triptico2013

NA ESCOLA...

Na escola estamos desenvolvendo unha serie

de actividades arredor da figura da nosa

homenaxeada.

Nomeamos algunhas delas

Na web: A voz dos nosos nenos e nenas

Visitade a web da escola e escoitaredes a

nenos e nenas de primeiro ciclo recitando

”negra sombra”, ou “adiós ríos, adiós

fontes”...

No corredor: Rosalía Pintada

Na aula de plástica coñecemos a Pablo

Picasso e o cubismo. Atrevémonos a retratar

a “Rosalía Cubista”.

Nas aulas, corredor, patio: Rosalía

cantada

Vaite, noi-

te,—vai fuxin-

do.—Vente auro-

ra,—vente abrin-

do,—co teu ros-

tro,—que, sorrin-

do,—¡¡¡a sombra espanta!!!

¡Canta,

paxariño, can-

ta—de ponliña en pon-

la,—que o sol se levan-

ta—polo monte ver.

-

de,—polo verde mon-

te,—alegrando as her-

bas,—alegrando as fon-tes!...

ROSALÍA CANTADA

Se queres escoitar os seus poemas

musicados, recomendámosche este disco

de Amancio Prada, gran músico que soubo

entender coma ninguén a sensibilidade,

paixón, forza e musicalidade de Rosalía.

Máis musica en:

-“Airiños aires” por Os Tamara

-“Negra Sombra”, “Mayo Longo”,

“Alborada de Rosalía”por Carlos Núñez

-“Rosa de abril” por Rodrigo Romaní

-“O cravo” por Emilio Cao

...E moitos outros...

V i s i t a e s t a p á x i n a h t t p : / /

sondepoetas.com e poderás gozar de

toda esta música e máis! Letras,

versións... poemas de Rosalía para cantar,

escoitar, bailar...Nesta web poderás

tamén coñecer o son de poetas galegos de

todos os tempos.

VIVA A MÚSICA!

VIVA ROSALÍA SEMPRE !

A actividade será realizada durante

o mes de abril.

Escolle un poema da Nosa Gran

Poeta, podes atopalo

No corredor, no noso

RECUNCHO DA LINGUA

Na Biblioteca escolar, no andel

de poesía

www.edu.xunta.es/centros/ceipatincela

Prepárao na casa, na aula....onde

queiras

E, cando chegue o momento... Atré-

vete a recitalo, cantalo ou dramati-

zalo no corredor da escola, no espazo

dedicado a Rosalía de Castro.

Serás Rosalía por un día!

Unha gran sorpresa agarda!

Haberá sesión de fotos, vídeo...

Rosalía de Castro é a figura máis importan-

te do Rexurdimento Galego. Naceu en San-

tiago de Compostela, en 1837. Rexistrada

como filla de pais descoñecidos, aínda que

hoxe sabemos que foi filla do sacerdote Jo-

sé Martínez e de María Teresa de la Cruz de

Castro, de familia fidalga.

Cando Rosalía xa tiña doce anos a súa nai

faise cargo dela e lévaa a vivir a Padrón e,

posteriormente, a Santiago de Compostela.

En 1856, con dezanove anos, trasládase a

Madrid, e coñece a Manuel Murguía co que

casará uns anos despois e quen a poñerá en

contacto con Adolfo Bécquer e con outros poe-

tas e escritores da época. É Murguía, quen a

anima a publicar as súas obras, pois Rosalía,

de carácter moi reservado, non tiña ningún

interese na difusión das súas creacións. No

ano 1859 publícase a súa primeira novela «La

hija del mar» e, uns anos despois, o seu pri-

meiro libro de poemas «La Flor», ámbolos

dous en lingua castelá. Posteriormente, en

1863, aparece «Cantares Gallegos» e en

1880 «Fo llas Novas», dous libros de poemas,

en galego, que consagrarán a Rosal ía como

a gran poetisa galega de todos os

tempos. A súa obra literaria ten un carác-

ter romántico cunha expresión sinxela, tra-

tando temas como a emigración, o amor po-

la terra, o descontento social, os abusos

dos poderosos.

Rosalía morre aos corenta e oito anos en Padrón. A

súa casa é hoxe un museo que podes visitar.

Rosalía De Castro

Cantares Gallegos

Adiós, ríos; adiós, fontes;

Adiós, regatos pequenos;

adiós, vista dos meus ollos:

non sei cando nos veremos.

Miña terra, miña terra,

terra donde me eu criei,

hortiña que quero tanto

figueiriñas que prantei,

Prados, ríos, arboredas,

pinares que move o vento,

paxariños piadores,

casiña do meu contento,

...

EQUIPO DE DINAMIZACIÓN DE LINGUA GALEGA

CEIP ATÍN–CELA

QUERES SER ROSALÍA POR UN DÍA ?

Só tes que recitar, cantar ou

dramatizar

un poema da nosa escritora universal.

Neste tríptico descubrirás cómo

conseguilo.

Grandes sorpresas agardan!!!

EQUIPO DE DINAMIZACIÓN DE

LINGUA GALEGA

CEIP ATÍN –CELA