monte castrove

O Castrove é unha pequena serra con orientación NE-SO, situada entre as rías de Arousa e Pontevedra. Esténdese por terreos dos concellos de Barro e Poio, polo Leste; e Meis, Ribadumia, Meaño e Sanxenxo, polo oeste. Cae na ría de Pontevedra, en Raxó, no Costado dos Bois ( 77 m).

PRINCIPAIS ALTURAS DE NORTE A SUR:As Pozas: 459

Castrove: 613 m (o cume máis elevado)Outeiro dos Corvos: 608 m

Outeiro do Peón: 517 mChan do Couto: 317

Vista desde a Ría de Arousa

Mencer sobre o Castrove. Visto desde a Arousa

No cume do Castrove converxen os concellos de Barro, Pontevedra, Poio e Meis.

Cara oeste do Castrove

Cara leste do Castrove

Cara suroeste do Castrove

Vista desde A Pastora (Cambados)

XEOLOXÍA:As rochas dominantes son os granitos. Tamén hai pegmatitas, gneis glandular e xistos micáceos.

Península do Grove

Curiosa formación en pedra na parte baixa do Castrove.

REDE FLUVIAL:No Castrove nacen varios afluentes do río Umia (Cañón, Rego da Armenteira, Rego da Fonte Espiña ou Silván), subafluentes do río Lérez (Regos do Castrado, do Bispo e Cons; afluentes do Rons ou Gándara) e varios regatos que verten ás rías de Arousa (Río da Chanca) e de Pontevedra (Regos da Cancela, do Mouro, de Piñeiro, Esperón, Covelo, Muíños, Cruxeiro, Dorrón, Bordóns e Carabuxeira).

Rego da Armenteira (Umia)

Rego dos Muíños (Samieira-Poio) Río Cañón (Umia)

Rego do Pereiro (Poio) Rego dos Mouros (Poio)

Ocasionalmentes neva nos cumes do Castrove

Vistas cara á ría de Pontevedra

Bueu, cabo Udra, punta de Couso e as illas Cies

Poio, Pontevedra, a illa de Tambo e Marín

Poio, Pontevedra e Marín

A illa de Tambo e Marín

Poio e Pontevedra, no fondo as serras da dorsal galega.

Vistas cara á ría de Arousa

Vista xeral da ría, co val do Salnés no primeiro plano

O Salnés e, ao fondo, a serra do Barbanza

O Salnés

O Salnés, a illa de Arousa, Ribeira e a Curota.

O Salnés interior

O monte Lobeira e detrás Carril, Cortegada e Rianxo,

A desembocadura do Umia

O esteiro do Umia e, ao fondo, Aguiño.

A península do Grove e a illa de Sálvora.

O Grove e, diante, a illa da Toxa.

O Salnés, O Grove e a illa da Toxa.

Vistas cara ao interior do Val do Salnés

Á esquerda o monte Lobeira, no centro o Xiabre e á dereita o monte Xesteiras,

Interior do Salnés e o monte Xiabre.

O Salnés (Meis, Portas) e O Xiabre

FLORA Podemos distinguir a cobertura arbórea, maiormente plantacións de piñeiros e eucaliptos e pequenos núcleos de outras especies, nas proximidades das áreas de lecer, e exemplares illados de especies autóctonas (carballos, estripos, castiñeiros, pereiras bravas…) e as matogueiras de toxos e breixos, entre os que aparecen xestas, fentos, carrascas, abrodias…

Erica cinerea

Daboecia cantabrica

Abrodia (Asphodelus albus)

Toxo (Ulex gallii)

Toxo (Ulex europaeus)

Xesta (Cytisus striatus)Xesta (Cytisus scoparius)

FAUNA Ademais de gando en semilibertade, cabalos e algunhas vacas, no Castrove atopamos a fauna típica das matogueiras e das plantacións de piñeiros e eucaliptos: coellos, raposos, ratos, cortas e toupeiras entre os mamíferos; miñatos, corvos, pegas, petos, merlos, chascos, papuxas, picas, lavercas, paporrubios e ferreiriños entre as aves; lagartos arnales, lagartiños e cóbregas; sapos, común e corriqueiro,e salamántigas; numerosos insectos: grilos, saltóns, bolboretas,moscas e tabáns, escarabellos da madeira, cárabidos,… lesmas e caracolas.

Miñato común (Buteo buteo) Laverca (Alauda arvensis)

Chasco (Saxicola torquata)

Sapo corriqueiro (Bufo calamita)

Grilo (Acheta domesticus))Mosca escorpión (Panorpa communis)

Lesma (Arion ater)Escaravello da madeira (Dorcus parallelopipedus)

Vanessa atalanta Papilio machaon

Hipparchia Lycaena phlaeas

USOS:Gandeiría, caza, antenas de telecomunicación, deportes, lecer …Hai varias áreas recreativas e miradoiros.

Vista aérea da cara sur dos cumes do Castrove.No primeiro plano un campo de golf.

COMO CHEGAR: o acceso pódese facer desde Sanxenxo, Meaño, Ribadumia, Meis ou Poio. Séguese a estrada asfaltada ata a Escusa e a partir de alí vaise por pistas de terra. Hai varias rutas indicadas para camiñar ou para facer en bicicleta de montaña.

PROBLEMAS:Incendios forestais recurrentes, erosión, desaparición da vexetación autóctona…

Montaxe e fotos: Adela Leiro, Mon Daporta

Cambados, novembro 2013