos selos de calidade, xestionados a nivel estatal por ANECA son voluntarios

e representan un custe económico elevado, polo que é preciso establecer un escenario

plurianual seleccionando coidadosamente os títulos que sometemos a estas avaliacións. Nesta

selección deben considerarse tanto cuestións estratéxicas para os propios títulos como

cuestións técnicas relacionadas co resultado previsto da avaliación.

Os procedementos de modificación, verificación e renovación da acreditación continuarán

con normalidade, incorporándose a este último os programas de doutoramento. Tamén

esperamos que, durante o ano 2018 ACSUG poña en marcha o procedemento de

acreditación institucional que permitirá a acreditación sen avaliación externa nos centros con

certificación FIDES-AUDIT de implantación do Sistema de Garantía de Calidade. Na

Universidade de Vigo 11 centros dispoñen desta certificación.

Durante o ano 2018 deberá continuarse a implantación do Grao en Enxeñaría Aeroespacial e

comezarase a implantación do Grao en Enxeñaría Biomédica. Este último comparte o

primeiro curso coas outras titulacións de grao da escola de Enxeñaría Industrial, polo que ao

comezo a implantación será sinxela. Tamén o vindeiro ano elaborarase o novo grao en

deseño e creación.

A avaliación do profesorado realízase, esencialmente, en dous procesos: a avaliación a través

de enquisas do estudantado e a avaliación a través de comisións dentro do programa

DOCENTIA.

O programa de formación permanente do profesorado incorpora un número crecente de

cursos non presenciais e virtuais, xa que son os que máis se demandan pola súa maior

flexibilidade.

Continuaremos coa consolidación e promoción dos grupos de innovación educativa,

incrementando a contía das axudas concedidas aos mesmos. En paralelo manteremos o

programa de mentorización MEET-Uvigo, ao que poderán incorporarse novos títulos e

centros.

Liñas básicas de actuación orzamentaria 2018

33

E. Políticas de especialización e agrupación: Campus, Centros de apoio á investigación

e Agrupacións estratéxicas de investigación

Entendemos, como o vimos facendo, que a investigación e a transferencia precisan dun dobre

proceso: de agregación de capacidades, por unha banda, e de especialización da oferta, pola

outra. O efecto destes dous vectores (agregación e especialización) modifica o modo no que a

universidade reordena o seu potencial e o presenta para crear valor para a sociedade. Só a

suma de grandes capacidades de coñecemento orientado a un fin concreto poden competir

polos recursos da investigación de primeiro nivel, tanto pública (fondos europeos), coma

privada.

Na nosa institución, tres son os modos nos que se manifestan estas tendencias:

O primeiro, a estratexia de especialización dos campus

O segundo son os Centros de Apoio á Investigación: CACTI, ECIMAT, CITI, CINBIO e MTI.

O terceiro e último fenómeno de agregación e especialización son as Agrupacións estratéxicas

e centros singulares de Investigación: AEO-ECIMAT, INBIOMED, AtlantTIC, ECOBAS.

No que toca á estratexia de especialización dos campus, tal vez a máis relevante, ven definida

por catro proxectos: O Campus do Mar para o conxunto, o Campus da Auga en Ourense, o

Campus Crea en Pontevedra e o incipiente Vigo Tecnolóxico.

Campus do Mar

O novo marco de referencia creado tras o desenvolvemento do plan estratéxico do

Campus de Excelencia e os excelentes resultados acadados ao longo destes anos,

evidencian a necesidade de seguir afondando na estratexia de especialización da

Universidade de Vigo no ámbito mariño e marítimo.

A posta en marcha desta estratexia de especialización, aspira a agregar a totalidade das

capacidades de investigación, docencia e transferencia que temos neste ámbito dentro

da Universidade, de xeito que a súa acción coordinada permita converter á nosa

institución nun polo interdisciplinar de referencia no ámbito da xeración e

transmisión do coñecemento do mar e o núcleo central e instrumento de liderado do

Campus do Mar Galicia-Portugal.

Os obxectivos específicos do Campus de especialización do Mar son:

• Acadar a masa crítica de investigadores que permita a proxección internacional da

universidade no ámbito do mar.

Liñas básicas de actuación orzamentaria 2018

34

• Visibilizar nunha única marca a capacidade de xeración de coñecemento e formación

da Universidade de Vigo.

• Actuar como xanela da universidade no proceso de transferencia de coñecemento

cara aos sectores empresariais.

• Converterse nun polo de atracción de talento a escala estatal e internacional.

O proxecto da antiga ETEA

Dentro da nova estratexia de especialización, merece especial mención a posta en

marcha do proxecto da antiga ETEA, que se converterá nun polo de innovación do

Campus do Mar.

As propostas de uso previstas neste lugar xiran en torno a tres eixos principais de

actuación coma polo de innovación:

• Fomento do emprendemento mariño de base tecnolóxica a través de programas de

formación, asesoramento e incubación, e da promoción da colaboración tecnolóxica

universidade-empresa-administración-sociedade, en coordinación coas principais

entidades de fomento do emprendemento e innovación da Eurorrexión, en particular

o Consorcio da Zona Franca de Vigo, e dirixido a estudantes, emprendedores,

investigadores e público xeral.

• Infraestruturas e tecnoloxías singulares aplicadas ao medio mariño, aproveitando as

oportunidades e ubicación estratéxica do Polo sobre a liña de auga, así como

laboratorios especializados que xeren contornas de experimentación nas que os

investigadores, usuarios e produtores poden co-crear innovacións (living labs).

Procúrase a creación de novos produtos, servizos e infraestruturas axeitadas ás

necesidades reais das empresas e da sociedade. habilitaranse espazos e infraestruturas

nas que se desenvolverán e probarán prototipos tecnolóxicos.

• Proxección á sociedade, integrando actividades de formación, divulgación e

implicación da sociedade dirixidos a diversos públicos, como congresos, cursos

especializados, obradoiros, conferencias, campus de verán e eventos sociais e institu-

cionais relacionados co ecosistema da innovación mariña da Eurorrexión. O Polo do

Mar acollerá todas as actividades de formación, divulgación e I+D+i mariño que teñan

vinculación co tecido produtivo do territorio e converterase, ademais, no principal

foro de encontro das institucións mariñas, tanto para eventos de innovación e

transferencia como académicos.

Liñas básicas de actuación orzamentaria 2018

35

Campus da Auga

No que toca ao Campus da Auga, en Ourense, entre outras actividades específicas,

salientamos as seguintes:

• No ano 2017 completouse a execución do primeiro Plan de acción (2014-2018)

contemplado no Plan estratéxico do Campus da Auga. No ano 2018 a acción de

goberno centrarase en mellorar as accións xa implantadas conforme a avaliación

realizada e en consolidar a especialización do campus. Xa que logo, o Campus de

Auga aspira a obter no ano 2018 o certificado de campus especializado de mans da

Xunta de Galicia; ademais, seguindo a filosofía de mellora continua, o goberno da

Universidade de Vigo proponse elaborar no ano 2018 o segundo Plan de acción do

Campus da Auga. Apoiándose en expertos externos, sobre o traballo xa realizado,

xunto coa percepción que o entorno institucional e social ten deste proxecto de

especialización, e a valoración que do mesmo fagan os membros da comunidade

universitaria, que deberá marcar as políticas públicas a partir do ecuador do exercicio.

Sen prexuízo de que a concreción desas accións se faga unha vez se teña o devandito

plan, nestes orzamentos reflíctense as que se levarán a cabo durante o primeiro

trimestre, así como as liñas xerais que dirixirán a acción de goberno durante o

segundo semestre do ano 2018.

• No Eixo Estratéxico da Investigación impulsarase impulsarase a investigación nas liñas

definidas nos comités executivos dos clústeres de I+D teñen coa misión concorrer a

convocatorias competitivas, estatais, europeas e internacionais. No ano 2018

executarase novamente o programa de Investigacións e proxectos institucionais do

Campus da Auga (IPICA), implantado no ano 2016.

• No Eixo Estratéxico da Transferencia os obxectivos prioritarios serán reforzar o

traballo da unidade de Transferencia de Tecnoloxía e Coñecemento, creada xunto

coa Confederación de Empresarios de Ourense, e darlle continuidade o, xa

consolidado, programa de emprendemento e creación de empresas que se leva a cabo

a través dos premios INCUVI-Emprende e INCUVI-avanza, en colaboración ca

vicerreitoría de estudantes, a vicerreitoría do campus de Pontevedra, e outros axentes

económicos da contorna do campus de Ourense.

• No Eixo Estratéxico da Internacionalización, unha vez implantado no curso 2017-2018

o programa de doutoramento, “Auga, sustentabilidade e desenvolvemento”, a acción

de goberno centrarase en fomentar a mobilidade de estudantes de doutorado, así

como investigadores, aproveitando as actividades durante o período de formación que

Liñas básicas de actuación orzamentaria 2018

36

integran aquel, e desenvolvendo os convenios asinados con universidades e centros de

investigación. Nesta liña de actuación seguirase a traballar na promoción do campus

da Auga a nivel estatal e internacional, a través de misións que procuran a captación

de alumnado e persoal investigador. Unha segunda acción relevante e a Consolidación

do foro internacional de auga. No derradeiro trimestre do ano 2018 celebrarase o III

Congreso Internacional da Auga, de carácter bianual, dedicado nesta edición a

Historia, patrimonio e auga.

• No Eixo Estratéxico da Docencia o obxectivo central será a mellora na xestión, a

mellora da oferta formativa e o fomento da internacionalización do recentemente

implantado programa de doutoramento “Auga, sustentabilidade e desenvolvemento”.

En segundo lugar, continuarase co programa de innovación educativa, creado no ano

2016 baixo a fórmula de “Convocatoria de premios de investigación, transferencia,

innovación educativa e divulgación científica do campus da auga” e que se fallou na

súa primeira edición no ano 2017. Esta acción está cofinanciada pola empresa Viaqua

Xestión Integral de Augas de Galicia cunha aportación de 3.600 € conforme ao

convenio de colaboración asinado entre ámbalas dúas institucións o 16 de decembro

de 2016.

• En canto á divulgación do campus da Auga darase continuidade ás accións executadas

en exercicios anteriores, nomeadamente xornada de portas abertas, vinculada á

celebración do día mundial da auga, así como o concurso de foto-relato.

• No que se refire ás infraestruturas, no ano 2017 finalizaron as obras de construción do

Edificio Campus da Auga, cuxa entrega se fixo a finais de ano. Durante o primeiro

trimestre do ano 2018 procederase á licitación do mobiliario de oficina e equipamento

necesario para que a sé administrativa e institucional do campus da Auga poida ser

ocupada na ala sur do edificio ao longo do primeiro semestre do ano 2018. Para iso,

no ano 2017, en colaboración co persoal de administración e servizos do campus, se

fixo unha distribución espacial das áreas de servizos, así como das dependencias do

propio goberno do campus no devandito edificio. Por outra parte, ao longo do

segundo semestre do ano 2018, procederase á licitación do mobiliario e equipamento

dos espazos de laboratorio que ocupan a ala norte do edificio, coa finalidade de que

antes da finalización deste exercicio poidan ser ocupados polos grupos de

investigación que resultaron beneficiarios consonte a Convocatoria de utilización de

espazos no centro do campus da Auga de 3 de febreiro de 2017.

Liñas básicas de actuación orzamentaria 2018

37

Campus CREA

No 2018 o proxecto de especialización CREA S2i, social and sustainable innovation, ten que

dar o salto a unha maior proxección. Tense avanzado considerablemente tanto no eido de

infraestruturas e dotación de instalacións, así como de difusión e visibilización na contorna

máis inmediata e de cara a públicos obxectivo potenciais como as institucións, o tecido

empresarial, cultural e social, pero compre reforzar estas áreas tal e como expoñemos a

continuación. A base desta consolidación ten que ser a redacción dun segundo plan

estratéxico cun plan específico de accións co gallo de poder obter o certificado de campus de

especialización.

Tal e como se mencionou ao inicio do presente documento, compre intensificar os esforzos

en difundir o proxecto de especialización CREA S2i -social and sustainable innovation- cunha

proxección de maior alcance por medio da oferta cultural que emana do campus. En

concreto, destacamos a seguinte:

• Realización de diversas actividades en torno á cineasta Agnès Varda, máxima

representante da Nouvelle Vaga premiada no 2017 co Premio Donostia e co Oscar

honorífico. Trátase de catro eventos: un ciclo de cinema, obradoiros de formación,

proxeccións para nenos e a maior exposición dos seus traballos en España.

• No eido musical contarase por terceira vez cun concerto de Josep Colom, así como o

ciclo Vertixe Sonora. Continuarán outros produtos do CREA S2i xa consolidados

como o Festival de Novos Cinemas, as Conversas na Uvigo, Conversas con Arte, ciclos

de cinema, etc.

• A Semana Internacional da Creatividade e da Innovación será o epicentro da difusión

da actividade docente e investigadora do CREA S2i, pero iranse planificando ao longo

do ano actividades encamiñadas a mellorar a relación co tecido empresarial por medio

de encontros cos diversos clúster de interese, networkings con profesionais dos

sectores relacionados coa especialización do campus, así como a xeración de sinerxías

no eido de investigación.

• Convocaranse sendos premios nos eidos da investigación/transferencia e docencia

para poñer en valor os proxectos nestes ámbitos do campus de Pontevedra.

• Ampliación da oferta de obradoiros e cursos de extensión e recuperar os cursos de

verán, neste caso sobre temáticas especificamente relacionadas coa especialización. A

Sala X seguirá sendo referente no apartado expositivo do campus dando maior

protagonismo ao talento do campus. Outro fito será a 12ª edición do desfile Debut

Liñas básicas de actuación orzamentaria 2018

38

que estará rodeado de accións formativas e de encontros con profesionais que tamén

servirán de cara á proxección internacional.

• Pont Up Store que chegará á súa cuarta edición, sendo xa referente no ámbito do

emprendemento galego. Xunto coas accións descritas en canto á relación co tecido

empresarial se refire, fortalecerase o programa INCUVI en Pontevedra.

• No curso 2017/2018 arrancou o programa de doutoramento en Creatividade e

Innovación Social e Sustentable do campus de Pontevedra, que servirá de catalizador

para a actividade investigadora dentro dos preceptos do proxecto de especialización.

• Participación no proxecto LAPASSION liderado polo Instituto Politécnico de Porto e

no que o CREA S2i pivota a presencia da Universidade de Vigo. Trátase dun proxecto

de fomento de mobilidade do estudantado de posgrao en proxectos interdisciplinarios

que complementan a mobilidade internacional dos/as participantes no programa de

doutoramento.

Vigo Tecnolóxico

O campus de especialización Vigo Tecnolóxico comeza a súa andaina integrando aos centros

de investigación CINBIO e atlanTTic e a agrupación estratéxica INEX.

Mais aló das labores de investigación e transferencia apoiadas en catro eixos fundamentais

que son a biomedicina/biotecnoloxía, a telecomunicación, a industria e enerxía e o

aeroespacial, deberá desenvolver e por en marcha un plan estratéxico para definir os

obxectivos nun futuro próximo. Acompañado dun plan de acción e establecendo o marco da

súa gobernanza para conseguir a acreditación como campus de especialización.

O CINBIO e a agrupación INEX están aloxados, aínda que non na súa totalidade, nos

edificios CACTI-CINBIO e MTI, respectivamente. No primeiro caso, é preciso continuar a

rematar obras de acondicionamento para a posta en marcha de equipamento e laboratorios e

no segundo trátase de proceder ao remate do edificio, habilitando a nave industrial pendente

de equipamento para o 2018.

F. Infraestruturas

A previsión de actuacións sobre infraestruturas neste próximo ano é a seguinte:

Liñas básicas de actuación orzamentaria 2018

39

Infraestruturas científicas:

• No 2016 licitouse a Realización do proxecto Construtivo do “Edificio institucional e de I+D da universidade de Vigo no casco Vello”. Con esta infraestrutura a Universidade de Vigo está a implantar una sede institucional para impulsar a súa presencia na cidade e facilitar os intercambios e sinerxías co tecido empresarial, cultural e social de Vigo. No 2017 adxudicáronse as obras e iniciáronse as mesmas que continuarán ao longo de todo o 2018.

• Unha vez finalizada a construción do Módulo Tecnolóxico industrial (MTI) durante o 2016 trasladáronse os primeiros grupos de investigación que teñen asignados espazos nel e realizouse o equipamento de mobiliario de laboratorio que restaba para que poidan trasladarse os restantes grupos con espazos nas plantas superiores. No 2017 adaptouse a planta taller e no primeiro trimestre do 2018 equiparase co mobiliario necesario para que poidan ocupalo os grupos que restan.

• -o 2016 contratouse a redacción do proxecto para “Zooteca, litoteca e herbario da Universidade de Vigo e no 2017 licitáronse as obras do mesmo que se executarán no primeiro semestre de 2018.

• Na convocatoria de Axudas a infraestruturas científicas e técnicas e equipamento do MINECO, o proxecto do ECIMAT obtivo financiamento para o Fortalecemento dos servizos de acceso aos ecosistemas mariños e os seus recursos, que implicará a realización dunha edificación de apoio e duns tanques de auga salgada.

• No 2015 licitouse a Realización do proxecto Construtivo do Edificio do Campus da Auga no Campus de Ourense. Este edificio pretende dar soporte físico aos Clústeres de investigación vinculados coa investigación no campo da auga. No ano 2016 licitouse a construción do mesmo, e iniciáronse as obras e no 2017 rematouse a súa execución. No 2018 procederase ao equipamento do mesmo para que quede plenamente operativo no primeiro semestre.

• Na convocatoria de Axudas a infraestruturas científicas e técnicas e equipamento do MINECO, obtivo unha axuda o proxecto do Campus de Ourense para a construción dun Invernadoiro para investigación, que se executará no primeiro trimestre.

• No 2016 a Xunta de Galicia comprometeuse a ceder un total de 1774 metros cadrados no edificio administrativo da Xunta de Galicia na rúa Benito Corbal para sede corporativa do proxecto de especialización do Campus de Pontevedra, CREA S2i. A previsión é que as obras se executen no 2018. O espazo que a Xunta porá a disposición da Universidade estará sen acondicionar, polo que haberá que facer un proxecto construtivo de adecuación do mesmo.

Liñas básicas de actuación orzamentaria 2018

40

Infraestruturas docentes e de servizos Ao longo do exercicio 2018, están previstas as seguintes actuacións:

• Segunda fase de cambio de cuberta da Facultade de Química.

• Unha vez que os servizos do CACTI trasladáronse ao novo edificio, quedaron espazos baleiros no edificio Anexo a Xerencia. Vaise realizar unha obra de adaptación destes espazos para trasladar diversos servizos aos mesmos.

• Terceira fase de substitución das climatizadoras da Facultade de Económicas que finalizaron a súa vida útil.

• Realización do proxecto construtivo de substitución de cubertas no edificio Miralles

− Acondicionamento dun espazo destinado ao parque móbil no Campus de Vigo.

− No anos anteriores realizáronse o pintado dos viais, e no 2018 continuarase a súa mellora.

• Completarase os cambios de queimadores e caldeiras para adaptalos a gas natural buscándose a redución de consumos enerxéticos nos tres Campus.

• Substitucións de iluminación en edificios por outras con tecnoloxía LED, cun consumo moito menor e maior vida útil, nos tres Campus.

• Equipamento da Escola de Enxeñaría Aeronáutica e Aeroespacial.

• Renovación das escaleiras de emerxencia do edificio xurídico-empresarial do

Campus de Ourense e completar as obras de climatización nas plantas primeira e

segunda da ala sur do edificio.

• Continuar a mellora do perímetro do Campus Sur no Campus de Ourense.

• Obras de mellora no espazo do centro de transformación situado baixo o edificio

politécnico e instalación dun SAI en diferentes fases.

• Instalación de mallas de contención nas cubertas do pavillón 1 do Campus de

Ourense.

• Substitución dos sistemas SES nas facultades de Belas Artes e de Ciencias Sociais e

da Comunicación.

• Na Facultade de Ciencias da Educación e do Deporte está prevista a climatización

da ala oeste e o proxecto da aula ximnasio. Súmase a reparación de saídas de

emerxencia e a instalación do control web da caldeira.

• Na Facultade de Ciencias Sociais e da Comunicación compre corrixir os petos de

fachada, así como a construción de habitáculos de estudo e traballo en grupo na

biblioteca central e o cerramento do ascensor orientado ao sur.

Liñas básicas de actuación orzamentaria 2018

41

• Na Facultade de Fisioterapia tratarase a aireación de aulas de docencia, así como a

instalación do control web da sala de caldeiras, sendo esta última a obra prevista

para a Escola de Enxeñaría Forestal.

• Na Facultade de Belas Artes deberán acometerse correccións no sistema de

alarmas na primeira e segunda planta e subsanar problemas de aclimatación da

conserxería.

G. Investigación e transferencia de coñecemento

No que toca á investigación e transferencia salientamos aquí os principais obxectivos para o

próximo exercicio, sen considerar aqueles xa tratados na quinta liña básica, de políticas de

agregación e especialización.

Programa de axudas á investigación 2018

• Axudas estruturais a grupos de investigación, especificamente destinadas a incentivar

o aumento da masa crítica e a excelencia dos grupos, e á mellora da súa

competitividade en convocatorias de ámbito autonómico, nacional e internacional

• Financiamento de actividades de difusión dos resultados de investigación e da

creación artística, a través da organización de congresos e reunións científicas e de

exposicións, cunha especial referencia á calidade demostrable e á repercusión

internacional das actividades propostas

• Apoio á formación do persoal investigador, tanto no que respecta a contratos para la

realización dos estudos de doutoramento como a actividades de mobilidade

(participación en congresos, estadías)

• Bolsas de formación nos Centros de Apoio á Investigación para estudantes de posgrao

Programas específicos para a promoción da transferencia de coñecemento

• Fondo de protección e valorización da Universidade de Vigo: ten como finalidade

protexer e poñer en valor os resultados innovadores da I+D da universidade con

potencial de mercado, para que poidan ser transferidos á sociedade mediante

acordos de colaboración, ou de licenciamento, ou mediante a creación de novas

empresas baseadas no coñecemento

Liñas básicas de actuación orzamentaria 2018

42

• Apoio específico ao financiamento dos gastos de instalación das EBTs da

Universidade de Vigo

Apoio centralizado ás actividades de investigación e transferencia

• Proporcionar apoio técnico ao persoal investigador, no desenvolvemento e xestión das

actividades de investigación e transferencia: mellora e mantemento da páxina web e

de ferramentas de apoio en liña, clarificación dos procedementos, mellora nos canles

de comunicación

• Fomento e apoio no desenvolvemento de proxectos competitivos de ámbito nacional e

internacional

• Dar continuidade á contratación de xestores e xestoras de innovación, con

especialización en cada ámbito de coñecemento, que darán apoio ao persoal

investigador na identificación de oportunidades de financiamento e a preparación de

propostas, así como na elaboración de plans de transferencia adaptados ás súas

capacidades.

• Contratación de tecnólogos ou tecnólogas, para apoio nos servizos xerais de

investigación e aulas especiais existentes

• Continuar a actualización do mapa de capacidades de investigación e transferencia, e

mellora da ferramenta de consulta e visibilización en liña da oferta tecnolóxica da

Universidade desenvolvida no ano 2017

• Definición, estruturación e promoción de novas agrupacións estratéxicas de

investigación e clústers de investigación en sectores con potencial de

desenvolvemento, como son o ámbito Xurídico, as Humanidades, ou o eido

transversal Medio ambiente.

• Apoio á internacionalización da investigación, mediante a promoción da participación

en redes internacionais ou outras actividades que poidan mellorar o acceso do persoal

investigador a fontes de financiamento internacionais

• Desenvolvemento do plan de acción establecido no cadro da Estratexia de Recursos

Humanos de Investigación HRS4R, e o selo Human Resources Excellence in Research

acadado pola Universidade en 2017

(http://www.uvigo.gal/uvigo_gl/investigacion/rrhh/estrategias_rrhh.html)

Liñas básicas de actuación orzamentaria 2018

43

Outros programas propios de promoción da investigación

• Programa de retención de talento investigador da Universidade de Vigo

• Programa de captación de talento investigador de excelencia da Universidade de Vigo

• Programa da Universidade de Vigo para a captación de persoal investigador

seleccionado nas convocatorias do Consello Europeo de Investigación (ERC)

Produción de investigación e Produción de transferencia

• No ano 2018 avaliarase a Produción de Investigación do ano 2017 e pagarase a

produción do ano 2016

• No ano 2018 avaliarase a Produción de Transferencia do ano 2017 e pagarase a

produción do ano 2016

Proxectos, Contratos e axudas externas á investigación (Axudas finalistas)

• Actividades de investigación procedentes de proxectos competitivos en convocatorias

autonómicas, nacionais e internacionais

• Bolsas e axudas externas para persoal investigador

• Amortización de prestamos a longo prazo

• Contratos de investigación

• Outros compromisos

Centro de Apoio Científico e Tecnolóxico á Investigación (CACTI)

• Mantemento das infraestruturas centralizadas proporcionadas a través do Centro de

Apoio Científico e Tecnolóxico á Investigación (CACTI) da Universidade, e

optimización dos servizos prestados á comunidade investigadora, tanto aos grupos de

investigación da Universidade de Vigo, como a OPIs e empresas

• Rematar a elaboración dun catálogo de infraestruturas científico-técnicas centralizadas

de investigación, que facilite a oferta optimizada e coordinada de servizos

Liñas básicas de actuación orzamentaria 2018

44

• Renovación da certificación de calidade ISO 9001 xa existente no CACTI

• Adquisición de infraestruturas científico técnicas para o CACTI, resultado da

convocatoria 2015 de Axudas para a adquisición de Infraestruturas científico técnicas

do MINECO.

H. Extensión universitaria: actividades culturais e deportivas

As principais liñas de actuación no ámbito da extensión universitaria son as seguintes:

• Mellora da accesibilidade, a visibilidade e o coñecemento por parte da comunicade

universitaria da información e servizos ofrecidos pola Universidade de Vigo ó

estudantado con necesidades específicas de apoio educativo, especialmente ó

estudantado con discapacidade.

• Incremento da participación da Universidade de Vigo en proxectos de cooperación ao

desenvolvemento, en colaboración coas entidades do cuarto sector presentes na nosa

contorna.

• Reforzo dos programas vencellados á responsabilidade social universitaria: programa

de maiores, programa de atención aos estudantes con necesidades específicas de apoio

educativo, programa de orientación ao estudantado, e as bolsas de residencia, de

transporte e de comedor.

• Mantemento dos programas de extensión universitaria: cursos de extensión e

obradoiros; espectáculos de teatro e música; coro universitario; concursos de

fotografía, música, tradución e creación literaria; e actividades singulares como o

Concerto de Nadal e a Semana de Cinema Submarino. Aumento da visibilidade das

accións de extensión universitaria organizadas pola Universidade de Vigo, e a

participación da cidadanía nas mesmas.

• Coordinación dos eventos e actividades culturais organizadas co gallo da presenza en

Vigo do pergamiño Vindel.

• Mellora da accesibilidade no Campus de Vigo: estudo da accesibilidade para persoas

con mobilidade reducida e con discapacidades visuais, implantación de accións de

mellora nos accesos, e mellora da sinalización, en coordinación coa VR de

Planificación e a Unidade Técnica.

Liñas básicas de actuación orzamentaria 2018

45

• Fomento do asociacionismo entre o estudantado vencellado á práctica deportiva, con

especial referencia ao apoio ás iniciativas das delegacións de alumnos en relación coa

práctica e o desenvolvemento de actividades deportivas.

• Impulso dunha cultura e un contexto que protexan e favorezan a saúde, promovendo

coñecementos e habilidades orientados á adquisición de estilos de vida activos e

saudables nos campus universitarios. En relación con isto, realizaranse accións

concretas sobre as persoas e a contorna que faciliten a realización de actividades físicas

durante a xornada de traballo ou estudo. Estas accións estarán apoiadas na actuación

coordinada dos distintos departamentos e unidades implicados no seu fomento.

• Desenvolvemento de programas de voluntariado deportivo que favorezan a

adquisición de valores e habilidades vencellados á solidariedade por parte do

estudantado.

12-1

2-20

16

1

DISCURSO DO DEFENSOR UNIVERSITARIO ANTE O CLAUSTRO

Bo día e saúdos cordiais.

Os Estatutos da nosa Universidade establecen que o defensor universitario dará conta anualmente, e a través dun informe que presentará ante o Claustro, da xestión realizada polo Tribunal de Garantías.

En cumprimento desta normativa elaborouse un informe-memoria, cuxo contido forma parte da documentación deste Claustro, polo que está a disposición de todos vostedes por se tivesen interese en consultalo. Nel recóllense todas aquelas actuacións relevantes levadas a cabo ao longo do ano 2016.

Trátase dun exercicio de transparencia e rendición de contas ante a comunidade universitaria, e tamén ante o conxunto da sociedade da que formamos parte e á que temos a obriga de servir.

No que respecta aos contidos, o Informe estrutúrase en dous grandes bloques:

O primeiro (constituído polos apartados 1 e 2) ten carácter introdutorio, xa que refire o marco normativo, conceptual e metodolóxico-funcional no que se desenvolve o TG.

O segundo bloque expón polo miúdo a xestión do Tribunal entre o 1 de xaneiro e o 31 de decembro de 2016: O apartado 3 é o máis extenso porque dá conta da súa principal tarefa:

incoar e tramitar expedientes tralas reclamacións e queixas presentadas.

No apartado 4 relaciónanse outras actuacións, non menos importantes, tales como consultas, mediacións, entrevistas ou recomendacións.

No apartado 5 infórmase sobre un importante ámbito de actuación que o TG está a potenciar nos últimos anos: as relacións institucionais e a actividade exterior.

No apartado 6 detállase o orzamento do Tribunal e a súa execución no ano 2016.

No apartado 7 coméntanse algúns aspectos relevantes relacionados cos datos e cifras contidas no Informe.

Finalmente, no anexo recóllese a composición do Tribunal e móstranse os cambios que se produciron na súa composición ao longo do ano 2016.

12-1

2-20

16

2

Este é, pois, o contido deste Informe, do que todos vostedes, Sras. e Sres. claustrais, dispoñen de completa información na documentación anexa a este Claustro. Dos seus datos pódense extraer algunhas conclusións e comentarios que é preciso subliñar.

En primeiro lugar, e contando co precedente do ano anterior, continuamos nesa liña de actualización e mellora en relación co formato e deseño do Informe. O obxectivo non só é facelo máis visual, atractivo e didáctico, incorporando máis gráficos, cadros e imaxes; trátase tamén de dotalo dunha maior funcionalidade, que facilite o seu manexo e a consulta da información que contén. Este foi un dos obxectivos propostos para este segundo mandato.

Outra consideración ten que ver co descenso no número de expedientes tramitados (25, fronte aos 51 do ano pasado); un feito que vén confirmar unha tendencia á baixa no número de reclamacións presentadas iniciada no ano 2014. Este feito, que nos afasta tanto da cifra récord de 66 expedientes acadada no ano 2013, ten que ser motivo de satisfacción, e debe ser destacado.

No que atinxe á distribución por sectores, advírtese que a maioría dos expedientes e asuntos tratados están referidos ao alumnado (un 76%), seguido a bastante distancia polo persoal de administración e servizos (un 12%) e polo profesorado (tamén un 12%). Este comportamento -que é moi semellante ao do resto das defensorías universitarias españolas- segue a ser moi similar ao dos anos anteriores.

Na distribución por campus, e mantendo un comportamento parecido ao de anos anteriores, apréciase un claro predominio de expedientes tratados no campus de Vigo (un 68%), seguido a bastante distancia polos campus de Ourense e de Pontevedra (ámbolos dous cun 16%).

Na división por sexos (esta é unha novidade no actual informe), apréciase un predominio do colectivo masculino (un 48%) en relación co feminino (un 36%). O 16% restante corresponde a reclamacións feitas conxuntamente por persoas de ámbolos dous sexos.

Os principais motivos que levaron á apertura de expedientes no sector do alumnado están relacionados, en primeiro lugar e maioritariamente, coa reclamación e revisión de cualificacións; coa avaliación curricular e co aprobado por compensación, unha problemática que en moitos casos está relacionada con titulacións en proceso de extinción e coas dificultades de adaptación ao grao; coa validación de materias cursadas en programas de intercambio; con comportamentos arbitrarios, faltas de respecto e incumprimento das guías docentes por parte do PDI: nun caso concreto, estes comportamentos

12-1

2-20

16

3

provocaron que un proceso de revisión de exame se prolongase máis dun ano; un feito puntual pero que non debería repetirse.

É preciso destacar tamén que no ámbito do alumnado produciuse un caso de acoso escolar, en relación co cal o TG actuou con celeridade; no transcurso das súas actuacións detectouse que se ben a Uvigo dispuña xa de protocolos aplicables tanto aos casos de acoso laboral como sexual, carecía do correspondente ao acoso escolar, o que deu lugar a unha recomendación posterior do TG.

En relación a esta problemática, e a pesares de que na nosa universidade represente na actualidade un feito excepcional, cómpre estar en garda; entre outras razóns porque segundo un estudo do grupo CIES de esta universidade, o 70% do alumnado galego da ESO sofre algún tipo de acoso escolar (sete de cada 10 estudantes). A circunstancia de que estes comportamentos teñan lugar en etapas educativas que preceden ao ingreso na universidade debería, insisto, manternos vixiantes en relación a esta praga.

En relación coa obriga inescusable de respectar os dereitos dos estudantes, o TG fai un chamamento para que estes, os estudantes, non sexan en ningún caso utilizados como vítimas ou reféns nos conflitos e enfrontamentos que poidan producirse entre o PDI. Estes comportamentos, dos que o TG ten coñecemento, son intolerables, e non poden volver producirse.

Respecto ao profesorado, apréciase que os motivos das súas reclamacións están relacionados con procesos de convocatoria e resolución de prazas; tamén coa dificultade para compatibilizar o dereito á información pública co dereito á protección de datos.

Pero, máis alá do reflectido na estatística do informe, cómpre subliñar que cada vez son máis os docentes que se dirixen á defensoría, tanto para proporcionar información como para expresar opinión sobre diferentes aspectos que atinxen á nosa realidade universitaria. O TG debe informar e este Claustro de cales son esas inquedanzas e percepcións, para que logo poidan ser tomadas en consideración polos órganos competentes.

Algunhas inquedanzas veñen motivadas polo incremento do uso indebido das novas tecnoloxías, e que dá lugar a casos de plaxio, copia, acoso e indisciplina nas aulas. Outras están relacionadas co aumento supostamente inxustificado dos trámites burocráticos esixidos na xestión de fondos de investigación; o que constitúe un elemento desincentivador. Outras fan referencia aos trastornos ocasionados pola implantación das unidades administrativas centralizadas para os departamentos.

12-1

2-20

16

4

Hai outra preocupación que, en modo algún, debe ser ignorada, por afectar ao benestar e a saúde das persoas, e tamén á calidade das súas prestacións e rendementos. Referímonos a situacións de sobrecarga, estrés e fatiga, o que nos sitúa nun escenario permanente de frenesí, precipitación, improvisación e superficialidade; o que provoca, en moitos casos, actuacións erráticas, arbitrarias e carentes de rigor; algo que atenta contra a esencia da nosa institución, á que se lle esixe solidez, calidade e fiabilidade. Sras. e Sres. claustrais: imos demasiado rápido, e ás veces nin sequera sabemos adonde imos ou se imos na dirección correcta; o sistema ou modelo ao que todas e todos contribuímos a crear e reproducir imponnos vivir nun estado de permanente aceleración. Pero isto non é sostible, e vai contra natura, polo que deberíamos reaccionar. Consideramos, a este respecto, que se hai unha institución que non debería deixarse contaxiar polo ritmo desbocado que caracteriza as sociedades actuais, esa institución é a nosa, é a universidade. Non debemos permitir que ese paradigma e ese modus operandi baseado no leitmotiv “cada vez máis”, se instale na universidade, porque iso significaría, entre outras consecuencias, aniquilar a figura do sabio, do intelectual e do científico, substituíndoo por un novo tipo académico cuxo fin último sería producir papers. Por último, o persoal de administración e servizos reclama principalmente por cuestións relacionadas con convocatorias de concorrencia competitiva (Programas Erasmus-PAS); e tamén con situacións de acoso laboral. Os impactos sufridos pola aprobación da última RPT, e debido principalmente ás proporcións acadadas pola mesma, tamén tiveron eco, e ségueno tendo, no TG.

Neste apartado resulta inevitable preguntarse por que houbo que esperar 16 anos para aprobar unha nova RPT; e tamén resulta inevitable preguntarse por que despois de tanto tempo non foi posible acadar un acordo ou un consenso, aínda que fose áspero, entre as partes, impedindo así a xudicialización dunha cuestión que tanto afecta á convivencia.

Dentro das actuacións levadas a cabo polo TG, cómpre sinalar ademais as entrevistas mantidas con persoas pertencentes aos distintos sectores de nosa comunidade universitaria; as informacións e orientacións proporcionadas principalmente ao sector do alumnado como consecuencia de consultas efectuadas.

As actividades encadradas dentro do apartado das relacións institucionais e exteriores, algo que se ven impulsando nos últimos anos, e que se concretan na participación e promoción de encontros, estudos e iniciativas encamiñadas a potenciar a institución da Defensoría, tanto no ámbito do SUG coma no nacional e internacional.

12-1

2-20

16

5

E, por último, as recomendacións e propostas formuladas, que derivan tanto das reclamacións ou queixas presentadas como das iniciativas promovidas polo propio Tribunal. En relación con este tema, satisfainos manifestar que, con carácter xeral, tanto os órganos como as persoas destinatarias das recomendacións cómpren axeitadamente con esa norma de cortesía, e tamén de legalidade, de daren conta ao TG da súa recepción, da súa viabilidade e, de ser o caso, do seu estado de execución. Agradecemos especialmente a boa predisposición e a colaboración da Secretaría Xeral, o que permite facer un seguimento puntual das propostas formuladas.

Antes de finalizar esta reflexión-comentario sobre o acontecido en 2016, quixera suscitar ante o Claustro varios asuntos que afectan ao bo funcionamento da nosa institución universitaria, razón pola cal deberían ser obxecto dunha especial atención en adiante:

1. Na Lei do sistema universitario galego de 2013 dise que, un dos obxectivos e fins do SUG, é o fomento da cultura da solidariedade entre os membros da comunidade universitaria. Recoñecendo o esforzo que se está a facer neste eido, cabe preguntarse se aínda podemos mellorar en todo aquelo que atinxe ao voluntariado, asociacionismo, cooperación ao desenvolvemento, etc. Constatando que no seo das nosas sociedades hai milleiros de mozas e mozos predispostos a compartir e a axudar aos demais, temos que estar preparados para que cando todos eles chegan á universidade, dispoñan da suficiente información e medios para que poidan poñer en práctica os seus valores e actitudes solidarias.

Neste senso, o TG desexa destacar e poñer en valor iniciativas coma o programa de mentorización MEET-Uvigo, que naceu na Escola de Telecomunicación e que xa se estendeu a outros tres centros máis (Enxeñaría de Minas e Enerxía, Química, e Filoloxía e Tradución). O noso recoñecemento aos profesores e aos estudantes por esa acción solidaria, e o noso desexo de que estas e outras iniciativas se estendan a outros centros e campus da nosa universidade.

E continuando coa cuestión solidaria, o TG considera que do mesmo xeito que se crean premios para recoñecer e enaltecer condutas, traxectorias e feitos exemplares e eminentes noutros eidos, ¿por que non crear tamén un premio á solidariedade na Uvigo? Unha idea e unha recomendación que lle trasladamos a este Claustro, e tamén ao goberno da universidade para que o consideren. Atrévanse, innoven, fomenten tamén os valores, e creen o “Premio Universidade de Vigo da solidariedade”; e fágano extensivo a calquera ser humano cuxa opción vital é a de compartir. Isto tamén encaixa.

12-1

2-20

16

6

2. A principios do ano pasado aprobouse a Lei de transparencia e bo goberno de Galicia. Como xa manifestamos nunha intervención anterior, as súas disposicións son aplicables ás universidades, polo que cómpre tomalas en serio e poñer en práctica os seus principios reitores: transparencia e rendición de contas, accesibilidade universal á información pública, non discriminación tecnolóxica nin lingüística respecto da mesma, e a súa reutilización en beneficio da sociedade.

Esta lei obríganos, ademais, a garantir unha publicidade activa (a chamada transparencia activa), isto é, publicar por propia iniciativa e de forma periódica, actualizada, clara, veraz, íntegra, obxectiva e accesible toda aquela información relevante relativa ao funcionamento da universidade.

Temos que felicitarnos (e felicitar tamén ás persoas que o fan posible), polo feito de que nos últimos Informes de transparencia das universidades españolas, a UVigo volve a ocupar postos destacados entre as consideradas transparentes, e moi afastada das tipificadas como translúcidas e opacas. O noso portal de transparencia constitúe unha excelente carta de presentación, e tamén cómpre destacar o feito de contar xa cun Regulamento de transparencia e acceso á información pública, recentemente aprobado.

Agora ben, non podemos caer na compracencia, senón perseverar nesta nova cultura da transparencia, rendición de contas e bo goberno, o que nos obriga a todas e todos a ir interiorizándoa e practicándoa, no día a dia, e no contexto das nosas respectivas responsabilidades.

3. A Uvigo está procedendo na actualidade a reformar os Estatutos, a súa norma institucional básica. Respectando a independencia e autonomía do órgano lexislador, o TG quere manifestar, en primeiro lugar, o seu desexo de que o resultado final desta reforma signifique un perfeccionamento das nosas regras de xogo e unha mellora nos dereitos e liberdades dos membros da comunidade universitaria.

En segundo lugar, o TG considera que temos unha magnifica oportunidade para, a través dunha nova normativa (Estatutos e Regulamentos), poder facer fronte a unha serie de problemas de carácter endémico detectados ao longo destes anos, e dos que o TG ven dando conta a través de recomendacións e de outras actuacións. Entre eles destacaríamos os seguintes:

a) Revisar, actualizar e precisar todo o relativo ao procedemento e a os órganos competentes para tramitar e resolver as revisións/impugnacións das cualificacións do alumnado; incluíndo a posibilidade de promover un tribunal externo doutra universidade, unha opción que na actualidade presenta serios

12-1

2-20

16

7

problemas de viabilidade. Ocúpense a fondo desta cuestión, que tantos conflitos, reclamacións y costes de todo tipo ocasiona.

b) Regular e precisar o concepto e contido das guías docentes, onde quede constancia de que é un documento de obrigado cumprimento, e onde se garanta máis claridade en aspectos tan sensibles para os estudantes como o da metodoloxía avaliadora; esta ten que ser intelixible e funcional, evitando fórmulas complexas, confusas e alambicadas. A liberdade de cátedra tamén neste ámbito ten os seus límites.

c) Fixar unhas pautas xerais en relación ao procedemento a seguir respecto a aqueles estudantes que, por razóns suficientemente xustificadas, soliciten non acollerse ao réxime de non presencialidade e avaliación continua. Na actualidade cada centro ven xestionando esta cuestión de xeito autónomo, pero debería pensarse na conveniencia de establecer unha normativa básica y de carácter xeral.

d) Seguindo coa reforma estatutaria, e polo que reflicte o borrador dos Estatutos, comprobamos que se están empregando a fondo coa institución do Valedor/a universitario, que aparece agora irrecoñecible, e como consecuencia das novas esixencias legais. Desexamos que acerten no deseño do novo modelo, para que esta institución poida seguir cumprindo axeitadamente coas súas funcións.

Respecten e fortalezan a esta institución; con unha traxectoria consolidada nesta universidade, e cun prestixio que vai máis aló das persoas que a representan. Un prestixio que se fundamenta sobre todo na natureza e nas funcións fixadas no seu día polo lexislador (a defensa dos dereitos e liberdades, e a contribución a mellora da calidade universitaria nun sentido holístico e integral). Estas atribucións fan deste órgano algo singular, único, diferente aos demais, e cun espazo propio de actuación. Somos esa conciencia crítica, ese observatorio imparcial e insubornable, ese axente conciliador e con capacidade de iniciativa e de proposta sen límite.

Permítanme, nesta orde de cousas, facerlles partícipes dunha profunda convicción. Non existen límites para a defensa dos dereitos e liberdades, nin para a mellora da calidade. O único límite establéceo un mesmo, en función da súa identificación co cargo, da súa dedicación, do seu atrevemento e tamén da súa capacidade de utopía.

Todas estas atribucións son as que nos lexitiman e permiten suscitar ante todas e todos vostedes, e ano tras ano, cuestións como as que hoxe acabo de expoñer.

12-1

2-20

16

8

Por todo iso, pídolles e rógolles que acerten co novo modelo de defensoría; e que deseñen un escenario que potencie a institución e facilite o pleno cumprimento da súas tarefas.

4. Acabo. Somos conscientes de que vivimos un momento de final de traxecto, polo que resulta inescusable facer unha mínima reflexión ao respecto.

As actuacións levadas a cabo por este Tribunal, en especial aquelas que acadaron un resultado satisfactorio, foron posibles grazas á colaboración de moitos de vostedes. Unha colaboración que en nome de todos os membros do TG quero agradecerlles moi sinceramente.

En relación coa presentación deste Informe quero expresar unha última idea: todas as actuacións levadas a cabo foron posibles grazas ás persoas que forman parte do Tribunal en representación do alumnado, do PAS e do PDI; o meu sincero recoñecemento e gratitude a todas e todos eles: Rosalía Carrillo, Ana Martínez, Guillermo de Oca, Francisco Rey, Coral del Río, Sara Torres y Ernesto Vázque-Rey; á nosa secretaria Lola Pous, e sen esquecer a Ana Mosquera polo tempo que estivo con nós.

¿E como vamos a esquecernos de todas e todos os demais membros do TG, que durante estes dezaoito anos de vida, aportaron tanta dedicación e apoio desinteresado e valioso? Grazas, moitas grazas, a todas e todos eles, e un recoñecemento especial para o noso admirado predecesor Luís Espada.

Quero, ademais, pedirlles desculpas polo que fixen mal, e tamén polo que deixei de facer.

¡¡Moitas grazas!!

Excmo.Mgfco. Rector

Claustro Universitario

José Ángel Álvarez Moreira,

Representante de Estudiantes en Claustro Universitario

Con respecto al Punto 9º ‘Rogos e Preguntas’ de la Orden del Día de la sesión Ordinaria del Claustro del día 13-12-17,

Ruego conste en acta el presente escrito, así como las respuestas al mismo, si las hubiere:

1º Ruego, responda a una cuestión, que le he planteado reiteradamente desde hace años ¿Va a seguir permitiendo el

incumplimiento del artículo 101 del decreto 7/2010 (DOGa 2-2-10), que impone la obligatoriedad de tener un

reglamento de evaluación? Esta obligatoriedad, como se le ha reseñado repetidamente, incluyendo al Tribunal de Garantías, es

incumplida en la Universidad de Vigo desde el decreto 421/03 (DOGa 5-12-03), cuando se denominaba regl.exámenes. Además es reseñable

que se han presentado varios proyectos por diferentes representantes, e incluso fueron elaborados dos borradores por Comisiones de

Claustro (2007 y 2013), pero nunca llegaron a su discusión en Claustro - en la sesión del 13-12-13 sólo se presento el borrador- (Tal vez

lo que se pretende es que pase como con el Reglamento de Estudiantes en vigor que, como usted sabe porque era miembro del equipo

rectoral de la época, fue elaborado en 1998 y aprobado, tras ser punto de orden del día en 4 sesiones de claustro, el 3-IV-01)

2º Ruego responda a la siguiente cuestión con un SI o un NO. Caso contrario le haré una serie de cuestiones

alternativas.

Según la legislación vigente estatal, ¿es obligatoria la evaluación continua para Grado?

Como, al igual que todas las veces anteriores, no ha respondido, Ruego responda a las siguientes cuestiones, algunas

ya realizadas también en sesiones anteriores de Claustro,

a. Si suponemos que el apartado 3.a de las normas de Gestión Académica no es nulo o anulable de pleno derecho y que la Evaluación

continua fuera obligatoria: ¿Va usted a abrir expedientes informativos/disciplinarios a los miembros del PDI que en

sus guías docentes establecen métodos de evaluación no continuos?

b. Si suponemos que el apartado 3.a de las normas de Gestión Académica no es nulo o anulable de pleno derecho y que la Evaluación

continua fuera obligatoria: ¿Va usted a anular todas las calificaciones de las convocatorias FindeCarrera en aquellas

materias, sobre todo de 2ºcuatrimestre, que no han sido evaluadas siguiendo métodos de evaluación continua y

por tanto han sido evaluadas, (según referido art.3.a) siguiendo métodos indebidos de evaluación?

c. Si suponemos que el apartado 3.a de las normas de Gestión Académica no es nulo o anulable de pleno derecho y que la Evaluación

continua fuera obligatoria: ¿Va usted a anular todas las calificaciones de los TFG, y por tanto anular todos los títulos

de grado (desde aprobación de referido art. 3.a -2010 ó 2014-), ya que, sobre la base del Regulamento para a Realización do Traballo de Fin de Grao, (artículos 7 y 8 tanto del actual de 17-7-15 como del anterior de 14-11-11), los TFG han sido evaluados por Tribunales

en un solo acto, y por tanto no se ha seguido ningún método de evaluación continua?

d. Si suponemos que el apartado 3.a de las normas de Gestión Académica no es nulo o anulable de pleno derecho y que la Evaluación

continua fuese obligatoria: ¿Va usted a cesar a la señora Secretaria General, por el presunto delito de inducción al

incumplimiento de la legislación vigente, ya que, en diferentes documentos con Registro de Salida, recomienda,

y firma, la aprobación de métodos alternativos a la evaluación continua?

e. Si suponemos que el apartado 3.a de las normas de Gestión Académica no es nulo o anulable de pleno derecho y que la Evaluación

continua fuese obligatoria: Y teniendo en cuenta que el art. 19.2.e de la L.40/15 de Régimen Jurídico del Sector

Público dice que el presidente de un órgano colegiado debe ‘asegurar el cumplimiento de la legislación’ (lo cual

reproduce literalmente al art. 23.1.e de la ley 30/92) ¿Va usted a dimitir por incumplir referidas leyes (según proceda por fecha), ya

que usted ha permitido y favorecido la aprobación de memorias de grado con métodos de evaluación no

continuos (por ejemplo las memorias relacionadas en el anexo 1 del acta de la sesión de Claustro del 6-5-16)?

Por tanto, le vuelvo a preguntar, a aparte de ser preponderante, fundamental, básica, o similares, ¿es obligatoria la

evaluación continua para grado? ¿Si o No?

3º Teniendo en cuenta que, a pesar de habérselo solicitado en la sesión de Claustro anterior, a fecha de hoy, aún no se

me ha abierto expediente informativo/disciplinario por incumplimiento de la presunta obligatoriedad de asistencia a

clase del alumnado, tras haber reconocido, en la propia sesión, que en el curso anterior no asistí a ni una sola clase

de la mayoría de las materias de las que me matriculé, (Tampoco he asistido a ninguna clase del presente cuatrimestre)

Le vuelvo a preguntar, otra vez: Además de ser obligatoria para el PDI, ¿Es obligatoria la asistencia a clase para el

alumnado, si o no?

Fdo,

J.Angel Alvarez Moreira