abuztua dena festa, poltsari ongi...

ARRIETA • FRUIZ • GAMIZ-FIKA • MEÑAKA

E U S K A R A Z E R B I T Z U A47. zk. 2014ko abuztua

AbuztuA denA festA, poltsAri ongi kostA

GAMIZ-FIKAKO JAIAK 2014Laster ospatuko diranez Gamizko San Antolin jaiak 2014, aurtongo egitaraua daborduko prest dau:

AbuztuAren 30A, zApAtuA:• 18:00 Txupinazoa• 20:00 Tortilla lehiaketea• 22:00 Erromeria

AbuztuAren 31, domekA:• 13:00 Bertsolariak• 14:30 Paella dastatzea• 17:00 Tute txapelketea ALAIA tabernan

IrAIlAren 2A, mArtItzenA (SAn AntolIn egunA):• 12:00 Meza nagusia• 17:00 Brisa txapelketea ALAIA tabernan

IrAIlAren 5A, bArIkuA• 20:00 Taberna Ibiltaria musika taldea

IrAIlAren 6A, zApAtuA• 14:30 Herri bazkaria• 16:00 Umeentzako puzgarriak

ARRIETA• Abuztuaren 3an Hileko lehenengo domekako azokaren urteurrena ospatuko da. Urtebete pasatu da Lekukoartu

elkartea Udalaren laguntzagaz ekimen hau antolatzen hasi zanetik. Urteurrena ospatzeko egun berezia prestatu dabe antolatzaileek. Horretaz gain, herritarrei eskerrak emon nahi izan deutsiez, hilero bertaratzearren eta azoka aurrera eroaten laguntzearren. “Azken baten herritarrei esker jarraitzen dau aurrera egitasmo honek”. Giro edarra egoten da azokan, eta oraingoan be holan izango dala uste dabe antolatzaileek; herritarrei bertaratzeko deia egin die. Animatu eta parte hartu!

2 ARRIETA • FRUIZ • GAMIZ-FIKA • MEÑAKA euSkArA zerbItzuA ERDU PRESS

BARRI LABURRAK

ERDU PRESS AGEnDAFRUIZKO JAIAK 2014• ABUZTUAK 1:Jaiei hasiera emongo jake. Kirkiñitu Mendizale Taldearen 10. urteurrena danez, pregoia bertako kideek botako dabe.

• ABUZTUAK 3:Goizean, 10etatik aurrera, XV. Nekazal azoka egongo da. 11:30etatik 13:30etara, Baserriko aintzinako tresnen erakusketa egongo da eskola zaharretan. 11:00etatik 14:30etara, Tren txutxua ibiliko da auzoetatik.

• ABUZTUAK 6 (Salbadore eguna):Mezea, eta ostean, Lamiñe abesbatzaren kontzertua egongo da. Eguerdian, ostera, herri-bazkaria egingo da.

• ABUZTUAK 8 (KONTZERTU GAUA):Zantarrak, Vendetta eta Haitzama.

• ABUZTUAK 3,6, eta 7:Baserriko aintzinako tresnen erakusketa egongo da eskola zaharretan. Ordutegia: 11:30-13:30

GAMIZ-FIKA• EUSKARA PLAn BARRIAJoan zan ekainean, datozen lau urteetarako Euskara-planari buruz berba egiteko, Gamiz-Fikako, Arrietako eta Fruizko Hizkuntza Teknikariek bilera bana egin eben herri bakotxean herritarren kexkak eta proposamenak jasoteko. Ganera, aurreko lau urteetan non egon ziran hutsuneak be aztertu ebezan, akats bardinak ez errepikatzeko asmoz. Hiru herrien artean, guztira, 35 bat lagun batu ziran.

AZOKEAEkainaren 8an, Gamizko Frontoian, nekazaritza eta eskulangintza azokearen XIII.edizinoagaz gozatu eben Gamiz-Fikako herritarrek. Halan, nekazaritza-produktuak probatu eta erosteko aukereaz gain, eskulanen erakusketa ikusteko aukerea be izan eben. Aitatutako dana, ganera, musikeagaz eta giro onagaz lagunduta egon zan.

3ARRIETA • FRUIZ • GAMIZ-FIKA • MEÑAKA euSkArA zerbItzuAERDU PRESS

ArrietAliburu trukeA

Iaz ekimen honek izan eban arrakasta ikusita, aurten barriro antolatzea erabaki eban Arrietako Udalak. Apirilaren 21ean egin zan.

eMAkuMeen birA

Ekainaren 14an egin zan Emakumeen bira; Arrietatik Mungiara egin zan andrazkoen bizikleta-lasterketa. Beste urteetan be egiten izan da lasterketa hau, baina aurten lehenengoz urten dau Arrietatik. Ganera, andrazkoen bizikleta-lasterketako munduko txapelduna be berton egon zan. Eguraldi edarra eta giro hobea egon ziren.

gAzte MusikAriAkUrteetako ohiturari jarraituaz, udabarriagaz batera Gazte musikariak le-hiaketa egin zan ekainaren 15ean. Aurtengoa hamabigarrena aldia izan da. 18 urtetik beherako 30 gazte inguru batu ziren (arrietarrez gain, Bizkaiko txoko ezbardinetatik etorritako gazteak aritu ziren). Aurreko ur-teetan lez, aurten be Arrietako Udalak eta Saramus Kultur Elkar-teak elkarlanean antolatu dabe egun hau. Aurreko urteetan lez, parte hartzaile danak 20 euroko opari-txartel bat jaso eben Mun-giako dendatan gastatzeko.

lorA leHiAketAAurten be, udabarria eta etxeko ataria lorez jantzi dabez Arrietako herritarrek. III. Lora lehiaketa izan da, eta aurreko urtean lez, aurten be arrietar asko animatu dira parte hartzera; hain zuzen be, 43 lagunek parte hartu dabe. 8 saritu egon dira, eta sariak honek izan dira: lehenengorentzat, 150 euro, eta hurrengo zazpirentzako, 50na euro. Epaimahaiak esan dabenez, ez da bape be erreza izan irabazlea aukeratzea. Aurtengo irabazlea Mª Jesus Ciria izan da. Hemen daukazue bere etxaurrearen argazkia.


gAMiz-fikAerreportAJeA

Gasolina usainagaz dator uztaileko erreportajea; izan be, Gamiz-Fikako herritar bat buru-belarri sartu jaku1 rallyen munduan: Lander Mella dogu protagonistea. 23 urteko Fikako gaztea ekinean dabil Euskal Herriko Rally Txapelketan, emaitza onakaz, ganera!Kotxeekiko zaletasuna orain dala hamar urte piztu jakon2. 2004ko urte haretan, Mungia Racing taldeak rally-esprinta antolatu eban Fikan. Berak dinoenez, harrituta geratu zan bertan ikusitakoagaz, bere aurreikuspenak gainditu ebazan.

Halan ba, esperientzia barri bat bizitzeko asmoagaz, kopilotu lanetan hasi zan18 urtegaz. Hasiera ez zan bape erraza izan: deitu ahala, hainbat piloturen kopilotu izan zan, harik eta 2011an anaiagaz lehiatzen hasi zan arte. Anaia, daborduko3 pilotua zanez gero, Gernika-Lumoko eta Donostiko lasterketetan parte hartzeko gonbitea egin eutson, Citroen AX batekin. Aitatu moduan, hasiera gogorra eduki eben: Bizkaiko udalerriko rallyan, kotxearen esekidurea apurtu jaken; Donostiakoan, palierra.

Urte txarra pasau ostean, 2012an heldu jakon Landerreri pilotu moduen korritzeko aukerea. Lehen urtea izanda, hiru lasterketatan parte hartu eban, bere alboan4 bi lagun ezberdin izan zituala (Gorka Aginaga ondarrutarra eta Ibai Etxebarria durangarra): Gabiria, Bizkaiko Talaia eta Gernika-Lumoko rallyetan, hain zuzen be. Lehenengoan, hogeta hamargarren geratu zan; bigarrenean, matxura mekanikoak zirala-ta, abandonau egin behar izan eban; hirugarrenean, 1 klaseko kategoriko lasterketan txapelduna izan zan.

Esperientzia hartu ahala, kotxe hobeago bat bilatuten hasi ziran Lander eta taldekidea. Bilatu eta topatu be bai: Citroen saxo markako auto bat eskuratu eben. Aitatutako auto hau lasterketetarako prestatuta baegoan be, bai kopilotoak (Jabi Fernandez mungiarra) eta bai berak kotxea beren gustura jartzea erabagi5 eben. Lan horiek egiten baina, 2013ko urte guztia joan jaken.

2014 honetan, kotxea prest edukita, Euskal Herriko txapelketa osoa egitera animatu dira. Horretarako, urte osoko gastuei aurre egin ahal izateko, sponsorrak lortu ditue. Batetik, hiru tailer: Autoreparaciones Monty (Etxebarri), Taller 24 horas (Galdakao) eta Vulcanizados Txopi (Gernika-Lumo); bestetik, etenbako6 asistentzia izateko eta dirua jasoteko, Repara tu vehiculo Iuretako frankizia; ganera, Karting Indoor Vitoriak be laguntza ekonomikoa eskaini deutsie. Halandabe, datorren urteko txapelketarako ate gehiago jotzeko asmoa daukie, eskualdeko eragile eta organismoen diru-laguntzak be eskuratzeko helburuagaz.

Aurtengo rankingari dagokionez, bi mailatan korriduten dabiz: bata, 1 klasea deiturikoa; bestea, Junior maila (26 urte artekoa). Balorazino arin bat eginez, Landerrek dino zorte txarra izan arren, pozik dauzela lortzen dabizen emaitzakaz; izan be, Bizkaia mailako txapeldunak dira aitatutako bi kategoerietan. Amaitzeko, Fikako pilotua gogotsu dabil hurrengo hilabeteetan daukazan lasterketakaz. Taldekide bien asmoa emaitzak hobetzen saiatzea izango da.Hurrengo txapelketetarako zorte ona opatzea baino ez jaku geratuten: zorte on, Lander!

1. Zaigu2. Zitzaion3. Dagoeneko

4. Ondoan5. Erabaki6. Etengabeko

Lander Mella (eskuma) bere autoarekin


fruizAlkArteen egunAAurtengo maiatzaren 18an, lehenengoz, herriko alkarteen eguna ospatu zan. Alkarte bakoitzak aparkalekuan bere postua ipini eban, batez be, zer egiten daben erakutsi, eta kide barriak egiteko asmoagaz. Egun horretan, baserritarren azoka be egon zan. Ostean, eguna amaitzeko triki-poteoa eta luncha egon ziren. Gustora ibili ziran bertaratutako danak, eta egunean zehar egon zan giro ona ikusita, hurrengo barriro be errepetitzekotan geratu ziren antolatzaileak.

kirol JAiA Ekainaren 7an Fruizko probalekuan, Pablo Brogerak antolatuta, ginkana bat egin zan. Ume pilo bat batu ziren. Danak 10-12 laguneko 3 taldetan (Neskatxak, Unikornioak eta Lehoiak) banandu eta 9 proba egin ebezan. Ira-bazleak Neskatxak taldea izan zen. Oso gustora ibili ziren danak. Jokoa amaitu ostean, meriendatxoa egin eben eta sari moduan guztiak jaso eben kamiseta bat.

udAlekuAk Ekainaren 30etik uztailaren 30era, egunero 10:00etatik 13:00era umeen udalekuak egongo dira. Guztira 37 umek emon dabe izena; 3-6 urte arteko 10 umek eta 7-12 urte arteko 27 umek, hain zuzen be. Gainera, eguene-ro urteerea izan dabe eta egun horretan 14:00ak aldean bueltatu dira.

egun biribilA: MAgiA sAioA, frontenis tXApelketA etA triki-AfAriAGaragarrilaren 19an arratsaldetik hasita jai giroan igaro eben eguna fruiztarrek. Arratsaldean, probalekuan, Txaborro magoak magia saioa eskaini eban. Hainbat ume eta guraso batu ziren eta edarto pasatu eben danak alkarregaz. Arratsaldean, frontoian, Frontenis txapelketa be egon zan. Eta eguna jai giroan amaitzeko, triki-afaria egin eben herritarrek, Jose Mendizabalek girotuta.


MeÑAkAtrinidAdeko JAiAkEkainaren 14 eta 15ean ospatu ziren Meñakabarrenako Trinidade jaiak. Eguraldiak be lagundu eban eta jende ugari batu zan Andra Mari ermitaren inguruan. Aurten inoz ikusi gabeko ikuskizunaz gozatzeko aukera izan gendun. Ezkerraldetik harrizulatzaileak etorri jakuzan eta ikaragarrizko ikuskizuna emon eben.Zer esanik ez; herriko dantzariak, bai gaztexoak, bai gazteak ederto baten dantzatu eben, euron maila ona erakutsiaz.

sAn JuAnAk “Doniene, Doniene. Gaur dala, bixer dala Doniene. Etzi San Juan bixeramone, sapoak eta sugoiak erre, artoak eta garixek gorde”. Hori esanagaz batera emon jakon sua Meñakan egur-meteari. Euriak ahal dan moduan eutsi eutson, baina aterri izan zan dantzak eta antzerkia egon ziren bitartean. Urtero lez jende asko parajetu zen Meñakara San Juan bizperan suaz gozatzen eta hori eskertzekoa da. Eskertzekoa baita be, egun horrek hain ondo urten dagian, behar egin eben guztien ahalegina be. Amaitzeko, esakera polit hau: “San Joan joan eta San Pedro etorri”. Goazen martxan Olentzero be laster dekogu gure artean.

kuriositAteA AIKO interjekzioa dala eta badira hainbat teoria, hona hemen horren barri: “Vale por el latino ecce y el italiano ecco: he aquí, he ahí, he allí. Aikotarrak son llamados los habitantes de aquella comarca de Bizkaia en que se usa con profusión esa palabra, los de la antigua merindad de Maruri”.Esanahia: mira atiende (tuteando).Adibideak: Aiko (hona hemen) Peru Dubako. Aiko! Begiratu: an txakur bat doa bakarrik, jaberik gabe! Erkiaga BatB57. v.tbn. Ezale 1897, 327n.

udAlekuAkGaragarrilaren 19an arratsaldetik hasita jai giroan igaro eben eguna fruiztarrek. Arratsaldean, probalekuan, Txaborro magoak magia saioa eskaini eban. Hainbat ume eta guraso batu ziren eta edarto pasatu eben danak alkarregaz. Arratsaldean, frontoian, Frontenis txapelketa be egon zan. Eta eguna jai giroan amaitzeko, triki-afaria egin eben herritarrek, Jose Mendizabalek girotuta.


“pHeliXier”Felix Zubiaur “Phelixier”, Mesterikan jaio eta hazia, gizon ospetsua zen, Meñakan eta baita inguruetan be. Gizon jakintsua, eta berba egiten jaioa euskeraz zein gazteleraz. Latiñez be botatzen ebazan sententziak. Beran inguruko pasarte ugari dagoz Karlos Ibarzabalek egin dauan liburuan ikus geneikenez. Mungiako ferian tratuan hasten zenean abeltzainakaz, ikusgarria ei zen berbakerea, inguruan jentea batzen zen entzuteko beran erretolika.

Konparaziño ugari erabiltzen ebazan. Esaterako: “Amore bako matrimoniñoa eta grijo bako kamiñoa antzean”. Edo Aita Luis Baraiazarrak behin kontatu eban pasadizoa: “ Mesterikan baegoan tuertoa izeneko gizona, Phelixierren auzokoa zan. Lapur famea eukon, Mesterikan oiloak falta ziranean beti botatzen eutsoen errua berari. Kasue da ze, tuertoa hil egin zala eta oilo-lapurretak aurrera joiazan. Orduan Phelixierrek hauxe bota eban:” La Virgen fue virgen, antes del parto, durante el parto y después del parto y en Mesterika faltan gallinas; antes del tuerto, durante el tuerto y después del tuerto”. Jentea hori entzunagaz txiza egin beharrean imini eban barreka errementau beharrean”.

Larrauriko Mertzedeetan 1980.urtean Amurizak bertsoa eskaini eutson, eta beran argazkiagaz imintea otu jaku. Zeozer gehiago jakin gura dauenak Phelixierretaz, hartu dagiala Karlos Ibarzabalek egindako liburua. Gizon horren bizitzeko filosofia eta orduko bizimodua ondo erakusten dituan behar txukuna da esandako liburua. Profeta berbea erabili dogula konturatuko zinien, eta ez alperrik ganera; gertatu barik egozan gauza askoren barri be emon eban Phelixierrek, askok barre egin arren, gero egi bihurtu ziranak.

Asier Legarreta


Oraingo honetan, Fruizen egin dogu geldialdia. Bertako Kirkiñitu Mendi Taldeak 10 urte egin dabezala ikusita, taldea sortu zanetik bertako lehendakaria dan Juan Pe-dro Garaigaz egon gara. Atsegin handiz azaldu deuskuz azken 10 urteotako kontuak. Hona hemen beragaz edu-kitako alkarrizketea:

Erdupress: Zer dala eta bururatu jatzuen Fruizen mendi talde bat sortzea eta Kirkiñitu izena ipintzea?Juan Pedro: Guk kuadrilan betidanik izan dogu mendi-ra joateko zaletasuna. Mendira joaten ginen bakoitzean komentatzen gendun talde bat sortu behar gendula. Eta behin, Fruizko jaietan, giro alaiean genbiltzala, mendiza-le taldea egin egin behar gendula komentatu gendun, eta azkenean, esan eta egin. Jaiak amaitu eta segituan batzartu, eta papel kontuekin martxan hasi ginen. Irail hasieran sortu gendun taldea. Ta Kirkiñitu izena, herriko mendirik altuenak holan daukalako izena.

E.: Zenbat bazkidegaz hasi zinaten?eta gaur egun zenbat zarie?J.P.: 18-20 lagunen artean sortu gendun taldea. Gero, apurka-apurka jendea batzen joan da, eta gaur egun, 65 bazkide inguru gara; era batera edo bestera, gehienok «fruiztarrak» garen 65 lagun.

E.: Bazkideen adina?gazteak, helduak, umeak?andrazkoak ala gizonezkoak gehiago?J.P.: Bazkide nagusienak 65 bat urte daukaz eta lauzpa-bost gaztetxo daukaguz. Halan eta be, batazbestekoa 40 urte da. Andrei eta gizonei dagokionez, ostera, beharba-da, gizonezkoak apur bat gehiago izango gara.

E.: Badago mendian ibiltzeko zaletasunik Fruizen?Parte hartzen dozue inguruko herrietan egiten diren ibilbideetan?J.P.: Zaletasuna beti egon da herrian. Ganera, orain leku batzuetara joateko autobusak be ipintzen doguz, eta erreztasunak emon ezkero herritarrak arinago animat-zen dira. Horrez gain, urtean behin batzar bat egiten dogu eskualdeko beste mendizale taldeekin. Batzar ho-rretan, egutegiak adosten doguz eta danok batera alka-rregaz jai giroan ospatzeko egun bat ipintzen dogu.

E.: Mendi urteerataz gain, beste ekintzarikantolatzen dozue?J.P.: Uda sasoian, Urdaibaira joan izan gara inoiz kanoa-tan ibiltzera, eta elurretara joateako irteerak be antolatu izan doguz. Bestalde, Lapikoko egunean (Mungian) be urtero parte hartzen dogu eta Mungiako Jataondo elkar-teagaz batera be ekintza batzuk egin izan doguz, Uribe-

ALKARRIZKETEAKirkiñituk 10 urte

Juan Pedro Garai (Lehendakaria)


Butroiko Mendiko Ibilbide Luzea (GR-280) za-tika egiten, esate baterako.

E.: Badakigu Fruizko ermitak, iturriak eta auzoak ezagutzeko ibilbideak be anto-latzen dozuezela. Orduan beste helburu batzuk be badekozuez, ez?J.P.: Gure helburua, guregana etorten dan jen-deak lekuak (gure ingurua...) ezagutzea, men-dizaletasuna indartzea eta ondo pasatzea da. Picos de Europa (Ruta del Cares, …) edota Piri-nioetara be heldu gara (Hiru Erregeen Mahaia, Auñamendi… eta gustora gagoz helburu ho-rrek lortzeagaz.

E.: Kirkiñitu sortu zanean zenduezan hel-buruak bete dira? J.P.: Partehartzea gehitzea eta taldea zabaltzea gustatuko jakun, baina orokorrean helburuak bete dira eta oso gustora gagoz.

E.: 10 urte honetan zerbait azpimarratze-kotan ze izango litzake?J.P.: Epe luzera markatutako helburuak bete-tan joan gara: geure herria ezagutzera emotea eta geure herria ezagutzea. Taldeko kamisetak be egin genduzan, talde itxura izateko. Esku-doa be egin gendun. Bertan, Kirkiñitu men-dia, herriko eliza eta Fruizko Udaleko bande-ran azaltzen diran ikur baltzak sartu genduzan. Taldeko bandera be badaukagu, eta hau, igoten doguzan mendi danen puntan ataraten dogu, eta ostean, talde-argazki bat ataraten dogu beragaz. Ereserkia (himnoa) izatea be lortu dogu. Honakoa, autobusean joaten garenean be ipintzen dogu eta eguna girotzen dau.

E.: Eta 10 urte honetan bete barik geratu jatzuen ideiaren bat?J.P: Fruizko mugetatik ibilbidetxu bat egitea. Horreta-rako, ondo egongo litzake Fruizko ibilbide propioa izatea be, edo bidegorri bat Mungiara arte. Beste alde batetik, 3000ko egiteko gogoagaz be geratu gara, baina nahiko arriskutsua izan leike eta oraingoz ez dogu egin.

E.: Zelan ikusten dozue taldearen etorkizuna, beste hamar urte betetzeko prest?J.P.: Bai, baina beharbada, errelebo sasoia be bada. Ni ha-siera-hasieratik nago lehendakari moduan, eta gustora nago, baina beste mila saltsatan sartuta nago eta ez naz danera heltzen.

E.: Eta hamar urte honek ospatzeko ezer berezirik prestatu dozue?J.P.: Bai, 25 km-ko ibilbide berezi bat egin dogu. Fruizko elkarteen egunean be erakusketatxu bat egin gendun, 10 urte honetan egin doguzen ekintzen barri emoten.

Fruizko jaietan be, azoka egunean, stand bat ipini gure dogu.Irailaren 7an urteera berezia eta bazkideen arteko ba-zkaria egingo dogu.

E.: 10 urte honetako anekdotaren bat?Gure kamisetaren kolorea gorria, eta behin Bermeo-ra joan ginanean, kasualidadez estropada txapelketa zegoen, eta jendeak ea Kastroko zaleak ginen galdetu euskun. Guk Fruizko Kirkiñitu Mendizale Taldekoak gine-la esan geuntsen, baina harrezkero be joaten garenean batzuk adarra joten esaten deuskue: «hemen datoz Kas-trokoak».

Amaitzeko berba batzuk esan nahi izan dauz Juan Pedrok:Aukera hau aprobetxatuaz, eskerrak emon nahi deutsa-daz batzarretan egon diraneri eta gure ekintzetan parte hartu daben daneri, babesle izan dan Fruizko Udalari eta enpresa laguntzaileei, eta azkenik, ereserkia egin dauan Joxe Mendizabaleri.

Herritarrak animatu nahi dodaz antolatzen doguzan ekintzetan parte hartzera.

Animatu eta erdu geugaz!

AUPA KIRKIÑITU!!!


teknologia barriak euskaraz: blogak euskaraz

Azken urteotan, nor ez dabil sare sozialetan bete-betean sartuta? Interneten, erabiltzaile pasibo iza-tetik, aktibo izatera pasau gara: edozein konturi buruzko eritxia emoten dogu; geure konturik go-gokoenak besteei jakinarazten deutsegue; oporretako eta asteburuetako argazkiak igoten doguz; musika alkarbanatu…Sare sozial ugari badagoz be, oraingo honetan blogari emongo deutsagu garrantzia: batez be, eus-karaz idazteko balio dabezan blogak aitatuko doguz. Blog gehienak pertsonalak badira be (pertsona batek idatziak), badagoz blogak erabilten dabezan elkarte, enpresa eta erakundeak. Hau da, zeozer esateko daukon edonorek eduki leike blog bat: ba-rriak, eritxiak, poesia, artea, musika…zabaltzeko.Horregatik, zabaldu nahi dozun hori euskaraz hedatu daizun, interneten danon eskura dagozan pla-taforma interesgarri batzuk topauko dozuz hementxe bertan: Ezagunena, Blogariak ataria da: http://blogariak.net/Mundua izenagaz be badago beste bat: http://mundua.com/Blogak batzen dauazana: http://blogak.com/Mundu mailako wordpressek be interfacea euskaraz jarteko aukerea emoten dau.

Hortaz, esan behar dozun guztia esateko: esaizu ganoraz, esaizu euskeraz!

ZEIn AnIMALIA DAUDE EZKUTUAn? Aurki itzazu zazpi animalia, izenak ordenatuz.

1 - Di - a - Zal=

2 - Ría - Alia =

3 - Ker - ra - A =

4 - Ri - A - Zer

5 - La - Rra - Oi =

6 - Tu - a - Ka =

7 - Ze - Na - Ze =

EZETZ IGARRI!

Badakizu zer esan nahi daben honek berbak?

- Sorkixe edo mustretxie

- Armiñe

ERANTZUNAK:Sorkixe edo mustretxie = Sukaldeko trapu bustixeArmiñe = Sargori

11ARRIETA • FRUIZ • GAMIZ-FIKA • MEÑAKA euSkArA zerbItzuAERDU PRESSUda sasoia heldu barri da, eta, horregaz batera, oporrak eta eguraldi ona.1. Zein plan daukazue udarako?2. Zein dozue nahiago: ugerlekua, hondartza ala mendia?3. Ugerlekuan, uretara salto egiterakoan, ze teknika erabiltzen dozue: buruz,

bonbaz, tente...?4. Hondartzara edo ugerlekura, zein material eroaten dozue: koltxonetak,

uretako betaurrekoak...?eta mendira joaten bazarie, zer eroaten dozue?

JOn URIOnAGUEnA BILBAO, 4 URTE (ARRIETA)1. Arrietako udalekura joatea eta amuma eta lagunen etxera jolastera joatea. 2. Nik hondartza.3. Tente-tente botaten naz uretara.4. Hondartza goazenean uretako betaurrekoak, baldeak, palak eta gorroa eroaten doguz. Mendire

goazenean kapela eta bokata.

InTZA ARAnA GAZTAÑAZATORRE, 7 URTE (FRUIZ)1. Vilanova i Geltrura (Bartzelona) eta Bastidara (Araba) joatea, Fruizko jaietan egotea eta lagune-

kin asko jolastea. 2. Mendia.3. Bonbaz eta tente.4. Uretako betaurrekoak, bainu-jantzia eta pistinarako txapela, pistinara noanean. Mendira noa-

nean, ostera, mendiko zapatillak, motxila, bokata eta ura.

(GAMIZ-FIKA)1. Oporretan joan, hondartzara, igerilekura eta lagunekaz jolastu.2. Bakioko hondartzara olatuen azpitik pasetan.3. Bonbaz.4. Pistinan, betaurrekoak eta hondartzan, boogieagaz.

MAIALEn ABERASTURI ORBE, 8 URTE (MEÑAKA) 1. Uztailean goizez Meñakan antolatzen diren udalekuetan parte hartu, eta arratsaldean, eguraldi

ona egiten badau, pistinara. Abuztuan Meñakako jaietan ibili, eta bukatzen direnean, Huelvara oporretan.

2. Hondartzara nahiago dot.3. Bonbaz botaten gara ugerlekuan. 4. Hondartzara noanean tabla eroaten dot, eta ugerlekura noanean, txurroak. Mendira joaten naze-

nean, ura edateko, eta baloia.

UMEEN TXOKOA

DEnPORA-PASAKTOPATU DESBARDInTASUnAK

12 ARRIETA • FRUIZ • GAMIZ-FIKA • MEÑAKA euSkArA zerbItzuA ERDU PRESSARRIETA • FRUIZ • GAMIZ-FIKA • MEÑAKA euSkArA zerbItzuA ERDU PRESS

EUSKARA ZERBITZUAzure eSku

ARRIETA • FRUIZGAMIZ-FIKA • MEÑAKA

KANTA “AITORREN HIZKUNTZ ZAHARRA”

Aitorren hizkuntzzaharranahi degu zabaldu,munduaren aurreangizonki azaldu.Baldin gure zainetanodolik badegu,euskaldunak euskarazhitz egin behar degu.

Zein hizkuntza ederraeuskera guria,inun ez det aurkitzenbeste bat hobia.Usai goxondun hizkuntztxukun ta argia,biraorikan ez duanhizketa garbia.

Gora euskara maiteazoragarriena,euskaldunen arteanmaitagarriena.Munduan sortu zanikhizkuntzik zaharrena,gora ta gora euskaldunaketa gure euskara.

zenbAkI HonetAnpArte HArtu dAbe:

Asier LegarretaOlatz Axpe

Maria OlazarLuken LamikizIbon Aginaga

(Aurreko zenbakiko argazkia Arrietan ataratakoa da;Otsagaraikoatsedenlekua da)

Jai, jai, jai! Alperra beti alai

non dAgo AtArAtA ArgAzkI HAu?

Indio bat tabernan sartu da, eta esan dio tabernariari: “Zuk whisky gogorra eman, bestela indioak ez ordaindu”.

Gizonak whisky gogorra eman dio eta indioak esan dio: “Whisky hau ez da gogorra. Indioak ez ordaindu”.

Hurrengo egunean berdin gertatu zen eta, hirugarren egunean, indioa azaldu denean berriro esan dio: “Whisky gogorra eman, bestela indioak ez ordaindu”.

Tabernariak whiskyarekin batera bolbora hautsa bota dio.

Hurrengo egunean indioa sartu da esanez.

“Whisky arinagoa eman, izan ere, atzo indioak puzkerra bota eta zaldia hil”.

............................................................

Ikasturtea hasi denetik Patxiku Txiki berandu iritsi da egunero ikastolara. Irakasleak ezin du gehiago:

- Patxiku!!! Gaur ere berandu? Horrelakorik gertatzen den azken eguna! Ez dizut gehiago onartuko berandu iristea! Jakin al liteke zergatik ezin zaren ordurako iritsi?

- Nik ez dut kulparik, maisu! Errua ikastola aurreko biribilgunean dagoen errotuluarena da!

- Errotuluaren errua? Zein errotulu, ordea?

- Hortxe dagoen hori, maisu: “Eskola. Astiroago ibili”.

tXISteAk

abuztua dena festa, poltsari ongi...

Documents