ADMINISTRAZINO-OINARRI PARTIKULARREN PLEGUA: MURLA

inguruan zerbitzuen eta teknologia barrientzako enpresa gunea

eraikitzeko exekuzino proiektuaren idazketa arautuko dauen proiektu

lehiaketa.

1.- LEHIAKETAREN HELBURUA ETA EREMUA.

Plegu honen helburua da, Aulestiko Ibarrola auzoan, Murla inguruan,

Teknologia barrien eta Zerbitzuen gunea eraikitzeko eskaintza egokiena

aukeratzea; baita, lehen saria lortzen dauen lizitatzaileari adjudiketea

exekuzino proiektuaren idazketa, segurtasun eta osasun estudioa, kalidade

Kontrolerako Programa eta hondakinen kudeaketarako azterlana, ideien

lehiaketan aurkeztutako eskaintzan oinarrituta.

1. Erantsitako baldintza teknikoen agirian dagoz adierazota kokapena,

inguruaren deskripzinoa eta hirigintza aplikazino-parametroa.

2. Prestazinoa bat etorriko da, plegu honetan eta baldintza teknikoen

agirian zehaztutakoagaz, eta kontratu izaera eukiko dau.

Desadostasunik sortu ezkero baldintza teknikoen agirian eta

administrazino partikularren agirien artean, azken honetan

xedatutakoak balioko dau.

3. Kontratu honek izaera administratiboa dauka eta oinarrituko da agiri

honetan ezarritakoan eta baita azaroaren 14ko 3/2011 Legegintzako

Errege-dekretuaren 184tik 188ra arteko artikuluetan xedatutakoan,

zeinen bidez onartu da Sektore Publikoko Kontratu Legearen testu

bategina (aurrerantzean SPKLTB) oinarrituko da. Zerbitzu bat

kontratetako adjudikazino prozedura barruan antolatutako

proiektuen lehiaketa bat da. Hortaz, aitatutako artikuluetan xedatu

bakoa, SPKLTBak zerbitzuen kontratazinorako onetsitakoak arautuko

dau.

Kontratua arautuko dabe aitatutako SPKLTBak eta urriaren 12ko

1098/2001 Errege Dekretuz onetsi zan Herri Administrazinoen Kontratuen

Legeko araudi orokorrak (aurrerantzean HAKLEO), araudi hori indarrean

dagoen bitartean behintzat. Horren ordez, ezarriko dira Administrazino

Zuzenbideko arauak eta horreek ezean, Zuzenbide Pribaukokoak.

4.- Kontratazinoa proiektuen lehiaketa irekia, epaimahaiarekin eta izaera

anonimoarekin kalifikatuko da.

II: IDEIEN LEHIAKETAREN SARIAK, KREDITU EXISTENTZIA,

ZERGAK ETA PREZIOEN BERRIKUSPENA

1.- Proiektuen lehiaketa honen sariak honako honek izango dira:

1. saria: Lehiaketaren irabazleari adjudikauko jako Murlan egingo

dan teknologia barrien eta zerbitzuen enpresa gunea eraikitzeko

proiektua; eskaintzan bertan eta administrazino baldintzen

pleguan eta preskripzino teknikoetan ezarritako baldintzetan.

Zerbitzu-saria ezingo da 40.000 eurotik gorakoa izan (BEZ barik)

2. saria: bigarren aukeratutakoari, bi mila (2.000) euroko saria

eskudirutan (BEZ barik).

3. saria: hirugarren aukeratutakoari, 1.500 euroko saria eskudirutan

(BEZ barik).

Lehiaketa hutsik geratu leike, arrazoituta, epaimahaiak erabagitzen badau

lan batek be ez dabezala beteten lehiaketaren helburuak.

2.- Sari horreen zenbatekoa, 62201.462 aurrekontu partidatik finantziauko

da. Sarien kontratazinoaren zenbatekoa ordaintzeko nahiko kreditu dago.

Aurrekontuaren aurrikuspena haunditzeko premina balego, Udalak

beharrezkoa dan aldaketa egingo dau kontratuaren xedearen

finantziazinorako.

3.- Indarrean dagozan zerga guztiak barru eukiko dabez aurkezten diran

eskaintzak, BEZa izan ezik; hau aparte agertuko da. Eskaintzen barru

sartuko dira baita kontratua exekutetako eta proiektua egiteko beharrezkoak

diran gastu guztiak: baimen, lizentzia, beste administrazino batetik lortu

beharreko dokumentu edo informazinoa; baita proiektuaren bisatua ere.

4.- Adjudikaziodunak bere proposamenean eskaintzen daben prezioa

kontsiderauko da dala proiektu osoaren kostoa ( exekuzino proiektua,

osasun eta segurtasun estudioa, obren kalidadearen kontrolerako plana eta

hondakinen kudeaketarako azterlana) eta ez da berrikusgarria izango.

III. PARTE HARTZAILEEN GAITASUNA.

1.- Eskaintzak aurkeztu ahal dabezan pertsona natural edo juridikoak,

espainarrak edota atzerritarrak, jarduteko gaitasun osoaren jabe izan behar

dira; ezin dira SPKLTBaren 60 artikuluan ezarritako kontratatzeko inongo

debeku edo bateraezintasun kasuren baten sartuta egon, eta gainera,

kaudimen ekonomikoa, finantzarioa eta tekniko edo profesionala erakutsi

behar dabe. Horretaz gain, Espainiako arkitektuen elkargo ofizial baten edo

beste estatuetan baliokidea dan beste elkargo baten izena emondako

arkitektuak izan behar dabe.

Pertsona juridikoak kontratuen adjudikatzaileak izan ahal dira soilik emon

beharreko prestazinoak euren jardueraren estatutuetan aurreikusita

badagoz eta arkitekto baten sinadurarekin.

Eskaintza aurkeztean lizitatzaileak plegu honetako klausula guztiak

onartzen dituela ulertzen da, salbuespen barik; baita kontratetako behar

diran baldintza guztiak beteten dituenaren aitortza ere.

2.- ALDI BATERAKO ENPRESEN gaitasuna, kaudimena edo

klasifikazinoa.

Eskaintzak aurkeztu ahal izango dabez baita aldi baterako enpresak

(ABEE), honetarako sortutakoak, SPKLTBaren 59. artikuluan

xedatutakoagaz bat; ez da beharrezkoa izango eskritura publikoan

formalizetea kontratua berari adjudikau arte.

Aldi baterako enpresan batutako enpresariak, solidarioki behartuta

egongo dira eta izendatu beharko dabe ordezkari edo ahaldun bat, nahiko

botere izango dauena kontratuak bideratutako eskubideak egikaritu eta

betebeharrak beteteko berau amaitu arte, munta haundiko ordainketa eta

kobraketetarako botere mankomunatuak erabilteko aukeraren kaltetan gabe.

Taldeko parte diran enpresari bakoitzak frogatu beharko dau

jarduteko gaitasuan eta kaudimen ekonomikoa, finantziaria eta teknikoa edo

profesionala, hurrengo klausuletan aitatzen dan dokumentuak aurkeztuz;

hirugarren kartazalean sartu behar da dokumentu pribaua, taldea osotzen

daben enpresarien datuekin, zehaztuta bakoitzaren partehartzea eta

kontratuak irauten dauen artean Aulestiko Udalaren aurrean danen

ordezkari izango dana. Baita be aurkeztu beharko da ABEE formalki

sortzeko konpromisoa, beti be adjudikatariak badira; dokumentua sinatu

behar dabe elkartea osotzen enpresen ordezkariek, SPKLaren 59 artikuluan

eta SPKLEOren 24 artikuluan xedatutakoa betez.

IV. PROPOSAMENAK, DOKUMENTAZINOA ETA ESKAINTZAK.

1.- Dokumentazinoa hiru (3) kartazal itxitan aukeztuko dabe lizitatzaileek,

honako lemapean: Proiektuen lehiaketa, Murlan egin nahi dan Teknologia

barrien eta Zerbitzuen enpresa gunea eraikitzea.

Barruan, dokumentazino hau sartu behar da: -BAT eta BI (1 eta 2)

kartazaletan, hurrenez hurren-, eskaintza ekonomikoa, eta

adjudikazinorako baliozko dokumentazinoa; HIRU (3) kartazalean

prozeduran parte hartzeko dokumentazinoa.

Lehiaketa honetan parte hartzeko, lehiakideek eskaera bat eta bakarra

aurkeztu ahal izango dabe. Beraz, norbaitek banakako eskaera egingo balu,

lantaldean ezingo luke inongo eskabiderik egin. Arau hori apurtu ezkero,

ez litxakioz onartuko izenpetu dituen eskaerak: ez bere izenean egin duena

eta ezta lantaldean egin dauena be.

2.- Anonimotasuna babeste aldera, eskaintzaileak aukeratutako izenordea

agertuko da, goian aitatutako lematik aparte; anonimotasunaren baldintza

hausten bada, eskaintza kanporatu egingo da automatikoki, balorazinoan

sartu barik.

Anonimotasuna gordeteko, hiru kartazaletan doan dokumentazinoa

pakete baten aurkeztuko dabe eskaintzaileek; kanpoaldean bakarrik ipiniko

da lema eta aukeratutako izenordea. Dokumentazinoa posta-zerbitzu bidez

edo mezulari bidez bialdu ezkero, bidalketaren ardura dabenekin argi eta

garbi laga behar da kartazalean edo pakete horretan ezin dala agertu inongo

zigilurik edo zerbitzuaren fitxa itsasgarririk bidaltzen dauenaren izenarekin.

Arrazoiren batengatik bidaltzailearen izena derrigorrez agertu behar izango

balitz, tarteko pertsona batena ipini beharko da, ez lehiaketara aurkezten

danarena, ez lantaldeko kide batena berarena be. Paketearen kanpoko

aldean, honek badakar aitamenik eskaintza egiten dauena identifiketea

ahalbideratzen dauena, hau lizitaziotik automatikokiro baztertua geratuko

da.

HIRU (3) KARTAZALA: DOKUMENTAZINO ADMINISTRATIBOA

Eskaintzaileak, argi adierazo behar dau, saritua ez bada,

aurkeztutako beharra jendaurrean ipinterakoan (jendaurrean ipinten bada)

anonimotasuna gorde nahi dauen ala ez.

Honako dokumentazino hau aurkeztu behar da:

a) Eskaintzailea pertsona juridikoa bada, eratze edo aldatze dokumentu

edo eskritura, estatutuak edo eratze egintzakoa, jardueraren arautegia

agertzen dana, jagokon Erregistro Publikoan inskribiduta. Banakako

enpresaburu edo enpresariek, aurkeztuko daue baita indarrean

dagoen Nortasun Agiri Nazionala, eta kasua bada, ahalorde eskritura

legalizatua, edo kopia ziurtatua.

b) Aitorpena, ez dagoela sartuta Administrazio publikoekin

kontratatzeko inolako debekutan SPKLTBaren 60. artikuluan

adierazten diren debeku horietariko batean alegia (III. eranskina);

aitorpenean adierazoko dau baita zerga-betebeharrak eta gizarte-

segurantzakoak egunean dituela. SPKLTBaren 73. artikuluan

araututako edozein eratara ziurtatu ahal dau enpresariak

kontratatzeko debekutan ez egotea.

c) Beste baten ordezkotzan agertu edo eskaintzak sinatzen dabezanak,

ahalordearen kopia egiaztatua aurkeztu behar dabe, Aulestiko

Udaleko idazkariak, Sailetako Idazkaritza Orokorrak edo beste

edozein Entidade Publikoko baten egiaztatuta. Eskaintzailea pertsona

juridikoa balitz, ahalordetza inskribatuta egon behar dau Merkataritza

Erregistroak, baldin eta ekintza konkretu baterako ahalordetza bada;

orduan ez da beharrezkoa Merkataritza Erregistroan inskribiduta

egotea, Merkataritza Erregistroko Erregelamenduaren 94.1.5

artikulua.

d) Kaudimen ekonomikoa, finantziarioa eta tekniko edo profesionalaren

justifikazinoa, SPKLTBak 74 eta 78 artikuluetan zehaztutakoaren

edozein modutan; besteak beste:

- Lehen sariaren irabazle izan ezkero, kontratua beteteko fase

desbardinetan parte hartuko dabenen izen-zerrenda (proiektuaren

idazketa, osasun eta segurtasun estudioa egitea); adierazo behar da

talde teknikoaren zuzendaritza nork hartuko dauen, beti be

arkitektua izan beharko dau.

- Egiaztagiria, obren proiektuaren idazketan parte hartuko dauen

pertsonal teknikoak badaukola erantzukizun aseguru poliza

kontratauta eta ordainduta, zerbitzuen kontratua betetzean sortu

leitekezan arrisku profesionalengatik.

- Proposatutako ekipu teknikoko kideen titulazino akademikoaren

kopia egiaztatuak; jagoken profesionalen elkargoan izena emonda

dagozala eta elkargokide kuotak egunean deukezela. Ezinbestekoa

da ekipoko batek arkitekto titulu ofiziala eukitea eta Arkitektoen

Elkargo Ofizial baten izena emonda egotea.

e) Hiru (3) kartazalean sartutako dokumentazino guztiaren zerrenda,

zenbaki bidez adierazota.

ESKAINTZA TEKNIKO ETA EKONOMIKOA

ADJUDIKAZINOAN BALORAUKO DAN DOKUMENTAZINOA –

BAT (1) ETA BI (2) KARTAZALEN EDUKIA:

1 kartazalaren edukia: Eskaintza arkitektonikoa, preskripzino tenikoen

agirian eskatzen danaren arabera aurkeztuko da, pleguan agertzen diran

zehaztasun teknikoen dokumentazinoarekin batera; adjudikazino-

irizpideen balorazinoa egiterakoan kontuan hartu behar diran egiaztagiriak.

2 kartazalaren edukia: Eskaintza ekonomikoa: I. eranskinean aurkeztuko

da. Aurkezten dan eskaintza ekonomikoaren barru egongo dira zerga

guztiak, BEZ izan ezik, hau aparteko partida moduan aurkeztuko da;

proiektua egiteari jagokozan behar guztien kopurua zehaztuko da.

Leihatzaileek aurkeztu beharreko gitxieneko dokumentazinoa da:

a) Egokitasun arkitektoniko eta sozialaren memoria, aukeztutako

soluzinoa azaldu eta justifikatuz: ikuspuntu funtzionala, espazioaren

antolaketa, konposizioa (kontuan hartuta ingurua, materialak, energia

barriztagarriak…)

Indarrean dagozan arau subsidiarioak beteten dirala egiaztetan dauen

azalpena izango dau, instalazinoen deskribapenagaz eta konponbide

baikor edo eraikitzaileekaz.

b) Oinplanoak, altxaera eta sekzinoak 1/200 gitxieneko eskalan, eta

lehiatzaileek egoki irizten daben beste edozein xehetasun;

aurreproiektu modura definiduta geratu dagiala, betiere.

Besteak beste, perspektiben aurkezpena eta fotomuntajeak balorauko

dira; proposamena hobeto ulertzeko baliokoa izango dana.

c) Honako dokumentazinoa aurkeztu beharko da: paperean, euskarri

zurrunean, gehienez bi panel DIN A-1 formatuan eta digitala DWG

formatoan.

d) Obraren kostuaren gitxigorabeherakoa, proiektatutako azaleraren

arabera, eraikitako prezio/m2 ratioa adierazoz. Printzipioz ez jako

baldintza ekonomikorik ezarri eskaintzari, ezta erabili ezin diran

materialik bere, baina bai egingarria eta arrazoizkoa dan aurrekontu

batera ekarri beharra.

e) Profesionalen zerbitzu- sariak, proiektua egiteari jagokozanak

(beharrezko dokumentazino guztiagaz, kalidade kontrolerako

programa, osasun eta segurtasunerako estudioa, …), BEZ aparte .

f) Zerbitzu-kontratuaren egikaritze epea betetearen konpromisoa, hau

da, eraikin barria eraikitzeko beharrezkoa dan dokumentazinoaren

aurkezpena, behin-betiko adjudikazinoa jakinerazoten danetik.

g) BAT (1) eta BI (2) kartazaletan sartutako dokumentazino guztiaren

zerrenda, zenbaki bidez adierazota.

V. PROZESUAREN PUBLIZIDADEA

ESKAINTZAK AURKEZTEKO EPEA ETA TOKIA

1.- Lizitazino iragarkia argiratatuko da Bizkaiko Aldizkari Ofizialean eta

Aulestiko Udaleko Kontratatzailearen profilean.

2.- Espedientea aztergai egongo da udal idazkaritzan, goizeko 10:00etatik

13:00etara, iragarkia BAOean argitaratzen dan hurrengo egunetik aurrera eta

eskaintzak aurkezteko epea bete bitartean. Administrazino-prozedureagaz

egon leitekezan zalantzak udal idazkaritzan kontsulta leikez. Arazo

teknikoak badira, udal zerbitzu teknikoek artatuko dabez.

Baldintza agiriak Aulestiko udal idazkaritzan jaso ahal izango dira edota

kontratatzaile profiletik deskargatu.

3.- Eskaintzak azaldutako leku eta ordutegi berean aurkeztuko dira;

aurkezteko epea: urriaren 2a, eberdiko 14:00ak.

Bestalde, postaz ere aurkez daitezke proposamenak lizitazio

iragarkian aitatutako epean. Hala egin ezkero, parte hartzaileak, posta

bulegoan justifikatu beharko dau igorpena ipini ebaneko data eta Udalari

proposamenaren igorpena egun berean jakinaraziko dio telex, fax edo

telegramaz. Dana dala, adierazotako data horretatik hamar egun igaro

badira dokumentazinorik jaso barik, dokumentazinoa ez da inola ere

onartuko.

Behin eskaintza bat aurkeztuta ezingo da berreskuratu, arrazoizko

kausa salbu.

VI. ESKAINTZEN KALIFIKAZINO-MAHAIA ETA EPAIMAHIA.

1.- Kide anitzeko organo modua eratuko da lehiaketa honetarako,

epaimahaia, eta osotuko da SPKLTBaren 188. artikuluan araututakoaren

arabera:

Mahaiburua: alkatea edo eskuordetuko dauena

Idazkaria: Udal idazkaria, boto barik

Mahaikideak:

- Lea Ibarra Mankomunidadeko ordezkari bat.

- Bizkaia Sortaldeko Industrialdeko (SPRI) ordezkari bat. (boto barik)

- Goi mailako arkitekto bi.

- Aholkulari juridikoa.

- Zinegotzi bat.

2.- Bardinketa balego, epaimahaiburuaren kalitatezko botoak erabagiko dau.

3.- Dokumentazinoa jasoten danean batuko da epaimahaia, eta idazkariak

despaketatuko dau dokumentazinoa, epaimahai osoaren aurrean.

4.- Epaimahaia batuta, BAT (1) kartazalak irekiko dira, dokumentazino

teknikoa, egiaztatuz lana era anonimoan aurkeztu dala. Hau egiaztatu

ostean epaimahaiak aukeztutako eskaintzak puntuauko ditu.

Hamabost (15) egun izango ditu horretarako. Aurkeztutako lan

kopurua dala eta, ezinezkoa balitz epea betetea, alkateak epea luzatuko dau

dekreto bidez.

5.- Epaimahaiak lehiaketa hutsik deklarau ahal izango dau jasotako

eskaintzak ez badabez eskatutako gitxieneko irizpideak beteten.

6.- Idazkariaren zaintzapean geratuko dira BI (2) eta HIRU (3) kartazalak.

Epaimahaiak, preskripzino teknikoen agirietan (pleguetan)

aurreikusitako baldintzak beteten dabezan proposamenak balorau ostean,

udaleko web orrian, kontratatzailearen profilean, argitaratuko dau bakotxak

lortutako puntuazinoa.

7.- Ondoren plegu honen hurrengo apartauan aurreikusitako balorazino-

irizpideen araberako puntuazinoa emongo da. Puntuazino honeek,

epaimahaiak eskaintza bakoitzari emondakoari gehituko jakoz azken

puntuazinoa lortzeko xedez. Adjudikazinoa egingo da puntuazino global

altuena lortzen dauenaren alde, beti be balorazino fase bakoitzean gitxieneko

puntuazinoa lortu badau.

Adjudikazino proposamen horrek ez dau ezelako eskubiderik emongo

proposatutako lizitatzailearen alde, kontratazino mahaiak behin-behineko

adjudikazinoa erabagitzen ez dauen bitartean (SPKLTBaren 160.2 artikulua).

VII. IRIZPIDEAK ETA BALORAZINO FASEAK.

Eskaintzen balorazinoa faseka egingo da eta gitxieneko puntuazinoa

lortu beharko da hurrengo fasera pasetako. Administrazinoak adjudikauko

deutso kontratua gehien gustetan jakon eskaintzari eta abantailazkoentzat

jotzen dauenari, ez da derrigorrezkoa izango arlo ekonomikoa kontuan

hartzea.

Eskaintzak 100 puntu lortu leikez gehienez, era honetara banatuta:

1. Eskaintza teknikoa. Egokitasun arkitektonikoa eta soluzino teknikoa,

88 puntu gehiehez. Lortu beharreko gitxieneko puntuak, 45 puntu.

Honakoa balorauko da: interbentzino arkitektonikoaren kalidadea,

kanpoko elementu identifikatzaileak, egokitasuna, integrazinoa,

irisgarritasuna, pertsonen eta elementuen mugikortasuna,

instalazinoen jasangarritasun baldintzak (mantentzea, energia

aurreztea, matxuren konponketa eta epaimahaiak ongi deritzon beste

edozein irizpide), obra egingo dan espazioan aurreikusten diran

funtzioen egokitzapena, baldintza estetikoak, bideragarritasun

teknikoa eta baita eskaintza hobeto ulertzeko aurkezpen egokia.

2. Eskaintza ekonomikoa: 12 puntu gehienez. Puntuazinorako honako

pauta honeek hartuko dira kontuan:

Lizitazino bajak, 0 eta %8 bitartean, puntu 1,5 merketzen dan ehuneko

bakoitzeko.

%8 baino baja haundiagoko eskaintzak balegoz, gehienezko 12

puntuak lortuko lituzke ehuneko baja haundiena aurkeztu dauenak;

% 8 baino baja haundiagoa aurkezten dauen gainerakoak puntuazino

bien interpolazino linealaren biartez lortuko dabe.

(Halandaze, ez dira balorauko eta lehiaketatik kanpo geratuko dira,

berrogei milatik (40.000) gorako ordainsariak propasatzen dabezanak,

exekuzino proiektuaren idazketa, osasun eta segurtasun estudioa,

kalidadearen kontrolerako programa barru, BEZ barik.)

VIII. BEHIN-BEHINEKO ADJUDIKAZINOA.

1.- Epaimahaiaren proposamena jaso ostean, Kontratazino Organoak

erabagiko dau behin-behineko adjudikazinoa eta ezarriko ditu lehen,

bigarren eta hirugarren saridunak.

2.- Behin-behineko adjudikazinoa jakinerazoko jake lizitatzaileei eta udaleko

web orrian argitaratuko da, kontratatzailearen perfilean (www.aulesti.eus)

3.- Lehen saridunaren alde egingo dan behin-behineko adjudikazinoa,

proiektua idazteko kontratua hain zuzen, adjudikatariak eskaintzan

aurkeztutako baldintz berberetan egingo da.

Halandaze, udalak aukera eukiko dau aldaketa edo zehaztasun teknikoak

sartzeko, aurkeztutako eskaintza hobetzeko xedez, beti be beharrezkoa

ikusten bada interes publikoagatik.

4.- Proiektuaren idazketa adjudikau eta gero, SEI (6) HILABETEKO epea

izango dau adjudikatariak dokumentazino guztia udaletxean aurkezteko,

exekuzino proiektua, osasun eta segurtasun estudioa eta kalidadearen

kontrolerako programa.

IX. BERMEAK.

1.- Ez da beharrezkoa behin-behineko bermea aurkeztea lehiaketan parte

hartzeko.

2.- Lehen saridunak hamabost (15) eguneko epea izango dau, behin-

behineko adjudikazinoa jakinerazoten danetik, behin-betiko bermea

ipinteko, adjudikatuko kontratuaren %5a, BEZ sartu barik.

Adjudikazinoaren zenbatekoa kontsiderauko da, adjudikatariak

eskainitakoa exekuzino proiektuaren idazketa, osasun eta segurtasun

estudioa eta kalidadearen kontrolerako programagatik.

3.- Behin-betiko bermea ezarri ahal izango da Sektore Publikoko Kontratu

Legearen Testu Bateginaren 96 artikuluan aurreikusitako edozein eratara (

SPKLTBaren 97 artikuluan eta Administrazino Publikoko Kontratuen

Legearen Erreglamenduaren 55 art. eta hurrengoetan ezarritako

eskakizunekin) edota berme globala, SPKLTBak 98 artikuluan ezarritako

eskakizunak betez.

Adjudikatariak, bere erruz, behin-betiko bermea ezartzen ez badau, bere

alde egindako adjudikazinoa baliogabetzea ekarriko dau (SPKLTBaren 151

artikulua).

4.- Bermearen itzulketa egingo da ezarritako berme-epea betetzean

(SPKLTBak 102 artikulua), eta beti be, adjudikatariak kontratu-baldintzak

bete ostean edota kontratua-suntsiaraztean kontratistaren erru barik.

X. BEHIN-BEHINEKO ADJUDIKATARIAK AURKEZTU BEHARREKO

DOKUMENTAZINOA.

Lehen sariaren behin-behineko adjudikatariak hamabost egun baliodun

izango ditu honako dokumentazinoa aurkezteko, aurreko klausulan

azaldutako behin-betiko bermeaz gain:

a) Zerga eta Gizarte Segurantzarekiko betebeharrak egunean dituela

dinoen ziurtagiri frogagarriak.

Tributu betebeharrak egunean dituenaren egiaztatzea egingo da

APKLEren 13 eta 15 artikuluan dinoena betez:

b) Jarduera Ekonomikoen gaineko zergaren altari jagokon egiaztagiria,

behar dan epigrafean, jardunaldi honetakoa, edo bestela azkeneko

erreziboa, zerga horren matrikulan bajarik ez dauela emon

erantzukizunezko deklarazino batekin osotuta. Zerga ordaindu

beharrik izan ezean (martiaren 5eko 2/2004 Legegintzako Errege

Dekretuaren 82 artikulua), erantzukizuneko deklarazinoa aurkeztu

beharko dau legezko salbuespen kasua adieraziz.

Halandaze, enpresa ez badago derrigortuta aitatutako aitorpena edo

dokumentuak aurkeztera, erantzukizuneko deklarazinoaren bidez

egiaztatuko da inguruabar hori.

Atzerritarrak, izen pertsona fisikoak edo juridikoak, Europar

Batasunekoak izan edo ez, Espainian helbide fiskala ez daukatenak,

ziurtagiria aurkeztuko dabe, datorren estatuko autoridade eskudunak

emondakoa, tributu betebeharretan egunean dagoela egiaztatuz; baita

be egaiztatu beharko dau, bere estatuko autoridade eskudunaren

ziurtagiriaren bitartez, bere estatuan eskatzen diran gizarte

betebeharrak beteta dituela. Dokumentazino guztia azken hamabi

hilabeteari jagokona izan behar dau.

c) Laneko arriskuagatiko erantzukizun zibileko aseguruaren frogagiria.

Arkitekto tituluaren kopia eta egiaztagiria, Arkitektoen Elkargo

Ofizialak emondakoa, lehen aurkeztu ez badau.

XI. BEHIN-BETIKO ADJUDIKAZINOA.

1. Kontratazino mahaiak, lehen saridunaren aldeko behin-betiko

adjudikazinoa onartuko dau, hamar (10) egun baliodunen epean,

dokumentazinoa aurkezteko 15 eguneko epea pasau eta gero; beti be

horretarako dokumentazinoa aurkeztu badau eta behin-betiko bermea

ipinita badauka, pleguan ezarritako moduan.

2. Behin-betiko adjudikazinoa ezin bada egin lehen saria lortu dauen

lizitatzailearen alde, horretarako betebehar guztiak beteten ez

dituelako, Aulestiko Udalak lehen sariaren behin-behineko

adjudikazino barri bat erabagi ahal izango dau (SPKLTBaren 151 art.)

bere atzetik geratutako lizitatzailearen edo lizitatzaileen alde; beti be

hori posible bada eta adjudikatari barriak bere baimena emon badau

horretarako. Hori horrela, hamar (10) eguneko epea emongo jako

aurreko klausulan xedatutakoa beteteko.

Bigarren eta hirugarren saridunei eskudirutan ordainduko jake lortutako

saria hile biko (2) epean, behin-betiko adjudikazinoaegiten danetik

kontauta.

XII. ZERBITZU-KONTRATUAREN FORMALIZATZEA.

1. Lehen sariaren adjudikataria behartuta egongo da kontratua

formalizatzera hamar (10) egun balioduneko epean, behin-betiko

adjudikazinoa jakinarazoten dan hurrengo egunetik kontauta.

Kontratua formalizatze dokumentuaren barru izango da plegu honen

ale bat eta preskripzino teknikoen pleguarena, biak adjudikatariak

sinatuta.

Adjudikataria aldi baterako enpresa-elkartea (ABEE) danean, bere IFK

eta sortze eskritura publikoa aurkeztu beharko dau ezarritako epe

barruan eta kontratua sinatu baino lehen.

2. Kontratua formalizatze dokumentua administrazinokoa izango da,

eta balio nahikoa izango dau edozein erregistro publikorako.

Halandaze, eta kontratistak horrela eskatu ezkero, kontratua eskritura

publikoan formalizauko da; honek sortzen dituen gastuak bere

kargura izango dira eta lehen kopia emongo deutzo Kontratazino

Organoari.

XIII. JABETZA INTELEKTUALA.

Lanak egilearenak dira baina lehiaketara aurkezteak suposaten dau

aurrreikusitako hiru sarietako edozein irabazi ezkero, Aulestiko Udalari

lagako jakozala lanen ustiapen eskubideak, lehiatzearen sustatzaile danez,

Jabego Intelektualaren legediaren arabera.

Lehiatzaileak konprometitze dira euren lanen zabalkunderik ez egitera

epaimahaiaren erabagiaren aurretik; baita lehiaketaren sustatzailearen

erreferentzia egitera euren eskaintza agertzen dan edozein argitalpenetan.

Lehen saridunari jagokonez, eraikuntza proiektuaren idazketak berarekin

dakar jabetza intelektualaren eskubidearen lagapena Aulestiko Udalaren

alde. Egindako lanaren egile edo egileei bakarrik geratzen jakez Jaubetza

Intelektualaren Testu Bategina onarten dauen jorrailaren 12ko 1996

Legegintzako Errege Dekretuaren 14 artikuluak onartutako eskubide

moralak. Kontratisten erantzukizun izango dira eskubide horren aurka izan

daitekezan kalteak berari egotzi daitekezan ekiten ondorio.

XIV. ZERBITZU-KONTRATUAREN BETEARAZTEA

1.- Kontratua betearazteko gehienezko epea SEI (6) hilabetekoa izango da,

baldin eta Udalak luzapena baimendu ez badau, beti be horrela eskatu bada

eta arrazoi justifikatu bat medio.

2.- Obra proiektuari jagokozan lanak udal idazkaritzan aurkeztuko dira:

exekuzino proiektua, osasun eta segurtasun estudioa eta kalidade

kontrolerako programa.

3.- Proiektuaren idazketari jagokon ordainketa hiru zatitan egingo da:

o %20a, zerbitzu-kontratua sinatzerakoan

o %60a, exekuzino proiektua aurkezterakoan.

o %20a, proiektua Euskal Herriko Arkitektoen Elkargoan bisatu ostean.

Proiektuaren kalidadea ziurtatzeko, dokumentazino osogarria eskatu ahal

izango dau kontratazino organoak, hala ikusi ezkero, eta udaleko

teknikariak egindako txostenean oinarrituta.

XV. KONTRATISTAREN ESKUBIDE ETA BETEBEHARRAK.

a) Kontratistak eskubidea deuko bere zerbitzuagatik kobretako,

hitzartutako eran; horretarako faktura aurkeztu behar dau eta

kontratazino organoak izendatutako ordezkariak faktura aztertu eta

onartu. Ordezkari hori arduratuko da baita exekuzinoaren

kudeaketagaz , erabagiak hartzeaz eta beharrezko ikusten dituen

jarraibideak emotez.

b) Kontratistak lana egiterakoan ezarritako baldintza guztiak bete

beharko ditu: administrazino baldintzen pleguan, preskripzino

teknikoen baldintzak, aurkeztutako eskaintzan ezarritakoak eta baita

kontratazino organoak izendatutako arduradunak emon ahal

deutzezan jarraibideak.

Halandaze, konprometitzen da administrazinoak eskatzen deutzezan

aldaketak egitera proiektuan, exekuzino proiektua hobetzeko xedez.

c) Kontratistaren ardurapekoak izango dira lanen exekuzinoan edo

ustiapenean sortu leitekezan kalteak, bai administrazinoari bai

hirugarrene eragindakoaki; beti be kalteak sortu badira proiektua

egiterakoan egin diran hutsuneak, arau-hauste, manamendu

etabarrengatik.

d) Kontratistak, kontratazino organoak horrela eskatuz, zuzenduko ditu

egindako hutsune, arau-hauste, manamendu, etabar, bere erruagatik

sortutakoak badira beti ere; hilabeteko epea izango dau horretarako.

Epea igaro eta hutsuneak bete barik badaz, kontratazino organoak

erabagi ahal izango dau kontratoa bere horretan iztea, fidantza

konfisketea eta kontratistari eskatzea eraikuntza proiektua egiteko

adostutako prezioaren %25eko kalte-ordaina ordaintzea; edo erabagi

leike epe barri bat ezartzea, hilabetekoa eta luzaezina.

Ez-betete barri bat gertau ezkero, kontratua bertan behera itxiko da,

fidantza konfiskauko da eta kontratistari ordaindu beharko dau

eraikuntza proiektua egiteko adostutako prezioaren kopuru bardina.

Azken epea bete aurretik, kontratistak uko egiten badeutzo eraikuntza

proiektua egiteari, fidantza galduko dau eta adostutako diru-

kopuruaren erdia ordaindu beharko deutzo Aulestiko Udalari.

e) Plegu honetan aurreikusita lanak egiteko behar beste pertsonal eta

material nahikoa kontratau beharko dau kontratistak; gitxienez be

bere eskaintzak eskainitakoak, kontratua indarrean dagoen artean

eskatzen dan kaudimen tekniko eta profesionala betez, obraren berme

epea barru eta ezingo dau pertsonala ordezkatu kontratuaren

arduradunaren baimen barik.

f) Behin obra proiektua idatzita, eta aurkezten danetik hilabeteko epean,

kontratuaren arduradunak behar beste iradokizun edo aldaketa

proposau leikez; kontratista behartuta egongo da proiektuan aldaketak

egitera hilabeteko epean, jakinerazoten jakozenetik kontauta,

aurreikusitakoaren prezioa aldatu barik.

Obra egiterakoan beharrezkoa bada aldaketak egitea, kontratistaren

aldetik hutsuneak egon diralako, edo gutxiegitasun teknikoak, edo akats

materialak edo beste edozein ez-egitegatik, ez da ordainsaririk emongo,

SPKLTBaren 311 eta 312 artikuluetan ezarritakoaren kaltetan gabe.

Kontratista derrigortuta egongo da baita, proiektuaren idazketaren

kostoa aldatu barik, obra-unidadean egon diran diferentziengatik egin

beharreko aldaketak egitera.

Kontratistaren betebeharra da lizitazinoari jagokozan publizidade

gastuak ordaintzea, bai aldizkari ofizialetakoak baita beste edozein

zabalkunde-bideetakoak.

Kontratistak konfidentzialtasun osoa gorde behar dau kontratua dala

eta ezagutuko dituen edozein daturi buruz, bereziki datu pertsonalak, eta

ezingo ditu erabili ez kopiatu ez hirugarren batzuen esku itxi, plegu

honetan aurreikusitako helburuetarako izan ezik. Halandaze, behartuta

dago datuen babesari buruz indarrean dagoen arautegia betetzera.

Kontratistaren kargu eta arriskura joango da kontratuaren egikaritzea.

Kontratistaren erantzukizuna da indarrean dagoen legedia betetea, lan

arloan, gizarte segurantza mailan, laneko osasun eta segurtasunean eta

laneko arriskuen prebentzinoan. Arautegia beteten ez badau, Aulestiko

Udalak ez dau ezelako erantzukizunik eukiko.

Kontratista bera izango da, enplegatzailea dan heinean, beharginekin

eta azpi-kontratekin bete beharreko baldintza guztiak betetearen

arduraduna, eta horrek ez deutzo ekarriko ezelako kargarik, isunik edo

beste edozelako erantzukizunik Aulestiko Udalari.

XVI. ZERBITZU-KONTRATUEN ALDAKETA.

1.- Aulestiko Udalak kontratua aldatzeko ahalmena eukiko dau interes

publikoagatik eta baita ustekabeko kausengatik, SPKLTBaren artikulauan

ezarritakoarekin bat.

2.- Kontratistak aurkeztutako proiektuan egin leitekezan aldaketak ezingo

dabe eraginik izan elementu estetikoetan, funtzionaletan eta estrukturaletan.

Ez dira kontsiderauko aldaketak, proiektuaren tramitazino eta onarpenerako

beharrezkoak diranak.

3.- Ezingo da aldaketarik egin kontratuaren adjudikazinorako irizpide izan

diran elementuetan.

XVII. KONTRATUAREN SUNTSIARAZPENA ETA ZIGORRAK

BETEBEHARRAK EZ BETETZEAGATIK

1.- Kontratua ezin bada bete adjudikatariaren erruz plegu honetan

ezarritako epean, kontratua suntsiaraziko da, honek fidantza galduko dau

bere kargu izango dira sortutako kalte-galerak.

2.- Kontratua suntsiaraziko da SPKLTBaren 223 eta 308 artikuluetan

xedatutako arrazoiengatik SPKLTBaren 225 eta 209 artikuluetan

aurreikusitako ondorioekin.

Suntsiarazteko arrazoiak izan ahal dira baita:

a) Akatsak ez konpontzea, gitxiegitasun teknikoak, akats materialak,

arau legalak edo exekuzino proiektuan erreglamendua ez betetea,

guztia plegu honetan aurreikusitako indemnizazinoen kalterik barik.

b) Proiektuaren idazketan aldaketak egin, Aulestiko Udalaren baimen

barik.

c) Kontratuaren eskubide eta betebeharrak hirugarren bati emotea.

Aitatutako edozein kausetan sartzeak, Aulestiko Udala baimenduko

dau kontratua suntsiarazteko, legean aurreikusitako kalte-ordainekin;

exekuzino subsiadiarioa bidez egin ahal izango dau, bete barik itxitako

betebeharrak betez edo jarraituz kontratua beteten bere kabuz edo

beste enpresa baten bidez, beti be kontratistaren kargura, berme

modura ipinitakoaren kontura eta kontratistaren erantzukizun

orokorraren kalterik barik.

3.- Kontratua adjudikatariaren erruz suntsiarazten bada, behin-betiko

bermea bahituta geratu da, kalte-odainaren kalterik barik, kasu danean,

bermeak kubritzen ez dauen kalte-ordainengatik.

4.- Kontratistak, bere erruz, epeak ez baditu beteten, Aulestiko Udalak

erabagi ahal izango dau bai kontratuaren suntsiarazpena, bermearen

galtzearekin, edo zigorra ipintea, SPKLTBaren 212 artikuluan aurreikusi

moduan. Zigor honeek ipinteak, beharrezkotzat jotzen dan epe haunditzea

ekarriko dauena, ez dau kentzen Aulestiko Udalari jagokon kalte-ordaina

ordaindu beharra sortutako kalteengatik, APKLAOren 98 eta 99 artikuluetan

xedatutakoa betez.

Zigorrak, kontratu prezioaren %5aren multiplora heltzen diran bakoitzean,

kontratua suntsiaraztea erabagi ahal da edo bere exekuzinoarekin jarraitzea

zigor barriak ezarriz.

Atzerapen kausagatik ezarritako zigorrak, kontratu preziotik kenduko dira,

guztia edo zatika; kendu ahal dira baita ipinitako behin-betiko bermetik, beti

be aitatutako zertifikazinoetatik kendu ezin badira, SPKLTBaren 218.8

artikuluan xedatutakoarekin bat.

5.- Kontratua egikaritzeko aurreikusitako epean izandako atzerapena ez

balitz izango kontratistaren erru, eta honek be betebeharrak gauzatzea

eskiniko baleu epe luzaera eskatuz, luzapen epe bat emongo da, gutxienez,

galdutako epearen bardina, kontratistak laburragoa eskatzen badau salbu.

Eskaera hau egiteko, eta halan balitz, luzapen hori emoteko erari jagokonez,

APKLAOaren 100 artikuluan ezarritakoa aplikauko da.

XVIII. UDALAREN PRERROGATIBAK ETA JURISDIKZINO

ESKUDUNA

1.- Aulestiko Udalak dauka administrazino-kontratuak interpretetako

prerrogatiba eta bera betetzeak sortu leitekezan zalantzak argitzekoa. Era

bardinean, kontratuak aldatu ahal izango ditu interes publikoagatik, baita

amaiera erabagi; beti be, azaroaren 14ko 3/2011 Legegintzako Errege

Dekretuan ( zeinen bidez onartzen dan Sektore Publikoko Kontratuen Legea

eta beti be Administrazino Publikoen Kontratuaren Legearen Erreglamendu

Orokorra onartzeko dan urriaren 12ko 1098/2001 Errege Dekretuarekin bat

badator), ezarritako mugetan eta bertan adierazotako betebeharrak eta

efektuak ere.

Kontratazino organoak emoten dituen erabagiak bere interpretazino

prerrogatibetan, aldaketa eta ebazpenetan, berehala betetekoak izango dira.

2.- Interpretazino, aldaketa ebazpen eta administrazino-kontratuen

efektuengatik sortutako auzigaiak, Aulestiko Udaleko kontratazino

organoak ebatziko ditu; honek erabagitakoa, lege aholkularitzaren txostena

kontuan hartuta, administrazino bidea amaituko dau eta honen aurka ipini

ahal izango da errekurto kontentzioso-administratiboa, jurisdikzinoko lege

erregulatzaileak araututakoaren baitan; interesauak aukerako

berraztertzeko errekurtsoa ipinteko eskubidearen kaltetan gabe, Herri

Administrazioen Araubide Juridikoaren eta Administrazio Prozedura

Erkideari buruzko 30/1992 Legearen 116 eta 117 artikuluetan

aurreikusitakoa.

3.- Kontratazino honen inguruan sortu leitekezan auzigaiak, Bizkaian

egoitza daukaten Jurisdikzino Organoen aurrean ebatziko dira; hau honela,

ulertzen da kontratistak uko egiten deutzola bere foruari, aurrekoa ez balitz.

Aulestin,

I. ERANSKINA

ESKAINTZA EKONOMIKOA

Izen-abizenak:

NAN:

Helbidea:

Telefonoa:

Aulestiko Udalak deitutako lehiaketaren barri izan dot, Murla inguruan

zerbitzuen eta teknologia barrientzako enpresa gunea eraikitzeko exekuzino

proiektua idazteko dana, eta honen bidez,

ADIERAZOTEN DOT:

1.- Interesa dodala lehiaketan parte hartzeko, baldintza ekonomiko-

administratiboen agirian eta eta preskripzino teknikoetan ezarritakoaren

pean.

2.- Lehen sariduna izan ezkero, eta beraz, zerbitzu-kontratuaren

adjudikataria, konpromisoa hartzen dot lana egiteko ……………eurotan,

……….. euro kontratua eta ……………….euro BEZ.

Prezioaren barruan sartuta dagoz zerga, gastu, tasa eta kontratuari

jagokozan beste edozein tributo; baita bisatua, exekuzino proiektuarentzako

espreski egindako asegurua eta osasun eta segurtasunerako estudioa.

3.- Ezagutzen dodazala kontratu hau arautzen daben baldintza ekonomiko-

administratiboen agiria eta preskripzino teknikoena eta bere osotasunean

onartzen ditudala eta beteteko konpromisoa hartzen dodala.

4.- Ordezkatzen dodan enpresak beharrezkoak diran baldintza eta betebehar

guztiak beteten dabezela bere irekiera, instalazino eta funtzionamendurako.

Aulestin, 2015eko …………………..ren …………………….(e)an.

Sinatuta,